梨俱吠陀 · 赞歌 6.71

6.71.1

उदु॒ ष्य दे॒वः स॑वि॒ता हि॑र॒ण्यया॑ बा॒हू अ॑यंस्त॒ सव॑नाय सु॒क्रतुः॑ ।
घृ॒तेन॑ पा॒णी अ॒भि प्रु॑ष्णुते म॒खो युवा॑ सु॒दक्षो॒ रज॑सो॒ विध॑र्मणि ॥

天神萨维特里伸展金色的双臂为压榨苏摩而备；他善于谋划，以酥油润泽双手。他年轻敏捷，主持天界诸域的安排。

दे॒वस्य॑ व॒यं स॑वि॒तुः सवी॑मनि॒ श्रेष्ठे॑ स्याम॒ वसु॑नश्च दा॒वने॑ ।
यो विश्व॑स्य द्वि॒पदो॒ यश्चतु॑ष्पदो नि॒वेश॑ने प्रस॒वे चासि॒ भूम॑नः ॥

愿我们借天神萨维特里的推动而处于最好的境地，赐予财富亦然。你存在于一切两足与四足生灵的居所与推动之中，啊，广大者。

अद॑ब्धेभिः सवितः पा॒युभि॒ष्ट्वं शि॒वेभि॑र॒द्य परि॑ पाहि नो॒ गय॑म् ।
हिर॑ण्यजिह्वः सुवि॒ताय॒ नव्य॑से॒ रक्षा॒ माकि॑र्नो अ॒घशं॑स ईशत ॥

萨维特里啊，以不坏的护佑、吉祥的守卫，今日请四面护卫我们的牲畜。金舌者啊，为了福祉与新的财富，请守护我们；愿恶语者不能统治我们。

उदु॒ ष्य दे॒वः स॑वि॒ता दमू॑ना॒ हिर॑ण्यपाणिः प्रतिदो॒षम॑स्थात् ।
अयो॑हनुर्यज॒तो म॒न्द्रजि॑ह्व॒ आ दा॒शुषे॑ सुवति॒ भूरि॑ वा॒मम् ॥

那位天神萨维特里，家主、金手者，每一黎明都升起。铁口、可敬、甜言的他，将丰厚的财富赐予慷慨的供奉者。

उदू॑ अयाँ उपव॒क्तेव॑ बा॒हू हि॑र॒ण्यया॑ सवि॒ता सु॒प्रती॑का ।
दि॒वो रोहां॑स्यरुहत्पृथि॒व्या अरी॑रमत्प॒तय॒त्कच्चि॒दभ्व॑म् ॥

天神萨维特里举起金色的双臂升起，如同祭司举手。美手的他登上天空的高处，使大地欢喜；凡飞翔的鸟，他也使之欢欣。

वा॒मम॒द्य स॑वितर्वा॒ममु॒ श्वो दि॒वेदि॑वे वा॒मम॒स्मभ्यं॑ सावीः ।
वा॒मस्य॒ हि क्षय॑स्य देव॒ भूरे॑र॒या धि॒या वा॑म॒भाजः॑ स्याम ॥

萨维特里啊，今日请赐予我们财富，明日也赐予，日复一日赐予财富。天神啊，愿我们凭此智慧，分享广大居所的财富。