摩诃婆罗多 · 章 1.62
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
1.62.1
कथितं वै समासेन त्वया सर्वं द्विजोत्तम ।
महाभारतमाख्यानं कुरूणां चरितं महत् ॥ १.६२.१ ॥
善哉婆罗门之最！你已简略地讲述了全部：俱卢族伟大的事迹，即《摩诃婆罗多》的宏大叙事。
1.62.2
कथां त्वनघ चित्रार्थां कथयस्व तपोधन ।
विस्तरश्रवणे जातं कौतूहलमतीव मे ॥ १.६२.२ ॥
无垢的苦行圣者，请讲述那意义丰富的故事；我想详细听闻的好奇心已极为强烈。
1.62.3
स भवान्विस्तरेणेमां पुनराख्यातुमर्हति ।
न हि तृप्यामि पूर्वेषां शृण्वानश्चरितं महत् ॥ १.६२.३ ॥
因此您应当再次详细讲述此事；聆听先祖伟大的事迹，我永不满足。
1.62.4
न तत्कारणमल्पं वै धर्मज्ञा यत्र पाण्डवाः ।
अवध्यान्सर्वशो जघ्नुः प्रशस्यन्ते च मानवैः ॥ १.६२.४ ॥
精通法义的般度之子们，将本不该被杀之人尽数杀死；其原因并不微小，人们也因此赞美他们。
1.62.5
किमर्थं ते नरव्याघ्राः शक्ताः सन्तो ह्यनागसः ।
प्रयुज्यमानान्संक्लेशान्क्षान्तवन्तो दुरात्मनाम् ॥ १.६२.५ ॥
人中之虎啊，你们有能力且无过错，为何忍受了恶人加给你们的苦难？
1.62.6
कथं नागायुतप्राणो बाहुशाली वृकोदरः ।
परिक्लिश्यन्नपि क्रोधं धृतवान्वै द्विजोत्तम ॥ १.६२.६ ॥
婆罗门之最啊，力大无穷、有万象之力的狼腹（怖军）在受尽折磨时，如何仍能克制愤怒？
1.62.7
कथं सा द्रौपदी कृष्णा क्लिश्यमाना दुरात्मभिः ।
शक्ता सती धार्तराष्ट्रान्नादहत्क्रोधचक्षुषा ॥ १.६२.७ ॥
被恶毒之人折磨的黑肤德罗波蒂，既有能力又贞洁，为何不以愤怒的目光焚烧持国之子？
1.62.8
कथं व्यसनिनं द्यूते पार्थौ माद्रीसुतौ तदा ।
अन्वयुस्ते नरव्याघ्रा बाध्यमाना दुरात्मभिः ॥ १.६२.८ ॥
那时，在赌博中陷入厄运、被恶毒之人压迫的普利塔之子与玛德瑞之子，这些人中之虎，是如何跟随他们的？
1.62.9
कथं धर्मभृतां श्रेष्ठः सुतो धर्मस्य धर्मवित् ।
अनर्हः परमं क्लेशं सोढवान्स युधिष्ठिरः ॥ १.६२.९ ॥
持法者中最优秀、法之子、通晓法者的坚战，虽不应得，却如何忍受了那极大的苦难？
1.62.10
कथं च बहुलाः सेनाः पाण्डवः कृष्णसारथिः ।
अस्यन्नेकोऽनयत्सर्वाः पितृलोकं धनंजयः ॥ १.६२.१० ॥
以克里希纳为御者的般度之子达难闍耶，独自放箭，如何将那众多军队全部送往祖先的世界？
1.62.11
एतदाचक्ष्व मे सर्वं यथावृत्तं तपोधन ।
यद्यच्च कृतवन्तस्ते तत्रतत्र महारथाः ॥ १.६२.११ ॥
哦，苦行之宝，请将这一切按其发生的样子告诉我，以及那些大车战士在各处所做的一切。
1.62.12
क्षणं कुरु महाराज विपुलोऽयमनुक्रमः ।
पुण्याख्यानस्य वक्तव्यः कृष्णद्वैपायनेरितः ॥ १.६२.१२ ॥
大王，请稍作留意。这一宏大的次第属于黑岛仙人所诵的神圣故事，现在应当讲述。
1.62.13
महर्षेः सर्वलोकेषु पूजितस्य महात्मनः ।
प्रवक्ष्यामि मतं कृत्स्नं व्यासस्यामिततेजसः ॥ १.६२.१३ ॥
我将宣说大仙人毗耶娑的完整教诲，他受世间一切所尊敬，是具有无量威光的大德者。
1.62.14
इदं शतसहस्रं हि श्लोकानां पुण्यकर्मणाम् ।
सत्यवत्यात्मजेनेह व्याख्यातममितौजसा ॥ १.६२.१४ ॥
此处，萨提亚瓦蒂之子、具无量力量的毗耶娑宣说了这十万颂关于功德之行的经文。
1.62.15
उपाख्यानैः सह ज्ञेयं श्राव्यं भारतमुत्तमम् ।
संक्षेपेण तु वक्ष्यामि सर्वमेतन्नराधिप ॥ १.६२.१५ ॥
这部殊胜的《婆罗多》连同其插话，应当被认识并诵读。人主啊，我将简要地宣说这一切。
1.62.16
अध्यायानां सहस्रे द्वे पर्वणां शतमेव च ।
श्लोकानां तु सहस्राणि नवतिश्च दशैव च।
ततोऽष्टादशभिः पर्वैः संगृहीतं महर्षिणा ॥ १.६२.१६ ॥
共有二千章、一百篇，以及九万零十颂。之后，大仙人将其编纂为十八篇。
1.62.17
य इदं श्रावयेद्विद्वान्ये चेदं शृणुयुर्नराः ।
ते ब्रह्मणः स्थानमेत्य प्राप्नुयुर्देवतुल्यताम् ॥ १.६२.१७ ॥
若有学者宣说此经，或有人闻此经，便能到达梵天之处，获得与诸天相等的地位。
1.62.18
इदं हि वेदैः समितं पवित्रमपि चोत्तमम् ।
श्राव्याणामुत्तमं चेदं पुराणमृषिसंस्तुतम् ॥ १.६२.१८ ॥
此书确实纯净殊胜，与吠陀相等。在所应诵读之中，此为最上；此古史为诸仙人所赞颂。
1.62.19
अस्मिन्नर्थश्च कामश्च निखिलेनोपदेक्ष्यते ।
इतिहासे महापुण्ये बुद्धिश्च परिनैष्ठिकी ॥ १.६२.१९ ॥
在此极为神圣的史诗中，将完整地传授利益与欲望，以及至高坚定的智慧。
1.62.20
अक्षुद्रान्दानशीलांश्च सत्यशीलाननास्तिकान् ।
कार्ष्णं वेदमिमं विद्वाञ्छ्रावयित्वाऽर्थमश्नुते ॥ १.६२.२० ॥
博学之人向高尚、慷慨、诚实且信仰虔诚的听众宣讲此黑天吠陀，便能获得其利益。
1.62.21
भ्रूणहत्याकृतं चापि पापं जह्यादसंशयम् ।
इतिहासमिमं श्रुत्वा पुरुषोऽपि सुदारुणः ॥ १.६२.२१ ॥
即使是因杀害胎儿而造成的罪过，即使是极为残暴的人，听闻此史诗后，也无疑会舍弃那罪过。
1.62.22
मुच्यते सर्वपापेभ्यो राहुणा चन्द्रमा यथा ।
जयो नामेतिहासोऽयं श्रोतव्यो विजिगीषुणा ॥ १.६२.२२ ॥
犹如月亮脱离罗睺，人便从一切罪恶中解脱。名为“胜利”的此史诗，渴望胜利者应当聆听。
1.62.23
महीं विजयते राजा शत्रूंश्चापि पराजयेत् ।
इदं पुंसवनं श्रेष्ठमिदं स्वस्त्ययनं महत् ॥ १.६२.२३ ॥
国王征服大地，也能击败敌人。这是最殊胜的补男仪式，是伟大的吉祥仪式。
1.62.24
महिषीयुवराजाभ्यां श्रोतव्यं बहुशस्तथा ।
वीरं जनयते पुत्रं कन्यां वा राज्यभागिनीम् ॥ १.६२.२४ ॥
正宫王后与太子应多次聆听此史诗。他们将生下英勇的儿子，或是能分享王国的女儿。
1.62.25
धर्मशास्त्रमिदं पुण्यमर्थशास्त्रमिदं परम् ।
मोक्षशास्त्रमिदं प्रोक्तं व्यासेनामितबुद्धिना ॥ १.६२.२५ ॥
此乃神圣的法论，此乃至上的利论；无量智慧的毗耶娑宣说此为解脱论。
1.62.26
धर्मे चार्थे च कामे च मोक्षे च भरतर्षभ ।
यदिहास्ति तदन्यत्र यन्नेहास्ति न कुत्रचित्।
इदं हि ब्राह्मणैर्लोके आख्यातं ब्राह्मणेष्विह ॥ १.६२.२६ ॥
婆罗多族之雄啊，此处在法、利、欲、解脱中所有者，他处亦有；此处所无者，何处也无。此在世间乃由婆罗门在婆罗门之间于此宣说。
1.62.27
संप्रत्याचक्षते चेदं तथा श्रोष्यन्ति चापरे ।
पुत्राः शुश्रूषवः सन्ति प्रेष्याश्च प्रियकारिणः ॥ १.६२.२७ ॥
如今人们诵说此书，他人也将聆听。有渴望聆听的子嗣，也有行事令人欢喜的仆从。
1.62.28
भरतानां महज्जन्म शृण्वतामनसूयताम् ।
नास्ति व्याधिभयं तेषां परलोकभयं कुतः ॥ १.६२.२८ ॥
对于无嫉妒地聆听婆罗多族伟大诞生之事的人，没有病痛之惧；又何来对来世的恐惧？
1.62.29
शरीरेण कृतं पापं वाचा च मनसैव च ।
सर्वं संत्यजति क्षिप्रं य इदं शृणुयान्नरः ॥ १.६२.२९ ॥
凡以身、口、意所造之罪，听闻此书之人会迅速全部舍弃。
1.62.30
धन्यं यशस्यमायुष्यं पुण्यं स्वर्ग्यं तथैव च ।
कृष्णद्वैपायनेनेदं कृतं पुण्यचिकीर्षुणा ॥ १.६२.३० ॥
此书吉祥，带来名声、长寿、功德与天界；克里希那·二岛（毗耶娑）因欲行功德而作此书。
1.62.31
कीर्तिं प्रथयता लोके पाण्डवानां महात्मनाम् ।
अन्येषां क्षत्रियाणां च भूरिद्रविणतेजसाम् ॥ १.६२.३१ ॥
在世间传扬伟大的般度五子及其他富有财富与光辉的刹帝利之名声。
1.62.32
सर्वविद्यावदातानां लोके प्रथितकर्मणाम् ।
य इदं मानवो लोके पुण्यार्थे ब्राह्मणाञ्छुचीन् ॥ १.६२.३२ ॥
传扬那些以一切学问而清净、以事迹闻名于世者的名声；凡人在世间为求福德，对清净的婆罗门……
1.62.33
श्रावयेत महापुण्यं तस्य धर्मः सनातनः ।
कुरूणां प्रथितं वंशं कीर्तयन्सततं शुचिः ॥ १.६२.३३ ॥
使人聆听此大福德者，其法是永恒的；清净地持续颂扬著名的俱卢族血脉者。
1.62.34
वंशमाप्नोति विपुलं लोके पूज्यतमो भवेत् ।
योऽधीते भारतं पुम्यं ब्राह्मणो नियतव्रतः ॥ १.६२.३४ ॥
持守誓戒的婆罗门若诵读有功德的《婆罗多》，便得广大的世系，并成为世间最受尊敬的人。
1.62.35
चतुरो वार्षिकान्मासान्सर्वपापैः प्रमुच्यते ।
विज्ञेयः स च वेदानां पारगो भारतं पठन् ॥ १.६२.३५ ॥
在四个雨季月中，诵读此书者可脱离一切罪业；诵读《婆罗多》者应被认为是通晓吠陀的人。
1.62.36
देवा राजर्षयो ह्यत्र पुण्या ब्रह्मर्षयस्तथा ।
कीर्त्यन्ते धूतपाप्मानः कीर्त्यते केशवस्तथा ॥ १.६२.३६ ॥
此处颂扬诸天神、王仙与有功德的梵仙；颂扬那些已洗尽罪业者；毗湿奴大神（克沙瓦）同样受到颂扬。
1.62.37
भगवांश्चापि देवेशो यत्र देवी च कीर्त्यते ।
अनेकजननो यत्र कार्तिकेयस्य संभवः ॥ १.६२.३७ ॥
在那里，赞颂神主与天女，并讲述具有多次轮回的室建之诞生。
1.62.38
ब्राह्मणानां गवां चैव माहात्म्यं यत्र कीर्त्यते ।
सर्वश्रुतिसमूहोऽयं श्रोतव्यो धर्मबुद्धिभिः ॥ १.६२.३८ ॥
在那里，赞颂婆罗门与牛的威德，此全部天启圣典应由具正法心者聆听。
1.62.39
य इदं श्रावयेद्विद्वान्ब्राह्मणानिह पर्वसु ।
धूतपाप्मा जितस्वर्गो ब्रह्म गच्छति शाश्वतम् ॥ १.६२.३९ ॥
学者若于节日为婆罗门诵此，洗去罪过、赢得天界，便往永恒的梵而去。
1.62.40
श्रावयेद्ब्राह्मणाञ्श्राद्धे यश्चेमं पादमन्ततः ।
अक्षय्यं तस्य तच्छ्राद्धमुपावर्तेत्पितॄनिह ॥ १.६२.४० ॥
若于祭祖之时为婆罗门诵此一颂直至终了，其祭祀便永不止息，此间的祖灵也会回到他身边。
1.62.41
अह्ना यदेनः क्रियते इन्द्रियैर्मनसाऽपि वा ।
ज्ञानादज्ञानतो वापि प्रकरोति नरश्च यत् ॥ १.६२.४१ ॥
白日里以感官或心意所造之罪，以及人或知或不知所作之一切。
1.62.42
तन्महाभारताख्यानं श्रुत्वैव प्रविलीयते ।
भरतानां महज्जन्म महाभारतमुच्यते ॥ १.६२.४२ ॥
闻此《摩诃婆罗多》之叙事，罪业即刻消融；婆罗多族的伟大诞生，便称为《摩诃婆罗多》。
1.62.43
निरुक्तमस्य यो वेद सर्वपापैः प्रमुच्यते ।
भरतानां महज्जन्म महाभारतमुच्यते ॥ १.६२.४३ ॥
知晓其释义者，可脱离一切罪业。婆罗多族的伟大诞生故事，被称为《摩诃婆罗多》。
1.62.44
महतो ह्येनसो मर्त्यान्मोचयेदनुकीर्तितः ।
त्रिभिर्वर्षैर्महाभागः कृष्णद्वैपायनोऽब्रवीत् ॥ १.६२.४४ ॥
凡诵述此书者，即使大罪也能使世人解脱。大福德的黑仙（毗耶娑）说，他用三年时间完成了此书。
1.62.45
नित्योत्थितः शुचिः शक्तो महाभारतमादितः ।
तपोनियममास्थाय कृतमेतन्महर्षिणा ॥ १.६२.४५ ॥
这位大仙常持警醒、清净且有能力，以苦行与戒律为根基，从头撰成此《摩诃婆罗多》。
1.62.46
तस्मान्नियमसंयुक्तैः श्रोतव्यं ब्राह्मणैरिदम् ।
कृष्णप्रोक्तामिमां पुण्यां भारतीमुत्तमां कथाम् ॥ १.६२.४६ ॥
因此，持守戒律的婆罗门应当聆听这部由黑天所述的神圣而至上的婆罗多故事。
1.62.47
श्रावयिष्यन्ति ये विप्रा ये च श्रोष्यन्ति मानवाः ।
सर्वथा वर्तमाना वै न ते शोच्याः कृताकृतैः ॥ १.६२.४७ ॥
宣讲此书的婆罗门与聆听的世人，若处处行为端正，便不必为所作与未作之事而悲伤。
1.62.48
नरेण धर्मकामेन सर्वः श्रोतव्य इत्यपि ।
निखिलेनेतिहासोऽयं ततः सिद्धिमवाप्नुयात् ॥ १.६२.४८ ॥
欲求法者应完整聆听此部历史，如此便能获得成就。
1.62.49
न तां स्वर्गगतिं प्राप्य तुष्टिं प्राप्नोति मानवः ।
यां श्रुत्वैवं महापुण्यमितिहासमुपाश्नुते ॥ १.६२.४९ ॥
人即使得到升天之境，也得不到像如此听闻这部大功德史诗所获得的满足。
1.62.50
शृण्वञ्श्राद्धः पुण्यशीलः श्रावयंश्चेदमद्भुतम् ।
नरः फलमवाप्नोति राजसूयाश्वमेधयोः ॥ १.६२.५० ॥
怀着信仰、品德高尚地聆听并使人聆听这奇妙故事的人，能获得拉贾苏耶与马祭的果报。
1.62.51
यथा समुद्रो भगवान्यथा मेरुर्महागिरिः ।
उभौ ख्यातौ रत्ननिधी तथा भारतमुच्यते ॥ १.६२.५१ ॥
如同尊贵的大海与大山须弥皆以珍宝宝库而闻名，此书被称为《婆罗多》。
1.62.52
इदं हि वेदैः समितं पवित्रमषि चोत्तमम् ।
श्राव्यं श्रुतिसुखं चैव पावनं शीलवर्धनम् ॥ १.६२.५२ ॥
此书确与吠陀相当，纯净而至上；值得聆听，悦耳，能净化，增长德行。
1.62.53
य इदं भारतं राजन्वाचकाय प्रयच्छति ।
तेन सर्वा मही दत्ता भवेत्सागरमेखला ॥ १.६२.५३ ॥
大王啊，谁将此《婆罗多》施予诵读者，便如同施予了被大海环绕的整个大地。
1.62.54
पारिक्षित कथां दिव्यां पुण्याय विजयाय च ।
कथ्यमानां मया कृत्स्नां शृणु हर्षकरीमिमाम् ॥ १.६२.५४ ॥
帕里克希特的后裔啊，我完整讲述的这神圣故事带来功德与胜利；请听这令人欢喜的故事。
1.62.55
त्रिभिर्वर्षैः सदोत्थायी कृष्णद्वैपायनो मुनिः ।
महाभारतमाख्यानं कृतवानिदमद्भुतम् ॥ १.६२.५५ ॥
总是清晨起身的圣哲黑仙人（克里希那·德外帕衍那）用三年时间创作了这部奇妙的《摩诃婆罗多》史诗。
1.62.56
शृणु कीर्तयतस्तन्म इतिहासं पुरातनम् ॥ १.६२.५६ ॥
请听我诵述的这段古老历史。