梨俱吠陀 · 赞歌 1.154

1.154.1

विष्णो॒र्नु कं॑ वी॒र्या॑णि॒ प्र वो॑चं॒ यः पार्थि॑वानि विम॒मे रजां॑सि ।
यो अस्क॑भाय॒दुत्त॑रं स॒धस्थं॑ विचक्रमा॒णस्त्रे॒धोरु॑गा॒यः ॥

现在我要宣说毗湿奴的英雄事迹：他丈量了大地的世界，支撑起最高的居所，以三步阔步前行。

प्र तद्विष्णु॑ स्तवते वी॒र्ये॑ण मृ॒गो न भी॒मः कु॑च॒रो गि॑रि॒ष्ठाः ।
यस्यो॒रुषु॑ त्रि॒षु वि॒क्रम॑णेषु अधिक्षि॒यन्ति॒ भुव॑नानि॒ विश्वा॑ ॥

毗湿奴以其英雄之力受到赞颂，如同在山间游走的可畏之鹿；在他宽广的三步之上，一切世界得以安住。

प्र विष्ण॑वे शू॒षमे॑तु॒ मन्म॑ गिरि॒क्षित॑ उरुगा॒याय॒ वृष्णे॑ ।
य इ॒दं दी॒र्घं प्रय॑तं स॒धस्थ॒मेको॑ विम॒मे त्रि॒भिरित्प॒देभिः॑ ॥

愿赞颂献给毗湿奴，他居于山间，阔步前行，威力强大；他独自以三步丈量了这长而广阔的居所。

यस्य॒ त्री पू॒र्णा मधु॑ना प॒दानि॒ अक्षी॑यमाणा स्व॒धया॒ मद॑न्ति ।
य उ॑ त्रि॒धातु॑ पृथि॒वीमु॒त द्यामेको॑ दा॒धार॒ भुव॑नानि॒ विश्वा॑ ॥

他的三步充满蜂蜜，永不减损，因供奉而欢喜。唯有他一人支撑了由三重所托的大地与天空，以及一切世界。

तद॑स्य प्रि॒यम॒भि पाथो॑ अश्यां॒ नरो॒ यत्र॑ देव॒यवो॒ मद॑न्ति ।
उ॒रु॒क्र॒मस्य॒ स हि बन्धु॑रि॒त्था विष्णोः॑ प॒दे प॑र॒मे मध्व॒ उत्सः॑ ॥

愿我抵达他那可爱的道路，那里虔信诸神的人们欢喜；他是阔步者的亲族，如此，在毗湿奴的至高一步中，有一泓蜂蜜之泉。

ता वां॒ वास्तू॑न्युश्मसि॒ गम॑ध्यै॒ यत्र॒ गावो॒ भूरि॑शृङ्गा अ॒यासः॑ ।
अत्राह॒ तदु॑रुगा॒यस्य॒ वृष्णः॑ पर॒मं प॒दमव॑ भाति॒ भूरि॑ ॥

我们渴望抵达你们二者的那些居所，那里有许多角的、不知疲倦的牛群；就在这里，阔步之牛的至高一步之光明亮地照耀于下。