マハーバーラタ · 章 12.205
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
12.205.1
पितामह महाप्राज्ञ दुःखशोकसमाकुले ।
संसारचक्रे लोकानां निर्वेदो नास्ति किंन्विदम् ॥ १२.२०५.१ ॥
おお祖父よ、大いなる智慧の人よ。苦と悲しみに満ちた輪廻の車輪の中で、人々にどうして厭離（えんり）が生じないのでしょうか。
12.205.2
अत्राप्युदाहरन्तीममितिहासं पुरातनम् ।
निबन्धनस्य संवादं भोगवत्या नृपोत्तम ॥ १२.२०५.२ ॥
この件についても人々はこの古い物語を語ります。王の中の最上の者よ、ニバンダナとボーガヴァティーの対話です。
12.205.3
मुनिं निबन्धनं शुष्कं धमनीयाकृतिं तथा ।
निरारम्भं निरालम्बमसज्जन्तं च कर्मणि।
पुत्रं दृष्ट्वाऽप्युवाचार्तं माता भोगवती तदा ॥ १२.२०५.३ ॥
ニバンダナという聖者は干からび、筋の束のように痩せ、何の行為も始めず、拠り所なく、行為に執着しなかった。苦しむ息子を見て、母ボーガヴァティーはそのとき語った。
12.205.4
उत्तिष्ठ मूढ किं शेषे निरपेक्षः सुहृज्जनैः ।
निरालम्बो धनोपाये पैतृकं तव किं धनम् ॥ १२.२०५.४ ॥
起きなさい、愚か者よ！なぜ横たわっているのか。友や親族にも無関心で、富を得る手立てもなく。おまえの父祖伝来の財産とは何か。
12.205.5
पैतृकं मे महन्मातः सर्वदुःखालयं त्विह ।
अस्त्येतत्तद्विधाताय यतिष्ये तत्र मा शुचः ॥ १२.२०५.५ ॥
母上よ、ここにある私の父祖伝来の財産は大きいものです。それは一切の苦しみの住処です。私はそれを手放すためにそこで努力しましょう。どうか嘆かないでください。
12.205.6
इदं शरीरमत्युग्रं पित्रा दत्तमसंशयम् ।
तमेव पितरं गत्वा धनं तिष्ठति शाश्वतम् ॥ १२.२०५.६ ॥
この非常に恐ろしい身体は、疑いなく父が授けたものです。その父のもとへ行けば、永遠の富はそこに留まります。
12.205.7
कश्चिन्महति संसारे वर्तमान… ।
वनदुगमभिप्राप्तो महत्क्रव्या… ॥ १२.२०५.७ ॥
大いなる輪廻に生きる或る者は……険しい森に至った。そこには大いなる肉食の獣がいた。
12.205.8
सिंहव्याघ्रगजाकारैरतिघोरैर्महा… ।
समन्तात्सुपरिक्षिप्तं स दृष्ट्वा व्यथते पुमान् ॥ १२.२०५.८ ॥
獅子・虎・象の姿をした極めて恐ろしい大いなる……に四方を囲まれているのを見て、その人は苦しむ。
12.205.9
स तद्वनं ह्यनुचरन्विप्रधावन्नितस्ततः ।
वीक्षमाणो दिशः सर्वाः शरणार्थं प्रधावति ॥ १२.२०५.९ ॥
彼はその森をさまよい、あちこち取り乱して走り、四方を見渡しながら、庇護を求めて駆けていく。
12.205.10
अथापश्यद्वनं रूढं समन्ताद्वागुरावृतम् ।
वनमध्ये च तत्रासीदुदपानः समावृतः ॥ १२.२०५.१० ॥
そこで彼は、四方に生い茂り網で囲まれた森を見た。森の中央には覆われた井戸があった。
12.205.11
वल्लिभिस्तृणसंछिन्नैर्गूढाभिरभिसंवृतः ।
स पपात द्विजस्तत्र विजने सलिलाशये ॥ १२.२०५.११ ॥
蔓に囲まれ、刈られた草と隠れた蔓に覆われて、その再生者は人気のない水溜めへ落ちた。
12.205.12
विलग्नश्चाभवत्तस्मिँल्लतासन्तानसङ्कुले ।
बाहुभ्यां संपरिष्वक्तस्तया परमसत्वया ॥ १२.२०५.१२ ॥
彼は蔓が絡み合う濃密なその場所にしがみつき、その至強の蔓を両腕で固く抱きしめた。
12.205.13
स तथा लम्बते तत्र ऊर्ध्वपादो ह्यधश्शिराः ।
अधस्तत्रैव जातश्च जम्बूवृक्षः सुदुस्तरः ॥ १२.२०५.१३ ॥
彼はそこに、足を上に頭を下にして逆さに吊るされている。その真下には、通り抜けることの極めて難しいジャンブー樹が生えている。
12.205.14
कूपस्य तस्य वेलाया अपश्यत्सुमहाफलम् ।
वृक्षं बहुविधं व्योमं वल्लीपुष्पसमाकुलम् ॥ १२.२०५.१४ ॥
その井戸の縁に、彼は実の非常に大きい、多種多様な、空まで広がり、蔓の花で一杯になった木を見た。
12.205.15
नानारूपा मधुकरास्तस्मिन्वुक्षऽभवन्किल ।
तेषां मधूनां बहुधा धारा प्रववृते तदा ॥ १२.२०५.१५ ॥
その木には様々な姿の蜜蜂がおり、そのとき彼らの蜜の流れが幾筋も湧き出た。
12.205.16
विलम्बमानः स पुमान्धारां पिबति सर्वदा ।
न तस्य तृष्णा विरता पीयमानस्य संकटे ॥ १२.२०५.१६ ॥
吊るされたその人は常にその流れを飲む。しかし危難の中で飲んでいても、彼の渇きは決して止まらない。
12.205.17
परीप्सति च तां नित्यमतृप्तः स पुनः पुनः ।
एवं स वसते तत्र दुःखिदुःखी पुनः पुनः ॥ १२.२०५.१७ ॥
満たされぬ彼は、常にそれを何度も何度も得ようと望む。こうして彼は、そこで幾度も苦しみに苦しみながら留まっている。
12.205.18
मया तु तद्धनं देयं तव दास्यामि चेच्छसि ।
तस्य च प्रार्थितः सोथ दत्वा मुक्तिमवाप सः ॥ १२.२०५.१८ ॥
「その富は私があなたに与えねばならない。あなたが望むなら与えよう。」彼に頼まれて、彼は布施をし、解脱を得た。
12.205.19
सा च त्यक्त्वाऽर्थसंकल्पं जगाम परमां गतिम् ॥ १२.२०५.१९ ॥
富への思いを捨てて、彼女は最高の境地へ赴いた。
12.205.20
एवं संसारचक्रस्य स्वरूपज्ञा नृपोत्तम ।
परं वैराग्यमागम्य गच्छन्ति परमं पदम् ॥ १२.२०५.२० ॥
このように、王の中の最上の者よ、輪廻の輪の本性を知る者は至上の離欲を得て、最高の境地へ赴く。
12.205.21
एवं संसारचक्रस्य स्वरूपं विदितं न मे ।
पैतृकं तु धनं प्रोक्तं किं तद्विद्वन्महात्मना ॥ १२.२०५.२१ ॥
このように私は輪廻の輪の本性を知りません。先祖伝来の富と語られましたが、博識な方よ、あの偉大な方はそれをどう言われたのですか。
12.205.22
कान्तारमिति किं प्रोक्तं को हस्ती स तु कूपकः ।
किंसंज्ञिको महावृक्षो मधु वाऽपि पितामह ॥ १२.२०५.२२ ॥
「密林」と言われたのは何ですか。あの象は誰で、あの井戸は何ですか。祖父よ、あの大樹は何という名で、蜜とは何ですか。
12.205.23
एवं मे संशयं विद्धि धनशब्दं किमुच्यते ।
कथं लब्धं धनं तेन तथा च किमिदं त्विह ॥ १२.२०५.२३ ॥
この私の疑いを知ってください。「富」という言葉は何を指すのですか。彼はどうしてその富を得たのですか。ここでこれは何なのですか。
12.205.24
उपाख्यानमिदं सर्वं मोक्षविद्भिरुदाहृतम् ।
सुमतिं विन्दते येन बन्धनाशश्च भारत ॥ १२.२०५.२४ ॥
この全ての寓話は解脱に通じた者たちが語ったものです。バーラタよ、これによって正しい理解を得て、束縛は断たれるのです。
12.205.25
एतदुक्तं हि कान्तारं महान्संसार एव सः ।
ये ते प्रतिष्ठिता व्याला व्याधयस्ते प्रकीर्तिताः ॥ १२.२०५.२५ ॥
これは述べられた。その大いなる輪廻こそがこの荒野であり、そこに住む猛獣は病と名づけられている。
12.205.26
या सा नारी महाघोरा वर्णरूपविनाशिनी ।
तामाहुश्च जरां प्राज्ञाः परिष्वक्तं यया जगत् ॥ १२.२०५.२६ ॥
容色と姿を滅ぼす、あの極めて恐ろしい女を、賢者たちは老い（ジャラー）と呼ぶ。彼女によって世界は抱きしめられている。
12.205.27
यस्तत्र कूपे वसते महाहिः काल एव सः ।
यो वृक्षः स च मृत्युर्हि स्वकृतं तस्य तत्फलम् ॥ १२.२०५.२७ ॥
そこの井戸に住む大蛇はまさに時間（カーラ）であり、あの木は死である。その果実は、その者自身が行った業である。
12.205.28
ये तु कृष्णाः सिता राजन्मूषिका रात्र्यहानि वै ॥ १२.२०५.२८ ॥
王よ、黒と白の鼠は、まさに夜と昼である。
12.205.29
द्विषट्कपदसंयुक्तो यो हस्ती षण्मुखाकृतिः ।
स च संवत्सरः प्रोक्तः पाशमासर्तवो मुखाः ॥ १२.२०५.२९ ॥
十二の足を持ち、六つの顔の形をした象は、年と説かれる。季節はその罠であり、口である。
12.205.30
एतत्संसारचक्रस्य स्वरूपं व्याहृतं मया ।
एवं लब्धधनं राजंस्तत्स्वरूपं विनाशय ॥ १२.२०५.३० ॥
こうして私は輪廻の輪の真の本性を説いた。王よ、このようにして富を得たならば、その本性を滅せよ。
12.205.31
एतज्ज्ञात्वा तु सा राजन्परं वैराग्यमास्थिता ।
यथोक्तविधिना भूयः परं पदमवाप सः ॥ १२.२०५.३१ ॥
王よ、これを知って彼女は最高の離欲に至り、説かれた方法によって彼もまた再び最高の境地に達した。
12.205.32
धत्ते धारयते चैव एतस्मात्कारणाद्धनम् ।
तद्गच्छ चामृतं शुद्धं हिरण्यममृतं तपः ॥ १२.२०५.३२ ॥
まさにこの理由によって、それは富を保ち支える。その清浄で不死なる黄金へ、そして不死なる苦行へ向かえ。
12.205.33
तत्स्वरूपो महादेवः कृष्णो देवकिनन्दनः ।
तस्य प्रसादाद्दुःखस्य नाशं प्राप्स्यसि मानद ॥ १२.२०५.३३ ॥
その本性を持つマハーデーヴァこそ、デーヴァキーの子クリシュナである。名誉を与える者よ、彼の恩寵によって、汝は苦しみの滅尽を得るであろう。
12.205.34
एकः कर्ता स कृष्णश्च ज्ञानिनां परमा गतिः ॥ १२.२०५.३४ ॥
そのクリシュナこそ唯一の作者であり、智者たちの最高の帰趨である。
12.205.35
इदमाश्रित्य देवेन्द्रो देवा रुद्रास्तथाऽश्विनौ ।
स्वेस्वे पदे विविशिरे भुक्तिमुक्तिविदो जनाः ॥ १२.२०५.३५ ॥
これに拠り頼んで、神々の王インドラ、諸神、ルドラ神群、二人のアシュヴィン神、そして享受と解脱を知る人々が、それぞれの境地に入った。
12.205.36
भूतानामन्तरात्माऽसौ स नित्यपदसंवृतः ।
श्रूयतामस्य सद्भावः सम्यग्ज्ञानं यथा तव ॥ १२.२०५.३६ ॥
彼はあらゆる存在の内なる自己であり、永遠の境地に包まれている。彼の真の本性を聴け、そうすれば汝は正しい知を得るであろう。
12.205.37
भवेदेतन्निबोध त्वं नारदाय पुरा हरिः ।
दर्शयित्वाऽऽत्मनो रूपं यदवोचत्स्वयं विभुः ॥ १२.२०५.३७ ॥
昔、遍在の主ハリがナーラダに自らの姿を示したのち、みずから語った言葉を、あなたは知れ。
12.205.38
पुरा देवऋषिः श्रीमान्नारदः परमार्थवान् ।
चचार पृथिवीं कृत्स्नां तीर्थान्यनुचरन्प्रभुः ॥ १२.२०५.३८ ॥
昔、至高の真理を知る光輝ある神仙ナーラダは、大地のすべてを巡り、聖地を訪ねて歩いた。
12.205.39
हिमवत्पादमाश्रित्य विचार्य च पुनःपुनः ।
स ददर्श ह्रदं तत्र पद्मोत्पलसमाकुलम् ॥ १२.२०५.३९ ॥
ヒマーラヤの麓に赴き、幾度も思いをめぐらせて、そこで蓮と青蓮に満ちた湖を見た。
12.205.40
ददर्श कन्यां तत्तीरे सर्वाभरणभूषिताम् ।
शोभमानां श्रिया राजन्क्रीडन्तीमुत्पलैस्तथा ॥ १२.२०५.४० ॥
その岸辺に、あらゆる装身具で飾られた乙女が、輝かしく、青蓮と戯れているのを見た、王よ。
12.205.41
सा महात्मानमालोक्य नारदेत्याह भामिनी ।
तस्याः समीपमासाद्य तस्थौ विस्मितमानसः ॥ १२.२०५.४१ ॥
その偉大な魂を見て、美しい女は「ナーラダよ」と言った。彼は心に驚きを抱き、彼女のそばに近寄って立った。
12.205.42
वीक्षमाणं तमाज्ञाय सा कन्या चारुवासिनी ।
विजजृम्भे महाभागा स्मयमाना पुनः पुनः ॥ १२.२०५.४२ ॥
彼が自分を見つめているのを知ると、美しい衣をまとった乙女、大いなる幸運の女は、幾度も微笑みながら身をのばした。
12.205.43
तस्मात्समभवद्वक्रात्पुरुषाकृतिसंयुतः ।
रत्नविन्दुचिताङ्गस्तु सर्वाभरणभूषितः ॥ १२.२०५.४३ ॥
その口から、人の姿をした者が生まれた。その四肢は宝石のような点で彩られ、あらゆる装身具で飾られていた。
12.205.44
आदित्यसदृशाकारः शिरसा धारयन्मणिम् ।
पुनरेव तदाकारसदृशः समजायत ॥ १२.२०५.४४ ॥
太陽のような姿で、頭に宝玉を戴いた者が、再びその姿に似た者として生まれた。
12.205.45
तृतीयस्तु महाराज विविधाभरणैर्युतः ।
प्रदक्षिणं तु तां कृत्वा विविधध्वनयस्तु ताम् ॥ १२.२०५.४५ ॥
偉大な王よ、第三の者は様々な装身具を備え、彼女の右回りに巡り、様々な音を彼女に向けて響かせた。
12.205.46
ततः सर्वेण विप्रर्षिः कन्यां पप्रच्छ तां शुभाम् ॥ १२.२०५.४६ ॥
そのとき、バラモンの聖仙は皆と共に、その吉祥の乙女に尋ねた。
12.205.47
का त्वं परमकल्याणि पद्मेन्दुसदृशानने ।
न जाने त्वां महादेवि ब्रूहि सत्यमनिन्दिते ॥ १२.२०५.४७ ॥
最も吉祥なる者よ、蓮と月のような顔の者よ、お前は誰か。私はお前を知らない。大女神よ、無垢なる者よ、真実を告げよ。
12.205.48
सावित्री नाम विप्रर्षे शृणु भद्रं तवास्तु वै ।
किं करिष्यामि तद्ब्रूहि तव यच्चेतसि स्थितम् ॥ १२.२०५.४८ ॥
私の名はサーヴィトリーです。バラモンの聖仙よ、お聞きください。あなたに幸いがありますように。私は何をすればよいのでしょうか。あなたの心にあることをお話しください。
12.205.49
अभिवादये त्वां सावित्रि कृतार्थोऽहमनिन्दिते ।
एतं मे संशयं देवि वक्तुमर्हसि शोभने ॥ १२.२०५.४९ ॥
サーヴィトリーよ、あなたに礼拝します。汚れなき方、私は満たされました。女神よ、輝ける方よ、私のこの疑問を語るにふさわしいのです。
12.205.50
यस्तु वै प्रथमोत्पन्नः कोऽसौ स पुरुषाकृतिः ।
बिन्दवस्तु महादेवि मूर्ध्नि ज्योतिर्मयाकृतिः ॥ १२.२०५.५० ॥
最初に生まれたのは誰か、その人の形をした者は。大女神よ、しかし頭上の点は光の形をしています。
12.205.51
अग्रजः प्रथमोत्पन्नो यजुर्वेदस्तथाऽपरः ।
तृतीयः सामवेदस्तु संशयो व्येतु ते मुने ॥ १२.२०५.५१ ॥
長子であり、最初に生じたのはヤジュルヴェーダ、もう一つは第三のサーマヴェーダです。聖者よ、あなたの疑いが消えますように。
12.205.52
वेदाश्च बिन्दुसंयुक्ता यज्ञस्य फलसंश्रिताः ।
यत्तद्दृष्टं महज्ज्योतिर्ज्योतिरित्युच्यते बुधैः ॥ १२.२०५.५२ ॥
ヴェーダは点と結ばれ、祭祀の果実に依拠しています。見られたあの偉大な光を、賢者たちは「光」と呼びます。
12.205.53
ऋषे ज्ञेयं मया चाऽपीत्युक्त्वा चान्तरधीयत ।
ततः स विस्मयाविष्टो नारदः पुरुषर्षभ।
ध्यानयुक्तः स तु चिरं न बुबोध महामतिः ॥ १२.२०५.५३ ॥
「聖者よ、これも私が知るべきことです。」こう言って彼女は消えた。そこで驚きに満ちたナーラダは、人中の牡牛よ、瞑想に没入し、長い間理解できなかった、その大智の者は。
12.205.54
ततः स्नात्वा महातेजा वाग्यतो नियतेन्द्रियः ।
तुष्टाव पुरुषव्याघ्रो जिज्ञासुश्च तदद्भुतम् ॥ १२.२०५.५४ ॥
そこで大いなる威光を持つ人中の虎は、言葉を慎み、感官を制して沐浴し、その不思議を知りたいと願い、讃えた。
12.205.55
ततो वर्षशते पूर्णे भगवाँलोकभावनः ।
प्रादुश्चकार विश्वात्मा ऋषेः परमसौहृदात् ॥ १२.२०५.५५ ॥
百年が満ちたとき、世界を支える尊きお方、万有の本質は、聖者への深い慈愛によって姿を現した。
12.205.56
तमागतं जगन्नाथं सर्वकारणकारणम् ।
अखिलामरमौल्यङ्गरुक्मारुणपदद्वयम् ॥ १२.२०५.५६ ॥
来られた宇宙の主、すべての原因の原因、金のように赤い二つの御足が、すべての不死者の冠に輝くお方を。
12.205.57
वैनतेयपदस्पर्शकिणशोभितजानुकम् ।
पीताम्बरलसत्काञ्चीदामबद्धकटीतटम् ॥ १२.२०५.५७ ॥
ガルダの足が触れてできた胼胝に膝が飾られ、黄色い衣の上で輝く金の帯に腰を結ばれたお方。
12.205.58
श्रीवत्सवक्षसं चारुमणिकौस्तुभकन्धरम् ।
मन्दस्मितमुखाम्भोजं चलदायतलोचनम् ॥ १२.२०५.५८ ॥
胸に吉祥の印を持ち、美しい首には宝珠カウストゥバを飾り、蓮の顔には微笑みを浮かべ、長く動く眼をしたお方。
12.205.59
नम्रचापानुकरणनम्रभ्रूयुगशोभितम् ।
नानारत्नमणीवज्रस्फुरन्मकरकुण्डलम् ॥ १२.२०५.५९ ॥
曲がった弓を模したように曲がった眉の一対に飾られ、様々な宝石・玉・金剛石に輝くマカラの耳飾りをつけたお方。
12.205.60
इन्द्रनीलनिभासं तं केयूरमकुटोज्ज्वलम् ।
देवैरिन्द्रपुरोगैश्च ऋषिसङघैरभिष्टुतम् ॥ १२.२०५.६० ॥
インドラーニーラ宝石のような輝きを持ち、腕輪と冠に光り輝く御方を、インドラを先頭とする神々と聖仙の群れがほめたたえた。
12.205.61
नारदो जयशब्देन ववन्दे शिरसा हरिम् ॥ १२.२०५.६१ ॥
ナーラダは「勝利あれ」と叫び、頭を垂れてハリを礼拝した。
12.205.62
ततः स भगवाञ्श्रीमान्मेघगम्भीरया गिरा ।
प्राहेशः सर्वभूतानां नारदं पतितं क्षितौ ॥ १२.२०५.६२ ॥
そのとき、尊き栄光の主、すべての存在の主は、雲のように深い声で、地に伏したナーラダに語りかけた。
12.205.63
भद्रमस्तु ऋषे तुभ्यं वरं वरय सुव्रत ।
यत्ते मनसि सुव्यक्तमस्ति च प्रददामि तन् ॥ १२.२०५.६३ ॥
聖者よ、あなたに幸あれ。善き誓いを持つ者よ、願いを申せ。あなたの心に明らかにあるものを、私は与えよう。
12.205.64
स चेमं जयशब्देन प्रसीदेत्यातुरो मुनिः ।
प्रोवाच हृदि संरूढं शङ्खचक्रगदाधरम् ॥ १२.२०५.६४ ॥
その切なる聖者は「勝利あれ」「どうか御心をお向けください」と叫び、心に深く宿る、法螺・円盤・棍棒を持つ方に語りかけた。
12.205.65
विवक्षितं जगन्नाथ मया ज्ञातं त्वयाऽच्युत ।
तत्प्रसीद हृषीकेश श्रोतुमिच्छामि तद्धरे ॥ १२.२०५.६५ ॥
無垢なる方よ、私が言おうとしたことを、あなたはすでにご存じです。ですからどうかお心をお向けください、感官の主よ。それを聞きたいのです、ハリよ。
12.205.66
ततः स्मयन्महाविष्णुरभ्यभाषत नारदम् ।
यद्दृष्टं मम रूपं तु वेदानां शिरसि त्वया ॥ १२.२०५.६६ ॥
そのときマハーヴィシュヌは微笑んでナーラダに語った。「ヴェーダの頂に、お前が見た私の姿。」
12.205.67
निर्द्वन्द्वा निरहंकाराः शुचयः शुद्धलोचनाः ।
तं मां पश्यन्ति सततं तान्पृच्छ यदिहेच्छसि ॥ १२.२०५.६७ ॥
二元対立を離れ、我執なく、清浄で澄んだ眼を持つ者たちは、常に私を見る。ここで望むことは、彼らに尋ねなさい。
12.205.68
ये योगिनो महाप्राज्ञा मदंशा ये व्यवस्थिताः ।
तेषां प्रसादं देवर्षे मत्प्रसादमवैहि तत् ॥ १२.२०५.६८ ॥
大いなる智慧を持ち、私の部分として安住するヨーガ行者たちよ、神聖な仙人よ、彼らの恩寵は私の恩寵と知れ。
12.205.69
इत्युक्त्वा स जगामाथ भगवान्भूतभावनः ।
तस्माद्व्रज हृषीकेशं कृष्णं देवकिनन्दनम् ॥ १२.२०५.६९ ॥
こう言って、衆生を養う尊き主は去られた。ゆえに、デーヴァキーの子、フリシーケーシャ、クリシュナのもとへ行け。
12.205.70
एतमाराध्य गोविन्दं गता मुक्तिं महर्षयः ।
एष कर्ता विकर्ता च सर्वकारणकारणम् ॥ १२.२०५.७० ॥
このゴーヴィンダを礼拝して、偉大な聖仙たちは解脱を得た。この方こそ創造者であり破壊者であり、一切の原因の原因である。
12.205.71
मयाऽप्येतच्छ्रुतं राजन्नारदात्तु निबोध तत् ।
स्वयमेव समाचष्ट नारदो भगवान्मुनिः ॥ १२.२०५.७१ ॥
王よ、これも私はナーラダから聞いた。それを理解せよ。尊き聖仙ナーラダ自らがこれを語ったのだ。
12.205.72
समस्तसंसारविघातकारणं ।
भजन्ति ये विष्णुमनन्यमानसाः।
ते यान्ति सायुज्यमतीव दुर्लभ ।
मितीव नित्यं हृदि वर्णयन्ति ॥ १२.२०५.७२ ॥
一心に毘湿奴を崇拝する者たち——一切の輪廻の束縛を断つ原因である方——は、極めて稀な合一に至る。このように、彼らは常に心の中でこれを讃える。