摩诃婆罗多 · 章 1.122
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
1.122.1
ततः शान्तनवो भीष्मो राज्ञः पाण्डोर्यशस्विनः ।
विवाहस्यापरस्यार्थे चकार मतिमान्मतिम् ॥ १.१२२.१ ॥
于是,善思的山塔努之子毗湿摩,为著名的般度王决定了另一场婚姻。
1.122.2
सोऽमात्यैः स्थविरैः सार्धं ब्राह्मणैश्च महर्षिभिः ।
बलेन चतुरङ्गेण ययौ मद्रपतेः पुरम् ॥ १.१२२.२ ॥
他与大臣、长者、婆罗门和大仙人一同,率领四军之师,前往摩德罗王的城市。
1.122.3
तमागतमभिश्रुत्य भीष्मं वाहीकपुङ्गवः ।
प्रत्युद्गम्यार्चयित्वा च पुरं प्रावेशयन्नृपः ॥ १.१२२.३ ॥
瓦希迦之王闻知毗湿摩到来,便出城迎接,恭敬礼敬,并引他入城。
1.122.4
दत्त्वा तस्यासनं शुभ्रं पाद्यमर्घ्यं तथैव च ।
मधुपर्कं च मद्रेशः पप्रच्छागमनेऽर्थिताम् ॥ १.१२२.४ ॥
摩德罗之主献上白色坐席、洗足水、敬礼之物及蜜饮,然后询问他来访的目的。
1.122.5
तं भीष्मः प्रत्युवाचेदं मद्रराजं कुरूद्वहः ।
आगतं मां विजानीहि कन्यार्थिनमरिन्दम ॥ १.१२२.५ ॥
俱卢之最的毗湿摩回答摩德罗王说:“降敌者啊,请知道我是为求娶少女而来的。”
1.122.6
श्रूयते भवतः साध्वी स्वसा माद्री यशस्विनी ।
तामहं वरयिष्यामि पाण्डोरर्थे यशस्विनीम् ॥ १.१२२.६ ॥
听说您有一位贤德而著名的妹妹摩德里。为了般度,我将求娶这位名声显赫的女子。
1.122.7
युक्तरूपो हि संबन्धे त्वं नो राजन्वयं तव ।
एतत्संचिन्त्य मद्रेश गृहाणास्मान्यथाविधि ॥ १.१२२.७ ॥
国王啊，在这门亲事上，您与我们相称，我们也与您相称。摩德罗之主啊，请仔细考虑后，依礼收纳我们吧。
1.122.8
तमेवंवादिनं भीष्मं प्रत्यभाषत मद्रपः ।
न हि मेऽन्यो वरस्त्वत्तः श्रेयानिति मतिर्मम ॥ १.१२२.८ ॥
对这样说话的毗湿摩，摩德罗之主回答道：“对我而言，没有比您更好的择婿，这便是我的想法。”
1.122.9
पूर्वैः प्रवर्तितं किंचित्कुलेऽस्मिन्नृपसत्तमैः ।
साधु वा यदि वाऽसाधु तन्नातिक्रान्तुमुत्सहे ॥ १.१२२.९ ॥
在这个家族中，先前的最优秀君王曾确立了某种惯例。无论它是好是坏，我都不敢违背。
1.122.10
व्यक्तं तद्भवतश्चापि विदितं नात्र संशयः ।
न च युक्तं तथा वक्तुं भवान्देहीति सत्तम ॥ १.१२२.१० ॥
这一点您也是清楚知道的，毫无疑问。而且，善人中最优秀的您，这样说“请把她给我”是不恰当的。
1.122.11
कुलधर्मः स नो वीर प्रमाणं परमं च तत् ।
तेन त्वां न ब्रवीम्येतदसंदिग्धं वचोऽरिहन् ॥ १.१२२.११ ॥
英雄啊，那是我们家族的传统，也是至高的准则。因此，灭敌者啊，我不向您说这句毫不含糊的话。
1.122.12
तं भीष्मः प्रत्युवाचेदं मद्रराजं जनाधिपः ।
धर्म एष परो राजन्स्वयमुक्तः स्वयंभुवा ॥ १.१२२.१२ ॥
于是人民之主毗湿摩对那位摩德罗之王回答道：“国王啊，这是至高的法，是自生者亲口所说。”
1.122.13
नात्र कश्चन दोषोऽस्ति पूर्वैर्विधिरयं कृतः ।
विदितेयं च ते शल्य मर्यादा साधुसंमता ॥ १.१२२.१३ ॥
此事并无过失；此制度乃先人所立。沙利亚啊，你知道这被善人认可的礼法。
1.122.14
इत्युक्त्वा स महातेजाः शातकुम्भं कृताकृतम् ।
रत्नानि च विचित्राणि शल्यायादात्सहस्रशः ॥ १.१२२.१४ ॥
说罢，这位大光明者向沙利亚奉上了成千上万的金子（已加工与未加工的）以及各色宝石。
1.122.15
गजानश्वान्रथांश्चैव वासांस्याभरणानि च ।
मणिमुक्ताप्रवालं च गाङ्गेयो व्यसृजच्छुभम् ॥ १.१२२.१५ ॥
象、马、车、衣物、饰品、宝石、珍珠与珊瑚——这些吉祥的礼物由恒河之子赠予。
1.122.16
तत्प्रगृह्य धनं सर्वं शल्यः संप्रतीमानसः ।
ददौ तां समलङ्कृत्य स्वसारं कौरवर्षभे ॥ १.१२२.१६ ॥
沙利亚收下了全部财物，心中欢喜，将妹妹打扮得庄严华美，嫁给了库鲁族之牛。
1.122.17
स तां माद्रीमुपादाय भीष्मः सागरगासुतः ।
आजगाम पुरीं धीमान्प्रविष्टो गजसाह्वयम् ॥ १.१२२.१७ ॥
智者毗湿摩带着摩德利，恒河之子，来到城中，进入了象城（即象名城/Hāstinapura）。
1.122.18
तत इष्टेऽहनि प्राप्ते मुहूर्ते साधुसंमते ।
विवाहं कारायामास भीष्मः पाण्डोर्महात्मनः।
जग्राह विधिवत्पाणिं माद्र्याः पाण्डुर्नराधिपः ॥ १.१२२.१८ ॥
于是，待到吉日，在善人认可的良辰，毗湿摩为大心的般度举行了婚礼。人主般度依礼握住了摩德利的手。
1.122.19
ततो विवाहे निर्वृत्ते स राजा कुरुनन्दनः ।
स्थापयामास तां भार्यां शुभे वेश्मनि भामिनीं ॥ १.१२२.१९ ॥
婚礼完成后，那位库鲁族的欢喜之王，把这位光彩照人的女子在吉祥的宅第中立为妻子。
1.122.20
स ताभ्यां व्यचरत्सार्धं भार्याभ्यां राजसत्तमः ।
कुन्त्या माद्र्या च राजेन्द्रो यथाकामं यथासुखम् ॥ १.१२२.२० ॥
那位诸王中最优秀的王、诸王之主般度，与他的两位妻子昆提和摩德利一同，随心所欲、安乐地游乐。
1.122.21
ततः स कौरवो राजा विहृत्य त्रिदशा निशाः ।
जिगीषया महीं पाण्डुर्निरक्रामत्पुरात्प्रभो ॥ १.१२२.२१ ॥
于是那位考拉瓦王般度，度过了三十夜的欢乐，主啊，便怀着征服大地的愿望离开了城市。
1.122.22
स भीष्मप्रमुखान्वृद्धानभिवाद्य प्रणम्य च ।
धृतराष्ट्रं च कौरव्यं तथान्यान्कुरुसत्तमान्।
आमन्त्र्य प्रययौ राजा तैश्चैवाप्यनुमोजितः ॥ १.१२२.२२ ॥
那位国王向以毗湿摩为首的长者致敬行礼，并向考拉瓦的持国王及其他库鲁族的最优秀者告别，然后启程；他们也都表示赞同。
1.122.23
मङ्गलाचारयुक्ताभिराशीर्भिरभिनन्दितः ।
गजवाजिरथौघेन बलेन महताऽगमत् ॥ १.१२२.२३ ॥
在吉祥仪式伴随的祝福声中，他率领由大象、马匹和战车组成的庞大军队出发了。
1.122.24
स राजा देवगर्भाभो विजिगीषुर्वसुन्धराम् ।
हृष्टपुष्टबलैः प्रायात्पाण्डुः शत्रूननेकशः ॥ १.१२२.२४ ॥
那位如同神种般光辉的般度王，怀着征服大地之心，率领欢欣而强壮的军队，向众多敌人进发。
1.122.25
पूर्वमागस्कृतो गत्वा दशार्णाः समरे जिताः ।
पाण्डुना नरसिंहेन कौरवाणां यशोभृता ॥ १.१२२.२५ ॥
此前犯下过错的达沙尔纳人在战斗中被人狮般的般度所击败，他为俱卢族带来了荣耀。
1.122.26
ततः सेनामुपादाय पाण्डुर्नानाविधध्वजाम् ।
प्रभूतहस्त्यश्वयुतां पदातिरथसंकुलाम् ॥ १.१२२.२६ ॥
于是般度率领军队，旗帜各异，象马众多，步兵与战车密集。
1.122.27
आगस्कारी महीपानां बहूनां बलदर्पितः ।
गोप्ता मगधराष्ट्रस्य दीर्घो राजगृहे हतः ॥ १.१२२.२७ ॥
长者狄尔迦冒犯过众多君王，倚仗武力自负，乃摩揭陀国的守护者，在王舍城被杀。
1.122.28
ततः कोशं समादाय वाहनानि च भूरिशः ।
पाण्डुना मिथिलां गत्वा विदेहाः समरे जिताः ॥ १.१२२.२८ ॥
随后般度取得国库和众多车骑，前往弥提罗，在战斗中击败了毗提诃人。
1.122.29
तथा काशिषु सुह्मेषु पुण्ड्रेषु च नरर्षभ ।
स्वबाहुबलवीर्येण कुरूणामकरोद्यशः ॥ १.१२२.२९ ॥
同样，人中之牛啊，他在迦尸、苏摩和普德罗人中，凭借自己双臂的力量与勇武，为俱卢族增添了荣耀。
1.122.30
तं शरौघमहाज्वालं शस्त्रार्चिषमरिन्दमम् ।
पाण्डुपावकमासाद्य व्यवह्यन्त नराधिपाः ॥ १.१२२.३० ॥
那般度之火，以箭雨构成的大火焰与兵器的光辉，克敌者——诸王走近它，便被焚烧。
1.122.31
ते ससेनाः ससेनेन विध्वंसितबला नृपाः ।
पाण्डुना वशगाः कृत्वा कुरुकर्मसु योजिताः ॥ १.१२२.३१ ॥
那些国王及其军队，力量被能统领军队的般度击溃，被置于其统治之下，并被投入到俱卢的事务之中。
1.122.32
तेन ते निर्जिताः सर्वे पृथिव्यां सर्वपार्थिवाः ।
तमेकं मेनिरे शूरं देवेष्विव पुरन्दरम् ॥ १.१२२.३२ ॥
大地上的所有君主都被他击败，他们只把他视为唯一的英雄，犹如诸神中的因陀罗。
1.122.33
तं कृताञ्जलयः सर्वे प्रणता वसुधाधिपाः ।
उपाजग्मुर्धनं गृह्य रत्नानि विविधानि च ॥ १.१२२.३३ ॥
所有大地的君主合掌躬身，来到他面前，带着财富和各式各样的珍宝。
1.122.34
मणिमुक्ताप्रवालं च सुवर्णं रजतं बहु ।
गोरत्नान्यश्वरत्नानि रथरत्नानि कुञ्जरान् ॥ १.१२२.३४ ॥
宝石、珍珠与珊瑚，大量金银，上好的牛，上好的马，上好的车，以及大象。
1.122.35
खरोष्ट्रमहिषांश्चैव यच्च किंचिदजाविकम् ।
कम्लाजिनरत्नानि राङ्कवास्तरणानि च।
तत्सर्वं प्रतिजग्राह राजा नागपुराधिपः ॥ १.१२२.३५ ॥
驴、骆驼和水牛，以及所有的山羊和绵羊，毯子与兽皮之类的珍品，以及羚羊皮的垫褥，所有这些都被那伽普罗的国王收下了。
1.122.36
तदादाय ययौ पाण्डुः पुनर्मदितवाहनः ।
हर्षयिष्यन्स्वराष्ट्राणि पुरं च गजसाह्वयम् ॥ १.१२२.३६ ॥
般度带着这些财物再次出发，他的车辆已疲惫不堪，准备让自己的国土和名为象城（Gajasāhvaya）的城市欢欣。
1.122.37
शान्तनो राजसिंहस्य भरतस्य च धीमतः ।
प्रनष्टः कीर्तिजः शब्दः पाण्डुना पुनराहृतः ॥ १.१२२.३७ ॥
狮子般的王者商剖努与智者婆罗多失落的声名，又被般度重新带回。
1.122.38
ये पुरा कुरुराष्ट्राणि जह्रुः कुरुधनानि च ।
ते नागपुरसिंहेन पाण्डुना करदीकृताः ॥ १.१२२.३८ ॥
昔日夺取库鲁诸国与库鲁财富的人，被象城之狮般度降为纳贡者。
1.122.39
इत्यभाषन्त राजानो राजामात्याश्च सङ्गताः ।
प्रतीतमनसो हृष्टाः पौरजानपदैः सह ॥ १.१२२.३९ ॥
聚集的诸王与大臣心情欣悦、满怀喜乐，与城中居民和乡村百姓一同这样说道。
1.122.40
प्रत्युद्ययुश्च तं प्राप्तं सर्वे भीष्मपुरोगमाः ।
ते नदूरमिवाध्वानं गत्वा नागपुरालयाः ॥ १.१२२.४० ॥
以毗湿摩为首的众人出迎归来者；象城的居民仿佛走过遥远的路程，前来相会。
1.122.41
आवृतं ददृशुर्हृष्टा लोकं बहुविधैर्धनैः ।
नानायानसमानीतै रत्नैरुच्चावचैस्तदा ॥ १.१२२.४१ ॥
那时，他们欣喜地看见大地满载各式财宝，各种车辆运来的珍宝高低不一，琳琅满目。
1.122.42
हस्त्यश्वरथरत्नैश्च गोभिरुष्ट्रैस्तथाऽऽविभिः ।
नान्तं ददृशुरासाद्य भीष्मेण सह कौरवाः ॥ १.१२२.४२ ॥
与毗湿摩同至，库鲁人看见了无尽的象、马、车等珍宝，以及牛、骆驼和羊群。
1.122.43
सोऽभिवाद्य पितुः पादौ कौसल्यानन्दवर्धनः ।
यथाऽर्हं मानयामास पौरजानपदानपि ॥ १.१२२.४३ ॥
增添考莎利亚喜悦的他向父亲的双足致敬，并依其身份礼敬城中居民与乡间百姓。
1.122.44
प्रमृद्य परराष्ट्राणि कृतार्थं पुनरागतम् ।
पुत्रमाश्लिष्य भीष्मस्तु हर्षादश्रूण्यवर्तयत् ॥ १.१२२.४४ ॥
毗湿摩摧毁敌国，功成而归，拥抱了儿子，喜悦之泪便从他眼中流下。
1.122.45
स तूर्यशतशङ्खानां भेरीणां च महास्वनैः ।
हर्षयन्सर्वशः पौरान्विवेश गजसाह्वयम् ॥ १.१२२.४५ ॥
在数百个号角、海螺与大鼓的巨响中，他到处使城中居民欢喜，进入了象城（Hāstinapura）。