ヴァールミーキのラーマーヤナ · サルガ 7.96
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
7.96.1
तस्यां रजन्यां व्युष्टायां यज्ञवाटगतो नृपः ।
ऋषीन्सर्वान्महातेजाः शब्दापयति राघवः ॥ ७.९६.१ ॥
その夜が明けたとき、祭場に赴いた大いなる威光の王ラーガヴァは、すべての聖仙を召し寄せた。
7.96.2
वसिष्ठो वामदेवश्च जाबालिरथ काश्यपः ।
विश्वामित्रो दीर्घतपा दुर्वासाश्च महातपाः ॥ ७.९६.२ ॥
ヴァシシュタ、ヴァーマデーヴァ、ジャーバーリ、カーシュヤパ、ヴィシュヴァーミトラ、ディールガタパス、そして大苦行者ドゥルヴァーサス。
7.96.3
पुलस्त्यो ऽपि तथा शक्तिर्भार्गवश्चैव वामनः ।
मार्कण्डेयश्च दीर्घायुर्मौद्गल्यश्च महायशाः ॥ ७.९६.३ ॥
プラスティヤもまた、シャクティ、バールガヴァ、ヴァーマナ、長寿のマールカンデーヤ、そして大いなる名声のマウドガリヤ。
7.96.4
गर्गश्च च्यवनश्चैव शतानन्दश्च धर्मवित् ।
भरद्वाजश्च तेजस्वी ह्यग्निपुत्रश्च सुप्रभः ॥ ७.९६.४ ॥
ガルガとチャヴァナ、法を知るシャタナンダ、輝けるバラドヴァージャ、アグニの子、そしてスプラバ。
7.96.5
नारदः पर्वतश्चैव गौतमश्च महायशाः ।
कात्यायनः सुयज्ञश्च ह्यगस्त्यस्तपसां निधिः ॥ ७.९६.५ ॥
ナーラダとパルヴァタ、大いなる名声のガウタマ、カーティヤーヤナ、スユジュニャ、そして苦行の宝庫アガスティヤ。
7.96.6
एते चान्ये च बहवो मुनयः संशितव्रताः ।
कौतूहलसमाविष्टाः सर्व एव समागताः ॥ ७.९६.६ ॥
これらの人々と、その他多くの厳格な誓いを守る聖仙たちは、好奇心に満ちて皆集まった。
7.96.7
राक्षसाश्च महावीर्या वानराश्च महाबलाः ।
सर्व एव समाजग्मुर्महात्मानः कुतूहलात् ॥ ७.९६.७ ॥
大いなる勇猛を持つラークシャサと大力のヴァーナラ、すべての偉大な者たちが、好奇心から集まった。
7.96.8
क्षत्रिया ये च शूद्राश्च वैश्याश्चैव सहस्रशः ।
नानादेशगताश्चैव ब्राह्मणाः संशितव्रताः ॥ ७.९६.८ ॥
クシャトリヤ、シュードラ、ヴァイシャが幾千も、さまざまな国から来て、そして誓いを固く守るバラモンたちも。
7.96.9
ज्ञाननिष्ठाः कर्मनिष्ठाः योगनिष्ठास्तथापरे ।
सीताशपथवीक्षार्थं सर्व एव समागताः ॥ ७.९६.९ ॥
知識に専念する者、行為に専念する者、ヨーガに専念する者、そして他の者たちが、皆シーターの誓いを見届けるために集まった。
7.96.10
तदा समागतं सर्वमश्मभूतमिवाचलम् ।
श्रुत्वा मुनिवरस्तूर्णं ससीतः समुपागमत् ॥ ७.९६.१० ॥
そのとき集まった全員は、石と化した山のように静まり返った。それを聞いて、聖者の中で最も優れた方はすぐにシーターを伴って進み出た。
7.96.11
तमृषिं पृष्ठतः सीता त्वन्वगच्छदवाङ्मुखी ।
कृताञ्जलिर्बाष्पगला कृत्वा रामं मनोगतम् ॥ ७.९६.११ ॥
シーターは聖者の後ろに従い、顔を伏せ、合掌し、涙に喉を詰まらせ、心にラーマを抱きしめていた。
7.96.12
दृष्ट्वा श्रुतिमिवायान्तीं ब्रह्माणमनुगामिनीम् ।
वाल्मीकेः पृष्ठतः सीतां साधुवादो महानभूत् ॥ ७.९६.१२ ॥
ヴァールミーキの後ろに、ブラフマーに従うシュルティのようにシーターが来るのを見て、大いなる賛嘆の声が上がった。
7.96.13
ततो हलहलाशब्दः सर्वेषामेवमाबभौ ।
दुःखजन्मविशालेन शोकेनाकुलितात्मनाम् ॥ ७.९६.१३ ॥
そのとき、苦しみから生じた大きな悲しみに心を乱された人々の間から、どよめきが起こった。
7.96.14
साधु रामेति केचित्तु साधु सीतेति चापरे ।
उभावेव च तत्रान्ये प्रेक्षकाः सम्प्रचुक्रुशुः ॥ ७.९६.१४ ॥
ある者は「善いぞ、ラーマ！」と叫び、ある者は「善いぞ、シーター！」と叫んだ。そこの他の観客は二人のために大声で声を上げた。
7.96.15
ततो मध्ये जनौघस्य प्रविश्य मुनिपुङ्गवः ।
सीतासहायो वाल्मीकिरिति होवाच राघवम् ॥ ७.९६.१५ ॥
そのとき、群衆の中へ入ってきた聖者の中の最高の者ヴァールミーキは、シーターを伴い、ラグのラーマにこう言った。
7.96.16
इयं दाशरथे सीता सुव्रता धर्मचारिणी ।
अपवादैः परित्यक्ता ममाश्रमसमीपतः ॥ ७.९६.१६ ॥
ダシャラタの子よ、誓願を堅く守り法にかなう行いをするこのシーターは、中傷のために私の庵の近くに捨てられたのだ。
7.96.17
लोकापवादभीतस्य तव राम महाव्रत ।
प्रत्ययं दास्यते सीता तदनुज्ञातुमर्हसि ॥ ७.९६.१७ ॥
ラーマよ、大誓願を持つ者よ！世間の非難を恐れるあなたに、シーターは証しを示すであろう。ゆえにあなたは彼女を受け入れることを許すべきである。
7.96.18
इमौ तु जानकीपुत्रावुभौ च यमजातकौ ।
सुतौ तवैव दुर्धर्षौ सत्यमेतद्ब्रवीमि ते ॥ ७.९६.१८ ॥
ジャーナキーの双子のこの二人の息子は、まさにあなたの息子であり、打ち負かすことのできない者たちである。このことを真実として私はあなたに告げる。
7.96.19
प्रचेतसो ऽहं दशमः पुत्रो राघवनन्दन ।
न स्मराम्यनृतं वाक्यमिमौ तु तव पुत्रकौ ॥ ७.९६.१९ ॥
私はプラチェータスの十番目の息子です、ラグの喜びよ。私は偽りの言葉を口にしたことを覚えていません。この二人は確かにあなたの息子です。
7.96.20
बहुवर्षसहस्राणि तपश्चर्या मया कृता ।
नोपाश्नीयां फलं तस्या दुष्टेयं यदि मैथिली ॥ ७.९६.२० ॥
私は幾千年もの間、厳しい苦行を行ってきました。もしこのマイティリーが罪深い女であるなら、その苦行の果報を私は得られませんように。
7.96.21
मनसा कर्मणा वाचा भूतपूर्वं न किल्बिषम् ।
तस्याः फलमुपाश्नीयामपापा मैथिली यदि ॥ ७.९६.२१ ॥
心においても行いにおいても言葉においても、彼女はこれまで一度も罪を犯したことがありません。マイティリーが罪のない人であるなら、その功徳の果報を私が得られますように。
7.96.22
अहं पञ्चसु भूतेषु मनष्षष्ठेषु राघव ।
विचिन्त्य सीतां शुद्धेति जग्राह वननिर्झरे ॥ ७.९६.२२ ॥
ラーガヴァよ、五大元素と第六の心を証人として、シーターは清らかであると考え、森の泉のほとりで彼女を受け入れました。
7.96.23
इयं शुद्धसमाचारा अपापा पतिदेवता ।
लोकापवादभीतस्य प्रत्ययं तव दास्यति ॥ ७.९६.२३ ॥
清らかな行いをし、罪なく、夫を神として仰ぐこの女性は、世の中傷を恐れるあなたに確信を与えるでしょう。
7.96.24
तस्मादियं नरवरात्मज शुद्धभावा दिव्येन दृष्टिविषयेण तदा प्रविष्टा ।
लोकापवादकलुषीकृतचेतसा या त्यक्ता त्वया प्रियतमा विदिता ऽपि शुद्धा ॥ ७.९६.२४ ॥
ゆえに、人中の最上の御子よ、清らかな心の彼女は、神々の目の前で試練に入ったのです。人々の中傷に心を曇らされたあなたが捨てた最愛の人は、あなたに知られていても、清らかなのです。