ヴァールミーキのラーマーヤナ · サルガ 7.14
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
7.14.1
ततस्तु सचिवैः सार्धं षड्भिर्नित्यं बलोद्धतैः ।
महोदरप्रहस्ताभ्यां मारीचशुकसारणैः ॥ ७.१४.१ ॥
そのとき、力に驕る六人の大臣とともに、マハーゴダラとプラハスタとともに、マーリーチャ、シュカ、サーラナとともに。
7.14.2
धूम्राक्षेण च वीरेण नित्यं समरगृध्नुना ।
वृतः संप्रययौ श्रीमान्क्रोधाल्लोकान्दहन्निव ॥ ७.१४.२ ॥
いつも戦いを求める勇士ダールムラークシャに囲まれ、その輝かしき者は怒りで世界を焼き尽くすかのように出発した。
7.14.3
पुराणि स नदीः शैलान्वनान्युपवनानि च ।
अतिक्रम्य मुहूर्तेन कैलासं गिरिमागमत् ॥ ७.१४.३ ॥
町や川、山々、森や園を越え、瞬く間にカイラーサ山に到着した。
7.14.4
सन्निविष्टं गिरौ तस्मिन्राक्षसेन्द्रं निशम्य तु ।
युद्धे ऽत्यर्थकृतोत्साहं दुरात्मानं समन्त्रिणम् ॥ ७.१४.४ ॥
その山に陣を張る羅刹王、戦に極めて意欲的な悪しき者が大臣とともにいると聞いて。
7.14.5
यक्षा न शेकुः संस्थातुं प्रमुखे तस्य रक्षसः ।
राज्ञो भ्रातेति विज्ञाय गता यत्र धनेश्वरः ॥ ७.१४.५ ॥
ヤクシャたちはその羅刹の前に立ちこたえられず、王の弟だと知って財神のいるところへ向かった。
7.14.6
ते गत्वा सर्वमाचख्युर्भ्रातुस्तस्य चिकीर्षितम् ।
अनुज्ञाता ययुर्हष्टा युद्धाय धनदेन ते ॥ ७.१४.६ ॥
彼らは行って、その兄の企てをすべて報告した。ダナダの許しを得て、喜び勇んで戦いへ向かった。
7.14.7
ततो बलानां सङ्क्षोभो व्यवर्धत महोदधेः ।
तस्य नैर्ऋतराजस्य शैलं सञ्चालयन्निव ॥ ७.१४.७ ॥
そのとき両軍の動揺は大海のように高まり、羅刹王の軍勢は山をも揺るがすかのようだった。
7.14.8
ततो युद्धं समभवद्यक्षराक्षससङ्कुलम् ।
व्यथिताश्चाभवंस्तत्र सचिवा राक्षसस्य ते ॥ ७.१४.८ ॥
そのとき夜叉と羅刹が入り乱れる激戦が起こり、そこで羅刹王の大臣たちは苦悩した。
7.14.9
स दृष्ट्वा तादृशं सैन्यं दशग्रीवो निशाचरः ।
हर्षनादान्बहून्कृत्वा स क्रोधादभ्यधावत ॥ ७.१४.९ ॥
そのような軍勢を見た十頭の夜行者は、幾度も歓声をあげ、怒りに駆られて前へ突進した。
7.14.10
ये तु ते राक्षसेन्द्रस्य सचिवा घोरविक्रमाः ।
तेषां सहस्रमेकैकं यक्षाणां समयोधयन् ॥ ७.१४.१० ॥
羅刹の主の恐ろしい武勇の大臣たちは、それぞれ夜叉の千人ずつと戦った。
7.14.11
ततो गदाभिर्मुसलैरसिभिः शक्तितोमरैः ।
हन्यमानो दशग्रीवस्तत्सैन्यं समगाहत ॥ ७.१४.११ ॥
そのとき棍棒、鉄杵、剣、槍、投げ槍に打たれながら、十頭の羅刹王はその軍勢の中へ踏み込んだ。
7.14.12
स निरुच्छ्वासवत्तत्र वध्यमानो दशाननः ।
वर्षद्भिरिव जीमूतैर्धाराभिरवरुध्यत ॥ ७.१४.१२ ॥
そこで打ちのめされた十面の王は息も詰まったかのようになり、降り注ぐ雨雲の流れに包まれた山のように、四方から押しとどめられた。
7.14.13
न चकार व्यथां चैव यक्षशस्त्रैः समाहतः ।
महीधर इवाम्भोदैर्धाराशतसमुक्षितः ॥ ७.१४.१३ ॥
ヤクシャの武器に打たれても、彼は苦痛を感じなかった。雲から百の流れを注がれる山のように。
7.14.14
स दुरात्मा समुद्यम्य कालदण्डोपमां गदाम् ।
प्रविवेश ततः सैन्यं नयन्यक्षान्यमक्षयम् ॥ ७.१४.१४ ॥
死神の杖のような棍棒を掲げて、その悪しき者は軍勢に突入し、ヤクシャらをヤマの館へ送った。
7.14.15
स कक्षमिव विस्तीर्णं शुष्केन्धनमिवाकुलम् ।
वातेनाग्निरिवायत्तो यक्षसैन्यं ददाह तत् ॥ ७.१४.१५ ॥
風に煽られた火が乾いた薪に満ちた広大な茂みを焼くように、彼はそのヤクシャの軍勢を焼き尽くした。
7.14.16
तैस्तु तत्र महामात्यैर्महोदरशुकादिभिः ।
अल्पावशेषास्ते यक्षाः कृता वातैरिवाम्बुदाः ॥ ७.१४.१६ ॥
そこでマハーオーダラやシュカら大臣たちによって、ヤクシャらはわずかしか残らなくなった。風が雲を散らすように。
7.14.17
केचित्समाहता भग्नाः पतिताः समरक्षितौ ।
ओष्ठांश्च दशनैस्तीक्ष्णैरदशन्कुपिता रणे ॥ ७.१४.१७ ॥
打たれて砕け、戦場に倒れた者もいれば、怒りに燃え、鋭い歯で唇を噛む者もいた。
7.14.18
श्रान्ताश्चान्योन्यमालिङ्ग्य भ्रष्टशस्त्रा रणाजिरे ।
सीदन्ति च तदा यक्षाः कूला इव जलेन ह ॥ ७.१४.१८ ॥
疲れ果てたヤクシャらは互いを抱きしめ、武器を落として戦場に崩れ落ちた。水に削られた岸のように。
7.14.19
हतानां गच्छतां स्वर्गं युध्यतां पृथिवीतले ।
प्रेक्षतामृषिसङ्घानां न बभूवान्तरं दिवि ॥ ७.१४.१९ ॥
地上で戦って倒れ天へ昇る者たちと、天から見守る聖仙の群れとの間に、もはや区別はなかった。
7.14.20
भग्नांस्तु तान्समालक्ष्य यक्षेन्द्रांस्तु महाबलान् ।
धनाध्यक्षो महाबाहुः प्रेषयामास यक्षकान् ॥ ७.१४.२० ॥
力強い夜叉の王たちが敗走するのを見て、大いなる腕を持つ財宝の主（クベーラ）は夜叉の戦士たちを送り出した。
7.14.21
एतस्मिन्नन्तरे राम विस्तीर्णबलवाहनः ।
प्रेषितो न्यपतद्यक्षो नाम्ना संयोधकण्टकः ॥ ७.१४.२१ ॥
ラーマよ、その間に、広大な軍勢と乗り物を伴ったサンヨーダカンタカという名のヤクシャが送り出され、敵に襲いかかった。
7.14.22
तेन चक्रेण मारीचो विष्णुनेव रणे हतः ।
पतितो भूतले शैलात्क्षीणपुण्य इव ग्रहः ॥ ७.१४.२२ ॥
その円盤によって、まるでヴィシュヌに打たれたかのように、マーリーチャは戦場で討たれた。功徳が尽きた星が山から落ちるように、彼は大地に倒れ伏した。
7.14.23
ससञ्ज्ञस्तु मुहूर्तेन स विश्रम्य निशाचरः ।
तं यक्षं योधयामास स च भग्नः प्रदुद्रुवे ॥ ७.१४.२३ ॥
しかし一瞬で意識を取り戻し、休息を取った夜の徘徊者（羅刹）は、そのヤクシャと戦った。ヤクシャは打ち負かされて逃げ去った。
7.14.24
ततः काञ्चनचित्राङ्गं वैडूर्यरजसोक्षितम् ।
मर्यादां प्रतिहाराणां तोरणान्तरमाविशत् ॥ ७.१४.२४ ॥
そして黄金と色とりどりの身体を持ち、ラピスラズリの塵をまとったそれは、門番たちの境界を越えて、楼門の間へと入った。
7.14.25
तं तु राजन्दशग्रीवं प्रविशन्तं निशाचरम् ।
सूर्यभानुरिति ख्यातो द्वारपालो न्यवारयत् ॥ ७.१४.२५ ॥
王よ、十の首を持つその夜行者が入ろうとしたとき、スーリヤバーヌという門番が彼を押しとどめた。
7.14.26
स वार्यमाणो यक्षेण प्रविवेश निशाचरः ।
यदा तु वारितो राम न व्यतिष्ठत्स राक्षसः ॥ ७.१४.२६ ॥
夜叉に止められたが、その夜行者は中へ入った。ラーマよ、止められたときもその羅刹は立ち止まらなかった。
7.14.27
ततस्तोरणमुत्पाट्य तेन यक्षेण ताडितः ।
रुधिरं प्रस्रवन्भाति शैलो धातुस्रवैरिव ॥ ७.१४.२७ ॥
そして彼は門楼を引き抜き、そのヤクシャはそれで彼を打った。血を流す彼は、鉱物の流れを湧き出す山のように輝いた。
7.14.28
स शैलशिखराभेण तोरणेन समाहतः ।
जगाम न क्षतिं वीरो वरदानात्स्वयम्भुवः ॥ ७.१४.२८ ॥
山頂のようなその門楼に強く打たれながらも、その勇者は自生神（ブラフマー）の恩寵によって何の傷も負わなかった。
7.14.29
तेनैव तोरणेनाथ यक्षस्तेनाभिताडितः ।
नादृश्यत तदा यक्षो भस्मीकृततनुस्तदा ॥ ७.१४.२९ ॥
そして同じそのアーチで、彼はヤクシャを打ち返した。すると、ヤクシャの身体は灰となり、もはや姿が見えなくなった。
7.14.30
ततः प्रदुद्रुवुः सर्वे दृष्ट्वा रक्षःपराक्रमम् ।
ततो नदीर्गुहाश्चैव विविशुर्भयपीडिताः ।
त्यक्तप्रहरणाः श्रान्ता विवर्णवदनास्तदा ॥ ७.१४.३० ॥
羅刹の武勇を見て、彼らは皆逃げ去った。恐怖に苛まれ、武器を投げ捨て、疲れ果て、顔色を失って、彼らは川や洞窟へと逃げ込んだ。