摩诃婆罗多 · 章 1.188
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
1.188.1
अथ तस्यामदृश्यायां नृपतिः काममोहितः ।
पातनः शत्रुसङ्घानां पपात धरणीतले ॥ १.१८८.१ ॥
当她隐没之后，被欲望迷惑的国王，击倒敌军众阵的人，倒在了大地之上。
1.188.2
तस्मिन्निपतिते भूमावथ सा चारुहासिनी ।
पुनः पीनायतश्रोणी दर्शयामास तं नृपम् ॥ १.१८८.२ ॥
当他倒在地上时，她——笑容甜美、臀部丰满宽阔——又向那位国王显现了。
1.188.3
अथाबभाषे कल्याणी वाचा मधुरया नृपम् ।
तं कुरूणां कुलकरं कामाभिहतचेतसम् ॥ १.१८८.३ ॥
那位吉祥的女子便用甜美的话语对国王说话——那位库鲁家族的开创者，心被欲望所伤。
1.188.4
उवाच मधुरं वाक्यं तपती हसतीव सा ।
उत्तिष्ठोत्तिष्ठ भद्रं ते न त्वमर्हस्यरिन्दम ॥ १.१८८.४ ॥
檀波蒂仿佛微笑着说出甜美的话语：“起来，起来！愿你吉祥。制敌者啊，这不适合你。”
1.188.5
मोहं नृपतिशार्दूल गन्तुमाविष्कृतः क्षितौ ।
एवमुक्तोऽथ नृपतिर्वाचा मधुरया तदा ॥ १.१८८.५ ॥
诸王中的猛虎啊，你的迷惑已在大地上显露。国王就这样被甜美的话语所问候，于是——
1.188.6
ददर्श विपुलश्रोणीं तामेवाभिमुखे स्थिताम् ।
अथ तामसितापाङ्गीमाबभाषे स पार्थिवः ॥ १.१८८.६ ॥
国王看见那位宽臀的女子就站在他面前。于是这位大地之主对眼角乌黑的她说话。
1.188.7
मन्मथाग्निपरीतात्मा सन्दिग्धाक्षरया गिरा ।
साधु त्वमसितापाङ्गि कामार्तं मत्तकाशिनि ॥ १.१८८.७ ॥
他被情欲之火包围着内心，以含混的言辞说道："好吧，你这黑眼睛的女子，你这看似醉意朦胧的人，请对被欲望所折磨的我施以恩惠吧。"
1.188.8
भजस्व भजमानं मां प्राणा हि प्रजहन्ति माम् ।
त्वदर्थं हि विशालाक्षि मामयं निशितैः शरैः ॥ १.१८८.८ ॥
请接纳渴求你的我吧，我的生命之气正离我而去。广目的女子啊，正是为了你，他用锐利的箭射穿我。
1.188.9
कामः कमलगर्भाभे प्रतिविध्यन्न शाम्यति ।
दष्टमेवमनाक्रन्दे भद्रे काममहाहिना ॥ १.१८८.९ ॥
你啊，光辉如莲花之心，爱欲反复刺穿我却不肯平息。善良的女子啊，你不呼喊，我就这样被爱欲这条大蛇咬伤了。
1.188.10
सा त्वं पीनायतश्रोणी मामाप्नुहि वरानने ।
त्वदधीना हि मे प्राणाः किन्नरोद्गीतभाषिणि ॥ १.१८८.१० ॥
你啊，臀部丰满宽阔，容颜美好的女子，请来接纳我吧。你说话如紧那罗的歌唱，我的生命之气都系于你身上。
1.188.11
चारुसर्वानवद्याङ्गि पद्मेन्दुप्रतिमानने ।
न ह्यहं त्वदृते भीरु शक्ष्यामि खलु जीवितुम् ॥ १.१८८.११ ॥
美丽的女子啊，四肢无一不完美，容颜如莲花与明月，怯懦的女子啊，没有你，我确实无法活下去。
1.188.12
कामः कमलपत्राक्षि प्रतिविध्यति मामयम् ।
तस्मात्कुरु विशालाक्षि मय्यनुक्रोशमङ्गने ॥ १.१८८.१२ ॥
你啊，眼睛如莲花瓣的女子，这爱欲不断地刺穿我。因此，广目的女子啊，美丽的女子啊，请对我施以怜悯吧。
1.188.13
भक्तं मामसितापाङ्गि न परित्यक्तुमर्हसि ।
त्वं हि मां प्रीतियोगेन त्रातुमर्हसि भामिनि ॥ १.१८८.१३ ॥
黑眼睛的女子啊，你不应抛弃我这虔诚之人。热情的女子啊，你应当以爱的结合救我。
1.188.14
त्वद्दर्शनकृतस्नेहं मनश्चलति मे भृशम् ।
न त्वां दृष्ट्वा पुनश्चान्यां द्रष्टुं कल्याणि रोचते ॥ १.१८८.१४ ॥
因见到你而生的情愫，使我的心极度动摇。吉祥的女子啊，见过你之后，我不愿再去看别的女子。
1.188.15
प्रसीद वशगोऽहं ते भक्तं मां भज भामिनि ।
दृष्ट्वैव त्वां वरारोहे मन्मथो भृशमङ्गने ॥ १.१८८.१५ ॥
请你垂怜，我愿听你差遣。热情的女子啊，请接纳我这虔诚之人。细腰美丽的女子啊，我一见到你，爱神便极其折磨我。
1.188.16
अन्तर्गतं विशालाक्षि विध्यति स्म पतत्त्रिभिः ।
मन्मथाग्निसमुद्भूतं दाहं कमललोचने ॥ १.१८८.१६ ॥
广目的女子啊，他用带羽的箭从内部刺穿我。莲眼的女子啊，由爱欲之火生起的灼热焚烧着我。
1.188.17
प्रीतिसंयोगयुक्ताभिरद्भिः प्रह्लादयस्व मे ।
पुष्पायुधं दुराधर्षं प्रचण्डशरकार्मुकम् ॥ १.१८८.१७ ॥
请用充满爱情结合之情的水，使我平静、欢喜。那以花为武器的爱神，难以抵挡，手持猛烈的箭与弓。
1.188.18
त्वद्दर्शनसमुद्भूतं विध्यन्तं दुःसहैः शरैः ।
उपशामय कल्याणि आत्मदानेन भामिनि ॥ १.१८८.१८ ॥
吉祥的女子啊，请以你自己的奉献，平息这因见到你而生、以难以承受之箭刺我的灼热吧。热情的女子啊。
1.188.19
गान्धर्वेण विवाहेन मामुपैहि वराङ्गने ।
विवाहानां हि रम्भोरु गान्धर्वः श्रेष्ठ उच्यते ॥ १.१८८.१९ ॥
美丽的女子啊，请以乾闼婆婚姻来到我身边。腿如芭蕉干的女子啊，在各种婚姻中，乾闼婆婚被称为最好的。
1.188.20
नाहमीशाऽऽत्मनो राजन्कन्या पितृमती ह्यहम् ।
मयि चेदस्ति ते प्रीतिर्याचस्व पितरं मम ॥ १.१८८.२० ॥
国王啊，我不能自主，因为我是尚未出嫁、受父亲管束的少女。如果你对我有爱意，就去向我的父亲求婚。
1.188.21
यथा हि ते मया प्राणाः संभृताश्च नरेश्वर ।
दर्शनादेव भूयस्त्वं तथा प्राणान्ममाहरः ॥ १.१८८.२१ ॥
人王啊，正如你的生命之气是因我而生起，同样，只要再次见到我，就请你把我的生命之气拿走。
1.188.22
न चाहमीशा देहस्य तस्मान्नृपतिसत्तम ।
समीपं नोपगच्छामि न स्वतन्त्रा हि योषितः ॥ १.१८८.२२ ॥
最优秀的国王啊，我连自己的身体都不能自主，因此我不靠近你，因为女子是不能自主的。
1.188.23
का हि सर्वेषु लोकेषु विश्रुताभिजनं नृपम् ।
कन्या नाभिलषेन्नाथं भार्तारं भक्तवत्सलम् ॥ १.१८८.२३ ॥
在所有世界中，哪位少女会不渴望一位出身显赫、爱护信徒的国王、主人和丈夫呢？
1.188.24
तस्मादेवं गते काले याचस्व पितरं मम ।
आदित्यं प्रणिपातेन तपसा नियमेन च ॥ १.१८८.२४ ॥
因此，时机已经如此过去，你应当去请求我的父亲，并向太阳俯首礼拜，同时以苦行和戒律修持。
1.188.25
स चेत्कामयते दातुं तव मामरिसूदन ।
भविष्याम्यद्य ते राजन्सततं वशवर्तिनी ॥ १.१८८.२५ ॥
灭敌者啊，若他愿将我献给你，大王，从今以后我将永远顺从你。
1.188.26
अहं हि तपती नाम सावित्र्यवरजा सुता ।
अस्य लोकप्रदीपस्य सवितुः क्षत्रियर्षभ ॥ १.१८८.२६ ॥
我名叫达帕蒂，是萨维特丽之幼女，刹帝利中的雄牛啊，我是这位照亮世界之明灯——萨维特利（太阳）之女。