梨俱吠陀 · 赞歌 7.57

7.57.1

मध्वो॑ वो॒ नाम॒ मारु॑तं यजत्राः॒ प्र य॒ज्ञेषु॒ शव॑सा मदन्ति ।
ये रे॒जय॑न्ति॒ रोद॑सी चिदु॒र्वी पिन्व॒न्त्युत्सं॒ यदया॑सुरु॒ग्राः ॥

值得敬拜的摩录多啊，你们的名字甘甜。你们凭力量在祭祀中欢喜，震动广阔的天地；当你们猛烈前行时，使水源涌流。

नि॒चे॒तारो॒ हि म॒रुतो॑ गृ॒णन्तं॑ प्रणे॒तारो॒ यज॑मानस्य॒ मन्म॑ ।
अ॒स्माक॑म॒द्य वि॒दथे॑षु ब॒र्हिरा वी॒तये॑ सदत पिप्रिया॒णाः ॥

摩录多确实是赞颂者和祭主心意的引导者。今日在我们的祭祀中，欢喜的你们啊，为了喜悦，请坐在这神圣的草座上。

नैताव॑द॒न्ये म॒रुतो॒ यथे॒मे भ्राज॑न्ते रु॒क्मैरायु॑धैस्त॒नूभिः॑ ।
आ रोद॑सी विश्व॒पिशः॑ पिशा॒नाः स॑मा॒नम॒ञ्ज्य॑ञ्जते शु॒भे कम् ॥

其他摩录多不如这些伟大，他们以金饰、武器与身躯闪耀。他们色彩斑斓、盛装打扮，以相似的饰物装点天地，确实为了美丽。

ऋध॒क्सा वो॑ मरुतो दि॒द्युद॑स्तु॒ यद्व॒ आगः॑ पुरु॒षता॒ करा॑म ।
मा व॒स्तस्या॒मपि॑ भूमा यजत्रा अ॒स्मे वो॑ अस्तु सुम॒तिश्चनि॑ष्ठा ॥

摩录多啊，愿你们的闪电各自分开。若我们因人性之故对你们有所冒犯，尊贵的你们啊，愿我们不在其中；愿你们对我们的善意最为亲近。

कृ॒ते चि॒दत्र॑ म॒रुतो॑ रणन्तानव॒द्यासः॒ शुच॑यः पाव॒काः ।
प्र णो॑ऽवत सुम॒तिभि॑र्यजत्राः॒ प्र वाजे॑भिस्तिरत पु॒ष्यसे॑ नः ॥

在此行动中，摩录多啊，你们无瑕、光明、能净化，请以善念护佑我们。尊贵的你们啊，以力量引我们渡过，使我们昌盛。

उ॒त स्तु॒तासो॑ म॒रुतो॑ व्यन्तु॒ विश्वे॑भि॒र्नाम॑भि॒र्नरो॑ ह॒वींषि॑ ।
ददा॑त नो अ॒मृत॑स्य प्र॒जायै॑ जिगृ॒त रा॒यः सू॒नृता॑ म॒घानि॑ ॥

受赞颂的摩录多啊，请带着你们所有的名号前来；诸位领袖啊，请接受供物。赐予我们不死与子嗣，带来财富的美好施舍。

आ स्तु॒तासो॑ मरुतो॒ विश्व॑ ऊ॒ती अच्छा॑ सू॒रीन्त्स॒र्वता॑ता जिगात ।
ये न॒स्त्मना॑ श॒तिनो॑ व॒र्धय॑न्ति यू॒यं पा॑त स्व॒स्तिभिः॒ सदा॑ नः ॥

受赞颂的摩禄多们啊，你们都带着庇护来到各祭礼中的护持者身边。你们以自身之力使我们增长百倍，请常以吉祥护佑我们。