梨俱吠陀 · 赞歌 9.73

9.73.1

स्रक्वे॑ द्र॒प्सस्य॒ धम॑तः॒ सम॑स्वरन्नृ॒तस्य॒ योना॒ सम॑रन्त॒ नाभ॑यः ।
त्रीन्त्स मू॒र्ध्नो असु॑रश्चक्र आ॒रभे॑ स॒त्यस्य॒ नावः॑ सु॒कृत॑मपीपरन् ॥

从滴之居所，他们一同咆哮；在天则（ṛta）之胎中，所有的脐同时运动。那阿修罗为开端在头顶上设立了三者，并充满了真理（satya）之善造的船只。

स॒म्यक्स॒म्यञ्चो॑ महि॒षा अ॑हेषत॒ सिन्धो॑रू॒र्मावधि॑ वे॒ना अ॑वीविपन् ।
मधो॒र्धारा॑भिर्ज॒नय॑न्तो अ॒र्कमित्प्रि॒यामिन्द्र॑स्य त॒न्व॑मवीवृधन् ॥

如公牛般正确运行者，被送至信度河的波浪之上；织工们搅动了它们。以蜜之流生出赞歌，他们滋养了因陀罗所爱之身。

प॒वित्र॑वन्तः॒ परि॒ वाच॑मासते पि॒तैषां॑ प्र॒त्नो अ॒भि र॑क्षति व्र॒तम् ।
म॒हः स॑मु॒द्रं वरु॑णस्ति॒रो द॑धे॒ धीरा॒ इच्छे॑कुर्ध॒रुणे॑ष्वा॒रभ॑म् ॥

拥有滤器者坐于言语四周；他们古老的父亲守护誓约。伟大的伐楼那横置大海；唯有智者能在支柱上开始。

स॒हस्र॑धा॒रेऽव॒ ते सम॑स्वरन्दि॒वो नाके॒ मधु॑जिह्वा अस॒श्चतः॑ ।
अस्य॒ स्पशो॒ न नि मि॑षन्ति॒ भूर्ण॑यः प॒देप॑दे पा॒शिनः॑ सन्ति॒ सेत॑वः ॥

哦，千流者！从你而来的蜜舌、不失误者，在天穹之中一同咆哮。它的侦察者——光芒——从不眨眼；每一步都有罗网，都有束缚。

पि॒तुर्मा॒तुरध्या ये स॒मस्व॑रन्नृ॒चा शोच॑न्तः सं॒दह॑न्तो अव्र॒तान् ।
इन्द्र॑द्विष्टा॒मप॑ धमन्ति मा॒यया॒ त्वच॒मसि॑क्नीं॒ भूम॑नो दि॒वस्परि॑ ॥

在父母之上，伴随颂诗咆哮，闪耀并燃烧，他们焚烧无法无天者；以幻术吹散因陀罗的敌人，吹散创造者在天界之外的黑暗覆盖。

प्र॒त्नान्माना॒दध्या ये स॒मस्व॑र॒ञ्श्लोक॑यन्त्रासो रभ॒सस्य॒ मन्त॑वः ।
अपा॑न॒क्षासो॑ बधि॒रा अ॑हासत ऋ॒तस्य॒ पन्थां॒ न त॑रन्ति दु॒ष्कृतः॑ ॥

在古老的尺度之上，咆哮的发声之器、迅捷者的歌者、思想者、盲人与聋人，从远处发言；作恶者无法越过宇宙秩序（ṛta）之道。

स॒हस्र॑धारे॒ वित॑ते प॒वित्र॒~आ वाचं॑ पुनन्ति क॒वयो॑ मनी॒षिणः॑ ।
रु॒द्रास॑ एषामिषि॒रासो॑ अ॒द्रुहः॒ स्पशः॒ स्वञ्चः॑ सु॒दृशो॑ नृ॒चक्ष॑सः ॥

在千流展开的滤器中，诗人与智者净化言语。这些楼陀罗迅捷、忠诚、自身光明、目光明察，是人间的观察者。

ऋ॒तस्य॑ गो॒पा न दभा॑य सु॒क्रतु॒स्त्री ष प॒वित्रा॑ हृ॒द्य॑न्तरा द॑धे ।
वि॒द्वान्त्स विश्वा॒ भुव॑ना॒भि प॑श्यति॒ अवाजु॑ष्टान्विध्यति क॒र्ते अ॑व्र॒तान् ॥

作为宇宙秩序的守护者，他智慧而心怀善意，在心中安置三层滤器，并非为了毁灭。他洞知一切，审视诸世界，并击打那些不受欢迎、行为无法无天的人。

ऋ॒तस्य॒ तन्तु॒र्वित॑तः प॒वित्र॒~आ जि॒ह्वाया॒ अग्रे॒ वरु॑णस्य मा॒यया॑ ।
धीरा॑श्चि॒त्तत्स॒मिन॑क्षन्त आश॒तात्रा॑ क॒र्तमव॑ पदा॒त्यप्र॑भुः ॥

宇宙秩序之线在滤器中展开；凭借伐楼那的幻力，它立于舌前。智者完全辨识它并来到此处，而无力的作者则坠落。