摩诃婆罗多 · 章 12.308
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
12.308.1
किं तदक्षरमित्युक्तं यस्मान्नावर्तते पुनः ।
किंच तत्क्षरमित्युक्तं यस्मादावर्तते पुनः ॥ १२.३०८.१ ॥
所谓不灭者是什么，从它那里不再返回？所谓可灭者是什么，从它那里又会返回？
12.308.2
अक्षरधरयोर्व्यक्तिं पृच्छाम्यरिनिषूदन ।
उपलब्धुं महाबाहो तत्त्वेन कुरुनन्दन ॥ १२.३०८.२ ॥
消灭敌人者啊，我想真正理解不灭者及其承载者的本性。大臂者啊，俱卢之喜。
12.308.3
त्वं हि ज्ञाननिधिर्विप्रैरुच्यसे वेदपारगैः ।
ऋषिभिश्च महाभागैर्यतिभिश्च महात्मभिः ॥ १२.३०८.३ ॥
精通吠陀的婆罗门、大福的仙人、苦行者和大德们称你为智慧的宝藏。
12.308.4
शेषमत्यं दिनानां ते दक्षिणायनभास्करे ।
आवृत्ते भगवत्यर्के गन्तासि परमां गतिम् ॥ १२.३०८.४ ॥
当吉祥的太阳转入南行之路时，你剩下的日子已不多；那时你将抵达至高的归宿。
12.308.5
त्वयि प्रतिगते श्रेयः कुतः श्रोष्यामहे वयम् ।
कुरुवंशप्रदीपस्त्वं ज्ञानदीपेन दीप्यसे ॥ १२.३०८.५ ॥
你一旦离去，我们还从哪里听闻善法？你是俱卢族的明灯，以智慧之灯照耀。
12.308.6
तदेतच्छ्रोतुमिच्छामि त्वत्तः कुरुकुलोद्वह ।
न तृष्यामीह राजेन्द्र शृण्वन्नमृतमीदृशम् ॥ १२.३०८.६ ॥
这正是我想从你那里听到的，俱卢族的支柱啊。王中之王啊，即便在此听闻这样的甘露，我也不感满足。
12.308.7
अत्र ते वर्तयिष्यामि इतिहासं पुरातनम् ।
वसिष्ठस्य च संवादं करालजनकस्य च ॥ १२.३०८.७ ॥
在此我将为你讲述一段古老的传说——瓦西斯塔与卡拉拉遮那伽之间的对话。
12.308.8
वसिष्ठं श्रेष्ठमासीनमृषीणां भास्करद्युतिम् ।
पप्रच्छ जनको राजा ज्ञानं नैःश्रेयसं परम् ॥ १२.३०८.८ ॥
瓦西斯塔是诸仙中最杰出者，光辉如太阳，正端坐着；遮那伽王向他询问那通往至善的至上智慧。
12.308.9
परमध्यात्मकुशलमध्यात्मगतिनिश्चयम् ।
मैत्रावरुणिमासीनमभिवाद्य कृताञ्जलिः ॥ १२.३०८.९ ॥
见maitrāvaruṇi（瓦西斯塔）精通至上内在之法，坚定于自性之道，端坐，遮那伽合掌向他行礼。
12.308.10
स्वक्षरं प्रश्रितं वाक्यं मधुरं चाप्यनुल्वणम् ।
पप्रच्छर्षिवरं राजा करालजनकः पुरा ॥ १२.३०८.१० ॥
以清晰、谦逊、甜美而温和的言辞，古时的国王卡拉拉遮那伽向最杰出的仙人发问。
12.308.11
भगवञ्श्रोतुमिच्छामि परं ब्रह्म सनातनम् ।
यस्मान्न पुनरावृत्तिमाप्नुवन्ति मनीषिणः ॥ १२.३०८.११ ॥
尊者啊，我愿听闻至上永恒的梵，证得它的智者不再轮回。
12.308.12
यच्च तत्क्षरमित्युक्तं यत्रेदं क्षरते जगत् ।
यच्चाक्षरमिति प्रोक्तं शिवं क्षेम्यमनामयम् ॥ १२.३०८.१२ ॥
被称为"刹那"（可毁灭者）的，此世界在其中坏灭；被称为"不灭"者，是吉祥、安稳、无病的。
12.308.13
श्रूयतां पृथिवीपाल क्षरतीदं यथा जगत् ।
यन्न क्षरति पूर्वेण यावत्कालेन चाप्यथ ॥ १२.३०८.१३ ॥
大地的守护者啊，请听这世界如何消逝，什么不因先前者而消逝，以及它持续多久。
12.308.14
युगं द्वादशसाहस्रं कल्पं विद्धि चतुर्युगम् ।
दशकल्पशतावृत्तमहस्तद्ब्राह्ममुच्यते ॥ १२.३०८.१४ ॥
应知一万二千年为一个时代，四个时代为一劫；一千劫循环十次，称为梵天的一日。
12.308.15
रात्रिश्चैतावती राजन्यस्यान्ते प्रतिबुध्यते ।
सृजत्यनन्तकर्माणं महान्तं भूतमग्रजम् ॥ १२.३०८.१५ ॥
国王啊，夜晚的长度相同；在其终了时，他重新醒来，创造出行为无穷的伟大长子之存在。
12.308.16
मूर्तिमन्तममूर्तात्मा विश्वं शंभुः स्वयंभुवम् ।
अणिमा लघिमा प्राप्तिरीशानं ज्योतिरव्ययम् ॥ १२.३०८.१६ ॥
有形体，而其自我无形；他是宇宙，是湿婆（吉祥者），是自存者；具有微小、轻盈、获得之力的主宰伊沙那，不灭之光。
12.308.17
सर्वतः पाणिपादं तत्सर्वतोक्षिशिरोमुखम् ।
सर्वतः श्रुतिमल्लोके सर्वमावृत्य तिष्ठति ॥ १२.३०८.१७ ॥
他的手足无处不在，眼睛、头颅和面孔无处不在；他无处不闻，于世间遍覆一切而立。
12.308.18
हिरण्यगर्भो भगवानेष बुद्धिरिति स्मृतः ।
महानिति च योगेषु विरिञ्चिरिति चाप्यजः ॥ १२.३०८.१८ ॥
这位世尊被称为金胎（Hiraṇyagarbha），被称为觉（buddhi）；在瑜伽中他也被称为大（Mahān）和梵天（Virinci）；他是无生者。
12.308.19
साङ्ख्ये च पठ्यते शास्त्रे नामभिर्बहुधात्मकः ।
विचित्ररूपो विश्वात्मा एकाक्षर इति स्मृतः ॥ १२.३०८.१९ ॥
在数论典籍中，他以众多名号被诵读：多形之我、形态奇妙、宇宙之我，被记为“一音节”。
12.308.20
वृतं नैकात्मकं येन कृतं त्रैलोक्यमात्मना ।
तथैव बहुरूपत्वाद्विश्वरूप इति स्मृतः ॥ १२.३०८.२० ॥
他以自我包裹三界，使之成为多重自我；同样因其多种形相，被记为“宇宙形”。
12.308.21
एष वै विक्रियापन्नः सृजत्यात्मानमात्मना ।
अहंकारं महातेजाः प्रजापतिरंकृतम् ॥ १२.३०८.२१ ॥
这位大光辉的生主经历变化，以自身创造自身：所成就的我执原理。
12.308.22
अव्यक्ताद्व्यक्तमापन्नं विद्यासर्गं वदन्ति तम् ।
महान्तं चाप्यहंकारमविद्यासर्गमेव च ॥ १२.३०८.२२ ॥
从未显者显现而生起的，称为智之创造；大者与我执也是，无明之创造也正是此。
12.308.23
अपरश्च परश्चैव समुत्पन्नौ तथैकतः ।
विद्याविद्येति विख्याते श्रुतिशास्त्रार्थचिन्तकैः ॥ १२.३०८.२३ ॥
下与上同时从一源生起；如此，知与无明为通晓经典与论书义理者所称道。
12.308.24
भूतसर्गमहंकारात्तृतीयं विद्धि पार्थिव ।
अहंकारेषु सर्वेषु चतुर्थं विद्धि वैकृतम् ॥ १२.३०८.२४ ॥
大王啊，应知从我执而生的元素创造为第三；在一切我执中，应知第四者为变异者。
12.308.25
वायुर्ज्योतिरथाकाशमापोऽथ पृथिवी तथा ।
शब्दः स्पर्शश्च रूपं च रसो गन्धस्तथैव च ॥ १२.३०८.२५ ॥
风、光、虚空，然后是水，同样还有地；声、触、色、味、香也是如此。
12.308.26
एवं युगपदुत्पन्नं दशवर्गमसंशयम् ।
पञ्चमं विद्धि राजेन्द्र भौतिकं सर्गमर्थवत् ॥ १२.३०८.२६ ॥
如此同时生起的十类无疑存在。王中之王啊，应知第五，即元素之造化，是有意义的。
12.308.27
श्रोत्रं त्वक्चक्षुषी जिह्वा घ्राणमेव च पञ्चमम् ।
वाक्च हस्तौ च पादौ च पायुर्मेढ्रं तथैव च ॥ १२.३०८.२७ ॥
耳、皮、双目、舌，第五是鼻；言语、双手、双足、肛门与生殖器亦然。
12.308.28
बुद्धीन्द्रियाणि चैतानि तथा कर्मेन्द्रियाणि च ।
संभूतानीह युगपन्मनसा सह पार्थिव ॥ १२.३०८.२८ ॥
此等知根与作根，连同意，同时生于此处，王啊。
12.308.29
एषा तत्त्वचतुर्विशत्सर्वाकृतिषु वर्तते ।
यां ज्ञात्वा नाभिशोचन्ति ब्राह्मणास्तत्त्वदर्शिनः ॥ १२.३०८.२९ ॥
此二十四谛存在于一切形态之中；知之，见真谛的婆罗门便不悲伤。
12.308.30
एतद्देहं समाख्यानं त्रैलोक्ये सर्वदेहिषु ।
वेदितव्यं नरश्रेष्ठ सदेवनरदानवे ॥ १२.३०८.३० ॥
此论身体之说，人中最上者啊，应当在三界一切有身者中、在天神与人及阿修罗之间被了知。
12.308.31
सयक्षभूतगन्धर्वे सकिन्नरमहोरगे ।
सचारणपिशाचे वै सदेवर्षिनिशाचरे ॥ १२.३०८.३१ ॥
与夜叉、精灵、乾闼婆、紧那罗及大蛇同在，与遮罗那及毗舍遮同在，与诸天、仙人及夜行者同在。
12.308.32
सदंशकीटमशक्रे सपूतिकृमिमूषिके ।
शुनि श्वपाके चैणेये सचाण्डाले सपुल्कसे ॥ १२.३०८.३२ ॥
与虻、虫及蚊同在，与腐臭的蛆虫及老鼠同在，在狗中，在贱民的烹狗者中，在鹿中，与旃陀罗同在，与补羯娑同在。
12.308.33
हस्त्यश्वखरशार्दूले सवृके गवि चैव ह ।
यच्च मूर्तिमयं किचित्सर्वत्रैतन्निदर्शनम् ॥ १२.३०८.३३ ॥
在象、马、驴和虎中，与狼同在，也在牛中；凡有形体之物，处处都是此的例证。
12.308.34
जले भुवि तथाऽऽकाशे नान्यत्रेति विनिश्चयः ।
स्थानं देहवतामस्ति इत्येवमनुशुश्रुम ॥ १२.३०८.३४ ॥
在水中、在地上、同样在虚空中，别处则无：这是确定的。有形体者有其居所，我们如此听闻。
12.308.35
कृत्स्नमेतावतस्तात क्षरते व्यक्तसंज्ञितम् ।
अहन्यहनि भूतात्मा ततः क्षर इति स्मृतः ॥ १२.३०८.३५ ॥
孩子，这一切所谓显现者，如此多者，都会毁灭。众生之我日日如此，因此它被称为“灭”。
12.308.36
एतद्धि क्षरमित्युक्तं क्षरतीदं यथा जगत् ।
जगन्मोहात्मकं प्राहुरव्यक्तं व्यक्तसंज्ञकम् ॥ १२.३०८.३६ ॥
此即被称为“灭”，犹如这世界在消逝。人们说世界是迷惑之性；将不显现者称以显现之名。
12.308.37
महांश्चैवाग्रजो नित्यमेतत्क्षरनिदर्शनम् ।
कथितं ते महाराजन्यस्मान्नावर्तते पुनः ॥ १२.३०८.३७ ॥
伟大而永恒的长子，此乃朽坏者的例证。大王，此事已告诉你，因为它不再回还。
12.308.38
पञ्चर्विशतिमो विष्णुर्निस्तत्त्वस्तत्त्वसंज्ञितः ।
तत्त्वसंश्रयणादेतत्तत्वमाहुर्मनीषिणः ॥ १२.३०८.३८ ॥
第二十五位毗湿奴无原理，却被称为原理。因依止于诸原理，智者称之为“原理”。
12.308.39
यन्मर्त्यमसृजद्व्यक्तं तत्तन्मूर्त्यधितिष्ठति ।
चतुर्विशतिमोऽव्यक्तो ह्यमूर्तः पञ्चविंशकः ॥ १२.३०८.३९ ॥
他所创造的有死之显现者，安住于各个形体之中。第二十四为未显者，第二十五为无形者。
12.308.40
स एव हृदि सर्वासु मूर्तिष्वात्मावतिष्ठते ।
चेतयंश्चेतनान्नित्यं सर्वमूर्तिरमूर्तिमान् ॥ १२.३०८.४० ॥
此自我安住于一切形体的心中。永远唤醒有识者，虽为一切形体，却是无形的。
12.308.41
सर्वप्रत्ययधर्मिण्यां स सर्गः प्रत्ययात्मकः ।
गोचरे वर्तते नित्यं निर्गुणो गुणसंज्ञिते ॥ १२.३०८.४१ ॥
在那具有一切认知之性、由认知所成的创造之中，无德者永远存在于被称为德的感知领域之中。
12.308.42
एवमेष महानात्मा सर्गप्रलयकोविदः ।
विकुर्वाणः प्रकृतिमानभिमन्यत्यबुद्धिमान् ॥ १२.३०८.४२ ॥
如此，这位伟大的自我精通创造与毁灭，虽转变着自然，却因无智而认同于那自然。
12.308.43
तमः सत्वरजोयुक्तस्तासु तास्विह योनिषु ।
लीयते प्रतिबुद्धत्वादबुद्धजनसेवनात् ॥ १२.३०८.४३ ॥
具足暗性、善性与激性者，在此或彼胎中沉没，因为他觉察于诸境，并侍奉无智之人。
12.308.44
सहवासनिवासात्मा नान्योऽहमिति मन्यते ।
योऽहं सोहमिति ह्युक्त्वा गुणानेवानुवर्तते ॥ १२.३०८.४४ ॥
以共同居处与住所为自我者，认为"我非他"；说"我即是彼，彼即是我"，他只是随从诸德。
12.308.45
तमसा तामसान्भावान्विविधान्प्रतिपद्यते ।
रजसा राजसांश्चैव सात्विकान्सत्वसंश्रयात् ॥ १२.३०८.४५ ॥
以暗性，他得到种种暗性之境；以激性，得激性之境；依托善性，得善性之境。
12.308.46
शुक्ललोहितकृष्णानि रूपाण्येतानि त्रीणि तु ।
सर्वाण्येतानि रूपाणि यानीह प्राकृतानि वै ॥ १२.३०८.४६ ॥
白、赤、黑，此三者即是三种形相。凡此间所有的自然形相，皆属于此三者。
12.308.47
तामसा निरयं यान्ति राजसा मानुपानथ ।
सात्विका देवलोकाय गच्छन्ति सुखभागिनः ॥ १२.३०८.४७ ॥
暗性者入地狱，激性者得人身，善性者享受安乐而往天界。
12.308.48
निष्कैवल्येन पापेन तिर्यग्योनिमवाप्नुयात् ।
पुण्यपापेन मानुष्यं पुण्येनैकेन देवताः ॥ १२.३०८.४८ ॥
纯以罪恶而无一善，得畜生之胎；善恶相杂，得人身；唯以一善，得为诸天。
12.308.49
एवमव्यक्तविषयं क्षरमाहुर्मनीषिणः ।
पञ्चविंशतिमो योऽयं ज्ञानादेव प्रवर्तते ॥ १२.३०८.४९ ॥
因此智者称以未显现为对象的刹那者；这第二十五者唯由知识而生起。