梨俱吠陀 · 赞歌 6.41

6.41.1

अहे॑ळमान॒ उप॑ याहि य॒ज्ञं तुभ्यं॑ पवन्त॒ इन्द॑वः सु॒तासः॑ ।
गावो॒ न व॑ज्रि॒न्त्स्वमोको॒ अच्छेन्द्रा ग॑हि प्रथ॒मो य॒ज्ञिया॑नाम् ॥

不知疲倦的你，请来到祭祀之处；为你流淌着纯净的苏摩滴，如牛群奔向牛栏。持金刚的因陀罗啊，请来此处；你是值得祭祀者中的第一位。

या ते॑ का॒कुत्सुकृ॑ता॒ या वरि॑ष्ठा॒ यया॒ शश्व॒त्पिब॑सि॒ मध्व॑ ऊ॒र्मिम् ।
तया॑ पाहि॒ प्र ते॑ अध्व॒र्युर॑स्था॒त्सं ते॒ वज्रो॑ वर्ततामिन्द्र ग॒व्युः ॥

凭借你古老而善成的力量，那最卓越的力量，你借之不断饮用甘美苏摩的波浪——请以之护佑我们；祭司为你站立。因陀罗啊，愿你寻求牛群的金刚被推动起来。

ए॒ष द्र॒प्सो वृ॑ष॒भो वि॒श्वरू॑प॒ इन्द्रा॑य॒ वृष्णे॒ सम॑कारि॒ सोमः॑ ।
ए॒तं पि॑ब हरिव स्थातरुग्र॒ यस्येशि॑षे प्र॒दिवि॒ यस्ते॒ अन्न॑म् ॥

这滴苏摩，作为一切形象的公牛，已为因陀罗——那强有力者——妥善备好。啊，你拥有黄褐色马匹者，坚定而猛烈者，请饮用它——这是你在光明白昼中所统治的食物。

सु॒तः सोमो॒ असु॑तादिन्द्र॒ वस्या॑न॒यं श्रेया॑ञ्चिकि॒तुषे॒ रणा॑य ।
ए॒तं ति॑तिर्व॒ उप॑ याहि य॒ज्ञं तेन॒ विश्वा॒स्तवि॑षी॒रा पृ॑णस्व ॥

压榨过的苏摩，因陀罗啊，比未压榨的更富足、更优越；它是为了智者的利益。警觉的你，请来此祭祀；借此在此充满一切力量。

ह्वया॑मसि॒ त्वेन्द्र॑ याह्य॒र्वाङरं॑ ते॒ सोम॑स्त॒न्वे॑ भवाति ।
शत॑क्रतो मा॒दय॑स्वा सु॒तेषु॒ प्रास्माँ अ॑व॒ पृत॑नासु॒ प्र वि॒क्षु ॥

我们召唤你，因陀罗啊，请来此处。愿你的苏摩足以供养你的身体。百智者啊，在苏摩压榨中欢喜吧；在战斗中、在人民之中护佑我们。