摩诃婆罗多 · 章 1.18
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
1.18.1
ततोऽभ्रशिखराकारैर्गिरिशृङ्गैरलंकृतम् ।
मन्दरं पर्वतवरं लताजालसमाकुलम् ॥ १.१८.१ ॥
于是，山中之最的曼陀罗山，以如云般的峰顶装饰，布满藤蔓的罗网。
1.18.2
नानाविहंगसंघुष्टं नानादंष्ट्रिसमाकुलम् ।
किंनरैरप्सरोभिश्च देवैरपि च सेवितम् ॥ १.१८.२ ॥
群鸟鸣声回荡，多有利齿之兽栖居，紧那罗、阿普萨拉及诸天常来侍奉。
1.18.3
एकादश सहस्राणि योजनानां समुच्छ्रितम् ।
अधोभूमेः सहस्रेषु तावत्स्वेव प्रतिष्ठितम् ॥ १.१८.३ ॥
它高耸一万一千由旬，地下同样深入数千由旬而稳固立住。
1.18.4
तमुद्धर्तुमशक्ता वै सर्वे देवगणास्तदा ।
विष्णुमासीनमभ्येत्य ब्रह्माणं चेदमब्रुवन् ॥ १.१८.४ ॥
此时诸天众神都无法将其举起，便走到端坐的毗湿奴与梵天面前，说了这些话。
1.18.5
भवन्तावत्र कुरुतां बुद्धिं नैःश्रेयसीं पराम् ।
मन्दरोद्धरणे यत्नः क्रियतां च हिताय नः ॥ १.१८.५ ॥
请二位在此定下至善的最高决断，为了我们的福祉，努力将曼陀罗山抬起。
1.18.6
तथेति चाब्रवीद्विष्णुर्ब्रह्मणा सह भार्गव ।
अचोदयदमेयात्मा फणीन्द्रं पद्मलोचनः ॥ १.१८.६ ॥
婆利伽婆啊，毗湿奴——莲花眼、无量自性者——与梵天一同说：“就这样吧”，并催促蛇王。
1.18.7
ततोऽनन्तः समुत्थाय ब्रह्मणा परिचोदितः ।
नारायणेन चाप्युक्तस्तस्मिन्कर्मणि वीर्यवान् ॥ १.१८.७ ॥
于是，被梵天催促、又得到那罗延对此事的吩咐，无限者起身；他威力强大。
1.18.8
अथ पर्वतराजानं तमनन्तो महाबलः ।
उज्जहार बलाद्ब्रह्मन्सवनं सवनौकसम् ॥ १.१८.८ ॥
于是大力的无限者，婆罗门啊，强行拔起那座山王——居于林中的曼陀罗山。
1.18.9
ततस्तेन सुराः सार्धं समुद्रमुपतस्थिरे ।
तमूचुरमृतस्यार्थे निर्मथिष्यामहे जलम् ॥ १.१८.९ ॥
于是诸神与他一同来到大海边，对他说：“为了甘露，我们要搅动这海水。”
1.18.10
अपांपतिरथोवाच ममाप्यंशो भवेत्ततः ।
सोढाऽस्मि विपुलं मर्दं मन्दरभ्रमणादिति ॥ १.१८.१० ॥
于是水主说：“我也应有一份。因曼陀罗山旋转而生的巨大搅动，我将承受。”
1.18.11
ऊचुश्च कूर्मराजानमकूपारे सुरासुराः ।
अधिष्ठानं गिरेरस्य भवान्भवितुमर्हति ॥ १.१८.११ ॥
诸天与阿修罗对海中的龟王说：“你应当成为这座山的基座。”
1.18.12
कूर्मेण तु तथेत्युक्त्वा पृष्ठमस्य समर्पितम् ।
तं शैलं तस्य पृष्ठस्थं वज्रेणेन्द्रोऽभ्यपीडयत् ॥ १.१८.१२ ॥
龟王说：“就这样吧。”便将自己的背献上。因陀罗便用金刚杵压住了那座立于其背上的山。
1.18.13
मन्थानं मन्दरं कृत्वा तथा योक्त्रं च वासुकिम् ।
देवा मथितुमारब्धाः समुद्रं निधिमम्भसाम्।
अमृतार्थे पुरा ब्रह्मस्तथैवासुरदानवाः ॥ १.१८.१३ ॥
以曼陀罗山为搅棒，以婆苏吉蛇为绳，诸天开始搅动海洋——水的宝库。婆罗门啊，往昔阿修罗与檀那婆亦同样（参与）以求甘露。
1.18.14
एकमन्तमुपाश्लिष्टा नागराज्ञो महासुराः ॥ १.१८.१४ ॥
在一端，大阿修罗紧紧抓住蛇王。
1.18.15
विबुधाः सहिताः सर्वे यतः पुच्छं ततः स्थिताः ।
अनन्तो भगवान्देवो यतो नारायणः स्थितः ॥ १.१८.१५ ॥
诸天众聚集在蛇尾所在之处；世尊阿难陀神在那纳罗衍那所立之处。
1.18.16
वासुकेरग्रमाश्लिष्टा नागराज्ञो महासुराः ।
शिर उत्क्षिप्य नागस्य पुनः पुनरवाक्षिपन् ॥ १.१८.१६ ॥
大阿修罗紧抓婆苏吉的前端；他们举起蛇头，一次又一次地将其拉下。
1.18.17
वासुकेरथ नागस्य सहसा क्षिप्यतोऽसुरैः ।
सधूमाः सार्चिषो वाता निष्पेतुरसकृन्मुखात् ॥ १.१८.१७ ॥
那时，婆苏吉蛇被阿修罗们突然拉扯，其口中一次又一次地迸出夹带烟焰的旋风。
1.18.18
वासुकेर्मथ्यमानस्य निःसृतेन विषेण च ।
अभवन्मिश्रितं तोयं तदा भार्गवनन्दन ॥ १.१८.१८ ॥
婆罗高之子啊，那时水与从被搅动的婆苏吉身上放出的毒液混合了。
1.18.19
मथनान्मन्दरेणाथ देवदानवबाहुभिः ।
विषं तीक्ष्णं समुद्भूतं हालाहलमिति श्रुतम् ॥ १.१८.१९ ॥
随后以曼达拉山搅动之时，诸天与阿修罗以臂力搅出一种猛烈的毒，名为哈拉哈拉。
1.18.20
देवाश्च दानवाश्चैव दग्धाश्चैव विषेण ह ।
अपाक्रामंस्ततो भीता विषादमगमंस्तदा ॥ १.१८.२० ॥
诸天与阿修罗为毒所烧；于是惊惧退去，当时陷入了忧愁。
1.18.21
ब्रह्माणमब्रुवन्देवाः समेत्य मुनिपुंगवैः ।
मथ्यमानेऽमृते जातं विषं कालानलप्रभम् ॥ १.१८.२१ ॥
诸天与最上的仙人聚集，对梵天说：搅动甘露之时，生出一种如劫末之火般光辉的毒。
1.18.22
तेनैव तापिता लोकास्तस्य प्रतिकुरुष्वह ।
एवमुक्तस्तदा ब्रह्मा दध्यौ लोकेश्वरं हरम् ॥ १.१८.२२ ॥
世界因它而被灼烧；请设法应对。如此被请求后，梵天专注地冥想世界之主哈罗。
1.18.23
त्र्यक्षं त्रिशूलिनं रुद्रे देवदेवमुमापतिम् ।
तदाऽथ चिन्तितो देवस्तज्ज्ञात्वा द्रुतमाययौ ॥ १.१८.२३ ॥
梵天冥想三目、持三叉戟的楼陀罗，诸神之神，乌玛之主。那时被冥想的神知晓此事，迅速前来。
1.18.24
तस्याथ देवस्तत्सर्वमाचचक्षे प्रजापतिः ।
तच्छ्रुत्वा दवेदेवेशो लोकस्यास्य हितेप्सया ॥ १.१८.२४ ॥
于是生主将一切告诉了那位神。天神之主听闻后，出于利益此世界的愿望，便采取了行动。
1.18.25
अपिबत्तद्विषं रुद्रः कालानलसमप्रभम् ।
कण्ठे स्थापितवान्देवो लोकानां हितकाम्यया ॥ १.१८.२५ ॥
楼陀罗饮下了那毒液，它光芒如时间之火。为了世界的福祉，这位神将它留在喉中。
1.18.26
यस्मात्तु नीलता कण्ठे नीलकण्ठस्ततः स्मृतः ।
पीतमात्रे विषे तत्र रुद्रेणामिततेजसा ॥ १.१८.२६ ॥
因为他的喉咙呈现蓝色，他被称为青颈（Nīlakaṇṭha）。毒液刚被饮下，无限光辉的楼陀罗便将它留在了那里。
1.18.27
देवाः प्रीताः पुनर्जग्मुश्चक्रुर्वै कर्म तत्तथा ।
मथ्यमानेऽमृतस्यार्थे भूयो वै देवदानवैः ॥ १.१८.२७ ॥
诸神欣喜地返回，再次按照那样做了那件事；为了不死甘露，天神与檀那婆再次搅动。
1.18.28
वासुकेरथ नागस्य सहसा क्षिप्यतोऽसुरैः ।
सधूमाः सार्चिषो वाता निष्पेतुरसकृन्मुखात् ॥ १.१८.२८ ॥
阿修罗突然拖拽蛇王婆苏吉时，从他的口中一次又一次喷出夹带烟焰的狂风。
1.18.29
ते धूमसङ्घाः संभूता मेघसङ्घाः सविद्युतः ।
अभ्यवर्षन्सुरगणाञ्श्रमसंतापकर्शितान् ॥ १.१८.२९ ॥
那些烟雾升腾后化为夹带闪电的云团，向被疲劳与炽热折磨得憔悴的诸神大军降下雨水。
1.18.30
तस्माच्च गिरिकूटाग्रात्प्रच्युताः पुष्पवृष्टयः ।
सुरासुरगणान्सर्वान्समन्तात्समवाकिरन् ॥ १.१८.३० ॥
从那座山峰顶端落下的花雨，从四面八方洒向所有天神与阿修罗的大军。
1.18.31
बभूवात्र महान्नादो महामेघरवोपमः ।
उदधेर्मथ्यमानस्य मन्दरेण सुरासुरैः ॥ १.१८.३१ ॥
此时，诸天与阿修罗以曼陀罗山搅动大海，发出如大雷云般的巨大轰鸣。
1.18.32
तत्र नानाजलचरा विनिष्पिष्टा महाद्रिणा ।
विलयं समुपाजग्मुः शतशो लवणाम्भसि ॥ १.१८.३२ ॥
其中被大山碾碎的各种水生生物，成百上千地在咸水中灭亡了。
1.18.33
वारुणानि च भूतानि विविधानि महीधरः ।
पातालतलवासीनि विलयं समुपानयत् ॥ १.१८.३३ ॥
那座山又使居于地底深处、属于伐楼那的各类生灵走向灭亡。
1.18.34
तस्मिंश्च भ्राम्यमाणेऽद्रौ संघृष्यन्तः परस्परम् ।
न्यपतन्पतगोपेताः पर्वताग्रान्महाद्रुमाः ॥ १.१८.३४ ॥
当那座山被翻转时，大树与其上的飞鸟相互摩擦，从山峰上纷纷坠落。
1.18.35
तेषां संघर्षजश्चाग्निरर्चिर्भिः प्रज्वलन्मुहुः ।
विद्युद्भिरिव नीलाभ्रमावृणोन्मन्दरं गिरिम् ॥ १.१८.३५ ॥
由它们摩擦而生的火焰，屡屡燃起火舌，如同带着闪电的乌云，笼罩了曼陀罗山。
1.18.36
ददाह कुञ्जरांस्तत्र सिंहांश्चैव विनिर्गतान् ।
विगतासूनि सर्वाणि सत्त्वानि विविधानि च ॥ १.१८.३६ ॥
它烧死了从那里冲出的象群与狮子，所有各类生灵都失去了生命。
1.18.37
तमग्निममरश्रेष्ठः प्रदहन्तमितस्ततः ।
वारिणा मेघजेनेन्द्रः शमयामास सर्वशः ॥ १.१८.३७ ॥
众神中最殊胜的因陀罗，用云中生出的水，将四处燃烧的那火完全熄灭了。
1.18.38
ततो नानाविधास्तत्र सुस्रुवुः सागराम्भसि ।
महाद्रुमाणां निर्यासा बहवश्चौषधीरसाः ॥ १.१८.३८ ॥
于是，大海的水中流入了各种大树的树脂和许多草药的汁液。
1.18.39
तेषाममृतवीर्याणां रसानां पयसैव च ।
अमरत्वं सुरा जग्मुः काञ्चनस्य च निःस्रवात् ॥ १.१८.३९ ॥
凭借那些具有甘露之力的汁液、乳汁，以及黄金的流出，诸神获得了不死。
1.18.40
ततस्तस्य समुद्रस्य तञ्जातमुदकं पयः ।
रसोत्तमैर्विमिश्रं च ततः क्षीरादभूद्धृतम् ॥ १.१८.४० ॥
随后，大海的那水变成了乳，与上好的汁液混合，从乳中便生出了酥油。
1.18.41
ततो ब्रह्माणमासीनं देवा वरदमब्रुवन् ।
श्रान्ताः स्म सुभृशं ब्रह्मन्नोद्भवत्यमृतं च तत् ॥ १.१८.४१ ॥
于是，诸神对端坐的赐予恩惠的梵天说：“梵天啊，我们已极为疲惫；那甘露至今尚未涌现。”
1.18.42
ऋते नारायणं देवं सर्वेऽन्ये देवदानवाः ।
चिरारब्धमिदं चापि सागरस्यापि मन्थनम् ॥ १.१८.४२ ॥
除了神那罗延，其余诸神与阿修罗——这搅动大海之事早已开始，然而。
1.18.43
ग्लानिरस्मान्समाविष्टा न चात्रामृतमत्थितम् ।
देवानां वचनं श्रुत्वा ब्रह्मा लोकपितामहः ॥ १.१८.४३ ॥
疲惫笼罩了我们，这里也没有得到甘露。诸神的话语被听到后，世界祖父梵天（思索起来）。
1.18.44
ततो नारायणं देवं वचनं चेदमब्रवीत् ।
विधत्स्वैषां बलं विष्णो भवानत्र परायणम् ॥ १.१८.४४ ॥
于是他对天神那罗延说了这些话：“毗湿奴啊，赐予他们力量；在此你就是他们的归依。”
1.18.45
बलं ददामि सर्वेषां कर्मैतद्ये समास्थिताः ।
क्षोभ्यतां कलशः सर्वैमन्दरः परिवर्त्यताम् ॥ १.१८.४५ ॥
“我赐予所有从事此事的人力量。愿大家搅动海洋，愿曼陀罗山被转动！”
1.18.46
नारायणवचः श्रुत्वा बलिनस्ते महोदधेः ।
तत्पयः सहिता भूयश्चक्रिरे भृशमाकुलम् ॥ १.१८.४६ ॥
闻听那罗延之言，那些大力者与大海之水一道，再次使其极度翻腾激荡。
1.18.47
तत्र पूर्वं विषं जातं तद्ब्रह्मवचनाच्छिवः ।
प्राग्रसल्लोकरक्षार्थं ततो ज्येष्ठा समुत्थिता।
कृष्णरूपधरा देवी सर्वाभरणभूषिता ॥ १.१८.४७ ॥
那里先生出毒药；依梵天之言，湿婆为护佑世界而饮下了它。随后，黑色形相、饰以一切装饰的女神耆湿陀（Jyeṣṭhā）升起。
1.18.48
ततः शतसहस्रांशुर्मथ्यमानात्तु सागरात् ।
प्रसन्नात्मा समुत्पन्नः सोमः शीतांशुरुज्ज्वलः ॥ १.१८.४८ ॥
随后，从被搅动的大海中生出了月神苏摩——心性澄明、千道光芒、清凉光辉而明亮。
1.18.49
श्रीरनन्तरमुत्पन्ना घृतात्पाण्डुरवासिनी ।
सुरा देवी समुत्पन्ना तुरगः पाण्डुरस्तथा ॥ १.१८.४९ ॥
此后,从如酥油般被搅动的海洋中,身着白衣的吉祥天女(Śrī)诞生;女神苏罗(Surā)诞生,白色的神马也同样诞生。
1.18.50
कौस्तुभस्तु मणिर्दिव्य उत्पन्नो घृतसंभवः ।
मरीचिविकचः श्रीमान्नारायणउरोगतः ॥ १.१८.५० ॥
从如酥油般的海洋中,诞生了神圣的宝石考斯图巴(Kaustubha),光芒闪耀,它落在那罗延(Nārāyaṇa)的胸前。
1.18.51
श्रीः सुरा चैव सोमश्च तुरगश्च मनोजवः ।
पारिजातश्च तत्रैव सुरभिश्च महामुने।
जज्ञाते तौ तदा ब्रह्मन्सर्वकामफलप्रदौ ॥ १.१८.५१ ॥
吉祥天女、苏罗、月神、迅如意念的神马、波利耶多树,以及苏罗毗(Surabhi)也都在那里诞生。大仙啊,婆罗门啊,那时诞生了这两件能赐予一切愿望之果的神物。
1.18.52
ततो जज्ञे महाकायश्चतुर्दन्तो महागजः ।
कपिला कामवृक्षश्च कौस्तुभश्चाप्सरोगणः।
यतो देवास्ततो जग्मुरादित्यपथमाश्रिताः ॥ १.१८.५२ ॥
随后诞生了身躯庞大、有四根象牙的大象;又诞生了迦毗罗牛、如意树、考斯图巴宝和众阿普莎拉斯。于是诸神沿着太阳之路离去。
1.18.53
धन्वन्तरिस्ततो देवो वपुष्मानुदतिष्ठत ।
श्वेतं कमण्डलुं बिभ्रदमृतं यत्र तिष्ठति ॥ १.१८.५३ ॥
随后,神医诃陀里(Dhanvantari)以肉身显现,手持盛有甘露的白色水瓶。
1.18.54
एतदत्यद्भुतं दृष्ट्वा दानवानां समुत्थितः ।
अमृतार्थे महान्नादो ममेदमिति जल्पताम् ॥ १.१८.५४ ॥
众达那婆见此极其奇妙的景象,为了甘露而爆发出巨大的喧嚷,他们高喊:“这是我的!”
1.18.55
ततो नारायणो मायां मोहिनीं समुपाश्रितः ।
स्त्रीरूपमद्भुतं कृत्वा दानवानभिसंश्रितः ॥ १.१८.५५ ॥
于是那罗延借助迷惑人的幻力，化作奇妙的女子之身，走近了达那婆。
1.18.56
ततस्तदमृतं तस्यै ददुस्ते मूढचेतसः ।
स्त्रियै दानवदैतेयाः सर्वे तद्गतमानसाः ॥ १.१८.५६ ॥
于是那些心智迷乱、心神全系于她的达那婆与提迪，都把甘露交给了那女子。
1.18.57
सा तु नारायणी माया धारयन्ती कमण्डलुम् ।
आस्यमानेषु दैत्येषु पङ्क्त्या च प्रति दानवैः ॥ १.१८.५७ ॥
那位那罗延娜的幻化之女手持水瓶，当提迪们排成一行而坐时，她却坐在达那婆们的对面。
1.18.58
देवानपाययद्देवी न दैत्यांस्ते च चुक्रुशुः ॥ १.१८.५८ ॥
女神让诸神饮下甘露，却没有给提迪；他们便大声喊叫起来。