ヴァールミーキのラーマーヤナ · サルガ 6.96
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
6.96.1
तथा तैः कृत्तगात्रैस्तु दशग्रीवेण मार्गणैः।
बभूव वसुधा तत्र प्रकीर्णा हरिभिस्तदा ॥ ६.९६.१ ॥
こうして十頸の者の矢に体を切り裂かれた猿たちによって、その時そこの大地は散乱していた。
6.96.2
रावणस्याप्रसह्यं तं शरसम्पातमेकतः।
न शेकुः सहितुं दीप्तं पतङ्गा ज्वलनं यथा ॥ ६.९६.२ ॥
ラーヴァナの耐えがたい矢の雨を、一方から彼らは耐えることができなかった。燃える火に蛾が耐えられないように。
6.96.3
तेऽर्दिता निशितैर्बाणैः क्रोशन्तो विप्रदुद्रुवुः।
पावकार्चिः समाविष्टा दह्यमाना यथा गजाः ॥ ६.९६.३ ॥
鋭い矢に苦しめられ、叫びながら彼らは四方へ逃げ散った。火の炎に囲まれて焼かれる象のように。
6.96.4
प्लवंगानामनीकानि महाभ्राणीव मारुतः।
संययौ समरे तस्मिन् विधमन् रावणः शरैः ॥ ६.९६.४ ॥
その戦いで、ラーヴァナは矢で猿の軍勢を散らしながら進んだ。風が大きな雲を散らすように。
6.96.5
कदनं तरसा कृत्वा राक्षसेन्द्रो वनौकसाम्।
आससाद ततो युद्धे त्वरितं राघवं रणे ॥ ६.९६.५ ॥
森の住人たちを素早く殺戮した後、羅刹王は戦いの中で急ぎラーガヴァ（ラーマ）に近づいた。
6.96.6
सुग्रीवस्तान् कपीन् दृष्ट्वा भग्नान् विद्रावितान् रणे।
गुल्मे सुषेणं निक्षिप्य चक्रे युद्धे द्रुतं मनः ॥ ६.९६.६ ॥
戦いで猿たちが打ち破られ逃げ散るのを見て、スグリーヴァはスシェーナを茂みに置き、速やかに戦いへと心を向けた。
6.96.7
आत्मनः सदृशं वीरं स तं निक्षिप्य वानरम्।
सुग्रीवोऽभिमुखं शत्रुं प्रतस्थे पादपायुधः ॥ ६.९६.७ ॥
自分に等しいその勇猛な猿をそこに残し、足を武器として、スグリーヴァは正面の敵へと進んだ。
6.96.8
पार्श्वतः पृष्ठतश्चास्य सर्वे वानरयूथपाः।
अनुजग्मुर्महाशैलान् विविधांश्च वनस्पतीन् ॥ ६.९६.८ ॥
その左右と後ろには、猿の群れの長たちがことごとく続き、大きな山々やさまざまな木々を携えていた。
6.96.9
ननर्द युधि सुग्रीवः स्वरेण महता महान्।
पोथयन् विविधांश्चान्यान् ममन्थोत्तमराक्षसान् ॥ ६.९६.९ ॥
戦いの中で偉大なスグリーヴァは大音声をあげて吠え、ほかの優れたラークシャサを様々な仕方で踏み砕き、薙ぎ倒した。
6.96.10
ममर्द च महाकायो राक्षसान् वानरेश्वरः।
युगान्तसमये वायुः प्रवृद्धानगमानिव ॥ ६.९६.१० ॥
巨体の猿王はラークシャサを踏み砕いた。ちょうど世界の終末の時に、風が成長した大樹を倒すように。
6.96.11
राक्षसानामनीकेषु शैलवर्षं ववर्ष ह।
अश्मवर्षं यथा मेघः पक्षिसङ्घेषु कानने ॥ ६.९६.११ ॥
彼はラークシャサの軍勢の上に山々の雨を降らせた。ちょうど雲が森の鳥の群れの上に石の雨を降らせるように。
6.96.12
कपिराजविमुक्तैस्तैः शैलवर्षैस्तु राक्षसाः।
विकीर्णशिरसः पेतुर्विकीर्णा इव पर्वताः ॥ ६.९६.१२ ॥
猿王が放ったあの山々の雨に打たれ、ラークシャサたちは頭を砕かれ、砕け散った山々のように倒れた。
6.96.13
अथ संक्षीयमाणेषु राक्षसेषु समन्ततः।
सुग्रीवेण प्रभग्नेषु नदत्सु च पतत्सु च ॥ ६.९६.१३ ॥
そのとき、四方で羅刹は減っていき、スグリーヴァに打ち破られ、吠え叫びながら倒れていった。
6.96.14
विरूपाक्षः स्वकं नाम धन्वी विश्राव्य राक्षसः।
रथादाप्लुत्य दुर्धर्षो गजस्कन्धमुपारुहत् ॥ ६.९६.१४ ॥
弓の名手である羅刹ヴィルーパークシャは自らの名を名乗り、難攻不落の勢いで戦車から飛び降り、象の肩に登った。
6.96.15
स तं द्विपमथारुह्य विरूपाक्षो महाबलः।
ननर्द भीमनिर्ह्रादं वानरानभ्यधावत ॥ ६.९६.१५ ॥
その象に乗った大力のヴィルーパークシャは、恐ろしい咆哮を上げてヴァーナラたちへ突進した。
6.96.16
सुग्रीवे स शरान् घोरान् विससर्ज चमूमुखे।
स्थापयामास चोद्विग्नान् राक्षसान् सम्प्रहर्षयन् ॥ ६.९६.१६ ॥
彼は軍の先頭でスグリーヴァに恐ろしい矢を放ち、怯えた羅刹たちを鼓舞して踏みとどまらせた。
6.96.17
सोऽतिविद्धः शितैर्बाणैः कपीन्द्रस्तेन रक्षसा।
चुक्रोश च महाक्रोधो वधे चास्य मनो दधे ॥ ६.९६.१७ ॥
その羅刹の鋭い矢に深く射抜かれた猿王は大いに怒って叫び、彼を殺すことを心に決めた。
6.96.18
ततः पादपमुद्धृत्य शूरः सम्प्रधनो हरिः।
अभिपत्य जघानास्य प्रमुखे तं महागजम् ॥ ६.९६.१८ ॥
そのとき勇猛で戦いに長けた猿は木を引き抜き、突進して目の前の巨大な象を打ち据えた。
6.96.19
स तु प्रहाराभिहतः सुग्रीवेण महागजः।
अपासर्पद् धनुर्मात्रं निषसाद ननाद च ॥ ६.९६.१९ ॥
スグリーヴァの一撃を受けた大象は、弓一張りの距離だけ退き、座り込んで吠えた。
6.96.20
गजात् तु मथितात् तूर्णमपक्रम्य स वीर्यवान्।
राक्षसोऽभिमुखः शत्रुं प्रत्युद्गम्य ततः कपिम् ॥ ६.९६.२० ॥
すると勇猛なラークシャサは、砕かれた象から素早く降り、敵に向き合い、その猿めがけて進み出た。
6.96.21
आर्षभं चर्म खड्गं च प्रगृह्य लघुविक्रमः।
भर्त्सयन्निव सुग्रीवमाससाद व्यवस्थितम् ॥ ६.९६.२१ ॥
牛革の盾と剣を取り、足取り軽いその羅刹は、毅然と立つスグリーヴァを脅すかのように近づいた。
6.96.22
स हि तस्याभिसंक्रुद्धः प्रगृह्य विपुलां शिलाम्।
विरूपाक्षस्य चिक्षेप सुग्रीवो जलदोपमाम् ॥ ६.९६.२२ ॥
スグリーヴァは彼に激怒し、雲のように巨大な岩を掴んでヴィルーパークシャに投げつけた。
6.96.23
स तां शिलामापतन्तीं दृष्ट्वा राक्षसपुंगवः।
अपक्रम्य सुविक्रान्तः खड्गेन प्राहरत् तदा ॥ ६.९६.२३ ॥
落ちてくる岩を見た羅刹の勇士は身をかわし、大きな勇気をもって直ちに剣で切りつけた。
6.96.24
तेन खड्गप्रहारेण रक्षसा बलिना हतः।
मुहूर्तमभवद् भूमौ विसंज्ञ इव वानरः ॥ ६.९६.२४ ॥
その強大な羅刹の剣の一撃を受けた猿は、しばしのあいだ地に倒れ、まるで意識を失ったかのようであった。
6.96.25
सहसा स तदोत्पत्य राक्षसस्य महाहवे।
मुष्टिं संवर्त्य वेगेन पातयामास वक्षसि ॥ ६.९६.२५ ॥
そのとき彼は突然跳び上がり、その大戦で拳を固めて勢いよく羅刹の胸を打った。
6.96.26
मुष्टिप्रहाराभिहतो विरूपाक्षो निशाचरः।
तेन खड्गेन संक्रुद्धः सुग्रीवस्य चमूमुखे ॥ ६.९६.२६ ॥
拳の一撃を受けた夜行者ヴィルーパークシャは、怒り、その剣でスグリーヴァの軍の先頭にて。
6.96.27
कवचं पातयामास पद्भ्यामभिहतोऽपतत्।
स समुत्थाय पतितः कपिस्तस्य व्यसर्जयत् ॥ ६.९६.२७ ॥
彼は鎧を打ち落とした。足で打たれて彼は倒れた。その猿は立ち上がり、倒れた彼を放した。
6.96.28
तलप्रहारमशनेः समानं भीमनिःस्वनम्।
तलप्रहारं तद् रक्षः सुग्रीवेण समुद्यतम् ॥ ६.९६.२८ ॥
雷のように恐ろしい音を立てる掌打。その掌打をスグリーヴァはその羅刹めがけて振り上げた。
6.96.29
नैपुण्यान्मोचयित्वैनं मुष्टिनोरसि ताडयत्।
ततस्तु संक्रुद्धतरः सुग्रीवो वानरेश्वरः ॥ ६.९६.२९ ॥
巧みに彼を振りほどき、拳で胸を打った。すると、猿王スグリーヴァはさらに激怒した。
6.96.30
मोक्षितं चात्मनो दृष्ट्वा प्रहारं तेन रक्षसा।
स ददर्शान्तरं तस्य विरूपाक्षस्य वानरः ॥ ६.९६.३० ॥
その羅刹の一撃から自分が逃れたのを見て、その猿はヴィルーパークシャの隙を見つけた。
6.96.31
ततोऽन्यं पातयत् क्रोधाच्छङ्खदेशे महातलम्।
महेन्द्राशनिकल्पेन तलेनाभिहतः क्षितौ ॥ ६.९६.३१ ॥
その後、怒りに任せて彼はこめかみ付近へさらに大きな平手を打ち込んだ。インドラの雷霆のようなその掌に打たれ、彼は地に倒れた。
6.96.32
पपात रुधिरक्लिन्नः शोणितं हि समुद्गिरन्।
स्रोतोभ्यस्तु विरूपाक्षो जलं प्रस्रवणादिव ॥ ६.९६.३२ ॥
血に濡れて彼は倒れ、血を吐き出した。ヴィルーパークシャの体の穴々からは、泉から水が湧き出るように血が流れ出た。
6.96.33
विवृत्तनयनं क्रोधात् सफेनं रुधिराप्लुतम्।
ददृशुस्ते विरूपाक्षं विरूपाक्षतरं कृतम् ॥ ६.९६.३३ ॥
彼らは、怒りに目を剥き、泡を吹き、血にまみれ、さらにいっそう醜くされたヴィルーパークシャを見た。
6.96.34
स्फुरन्तं परिवर्तन्तं पार्श्वेन रुधिरोक्षितम्।
करुणं च विनर्दन्तं ददृशुः कपयो रिपुम् ॥ ६.९६.३४ ॥
猿たちは、もがき、転がり、横に倒れ、血まみれになり、哀れな声で吠えている敵を見た。
6.96.35
तथा तु तौ संयति सम्प्रयुक्तौ
तरस्विनौ वानरराक्षसानाम्।
बलार्णवौ सस्वनतुश्च भीमौ
महार्णवौ द्वाविव भिन्नसेतू ॥ ६.९६.३५ ॥
こうして、戦いに長けた二人は互いに交戦した。猿と羅刹の力の海が、恐ろしく吠え、堤の決壊した二つの大海のように。
6.96.36
विनाशितं प्रेक्ष्य विरूपनेत्रं
महाबलं तं हरिपार्थिवेन।
बलं समेतं कपिराक्षसाना-
मुद्वृत्तगङ्गाप्रतिमं बभूव ॥ ६.९६.३६ ॥
猿王によって打ち倒された、あの大力のヴィルーパネートラを見て、猿と羅刹の合わさった軍勢は、堤を越えて溢れたガンジス川のようになった。