摩诃婆罗多 · 章 12.264
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
12.264.1
विनीय दुःखमबला साऽऽत्मनैवायतेक्षणा ।
उवाच प्राञ्जलिर्भूत्वा तमेवावर्जिता तदा ॥ १२.२६४.१ ॥
她抑制住悲痛，这位大眼的弱女子合掌向他行礼，随即亲自开口说道。
12.264.2
त्वया सृष्टा कथं नारी मादृशी वदतां वर ।
रौद्रकर्माभिजायेत सर्वप्राणिभयंकरी ॥ १२.२६४.२ ॥
辩才第一者啊，您所创造的像我这样的女子，怎会为残酷之行而生，成为一切众生的恐怖？
12.264.3
विभेम्यहमधर्मस्य धर्म्यमादिश कर्म मे ।
त्वं मां भीतामवेक्षस्व शिवेनेश्वरचक्षुषा ॥ १२.२६४.३ ॥
我畏惧非法；请为我指定合乎正法的行事。请以慈善而主宰的眼光看着惊惧的我。
12.264.4
बालान्वृद्धान्वयस्थांश्च न हरेयमनागसः ।
प्राणिनः प्राणिनामीश नमस्तेऽस्तु प्रसीद मे ॥ १२.२६४.४ ॥
我不应夺取孩童、老人、壮年人和无辜的众生。众生之主啊，向您致敬；请对我慈悲。
12.264.5
प्रियान्पुत्रान्वयस्यांश्च भ्रातॄन्मातॄः पितृनपि ।
अपध्यास्यन्ति यद्येवं मृतास्तेभ्यो विभेम्यहम् ॥ १२.२६४.५ ॥
若我所爱的儿子、伙伴、兄弟、母亲与父亲在死后这样诅咒我，我便怕他们。
12.264.6
कृपणाश्रुपरिक्लेदो दहेन्मां शाश्वतीः समाः ।
तेभ्योऽहं बलवद्भीता शरणं त्वामुपागता ॥ १२.२६४.६ ॥
被不幸者泪水浸透的诅咒，将使我永世焚烧。我极其畏惧他们，因此前来投奔您的庇护。
12.264.7
यमस्य भवने देव पात्यन्ते पापकर्मिणः ।
प्रसादये त्वां वरद प्रसादं कुरु मे प्रभो ॥ १२.२६४.७ ॥
神啊，在阎摩的居所，作恶的人被抛下。赐予恩惠者啊，我恳求你；主啊，请赐我恩典。
12.264.8
एतदिच्छाम्यहं कामं त्वत्तो लोकपितामह ।
इच्छेयं त्वत्प्रसादाच्च तपस्तप्तुं महेश्वर ॥ १२.२६४.८ ॥
世界的祖父啊，这是我向你所求的：凭你的恩典，我愿修习苦行，伟大的主啊。
12.264.9
त्वं हिं संहारबुद्ध्या मे चिन्तिता रुषितेन च ।
तस्मात्संहर सर्वास्त्वं प्रजा मा च विचारय ॥ १२.२६४.९ ॥
我怀着愤怒与毁灭之意构想了你。因此你要毁灭一切众生，不必犹豫。
12.264.10
एतदेवमवश्यं हि भविता नैतदन्यथा ।
क्रियतामनवद्याङ्गि यथोक्तं मद्वचोऽनघे ॥ १२.२६४.१० ॥
这必定会这样发生，不会有别的结果。肢体无瑕之人啊，请按我所说的，依照我的话去做，无罪之人啊。
12.264.11
एवमुक्ता महाबाहो मृत्युः परपुरंजय ।
न व्याजहार तस्थौ च प्रह्वा भगवदुन्मुखी ॥ १२.२६४.११ ॥
被这样吩咐，大臂者，征服敌城者啊，死神没有说话；她谦卑地站立，面向世尊。
12.264.12
पुनः पुनरथोक्ता सा गतसत्त्वेव भामिनी ।
तूष्णीमासीत्ततो देवो लोकानामीश्वरेश्वरः ॥ १२.२६४.१२ ॥
虽然一再被呼唤，那容光焕发的女子仍然沉默，仿佛失去了生命。于是，众世界之主的主宰，神，也沉默了。
12.264.13
प्रससाद किल ब्रह्मा स्वयमेवात्मनाऽऽत्मनि ।
स्मयमानश्च लोकेशो लोकान्सर्वानवैक्षत ॥ १२.२६४.१३ ॥
梵天自己在自己之中平静下来。众世界之主微笑着注视着一切世界。
12.264.14
निवृत्तरोषे तस्मिंस्तु भगवत्यपराजिते ।
सा कन्याऽथ जगामास्य समीपादिति नःश्रुतम् ॥ १२.२६४.१४ ॥
当那位不败的世尊怒气平息后，据我们所闻，那少女便离开了他的身边。
12.264.15
अपसृत्याप्रतिश्रुत्य प्रजासंहरणं तदा ।
त्वरमाणेव राजेन्द्र मृत्युर्धेनुकमभ्यगात् ॥ १२.२६४.१५ ॥
大王啊，死神未应允毁灭众生便退去了，随后仿佛急切地走向了达努卡。
12.264.16
सा तत्र परमं देवी तपोऽचरत दुश्चरम् ।
समा ह्येकपदे तस्थौ दशपद्मानि पञ्च च ॥ १२.२६४.१६ ॥
那位女神在那里修持了最高而极其艰难的苦行；她单足站立了十个帕德玛又五个（时期）。
12.264.17
तां तथा कुर्वतीं तत्र तपः परमदुश्चरम् ।
पुनरेव महातेजा ब्रह्मा वचनमब्रवीत् ॥ १२.२६४.१७ ॥
她在那里如此修持最为艰难的苦行时，大光明的梵天再次对她说了这些话。
12.264.18
कुरुष्व मे वचो मृत्यो तदनादृत्य सत्वरा ।
तथैवैकपदे तात पुनरन्यानि सप्त सा ॥ १२.२६४.१८ ॥
“死神啊，遵从我的话，不必顾虑，快去吧。”孩子，她同样单足站立，又过了七个（时期）。
12.264.19
तस्थौ पद्मानि षट् चैव पञ्च द्वे चैव मानद ।
भूयः पद्मायुतं तात मृगैः सह चचार सा ॥ १२.२६४.१९ ॥
她站立了六、五、二个莲花期，尊贵的给予者，亲爱的孩子；然后又与鹿群一起漫游了一万个莲花期。
12.264.20
द्वे चायुते नरश्रेष्ठ वाय्वाहारा महामते ।
पुनरेव ततो राजन्मौनमातिष्ठदुत्तमम् ॥ १२.२६४.२० ॥
两阿由塔，人中之最，她只以风为食，大智者；然后，国王啊，她又持守了至高的沉默。
12.264.21
अप्सु वर्षसहस्राणि सप्त चैकं च पार्थिव ।
ततो जगाम सा कन्या कौशिकीं नृपसत्तम ॥ १२.२६४.२१ ॥
她在水中度过了七千年又一年，国王啊；然后那位少女前往考希基河，王中之最。
12.264.22
तत्र वायुजलाहारा चचार नियमं पुनः ।
ततो ययौ महाभागा गङ्गां मेरुं च केवलम् ॥ १२.२६४.२२ ॥
她在那里以风和水为食，再次持守戒律；然后，大福之人啊，她前往恒河，只去了须弥山。
12.264.23
तस्थौ दार्विव निश्चेष्टा प्रजानां हितकाम्यया ।
ततो हिमवतो मूर्ध्निं यत्र देवाः समीजिरे ॥ १२.२६४.२३ ॥
她如同木桩一般一动不动地站立，为了众生的福祉而愿；然后到了喜马拉雅山顶，那里是众神聚集之处。
12.264.24
तत्राङ्गुष्ठेन राजेन्द्र निखर्वमचरत्तपः ।
तस्थौ पितामहं चैव तोषयामास यत्नतः ॥ १२.२६४.२४ ॥
在那里，王中之王啊，她以一只脚趾站立，修行了一个尼卡尔瓦；并且站立着，她努力地使祖父（梵天）欢喜。
12.264.25
ततस्तामब्रवीत्तत्र लोकानां प्रपितामहः ।
किमिदं वर्तसे पुत्रि क्रियतां मम तद्वचः ॥ १२.२६४.२५ ॥
于是诸世界的曾祖父在那里对她说:"女儿啊,你在做什么?照我的话去做吧。"
12.264.26
ततोऽब्रवीत्पुनर्मृत्युर्भगवन्तं पितामहम् ।
न हरेयं प्रजा देव पुनस्त्वाऽहं प्रसादये ॥ १२.२६४.२६ ॥
于是死神再次对尊贵的祖父说:"天神啊,我不会夺走众生;我再次恳请您。"
12.264.27
तामधर्मभयाद्भीतां पुनरेव प्रयाचतीम् ।
तदाऽब्रवीद्देवदेवो निगृह्येदं वचस्ततः ॥ १२.२६४.२७ ॥
那时,天神之神克制自己,对因惧怕不法而惊恐、又再次恳求的她说了这些话。
12.264.28
अधर्मो नास्ति ते मृत्यो संयच्छेमाः प्रजाः शुभे ।
मयाऽप्युक्तं मृषा भद्रे भविता नेह किंचन ॥ १२.२६४.२८ ॥
"死神啊,你并无不法之过;吉祥的女神啊,请克制这些众生。即使我所说的话也成为虚妄吧,善良的女神;此地将不会有任何事发生。"
12.264.29
धर्मः सनातनश्च त्वामिहैवानुप्रवेक्ष्यति ।
अहं च विबुधाश्चैव त्वद्धिते निरताः सदा ॥ १२.२६४.२९ ॥
"永恒的法将在此进入你之中;我与诸神始终专心于你的福祉。"
12.264.30
इमन्यं च ते कामं ददानि मनसेप्सितम् ।
न त्वां दोषेण यास्यन्ति व्याधिसंपीडिताः प्रजाः ॥ १२.२६४.३० ॥
"我还赐予你另一个你心中所愿的心愿:被疾病折磨的众生不会因过错而到你那里去。"
12.264.31
पुरुषेषु च रूपेण पुरुषस्त्वं भविष्यसि ।
स्त्रीषु स्त्रीरूपिणी चैव तृतीयेषु नपुंसकम् ॥ १२.२६४.३१ ॥
在男性中你以男相出现，在女性中以女相出现，在第三性中则为非男非女者。
12.264.32
सैवमुक्ता महाराज कृताञ्जलिरुवाच ह ।
पुनरेव महात्मानं नेति देवेशमव्ययम् ॥ १२.२६४.३२ ॥
大王，她被如此告知后，合掌对那位大神、不灭的天神之主再次说道：「不。」
12.264.33
तामब्रवीत्तदा देवो मृत्यो संहर मानवान् ।
अधर्मस्ते न भविता यथा ध्यास्याम्यहं शुभे ॥ १२.२६४.३३ ॥
那时天神对她说：「死亡啊，去消灭人类吧；如我所思，吉祥者，你不会有罪过。」
12.264.34
त्वं हि शक्ता च युक्ता च पूर्वोत्पन्ना च भामिनि ।
अनुशिष्टा च निर्दोषा तस्मात्त्वं कुरु मे मतम् ॥ १२.२६४.३४ ॥
你能干且合适，是先前所生，夫人；受过教导，无可指责。因此，请完成我的心愿。
12.264.35
यानश्रुबिन्दून्पतितानपश्यं ।
ये पाणिभ्यां धारितास्ते पुरस्तात्।
ते व्याधयो मानवान्घोररूपाः ।
प्राप्ते काले पीडयिष्यन्ति मृत्यो ॥ १२.२६४.३५ ॥
我看到落下的泪滴，被双手承接的那些——是可怖形态的疾病，待时机到来时，它们将折磨人类，死亡啊。
12.264.36
सर्वेषां त्वं प्राणिनामन्तकाले ।
कामक्रोधौ सहितौ योजयेथाः।
एवं धर्मस्त्वामुपैष्यत्यमोघो ।
न चाधर्मं लप्स्यसे तुल्यवृत्तिः ॥ १२.२६४.३६ ॥
在一切众生临终之时，你要使欲望与愤怒相互结合。如此，不失的法将来到你身边，你行为平等，不会得到罪过。
12.264.37
एवं धर्मं पालयिष्यस्यथो त्वं ।
न चात्मानं मञ्जयिष्यस्यधर्मे।
तस्मात्कामं रोचयाभ्यागतं त्वं ।
सा त्वं साधो संहरस्वेह जन्तून् ॥ १२.२६४.३७ ॥
如此你将守护法，不会沉溺于非法。因此，接受到来的欲望吧。善人啊，在此毁灭众生。
12.264.38
सा वै तदा मृत्युसंज्ञा कृतास्त्री ।
शापाद्भीता बाढमित्यब्रवीत्तम्।
अथो प्राणान्प्राणिनामन्तकाले ।
कामक्रोधौ प्राप्य नित्यं निहन्ति ॥ १२.२६४.३८ ॥
那时名为死亡的执械女子因诅咒而恐惧，对他说：“好吧。”然后，在众生临终之时，她获得欲望与愤怒，便总是夺走他们的生命之气。
12.264.39
मृत्योर्ये ते व्याधयश्चाश्चुपाता ।
मनुष्याणां युज्यते यैः शरीरम्।
सर्वेषां वै प्राणिनां प्राणनान्ते ।
तस्माच्छोकं मा कृथा बुद्ध्य बुद्ध्या ॥ १२.२६४.३९ ॥
那些死亡的疾病与坠马之类的意外，使人的身体受其束缚，它们在众生气息断绝之时降临。因此，以智慧领悟，不要悲伤。
12.264.40
सर्वे देवाः प्राणिनां प्राणनान्ते ।
गत्वा वृत्ताः सन्निवृत्तास्तथैव।
एवं सर्वे मानवाः प्राणनान्ते ।
गत्वा वृत्ता देववद्राजसिंह ॥ १२.२६४.४० ॥
所有的神也在众生气息断绝之时离去又回来；亦复如此。如此，所有人在气息断绝之时离去，如同诸神，王中雄狮啊。
12.264.41
वायुर्भीमो भीमनादो महौजाः ।
सर्वेषां च प्राणिनां प्राणभूतः।
अनावृत्तिर्देहिनां देहपाते ।
तस्माद्वायुर्देवदेवो विशिष्टः ॥ १२.२६४.४१ ॥
风神可怖，吼声骇人，威力广大。他是一切众生的生命之气。有身者身体倒下之后便不再返回。因此风神是诸神之神，最为殊胜。
12.264.42
सर्वे देवा मर्त्यसंज्ञाविशिष्टाः ।
सर्वे मर्त्या देवसंज्ञाविशिष्टाः।
तस्मात्पुत्रं मा शुचो राजसिंह ।
पुत्रः स्वर्गं प्राप्यते मोदते हे ॥ १२.२६४.४२ ॥
诸神以凡人之名而显，凡人以神之名而显。因此，王中之狮，不要为儿子悲伤。儿子得生天界，欢喜快乐。
12.264.43
एवं मृत्युर्देवसृष्टा प्रजानां ।
प्राप्ते काले संहरन्ती यथावत्।
तस्याश्चैव व्याधयस्तेऽश्रुपाताः ।
प्राप्ते काले संहरन्तीह जन्तून् ॥ १२.२६४.४३ ॥
如此，神所造的死亡，在时候到来时，依次夺走众生。它的疾病与泪水也随之而来。时候一到，它便在此夺去众生。