ヴァールミーキのラーマーヤナ · サルガ 6.69
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
6.69.1
एवं विलपमानस्य रावणस्य दुरात्मनः।
श्रुत्वा शोकाभिभूतस्य त्रिशिरा वाक्यमब्रवीत् ॥ ६.६९.१ ॥
このように悲嘆に打ちひしがれて嘆く邪悪なラーヴァナの言葉を聞いて、トリシラーはこう言った。
6.69.2
एवमेव महावीर्यो हतो नस्तातमध्यमः।
न तु सत्पुरुषा राजन् विलपन्ति यथा भवान् ॥ ६.६९.२ ॥
我らの勇猛な中兄も、まさしくこのように殺された。だが王よ、善き人々はあなたのように嘆き悲しんだりはしない。
6.69.3
नूनं त्रिभुवनस्यापि पर्याप्तस्त्वमसि प्रभो।
स कस्मात् प्राकृत इव शोचस्यात्मानमीदृशम् ॥ ६.६९.३ ॥
主よ、あなたは確かに三界をも担えるお方です。それなのに、なぜ普通の人のように自分のためにこれほど嘆くのですか。
6.69.4
ब्रह्मदत्तास्ति ते शक्तिः कवचं सायको धनुः।
सहस्रखरसंयुक्तो रथो मेघसमस्वनः ॥ ६.६९.४ ॥
ブラフマーより授かった力、鎧、矢、弓があります。さらに千頭のロバに引かれ、雷雲のような音を立てる戦車もあります。
6.69.5
त्वयासकृद्धि शस्त्रेण विशस्ता देवदानवाः।
स सर्वायुधसम्पन्नो राघवं शास्तुमर्हसि ॥ ६.६९.५ ॥
あなたは武器で神々とダーナヴァたちを幾度も打ち倒してきました。あらゆる武器を備えたあなたこそ、ラーガヴァ（ラーマ）を討つにふさわしいのです。
6.69.6
कामं तिष्ठ महाराज निर्गमिष्याम्यहं रणे।
उद्धरिष्यामि ते शत्रून् गरुडः पन्नगानिव ॥ ६.६९.६ ॥
大王よ、どうかお留まりください。私は戦場へ出て、ガルダが蛇を引き抜くように、あなたの敵を根絶やしにしましょう。
6.69.7
शम्बरो देवराजेन नरको विष्णुना यथा।
तथाद्य शयिता रामो मया युधि निपातितः ॥ ६.६९.७ ॥
神々の王が商跋羅を、ヴィシュヌが那羅迦を討ったように、今日ラーマは私によって戦場で打ち倒され、横たわるであろう。
6.69.8
श्रुत्वा त्रिशिरसो वाक्यं रावणो राक्षसाधिपः।
पुनर्जातमिवात्मानं मन्यते कालचोदितः ॥ ६.६९.८ ॥
三頭の言葉を聞いて、羅刹王ラーヴァナは時に駆られ、自分がまるで生まれ変わったかのように思った。
6.69.9
श्रुत्वा त्रिशिरसो वाक्यं देवान्तकनरान्तकौ।
अतिकायश्च तेजस्वी बभूवुर्युद्धहर्षिताः ॥ ६.६९.९ ॥
三頭の言葉を聞いて、デーヴァーンタカ、ナラーンタカ、そして輝くアティカーヤは戦いに喜んだ。
6.69.10
ततोऽहमहमित्येवं गर्जन्तो नैर्ऋतर्षभाः।
रावणस्य सुता वीराः शक्रतुल्यपराक्रमाः ॥ ६.६९.१० ॥
そのとき、ラーヴァナの勇士たち、羅刹の中の雄牛、勇武はインドラに等しい者らが、「我だ、我だ」と吠えた。
6.69.11
अन्तरिक्षगताः सर्वे सर्वे मायाविशारदाः।
सर्वे त्रिदशदर्पघ्नाः सर्वे समरदुर्मदाः ॥ ६.६९.११ ॥
彼らは皆空中を行き、皆幻術に巧みで、皆神々の傲慢を砕き、皆戦いに酔いしれていた。
6.69.12
सर्वे सुबलसम्पन्नाः सर्वे विस्तीर्णकीर्तयः।
सर्वे समरमासाद्य न श्रूयन्ते स्म निर्जिताः ॥ ६.६९.१२ ॥
彼らは皆大きな力を備え、皆名声が広く知られていた。しかし戦場に至ると皆打ち負かされ、その後は消息が聞かれなくなった。
6.69.13
देवैरपि सगन्धर्वैः सकिंनरमहोरगैः।
सर्वेऽस्त्रविदुषो वीराः सर्वे युद्धविशारदाः।
सर्वे प्रवरविज्ञानाः सर्वे लब्धवरास्तथा ॥ ६.६९.१३ ॥
神々、ガンダルヴァ、キンナラ、大蛇たちによってさえ征服されえない者たち。皆武器に通じ、戦いに熟達し、優れた知識を持ち、皆が恩寵を得ていた。
6.69.14
स तैस्तथा भास्करतुल्यवर्चसैः
सुतैर्वृतः शत्रुबलश्रियार्दनैः।
रराज राजा मघवान् यथामरै-
र्वृतो महादानवदर्पनाशनैः ॥ ६.६९.१४ ॥
太陽に等しい輝きを持ち、敵の力と栄光を打ち砕く己が息子たちに囲まれたその王は、大アスラの傲慢を砕く神々に囲まれたインドラのように輝いた。
6.69.15
स पुत्रान् सम्परिष्वज्य भूषयित्वा च भूषणैः।
आशीर्भिश्च प्रशस्ताभिः प्रेषयामास वै रणे ॥ ६.६९.१५ ॥
息子たちを抱きしめ、装身具で飾り、吉兆の祝福を与えて戦いへと送り出した。
6.69.16
युद्धोन्मत्तं च मत्तं च भ्रातरौ चापि रावणः।
रक्षणार्थं कुमाराणां प्रेषयामास संयुगे ॥ ६.६९.१६ ॥
ラーヴァナはまた、二人の兄弟ユッダョンマッタとマッタを、王子たちを守るため戦いへと送った。
6.69.17
तेऽभिवाद्य महात्मानं रावणं लोकरावणम्।
कृत्वा प्रदक्षिणं चैव महाकायाः प्रतस्थिरे ॥ ६.६९.१७ ॥
世界を恐れさせる偉大な魂のラーヴァナに礼をし、右回りに巡ると、その巨大な身体の者たちは出発した。
6.69.18
सर्वौषधीभिर्गन्धैश्च समालभ्य महाबलाः।
निर्जग्मुर्नैर्ऋतश्रेष्ठाः षडेते युद्धकाङ्क्षिणः ॥ ६.६९.१८ ॥
あらゆる薬草と香料を身に塗った、その六人の偉大な力を持つ羅刹の最良者たちは、戦いを望んで出発した。
6.69.19
त्रिशिराश्चातिकायश्च देवान्तकनरान्तकौ।
महोदरमहापार्श्वौ निर्जग्मुः कालचोदिताः ॥ ६.६९.१९ ॥
三頭とアティカーヤ、デーヴァーンタカとナラーンタカ、マホーダラとマハーパールシュヴァは、時に駆られて出陣した。
6.69.20
ततः सुदर्शनं नागं नीलजीमूतसंनिभम्।
ऐरावतकुले जातमारुरोह महोदरः ॥ ६.६९.२० ॥
そこでマホーダラは、青い雨雲のようで、アイラーヴァタの血筋に生まれた象スダルシャナに乗った。
6.69.21
सर्वायुधसमायुक्तस्तूणीभिश्चाप्यलंकृतः।
रराज गजमास्थाय सवितेवास्तमूर्धनि ॥ ६.६९.२१ ॥
あらゆる武器を備え、矢筒で飾られた彼は、象に乗り、沈む山の頂の太陽のように輝いた。
6.69.22
हयोत्तमसमायुक्तं सर्वायुधसमाकुलम्।
आरुरोह रथश्रेष्ठं त्रिशिरा रावणात्मजः ॥ ६.६९.२२ ॥
ラーヴァナの息子トリシラスは、名馬をつなぎ、あらゆる武器を積んだ最上の戦車に乗った。
6.69.23
त्रिशिरा रथमास्थाय विरराज धनुर्धरः।
सविद्युदुल्कः सज्वालः सेन्द्रचाप इवाम्बुदः ॥ ६.६९.२३ ॥
弓を持つトリシラスは戦車に乗り、稲妻・流星・炎・虹を伴う雲のように輝いた。
6.69.24
त्रिभिः किरीटैस्त्रिशिराः शुशुभे स रथोत्तमे।
हिमवानिव शैलेन्द्रस्त्रिभिः काञ्चनपर्वतैः ॥ ६.६९.२४ ॥
三つの冠をいただき、トリシラスはその最上の戦車で輝いた。山の王ヒマーラヤが三つの黄金の峰で輝くように。
6.69.25
अतिकायोऽतितेजस्वी राक्षसेन्द्रसुतस्तदा।
आरुरोह रथश्रेष्ठं श्रेष्ठः सर्वधनुष्मताम् ॥ ६.६९.२५ ॥
極めて輝かしいアティカーヤは、羅刹王の息子として、そのとき最上の戦車に乗った。彼はすべての弓の使い手の中で最も優れていた。
6.69.26
सुचक्राक्षं सुसंयुक्तं स्वनुकर्षं सुकूबरम्।
तूणीबाणासनैर्दीप्तं प्रासासिपरिघाकुलम् ॥ ६.६९.२६ ॥
良い車輪と車軸を備え、よく繋がれ、良い手綱と良い轅を持ち、箙、矢、弓に輝き、槍、剣、棍棒に満ちていた。
6.69.27
स काञ्चनविचित्रेण किरीटेन विराजता।
भूषणैश्च बभौ मेरुः प्रभाभिरिव भासयन् ॥ ६.६९.२७ ॥
金で彩られた輝く冠と装身具をまとった彼は、自らの輝きで照らし出すかのように、メール山のように輝いた。
6.69.28
स रराज रथे तस्मिन् राजसूनुर्महाबलः।
वृतो नैर्ऋतशार्दूलैर्वज्रपाणिरिवामरैः ॥ ६.६९.२८ ॥
その戦車の上で、王子、大力の彼は、羅刹の虎たちに囲まれて輝いた。雷霆を手にしたインドラが神々に囲まれるように。
6.69.29
हयमुच्चैःश्रवःप्रख्यं श्वेतं कनकभूषणम्।
मनोजवं महाकायमारुरोह नरान्तकः ॥ ६.६९.२९ ॥
ナラーンタカは、ウッチャイヒシュラヴァスに似た白く金の飾りをつけた、思考のように速く巨大な体の馬に乗った。
6.69.30
गृहीत्वा प्रासमुल्काभं विरराज नरान्तकः।
शक्तिमादाय तेजस्वी गुहः शिखिगतो यथा ॥ ६.६९.३० ॥
松明のように輝く槍を取ったナラーンタカは、槍を執り孔雀に座す輝かしいグハのように輝いた。
6.69.31
देवान्तकः समादाय परिघं हेमभूषणम्।
परिगृह्य गिरिं दोर्भ्यां वपुर्विष्णोर्विडम्बयन् ॥ ६.६९.३१ ॥
デーヴァーンタカは黄金で飾られた鉄棒を取り、両腕で山の頂をつかみ、ヴィシュヌの身体をまねるかのように立った。
6.69.32
महापार्श्वो महातेजा गदामादाय वीर्यवान्।
विरराज गदापाणिः कुबेर इव संयुगे ॥ ६.६९.३२ ॥
大いなる輝きと勇猛さを持つマハーパールシヴァは棍棒を取った；手に棍棒を持ち、戦いでクベーラのように輝いた。
6.69.33
ते प्रतस्थुर्महात्मानोऽमरावत्याः सुरा इव।
तान् गजैश्च तुरङ्गैश्च रथैश्चाम्बुदनिःस्वनैः ॥ ६.६९.३३ ॥
その大いなる者たちは、アマラーヴァティーから出る神々のように進んだ；雲の轟きのような音の象、馬、戦車とともに。
6.69.34
अनूत्पेतुर्महात्मानो राक्षसाः प्रवरायुधाः।
ते विरेजुर्महात्मानः कुमाराः सूर्यवर्चसः ॥ ६.६९.३४ ॥
大いなる羅刹たちは優れた武器を携えて彼らに続いて立ち上がった；太陽のように輝くその大いなる若者たちは光り輝いた。
6.69.35
किरीटिनः श्रिया जुष्टा ग्रहा दीप्ता इवाम्बरे।
प्रगृहीता बभौ तेषां शस्त्राणामवलिः सिता ॥ ६.६९.३५ ॥
冠をいただき、輝きに満ちた彼らは、空に輝く惑星のようであった；掲げられた武器の白く連なる列もきらめいた。
6.69.36
शरदभ्रप्रतीकाशा हंसावलिरिवाम्बरे।
मरणं वापि निश्चित्य शत्रूणां वा पराजयम् ॥ ६.६९.३६ ॥
秋の雲のようで、空の白鳥の列のように；死か、あるいは敵の敗北かを決意して。
6.69.37
जगर्जुश्च प्रणेदुश्च चिक्षिपुश्चापि सायकान् ॥ ६.६९.३७ ॥
彼らは吠え、叫び、さらに矢を放った。
6.69.38
जगृहुश्च महात्मानो निर्यान्तो युद्धदुर्मदाः।
क्ष्वेडितास्फोटितानां वै संचचालेव मेदिनी ॥ ६.६९.३८ ॥
戦に猛り立った偉大な者たちは出て行き武器を取った。叫びと腕を打つ音に、大地も揺れ動くかのようだった。
6.69.39
रक्षसां सिंहनादैश्च संस्फोटितमिवाम्बरम्।
तेऽभिनिष्क्रम्य मुदिता राक्षसेन्द्रा महाबलाः ॥ ६.६९.३९ ॥
羅刹たちの獅子のような咆哮に、空が鳴り響くかのようだった。そこで、あの大力の羅刹の王たちは喜び勇んで出て来た。
6.69.40
ददृशुर्वानरानीकं समुद्यतशिलानगम्।
हरयोऽपि महात्मानो ददृशू राक्षसं बलम् ॥ ६.६९.४० ॥
彼らは岩や山を高く掲げたヴァーナラの軍勢を見た。偉大な猿たちもまた羅刹の軍勢を見た。
6.69.41
हस्त्यश्वरथसम्बाधं किङ्किणीशतनादितम्।
नीलजीमूतसंकाशं समुद्यतमहायुधम् ॥ ६.६९.४१ ॥
象と馬と戦車でひしめき、数百の鈴の音が響き、紺青の雷雲のようで、大きな武器を高く掲げていた。
6.69.42
दीप्तानलरविप्रख्यैर्नैर्ऋतैः सर्वतो वृतम्।
तद् दृष्ट्वा बलमायातं लब्धलक्षाः प्लवङ्गमाः ॥ ६.६९.४२ ॥
火と太陽のように輝くナイルタ（羅刹）たちに四方から囲まれて進んでくるその軍勢を見て、狙いを定めた猿たちは身構えた。
6.69.43
समुद्यतमहाशैलाः सम्प्रणेदुर्मुहुर्मुहुः।
अमृष्यमाणा रक्षांसि प्रतिनर्दन्त वानराः ॥ ६.६९.४३ ॥
大山を高く掲げた猿たちは何度も吠え立てた。耐えきれず、猿たちは羅刹たちに吠え返した。
6.69.44
ततः समुत्कृष्टरवं निशम्य
रक्षोगणा वानरयूथपानाम्।
अमृष्यमाणाः परहर्षमुग्रं
महाबला भीमतरं प्रणेदुः ॥ ६.६९.४४ ॥
猿の将たちの大声の咆哮を聞き、相手の激しい歓喜に耐えられず、大力の羅刹の群れはさらに恐ろしく吠え立てた。
6.69.45
ते राक्षसबलं घोरं प्रविश्य हरियूथपाः।
विचेरुरुद्यतैः शैलैर्नगाः शिखरिणो यथा ॥ ६.६९.४५ ॥
その恐ろしい羅刹の軍勢に突入した猿の将たちは、峰を持つ山のように、掲げた山々と共に駆け回った。
6.69.46
केचिदाकाशमाविश्य केचिदुर्व्यां प्लवङ्गमाः।
रक्षःसैन्येषु संक्रुद्धाः केचिद् द्रुमशिलायुधाः ॥ ६.६९.४६ ॥
ある猿は空へ跳び上がり、ある猿は地上に留まった。羅刹の軍勢の中で怒りに燃えた猿たちは、木や岩を武器とした。
6.69.47
द्रुमांश्च विपुलस्कन्धान् गृह्य वानरपुङ्गवाः।
तद् युद्धमभवद् घोरं रक्षोवानरसंकुलम् ॥ ६.६९.४७ ॥
太い幹の木々をつかんだ猿の英雄たちは戦った。羅刹と猿で満ちたその戦いは恐ろしいものとなった。
6.69.48
ते पादपशिलाशैलैश्चक्रुर्वृष्टिमनूपमाम्।
बाणौघैर्वार्यमाणाश्च हरयो भीमविक्रमाः ॥ ६.६९.४८ ॥
彼らは木々と岩と山々の比類なき雨を降らせた。矢の奔流に阻まれても、恐るべき勇猛の猿たちは退かなかった。
6.69.49
सिंहनादान् विनेदुश्च रणे राक्षसवानराः।
शिलाभिश्चूर्णयामासुर्यातुधानान् प्लवङ्गमाः ॥ ६.६९.४९ ॥
戦場で羅刹と猿たちは獅子のような咆哮をあげ、跳躍する猿たちは石で夜叉たちを粉々に砕いた。
6.69.50
निर्जघ्नुः संयुगे क्रुद्धाः कवचाभरणावृतान्।
केचिद् रथगतान् वीरान् गजवाजिगतानपि ॥ ६.६९.५० ॥
怒った猿たちは戦いで、甲冑と装飾に覆われた勇士たちを倒した。戦車に乗る者も、象や馬に乗る者も。
6.69.51
निर्जघ्नुः सहसाऽऽप्लुत्य यातुधानान् प्लवङ्गमाः।
शैलशृङ्गान्विताङ्गास्ते मुष्टिभिर्वान्तलोचनाः ॥ ६.६९.५१ ॥
猿たちは突然跳びかかって夜叉たちを殺した。その身体には山の頂をのせ、拳で打ち、目は吊り上がっていた。
6.69.52
चेलुः पेतुश्च नेदुश्च तत्र राक्षसपुङ्गवाः।
राक्षसाश्च शरैस्तीक्ष्णैर्बिभिदुः कपिकुञ्जरान् ॥ ६.६९.५२ ॥
そこで羅刹の勇士たちは身もだえし、倒れ、吠えた。羅刹たちは鋭い矢で象のような猿の勇士たちを射抜いた。
6.69.53
शूलमुद्गरखड्गैश्च जघ्नुः प्रासैश्च शक्तिभिः।
अन्योन्यं पातयामासुः परस्परजयैषिणः ॥ ६.६९.५३ ॥
戟、棍棒、剣、槍、投槍で打ち合い、互いに勝利を求めて、相手を倒し合った。
6.69.54
रिपुशोणितदिग्धाङ्गास्तत्र वानरराक्षसाः।
ततः शैलैश्च खड्गैश्च विसृष्टैर्हरिराक्षसैः ॥ ६.६९.५४ ॥
そこには、敵の血にまみれた身体の猿と羅刹がいた。その後、猿と羅刹が投げる山石と剣で戦いは続いた。
6.69.55
मुहूर्तेनावृता भूमिरभवच्छोणितोक्षिता।
विकीर्णैः पर्वताकारै रक्षोभिरभिमर्दितैः।
आसीद् वसुमती पूर्णा तदा युद्धमदान्वितैः ॥ ६.६९.५५ ॥
一瞬のうちに大地は血に覆われ濡れた。戦いの酔いに満ちた、山のような姿のラークシャサたちが散らばり押しつぶされて、そのとき大地は満ちた。
6.69.56
आक्षिप्ताः क्षिप्यमाणाश्च भग्नशैलाश्च वानराः।
पुनरङ्गैस्तदा चक्रुरासन्ना युद्धमद्भुतम् ॥ ६.६९.५६ ॥
投げられた者も投げる者も、山頂を折られた猿の軍勢は再び近づき、そのとき己の四肢で驚くべき戦いを繰り広げた。
6.69.57
वानरान् वानरैरेव जघ्नुस्ते नैर्ऋतर्षभाः।
राक्षसान् राक्षसैरेव जघ्नुस्ते वानरा अपि ॥ ६.६९.५७ ॥
ラークシャサの中の雄牛たちは猿を猿で打ち倒し、猿たちもまたラークシャサをラークシャサで打ち倒した。
6.69.58
आक्षिप्य च शिलाः शैलाञ्जघ्नुस्ते राक्षसास्तदा।
तेषां चाच्छिद्य शस्त्राणि जघ्नू रक्षांसि वानराः ॥ ६.६९.५८ ॥
ラークシャサたちは岩と山を投げつけて打ちかかった。猿たちは彼らの武器を断ち切り、ラークシャサを打ち倒した。
6.69.59
निर्जघ्नुः शैलशृङ्गैश्च बिभिदुश्च परस्परम्।
सिंहनादान् विनेदुश्च रणे राक्षसवानराः ॥ ६.६९.५९ ॥
山の頂で打ち倒し、互いを刺し貫いた。戦場では、ラークシャサと猿たちが獅子の咆哮をあげた。
6.69.60
छिन्नवर्मतनुत्राणा राक्षसा वानरैर्हताः।
रुधिरं प्रसृतास्तत्र रससारमिव द्रुमाः ॥ ६.६९.६० ॥
鎧と身を守る防具を断ち切られたラークシャサたちは猿に討たれた。そこで血を流して倒れ、樹木が精髄の樹液を滲ませるように。
6.69.61
रथेन च रथं चापि वारणेनापि वारणम्।
हयेन च हयं केचिन्निर्जघ्नुर्वानरा रणे ॥ ६.६९.६१ ॥
戦いでは、ある猿たちが戦車で戦車を、象で象を、馬で馬を打ち倒した。
6.69.62
क्षुरप्रैरर्धचन्द्रैश्च भल्लैश्च निशितैः शरैः।
राक्षसा वानरेन्द्राणां बिभिदुः पादपान् शिलाः ॥ ६.६९.६२ ॥
羅刹たちは、クシュラプラ、アルダチャンドラ、バッラの矢などの鋭い矢で猿の王たちの木々や岩を砕いた。
6.69.63
विकीर्णाः पर्वतास्तैश्च द्रुमच्छिन्नैश्च संयुगे।
हतैश्च कपिरक्षोभिर्दुर्गमा वसुधाभवत् ॥ ६.६९.६३ ॥
戦いの中で彼らは山々を散らし、木々を切り倒した。猿と羅刹の死体で大地は通れなくなった。
6.69.64
ते वानरा गर्वितहृष्टचेष्टाः
संग्राममासाद्य भयं विमुच्य।
युद्धं स्म सर्वे सह राक्षसैस्ते
नानायुधाश्चक्रुरदीनसत्त्वाः ॥ ६.६९.६४ ॥
誇りと奮い立つ心に満ちた猿たちは戦場に至り、恐れを捨て、さまざまな武器を持って、怯まぬ心で羅刹たちと戦った。
6.69.65
तस्मिन् प्रवृत्ते तुमुले विमर्दे
प्रहृष्यमाणेषु वलीमुखेषु।
निपात्यमानेषु च राक्षसेषु
महर्षयो देवगणाश्च नेदुः ॥ ६.६९.६५ ॥
その恐ろしく激しい乱戦が始まり、猿たちが歓喜し、羅刹たちが倒されていくとき、大聖者たちと神々の群れが声を上げた。
6.69.66
ततो हयं मारुततुल्यवेग-
मारुह्य शक्तिं निशितां प्रगृह्य।
नरान्तको वानरसैन्यमुग्रं
महार्णवं मीन इवाविवेश ॥ ६.६९.६६ ॥
そこでナラーンタカは風のように速い馬に跨り、鋭い槍を手に取って、荒れ狂う猿の軍勢へと、大海に魚が入るように突入した。
6.69.67
स वानरान् सप्त शतानि वीरः
प्रासेन दीप्तेन विनिर्बिभेद।
एकः क्षणेनेन्द्ररिपुर्महात्मा
जघान सैन्यं हरिपुङ्गवानाम् ॥ ६.६९.६७ ॥
その勇士は一人で瞬く間に、燃える槍で七百の猿を刺し貫いた。インドラの敵であるその大いなる魂は、勇猛な猿の軍勢を殲滅した。
6.69.68
ददृशुश्च महात्मानं हयपृष्ठप्रतिष्ठितम्।
चरन्तं हरिसैन्येषु विद्याधरमहर्षयः ॥ ६.६९.६८ ॥
ヴィディヤーダラたちと大仙人たちは、馬の背に立ち、猿の軍勢の間を動き回るその大いなる魂を見た。
6.69.69
स तस्य ददृशे मार्गो मांसशोणितकर्दमः।
पतितैः पर्वताकारैर्वानरैरभिसंवृतः ॥ ६.६९.६९ ॥
彼の道は肉と血の泥濘と見え、山のように倒れた猿たちに囲まれていた。
6.69.70
यावद् विक्रमितुं बुद्धिं चक्रुः प्लवगपुङ्गवाः।
तावदेतानतिक्रम्य निर्बिभेद नरान्तकः ॥ ६.६९.७० ॥
跳躍する猿の勇者たちが攻撃しようと決めたその時、ナラーンタカは彼らを飛び越えて貫いた。
6.69.71
ज्वलन्तं प्रासमुद्यम्य संग्रामाग्रे नरान्तकः।
ददाह हरिसैन्यानि वनानीव विभावसुः ॥ ६.६९.७१ ॥
戦場の最前線で燃える槍を振りかざし、ナラーンタカは森を焼く火のように猿の軍勢を焼き尽くした。
6.69.72
यावदुत्पाटयामासुर्वृक्षान् शैलान् वनौकसः।
तावत् प्रासहताः पेतुर्वज्रकृत्ता इवाचलाः ॥ ६.६९.७२ ॥
森に住む猿たちが木や岩を引き抜こうとしたその時、槍に打たれた者たちは雷に裂かれた山のように倒れた。
6.69.73
दिक्षु सर्वासु बलवान् विचचार नरान्तकः।
प्रमृद्नन् सर्वतो युद्धे प्रावृट्काले यथानिलः ॥ ६.६९.७३ ॥
力強いナラーンタカは四方を駆け巡り、戦場のあらゆる所で敵を砕いた。雨季の風のように。
6.69.74
न शेकुर्धावितुं वीरा न स्थातुं स्पन्दितुं भयात्।
उत्पतन्तं स्थितं यान्तं सर्वान् विव्याध वीर्यवान् ॥ ६.६९.७४ ॥
恐怖のために勇士たちは走ることも、立つことも、動くこともできなかった。跳びかかる者、立つ者、去る者すべてを、その勇者が貫いた。
6.69.75
एकेनान्तककल्पेन प्रासेनादित्यतेजसा।
भग्नानि हरिसैन्यानि निपेतुर्धरणीतले ॥ ६.६९.७५ ॥
死神そのもののような、太陽の輝きをもつ一本の槍によって、猿の軍勢は砕かれ、地に倒れた。
6.69.76
वज्रनिष्पेषसदृशं प्रासस्याभिनिपातनम्।
न शेकुर्वानराः सोढुं ते विनेदुर्महास्वनम् ॥ ६.६९.७६ ॥
雷電の衝突のような槍の一撃に、猿たちは耐えられず、大きな叫びを上げた。
6.69.77
पततां हरिवीराणां रूपाणि प्रचकाशिरे।
वज्रभिन्नाग्रकूटानां शैलानां पततामिव ॥ ६.६९.७७ ॥
倒れていく猿の英雄たちの姿は、雷に頂を砕かれて崩れ落ちる山々のように見えた。
6.69.78
ये तु पूर्वं महात्मानः कुम्भकर्णेन पातिताः।
ते स्वस्था वानरश्रेष्ठाः सुग्रीवमुपतस्थिरे ॥ ६.६९.७८ ॥
以前クンバカルナに打ち倒された偉大な猿の長たちは、正気を取り戻してスグリーヴァのもとに参じた。
6.69.79
प्रेक्षमाणः स सुग्रीवो ददृशे हरिवाहिनीम्।
नरान्तकभयत्रस्तां विद्रवन्तीं यतस्ततः ॥ ६.६९.७९ ॥
見回したスグリーヴァは、ナラーンタカへの恐怖に怯えて、あちこちへ逃げまどう猿の軍勢を見た。
6.69.80
विद्रुतां वाहिनीं दृष्ट्वा स ददर्श नरान्तकम्।
गृहीतप्रासमायान्तं हयपृष्ठप्रतिष्ठितम् ॥ ६.६९.८० ॥
逃げる軍勢を見て、槍を手に馬の背に立って近づいてくるナラーンタカを見た。
6.69.81
दृष्ट्वोवाच महातेजाः सुग्रीवो वानराधिपः।
कुमारमङ्गदं वीरं शक्रतुल्यपराक्रमम् ॥ ६.६९.८१ ॥
これを見て、大いなる威光を持つ猿王スグリーヴァは、インドラに等しい武勇の英雄である王子アンガダに言った。
6.69.82
गच्छैनं राक्षसं वीरं योऽसौ तुरगमास्थितः।
क्षोभयन्तं हरिबलं क्षिप्रं प्राणैर्वियोजय ॥ ६.६९.८२ ॥
馬に乗って猿の軍勢を混乱させているあの勇敢なラークシャサのもとへ行き、速やかに彼の命を奪え。
6.69.83
स भर्तुर्वचनं श्रुत्वा निष्पपाताङ्गदस्तदा।
अनीकान्मेघसंकाशादंशुमानिव वीर्यवान् ॥ ६.६९.८३ ॥
主君の命を聞いて、アンガダは雲のような軍勢から、雲間から現れる輝く太陽のように勇んで躍り出た。
6.69.84
शैलसंघातसंकाशो हरीणामुत्तमोऽङ्गदः।
रराजाङ्गदसंनद्धः सधातुरिव पर्वतः ॥ ६.६९.८४ ॥
山々の連なりのように高大な、猿の中で最も優れたアンガダは、腕輪を身に着けて、鉱脈を抱く山のように輝いた。
6.69.85
निरायुधो महातेजाः केवलं नखदंष्ट्रवान्।
नरान्तकमभिक्रम्य वालिपुत्रोऽब्रवीद् वचः ॥ ६.६९.८५ ॥
武器を持たず、爪と牙だけをもつ偉大な光輝のヴァーリの子アンガダは、ナラーンタカに近づいてこう言った。
6.69.86
तिष्ठ किं प्राकृतैरेभिर्हरिभिस्त्वं करिष्यसि।
अस्मिन् वज्रसमस्पर्शं प्रासं क्षिप्र ममोरसि ॥ ६.६९.८६ ॥
待て！こんな普通の猿どもで何をするつもりだ。雷のような触感のこの槍を、早く私の胸に投げつけよ。
6.69.87
अङ्गदस्य वचः श्रुत्वा प्रचुक्रोध नरान्तकः।
संदश्य दशनैरोष्ठं निःश्वस्य च भुजंगवत्।
अभिगम्याङ्गदं क्रुद्धो वालिपुत्रं नरान्तकः ॥ ६.६९.८७ ॥
アンガダの言葉を聞いたナラーンタカは激怒した。歯で唇を噛み、蛇のように息を吐き、怒り狂ったナラーンタカはヴァーリの子アンガダに近づいた。
6.69.88
स प्रासमाविध्य तदाङ्गदाय
समुज्ज्वलन्तं सहसोत्ससर्ज।
स वालिपुत्रोरसि वज्रकल्पे
बभूव भग्नो न्यपतच्च भूमौ ॥ ६.६९.८८ ॥
彼は槍を振り回し、たちまち燃え立つそれをアンガダめがけて投げつけた。槍はヴァーリの子の雷のような胸に当たって砕け、地に落ちた。
6.69.89
तं प्रासमालोक्य तदा विभग्नं
सुपर्णकृत्तोरगभोगकल्पम्।
तलं समुद्यम्य स वालिपुत्र-
स्तुरंगमस्याभिजघान मूर्ध्नि ॥ ६.६९.८९ ॥
ガルダに断たれた蛇の胴のように砕けた槍を見て、ヴァーリの子は掌を振り上げ、馬面の羅刹の頭を打った。
6.69.90
निमग्नपादः स्फुटिताक्षितारो
निष्क्रान्तजिह्वोऽचलसंनिकाशः।
स तस्य वाजी निपपात भूमौ
तलप्रहारेण विकीर्णमूर्धा ॥ ६.६९.९० ॥
両足は地にめり込み、眼球は裂け、舌は突き出て、山のような馬は掌の一撃で頭を砕かれ地に倒れた。
6.69.91
नरान्तकः क्रोधवशं जगाम
हतं तुरंगं पतितं समीक्ष्य।
स मुष्टिमुद्यम्य महाप्रभावो
जघान शीर्षे युधि वालिपुत्रम् ॥ ६.६९.९१ ॥
馬が殺されて倒れているのを見て、ナラーンタカは怒りに支配された。その大いなる威力の者は拳を振り上げ、戦いでヴァーリーの息子の頭を打った。
6.69.92
अथाङ्गदो मुष्टिविशीर्णमूर्धा
सुस्राव तीव्रं रुधिरं भृशोष्णम्।
मुहुर्विजज्वाल मुमोह चापि
संज्ञां समासाद्य विसिस्मिये च ॥ ६.६९.९२ ॥
そのとき拳に打ち砕かれた頭から、アンガダは激しく熱い血を噴き出した。彼は幾度も燃えるように苦しみ、また気を失い、意識を取り戻して驚いた。
6.69.93
अथाङ्गदो मृत्युसमानवेगं
संवर्त्य मुष्टिं गिरिशृङ्गकल्पम्।
निपातयामास तदा महात्मा
नरान्तकस्योरसि वालिपुत्रः ॥ ६.६९.९३ ॥
そのとき、死のごとき速さを持つ大いなる魂のヴァーリーの息子アンガダは、山の頂のような拳を握りしめ、ナラーンタカの胸に打ち下ろした。
6.69.94
स मुष्टिनिर्भिन्ननिमग्नवक्षा
ज्वाला वमन् शोणितदिग्धगात्रः।
नरान्तको भूमितले पपात
यथाचलो वज्रनिपातभग्नः ॥ ६.६९.९४ ॥
拳に胸を貫かれ陥没し、炎を吐き、血にまみれた体のナラーンタカは、雷electrolyteの一撃で砕かれた山のように地に倒れた。
6.69.95
तदान्तरिक्षे त्रिदशोत्तमानां
वनौकसां चैव महाप्रणादः।
बभूव तस्मिन् निहतेऽग्र्यवीर्ये
नरान्तके वालिसुतेन संख्ये ॥ ६.६९.९५ ॥
そのとき天上では、神々の至高者と森の住人たちが大いなる歓声を上げた。戦いにおいてヴァーリンの息子が、最も勇猛な英雄ナラーンタカを討ち取ったのである。
6.69.96
अथाङ्गदो राममनःप्रहर्षणं
सुदुष्करं तं कृतवान् हि विक्रमम्।
विसिस्मिये सोऽप्यथ भीमकर्मा
पुनश्च युद्धे स बभूव हर्षितः ॥ ६.६९.९६ ॥
そこでアンガダは、ラーマの心を喜ばせる極めて困難な武勇を成し遂げた。恐ろしい行いをする敵将もまた驚嘆し、その後また戦いの中で喜び奮い立った。