ヴァールミーキのラーマーヤナ · サルガ 6.74
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
6.74.1
तयोस्तदासादितयो रणाग्रे
मुमोह सैन्यं हरियूथपानाम्।
सुग्रीवनीलाङ्गदजाम्बवन्तो
न चापि किंचित् प्रतिपेदिरे ते ॥ ६.७४.१ ॥
戦場の前線で二人が打ち倒されると、猿の主将たちの軍は茫然とし、スグリーヴァ、ニーラ、アンガダ、ジャーンバヴァーンは何一つ悟ることができなかった。
6.74.2
ततो विषण्णं समवेक्ष्य सर्वं
विभीषणो बुद्धिमतां वरिष्ठः।
उवाच शाखामृगराजवीरा-
नाश्वासयन्नप्रतिमैर्वचोभिः ॥ ६.७४.२ ॥
皆が気落ちしているのを見て、賢者の中で最も優れたヴィビーシャナは、比類のない言葉で猿王の勇士たちを慰めながら言った。
6.74.3
मा भैष्ट नास्त्यत्र विषादकालो
यदार्यपुत्रौ ह्यवशौ विषण्णौ।
स्वयंभुवो वाक्यमथोद्वहन्तौ
यत्सादिताविन्द्रजितास्त्रजालैः ॥ ६.७४.३ ॥
恐れるな、今は絶望の時ではない。二人の高貴な王子は確かに無力となって打ち倒されたが、それは自存者(ブラフマー)の言葉を担ったがゆえに、インドラジットの武器の網に打たれたのである。
6.74.4
तस्मै तु दत्तं परमास्त्रमेतत्
स्वयंभुवा ब्राह्मममोघवीर्यम्।
तन्मानयन्तौ युधि राजपुत्रौ
निपातितौ कोऽत्र विषादकालः ॥ ६.७४.४ ॥
自存者(ブラフマー)は彼らにこの至高の武器、梵天の矢を与えた。その威力は決して空しくならない。それを尊重して、二人の王子は戦で打ち倒された。ここにどうして絶望する時があろうか。
6.74.5
ब्राह्ममस्त्रं ततो धीमान् मानयित्वा तु मारुतिः।
विभीषणवचः श्रुत्वा हनूमानिदमब्रवीत् ॥ ६.७४.५ ॥
そこで賢明なマールティ(ハヌマーン)は梵天の矢を敬い、ヴィビーシャナの言葉を聞いて、このように言った。
6.74.6
अस्मिन्नस्त्रहते सैन्ये वानराणां तरस्विनाम्।
यो यो धारयते प्राणांस्तं तमाश्वासयावहे ॥ ६.७४.६ ॥
この武器に倒れた猿の軍勢のうち、まだ命を保っている勇猛な者たち一人一人を、我々二人で慰めよう。
6.74.7
तावुभौ युगपद् वीरौ हनूमद्राक्षसोत्तमौ।
उल्काहस्तौ तदा रात्रौ रणशीर्षे विचेरतुः ॥ ६.७४.७ ॥
そのとき、ハヌマーンと羅刹の中の最も優れた者ヴィビーシャナという二人の英雄は、手に松明を持ち、夜の戦場の最前線を共に歩き回った。
6.74.8
भिन्नलाङ्गूलहस्तोरुपादाङ्गुलिशिरोधरैः।
स्रवद्भिः क्षतजं गात्रैः प्रस्रवद्भिः समन्ततः ॥ ६.७४.८ ॥
尾も手も腿も足も指も首も断ち切られ、身体から四方へ血が流れ出ていた。
6.74.9
पतितैः पर्वताकारैर्वानरैरभिसंवृताम्।
शस्त्रैश्च पतितैर्दीप्तैर्ददृशाते वसुंधराम् ॥ ६.७४.९ ॥
二人は、山のような猿たちが倒れ、輝く武器が散らばって大地を覆っているのを見た。
6.74.10
सुग्रीवमङ्गदं नीलं शरभं गन्धमादनम्।
जाम्बवन्तं सुषेणं च वेगदर्शिनमेव च ॥ ६.७४.१० ॥
スグリーヴァ、アンガダ、ニーラ、シャラバ、ガンダマーダナ、ジャーンバヴァーン、スシェーナ、そしてヴェーガダルシンも、彼らは見た。
6.74.11
मैन्दं नलं ज्योतिर्मुखं द्विविदं चापि वानरम्।
विभीषणो हनूमांश्च ददृशाते हतान् रणे ॥ ६.७४.११ ॥
マインダ、ナラ、ジョーティルムカ、そして猿のドヴィヴィダ——ヴィビーシャナとハヌマーンは、彼らが戦場で討たれているのを見た。
6.74.12
सप्तषष्टिर्हताः कोट्यो वानराणां तरस्विनाम्।
अह्नः पञ्चमशेषेण वल्लभेन स्वयंभुवः ॥ ६.७४.१२ ॥
スヴァヤンブー（梵天）の愛する日の五分の一が残るころ、俊敏なヴァーナラのうち六十七コーティが殺された。
6.74.13
सागरौघनिभं भीमं दृष्ट्वा बाणार्दितं बलम्।
मार्गते जाम्बवन्तं च हनूमान् सविभीषणः ॥ ६.७४.१३ ॥
海の奔流のように恐ろしく、矢に苦しめられた軍勢を見て、ハヌマーンはヴィビーシャナとともにジャーンバヴァーンを探した。
6.74.14
स्वभावजरया युक्तं वृद्धं शरशतैश्चितम्।
प्रजापतिसुतं वीरं शाम्यन्तमिव पावकम् ॥ ६.७४.१४ ॥
自然の老いを帯び、百本の矢に覆われた、プラジャーパティの子であるその英雄を、彼らは静まりゆく火のように見た。
6.74.15
दृष्ट्वा समभिसंक्रम्य पौलस्त्यो वाक्यमब्रवीत्।
कच्चिदार्य शरैस्तीक्ष्णैर्न प्राणा ध्वंसितास्तव ॥ ६.७४.१५ ॥
彼を見て近づいたパウラスティヤ（ヴィビーシャナ）は言った。「尊き方よ、鋭い矢によって御身の命は損なわれてはいませんか。」
6.74.16
विभीषणवचः श्रुत्वा जाम्बवानृक्षपुङ्गवः।
कृच्छ्रादभ्युद्गिरन् वाक्यमिदं वचनमब्रवीत् ॥ ६.७४.१६ ॥
ヴィビーシャナの言葉を聞き、熊の中の最良者ジャーンバヴァーンは、苦しみながらこの言葉を発した。
6.74.17
नैर्ऋतेन्द्र महावीर्य स्वरेण त्वाभिलक्षये।
विद्धगात्रः शितैर्बाणैर्न त्वां पश्यामि चक्षुषा ॥ ६.७४.१७ ॥
ナイルタの王よ、大いなる勇者よ、私は御身の声で御身を認める。鋭い矢に身を貫かれているので、目で御身を見ることはできない。
6.74.18
अञ्जना सुप्रजा येन मातरिश्वा च सुव्रत।
हनूमान् वानरश्रेष्ठः प्राणान् धारयते क्वचित् ॥ ६.७४.१८ ॥
善き誓いを守る者よ、アンジャナーの子にして風神マータリシュヴァンを父とする猿の最勝者ハヌマーンは、今もどこかで命を保っているのだろうか。
6.74.19
श्रुत्वा जाम्बवतो वाक्यमुवाचेदं विभीषणः।
आर्यपुत्रावतिक्रम्य कस्मात् पृच्छसि मारुतिम् ॥ ६.७४.१९ ॥
ジャーンバヴァーンの言葉を聞いて、ヴィビーシャナはこう言った。「二人の高貴な王子を差し置いて、なぜ風の子について尋ねるのか。」
6.74.20
नैव राजनि सुग्रीवे नाङ्गदे नापि राघवे।
आर्य संदर्शितः स्नेहो यथा वायुसुते परः ॥ ६.७४.२० ॥
尊き方よ、スグリーヴァ王に対しても、アンガダに対しても、ラーガヴァに対しても、風の子に示されたほどの至上の情愛は示されてはいません。
6.74.21
विभीषणवचः श्रुत्वा जाम्बवान् वाक्यमब्रवीत्।
शृणु नैर्ऋतशार्दूल यस्मात् पृच्छामि मारुतिम् ॥ ६.७४.२१ ॥
ヴィビーシャナの言葉を聞いて、ジャーンバヴァーンは言った。「聞け、羅刹の中の虎よ。だからこそ私は風の子について尋ねるのだ。」
6.74.22
अस्मिञ्जीवति वीरे तु हतमप्यहतं बलम्।
हनूमत्युज्झितप्राणे जीवन्तोऽपि मृता वयम् ॥ ६.७४.२२ ॥
この英雄が生きている限り、討たれた軍勢でさえ討たれていないのと同じだ。しかしハヌマーンが命の息を失えば、生きていても我々は死んだも同然だ。
6.74.23
धरते मारुतिस्तात मारुतप्रतिमो यदि।
वैश्वानरसमो वीर्ये जीविताशा ततो भवेत् ॥ ६.७४.२३ ॥
親しき者よ、風のように速く勇気において火に等しいマールティ（ハヌマーン）が生きているなら、我々の命にも希望が生まれるであろう。
6.74.24
ततो वृद्धमुपागम्य विनयेनाभ्यवादयत्।
गृह्य जाम्बवतः पादौ हनूमान् मारुतात्मजः ॥ ६.७४.२४ ॥
そこで風の子ハヌマーンは年長のジャーンバヴァーンに近づき、謙虚に彼の足を取って礼拝した。
6.74.25
श्रुत्वा हनूमतो वाक्यं तदा विव्यथितेन्द्रियः।
पुनर्जातमिवात्मानं मन्यते स्मर्क्षपुङ्गवः ॥ ६.७४.२५ ॥
ハヌマーンの言葉を聞いた熊の長ジャーンバヴァーンは心を揺さぶられ、まるで再び生まれたかのように感じた。
6.74.26
ततोऽब्रवीन्महातेजा हनूमन्तं स जाम्बवान्।
आगच्छ हरिशार्दूल वानरांस्त्रातुमर्हसि ॥ ६.७४.२६ ॥
するとマハーテージャスのジャーンバヴァーンはハヌマーンに言った。「来い、猿の中の虎よ。お前は猿たちを救わねばならない。」
6.74.27
नान्यो विक्रमपर्याप्तस्त्वमेषां परमः सखा।
त्वत्पराक्रमकालोऽयं नान्यं पश्यामि कञ्चन ॥ ६.७४.२७ ॥
彼らの中には、お前ほどの武勇を備えた者はいない。お前こそ彼らの最良の友だ。今こそお前の武勇の時だ。私には他に誰も見えない。
6.74.28
ऋक्षवानरवीराणामनीकानि प्रहर्षय।
विशल्यौ कुरु चाप्येतौ सादितौ रामलक्ष्मणौ ॥ ६.७४.२८ ॥
熊と猿の勇士たちの軍勢を喜ばせ、倒れたラーマとラクシュマナの矢を抜いてやれ。
6.74.29
गत्वा परममध्वानमुपर्युपरि सागरम्।
हिमवन्तं नगश्रेष्ठं हनूमन् गन्तुमर्हसि ॥ ६.७४.२९ ॥
ハヌマーンよ、お前は遠大な道のりを、海の上を高く飛び越えて、山々の中で最も優れたヒマーラヤへ行かねばならない。
6.74.30
ततः काञ्चनमत्युच्चमृषभं पर्वतोत्तमम्।
कैलासशिखरं चात्र द्रक्ष्यस्यरिनिषूदन ॥ ६.७४.३० ॥
そのとき、黄金色の非常に高い、山々の中で最も優れたṛṣabhaという山を、そしてここでカイラーサの頂も見るだろう、敵を滅ぼす者よ。
6.74.31
तयोः शिखरयोर्मध्ये प्रदीप्तमतुलप्रभम्।
सर्वौषधियुतं वीर द्रक्ष्यस्योषधिपर्वतम् ॥ ६.७४.३१ ॥
その二つの峰の間に、比べようのない輝きで燃え立つ、あらゆる薬草を備えた薬草の山が見えるだろう、勇士よ。
6.74.32
तस्य वानरशार्दूल चतस्रो मूर्ध्नि सम्भवाः।
द्रक्ष्यस्योषधयो दीप्ता दीपयन्तीर्दिशो दश ॥ ६.७४.३२ ॥
猿の中の虎よ、その頂には、十方を照らす輝く四つの薬草が生えているのを見るだろう。
6.74.33
मृतसञ्जीवनीं चैव विशल्यकरणीमपि।
सुवर्णकरणीं चैव संधानीं च महौषधीम् ॥ ६.७४.३३ ॥
死者を蘇らせるミタサンジーヴァニー、矢を抜くヴィシャリャカラニー、黄金を生むスヴァルナカラニー、そして大薬草サンダーニーも。
6.74.34
ताः सर्वा हनुमन् गृह्य क्षिप्रमागन्तुमर्हसि।
आश्वासय हरीन् प्राणैर्योज्य गन्धवहात्मज ॥ ६.७४.३४ ॥
ハヌマーンよ、それらをすべて持って速やかに戻るべきだ。風の子よ、猿たちに命を取り戻させ、慰めよ。
6.74.35
श्रुत्वा जाम्बवतो वाक्यं हनूमान् मारुतात्मजः।
आपूर्यत बलोद्धर्षैर्वायुवेगैरिवार्णवः ॥ ६.७४.३५ ॥
ジャーンバヴァーンの言葉を聞いて、風の子ハヌマーンは、風の勢いで海が満ちるように、力の高まりに満たされた。
6.74.36
स पर्वततटाग्रस्थः पीडयन् पर्वतोत्तमम्।
हनूमान् दृश्यते वीरो द्वितीय इव पर्वतः ॥ ६.७४.३६ ॥
山頂の縁に立ち、その最上の山を押さえつけている勇士ハヌマーンは、第二の山のように見えた。
6.74.37
हरिपादविनिर्भग्नो निषसाद स पर्वतः।
न शशाक तदात्मानं वोढुं भृशनिपीडितः ॥ ६.७४.३७ ॥
猿の足に砕かれたその山は沈み込んだ。ひどく押しつぶされて、もはや自分自身さえ支えることができなかった。
6.74.38
तस्य पेतुर्नगा भूमौ हरिवेगाच्च जज्वलुः।
शृङ्गाणि च व्यकीर्यन्त पीडितस्य हनूमता ॥ ६.७४.३८ ॥
その山の木々は猿の勢いで地に倒れ、燃え上がった。ハヌマーンに押しつぶされたその山の峰々は散り散りになった。
6.74.39
तस्मिन् सम्पीड्यमाने तु भग्नद्रुमशिलातले।
न शेकुर्वानराः स्थातुं घूर्णमाने नगोत्तमे ॥ ६.७४.३९ ॥
その最上の山が押しつぶされ、木々と岩肌が砕け、揺らぎ回ったとき、猿たちは立っていることさえできなかった。
6.74.40
सा घूर्णितमहाद्वारा प्रभग्नगृहगोपुरा।
लङ्का त्रासाकुला रात्रौ प्रनृत्तेवाभवत् तदा ॥ ६.७४.४० ॥
その時、夜のラーンカーは、大門が揺れ、家々と門楼が砕け、恐怖に満たされて、まるで踊っているかのようになった。
6.74.41
पृथिवीधरसंकाशो निपीड्य पृथिवीधरम्।
पृथिवीं क्षोभयामास सार्णवां मारुतात्मजः ॥ ६.७४.४१ ॥
山のような風神の子は、その山を押さえつけ、海とともに大地を揺るがした。
6.74.42
आरुरोह तदा तस्माद्धरिर्मलयपर्वतम्।
मेरुमन्दरसंकाशं नानाप्रस्रवणाकुलम् ॥ ६.७४.४२ ॥
そのとき猿はそこからマラヤ山に登った。その山はメールとマンダラに似て、多くの泉に満ちていた。
6.74.43
नानाद्रुमलताकीर्णं विकासिकमलोत्पलम्।
सेवितं देवगन्धर्वैः षष्टियोजनमुच्छ्रितम् ॥ ६.७४.४३ ॥
その山は多くの木々と蔓に覆われ、咲き誇る蓮と睡蓮で飾られ、神々やガンダルヴァたちが訪れ、高さは六十ヨージャナであった。
6.74.44
विद्याधरैर्मुनिगणैरप्सरोभिर्निषेवितम्।
नानामृगगणाकीर्णं बहुकन्दरशोभितम् ॥ ६.७४.४४ ॥
その山は、ヴィディヤーダラ、聖仙の群れ、アプサラスたちが訪れ、多くの獣の群れで満ち、多くの洞窟で飾られていた。
6.74.45
सर्वानाकुलयंस्तत्र यक्षगन्धर्वकिन्नरान्।
हनूमान् मेघसंकाशो ववृधे मारुतात्मजः ॥ ६.७४.४५ ॥
そこで風神の子ハヌマーンは雲のような姿となって大きくなり、ヤクシャ、ガンダルヴァ、キンナラたちをことごとく動揺させた。
6.74.46
पद्भ्यां तु शैलमापीड्य वडवामुखवन्मुखम्।
विवृत्योग्रं ननादोच्चैस्त्रासयन् रजनीचरान् ॥ ६.७४.४६ ॥
足で山を押さえつけ、海底の火（ヴァダヴァームカ）のような恐ろしい口を開き、高らかに吠えて夜歩く羅刹たちを怯えさせた。
6.74.47
तस्य नानद्यमानस्य श्रुत्वा निनदमुत्तमम्।
लङ्कास्था राक्षसव्याघ्रा न शेकुः स्पन्दितुं क्वचित् ॥ ६.७४.४७ ॥
その力強い咆哮を聞いて、ランカに住む羅刹の虎たちは、どこにも身動きできなかった。
6.74.48
नमस्कृत्वा समुद्राय मारुतिर्भीमविक्रमः।
राघवार्थे परं कर्म समीहत परंतपः ॥ ६.७४.४८ ॥
海に礼拝した後、恐るべき武勇のマールティ、敵を焼き尽くす者は、ラグハヴァ（ラーマ）のために至高の行いに取りかかった。
6.74.49
स पुच्छमुद्यम्य भुजङ्गकल्पं
विनम्य पृष्ठं श्रवणे निकुच्य।
विवृत्य वक्त्रं वडवामुखाभ-
मापुप्लुवे व्योम्नि स चण्डवेगः ॥ ६.७४.४९ ॥
蛇のような尾を持ち上げ、背をかがめ、耳を縮め、ヴァダヴァームカの火のように口を開き、猛烈な速さで空へ跳び上がった。
6.74.50
स वृक्षखण्डांस्तरसा जहार
शैलान् शिलाः प्राकृतवानरांश्च।
बाहूरुवेगोद्गतसम्प्रणुन्ना-
स्ते क्षीणवेगाः सलिले निपेतुः ॥ ६.७४.५० ॥
彼は木々の断片、山々、岩、そして普通の猿たちを力ずくで持ち去った。腕と腿の勢いで打ち上げられた彼らは、勢いが尽きると水中へ落ちた。
6.74.51
स तौ प्रसार्योरगभोगकल्पौ
भुजौ भुजंगारिनिकाशवीर्यः।
जगाम शैलं नगराजमग्र्यं
दिशः प्रकर्षन्निव वायुसूनुः ॥ ६.७४.५१ ॥
蛇の敵ガルダに等しい武勇のその風の子は、蛇の輪のような両腕を伸ばし、まるで方角を引き寄せるかのように、最も優れた山の王のほうへ向かった。
6.74.52
स सागरं घूर्णितवीचिमालं
तदम्भसा भ्रामितसर्वसत्त्वम्।
समीक्षमाणः सहसा जगाम
चक्रं यथा विष्णुकराग्रमुक्तम् ॥ ६.७४.५२ ॥
波の花環が渦巻き、水によってすべての生き物が揺さぶられる海を見つめながら、彼は突然、ヴィシュヌの手の先から放たれた円盤のように進んだ。
6.74.53
स पर्वतान् पक्षिगणान् सरांसि
नदीस्तटाकानि पुरोत्तमानि।
स्फीताञ्जनांस्तानपि सम्प्रवीक्ष्य
जगाम वेगात् पितृतुल्यवेगः ॥ ६.७४.५३ ॥
山々、鳥の群れ、湖、川、池、優れた都市、そして繁栄した人々の住む土地を見渡しながら、父に等しい速さで進んでいった。
6.74.54
आदित्यपथमाश्रित्य जगाम स गतश्रमः।
हनूमांस्त्वरितो वीरः पितुस्तुल्यपराक्रमः ॥ ६.७४.५४ ॥
太陽の道を進み、疲れを知らず、父に等しい武勇を持つ英雄ハヌマーンは速やかに進んでいった。
6.74.55
जवेन महता युक्तो मारुतिर्वातरंहसा।
जगाम हरिशार्दूलो दिशः शब्देन नादयन् ॥ ६.७४.५५ ॥
大いなる速さを備え、風のように疾い風神の子マールティ、猿の中の虎ハヌマーンは、その声で四方に響きわたらせながら進んでいった。
6.74.56
स्मरञ्जाम्बवतो वाक्यं मारुतिर्भीमविक्रमः।
ददर्श सहसा चापि हिमवन्तं महाकपिः ॥ ६.७४.५६ ॥
ジャーンバヴァーンの言葉を思い出しつつ、恐るべき武勇の風神の子マハーカピ・ハヌマーンは、突然ヒマーラヤを見た。
6.74.57
नानाप्रस्रवणोपेतं बहुकन्दरनिर्झरम्।
श्वेताभ्रचयसंकाशैः शिखरैश्चारुदर्शनैः।
शोभितं विविधैर्वृक्षैरगमत् पर्वतोत्तमम् ॥ ६.७४.५७ ॥
多くの泉、多くの洞窟と滝に満ち、白い雲の堆積のように美しい峰々と様々な木々で飾られたその優れた山へ、彼は向かった。
6.74.58
स तं समासाद्य महानगेन्द्र-
मतिप्रवृद्धोत्तमहेमशृङ्गम्।
ददर्श पुण्यानि महाश्रमाणि
सुरर्षिसङ्घोत्तमसेवितानि ॥ ६.७४.५८ ॥
きわめて高く、優れた黄金の峰をもつその偉大な山の王に到着すると、彼は神々と聖仙たちの最も優れた集いによって仕えられる、清浄な大いなる庵を見た。
6.74.59
स ब्रह्मकोशं रजतालयं च
शक्रालयं रुद्रशरप्रमोक्षम्।
हयाननं ब्रह्मशिरश्च दीप्तं
ददर्श वैवस्वतकिंकरांश्च ॥ ६.७४.५९ ॥
彼はブラフマーの宝庫、銀の住処、インドラの館、ルドラの矢が放たれる所、輝く馬面の者、ブラフマーの頭、そしてヴァイヴァスヴァタ（ヤマ）の従者たちを見た。
6.74.60
वह्न्यालयं वैश्रवणालयं च
सूर्यप्रभं सूर्यनिबन्धनं च।
ब्रह्मालयं शङ्करकार्मुकं च
ददर्श नाभिं च वसुन्धरायाः ॥ ६.७४.६० ॥
彼はアグニの館、クヴェーラの館、太陽の光輝、太陽が繋がれた所、ブラフマーの館、シャンカラの弓、そして大地の臍を見た。
6.74.61
कैलासमग्र्यं हिमवच्छिलां च
तं वै वृषं काञ्चनशैलमग्र्यम्।
प्रदीप्तसर्वौषधिसम्प्रदीप्तं
ददर्श सर्वौषधिपर्वतेन्द्रम् ॥ ६.७४.६१ ॥
彼は最高のカイラーサ、ヒマーラヤの岩、その牡牛、最高の金の山、そして全ての薬草で輝く薬草山の王を見た。
6.74.62
स तं समीक्ष्यानलराशिदीप्तं
विसिस्मिये वासवदूतसूनुः।
आप्लुत्य तं चौषधिपर्वतेन्द्रं
तत्रौषधीनां विचयं चकार ॥ ६.७४.६२ ॥
火の山のように輝くそれを見て、ヴァーサヴァ（インドラ）の使者の子は驚嘆した。その薬草山の王に跳び乗り、そこで薬草を探し求めた。
6.74.63
स योजनसहस्राणि समतीत्य महाकपिः।
दिव्यौषधिधरं शैलं व्यचरन्मारुतात्मजः ॥ ६.७४.६३ ॥
その大猿、風神の子は、数千ヨージャナを越えて、神薬を負う山を駆け巡った。
6.74.64
महौषध्यस्ततः सर्वास्तस्मिन् पर्वतसत्तमे।
विज्ञायार्थिनमायान्तं ततो जग्मुरदर्शनम् ॥ ६.७४.६४ ॥
すると、その最高の山のすべての大薬草は、求める者が来るのを知って、姿を消した。
6.74.65
स ता महात्मा हनुमानपश्यं-
श्चुकोप रोषाच्च भृशं ननाद।
अमृष्यमाणोऽग्निसमानचक्षु-
र्महीधरेन्द्रं तमुवाच वाक्यम् ॥ ६.७४.६५ ॥
偉大な心のハヌマーンはそれを見て、怒りに駆られて大きく吠えた。耐えられず、火のような眼で、その山々の王にこう言った。
6.74.66
किमेतदेवं सुविनिश्चितं ते
यद् राघवे नासि कृतानुकम्पः।
पश्याद्य मद्बाहुबलाभिभूतो
विकीर्णमात्मानमथो नगेन्द्र ॥ ६.७४.६६ ॥
なぜそのように堅く決めて、ラーガヴァに慈悲をかけないのか。今見よ、私の腕の力に打ち負かされて、山々の王よ、お前自身が散り散りになるのだ。
6.74.67
स तस्य शृङ्गं सनगं सनागं
सकाञ्चनं धातुसहस्रजुष्टम्।
विकीर्णकूटं ज्वलिताग्रसानुं
प्रगृह्य वेगात् सहसोन्ममाथ ॥ ६.७४.६७ ॥
彼は、木々と蛇と黄金に満ち、千の鉱脈を持ち、峰が散らばり、燃えるような頂を持つその山の峰を、速く掴み、たちまちに引き抜いた。
6.74.68
स तं समुत्पाट्य खमुत्पपात
वित्रास्य लोकान् ससुरासुरेन्द्रान्।
संस्तूयमानः खचरैरनेकै-
र्जगाम वेगाद् गरुडोग्रवेगः ॥ ६.७४.६८ ॥
それを引き抜いて彼は空へ跳び上がり、神々と阿修羅の王たちとともに世界を震え上がらせ、多くの空を行く者たちに称えられ、ガルダのような猛烈な速さで去っていった。
6.74.69
स भास्कराध्वानमनुप्रपन्न-
स्तं भास्कराभं शिखरं प्रगृह्य।
बभौ तदा भास्करसंनिकाशो
रवेः समीपे प्रतिभास्कराभः ॥ ६.७४.६९ ॥
太陽の道に入り、太陽のように輝くその頂を掲げて、そのとき彼は太陽のように輝き、太陽の近くにあって第二の太陽のように見えた。
6.74.70
स तेन शैलेन भृशं रराज
शैलोपमो गन्धवहात्मजस्तु।
सहस्रधारेण सपावकेन
चक्रेण खे विष्णुरिवार्पितेन ॥ ६.७४.७० ॥
その山とともに彼は大いに輝いた。風神の子は山のごとく、空に投じられた火をまとう千刃の円盤を持つヴィシュヌのように。
6.74.71
तं वानराः प्रेक्ष्य तदा विनेदुः
स तानपि प्रेक्ष्य मुदा ननाद।
तेषां समुत्कृष्टरवं निशम्य
लङ्कालया भीमतरं विनेदुः ॥ ६.७४.७१ ॥
そのとき猴たちは彼を見て吠え立てた。彼もまた彼らを見て喜びに吠えた。彼らの大きな叫び声を聞いて、ラン カーの住民はさらに恐ろしく吠えた。
6.74.72
ततो महात्मा निपपात तस्मिन्
शैलोत्तमे वानरसैन्यमध्ये।
हर्युत्तमेभ्यः शिरसाभिवाद्य
विभीषणं तत्र च सस्वजे सः ॥ ६.७४.७२ ॥
そのとき偉大な魂の彼は、その優れた山の上、猿軍の只中に降り立った。猿の最も優れた者たちに頭を垂れて挨拶し、そこでヴィビーシャナを抱擁した。
6.74.73
तावप्युभौ मानुषराजपुत्रौ
तं गन्धमाघ्राय महौषधीनाम्।
बभूवतुस्तत्र तदा विशल्या-
वुत्तस्थुरन्ये च हरिप्रवीराः ॥ ६.७४.७३ ॥
その大いなる薬草の香りを嗅いで、人間の王の二人の王子は、その場ですぐに矢の苦しみから解放された。他の優れた猿の英雄たちも立ち上がった。
6.74.74
सर्वे विशल्या विरुजाः क्षणेन
हरिप्रवीराश्च हताश्च ये स्युः।
गन्धेन तासां प्रवरौषधीनां
सुप्ता निशान्तेष्विव सम्प्रबुद्धाः ॥ ६.७४.७४ ॥
その優れた薬草の香りによって、猿の英雄たちは皆、一瞬のうちに矢と苦痛から解放された。殺されていた者たちさえも、夜明けに眠りから覚める者のように目覚めた。
6.74.75
यदाप्रभृति लङ्कायां युध्यन्ते हरिराक्षसाः।
तदाप्रभृति मानार्थमाज्ञया रावणस्य च ॥ ६.७४.७५ ॥
猿と羅刹がラṅカーで戦い始めたときから、ラーヴァナの命により名誉のために、
6.74.76
ये हन्यन्ते रणे तत्र राक्षसाः कपिकुञ्जरैः।
हता हतास्तु क्षिप्यन्ते सर्व एव तु सागरे ॥ ६.७४.७६ ॥
そこでは戦いで猿の象たちに殺された羅刹たちは皆、死んだまま海へ投げ込まれた。
6.74.77
ततो हरिर्गन्धवहात्मजस्तु
तमोषधीशैलमुदग्रवेगः।
निनाय वेगाद्धिमवन्तमेव
पुनश्च रामेण समाजगाम ॥ ६.७४.७७ ॥
そこで風神の子であるその猿は、猛烈な速さでその薬草の山をヒマーラヤまで運び、再びラーマのもとへ戻ってきた。