マハーバーラタ · 章 12.347
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
12.347.1
एवं स्तुतः स भगवान् गुह्यैस्तथ्यैश्च नामभिः ।
भगवान्विश्वसृक्सिंहः सर्वमूर्तिमयः प्रभुः।
दर्शयामास मुनये रूपं तत्परमं हरिः ॥ १२.३४७.१ ॥
このように讃えられた尊き主は、秘められた真実の名によって、宇宙の創造者、獅子のごとき、あらゆる姿を具える主ハリとして、聖者にその最高の姿を示された。
12.347.2
किंचिच्चन्द्राद्विशुद्धात्मा किंचिच्चन्द्राद्विशेषवान् ।
कृशानुवर्णः किंचिच्च किंचिद्धिष्ण्याकृतिः प्रभुः ॥ १२.३४७.२ ॥
主はある時は月よりも清浄な本性を持ち、ある時は月よりも殊勝であり、ある時は火の色、またある時は惑星の姿であった。
12.347.3
शुकपत्रनिभः किंचित्किंचित्स्फटिकसन्निभः ।
नीलाञ्जनचयप्रख्यो जातरूपप्रभः क्वचित् ॥ १२.३४७.३ ॥
ある時は鸚鵡の羽のようで、ある時は水晶のようで、青い黛の山のようで、またある時は黄金の輝きであった。
12.347.4
प्रबालाङ्कुरवर्णश्च श्वेतवर्णस्तथा क्वचित् ।
क्वचित्सुवर्णवर्णाभो वैदूर्यसदृशः क्वचित् ॥ १२.३४७.४ ॥
ある時は珊瑚の新芽の色、ある時は白、ある時は金色の輝きを帯び、またある時は瑠璃のようであった。
12.347.5
नीलवैर्दूर्यसदृश इन्द्रनीलनिभः क्वचित् ।
मयूरग्रीववर्णाभो मुक्ताहारनिभः क्वचित् ॥ १२.३४७.५ ॥
ある時は青い瑠璃のようで、ある時は青玉のようで、ある時は孔雀の首の輝きを帯び、またある時は真珠の首飾りのようであった。
12.347.6
एतान्बहुधान्वर्णान्रूपैर्बिभ्रत्सनातनः ।
सहस्रनयनः श्रीमाञ्छतशीर्षः सहस्रपात् ॥ १२.३४७.६ ॥
これら多様な色の姿をまとう永遠の主、千眼、吉祥、百頭、千足の御方。
12.347.7
सहस्रोदरबाहुश्च अव्यक्त इति च क्वचित् ।
ओंकारमुद्गिरन्वक्रात्सावित्रीं च तदन्वयाम् ॥ १२.३४७.७ ॥
千の腹と千の腕を持ち、時に「未顕現者」と呼ばれる彼は、口からオームの音節とそれに続くサーヴィトリーを唱えた。
12.347.8
शेषेभ्यश्चैव वक्रेभ्यश्चतुर्वेदान्गिरन्बहून् ।
आरण्यकं जगौ देवो हरिर्नारायणो वशी ॥ १२.३४७.८ ॥
残りの口からも四ヴェーダの多くの詩句を唱えた。自制する神ハリ・ナーラーヤナは《アーラニヤカ》を歌った。
12.347.9
वेदिं कमण्डलुं दर्भान्मणिरूपांस्तथा कुशान् ।
अजिनं दण्डकाष्ठं च ज्वलितं च हुताशनम्।
धारयामास देवेशो हस्तैर्यज्ञपतिस्तदा ॥ १२.३४७.९ ॥
祭壇、水瓶、吉祥草、宝石のような形のクシャ草、鹿皮、杖、そして燃え盛る供犠の火——これらを神々の主、供犠の主はそのとき両手に持った。
12.347.10
तं प्रसन्नं प्रसन्नात्मा नारदो द्विजसत्तमः ।
वाग्यतः प्रणतो भूत्वा ववन्दे परमेश्वरम् ॥ १२.३४७.१० ॥
心の澄んだ再生族の最勝者ナーラダは、喜ばれた彼を見て、言葉を慎み、頭を下げ、至高の主を礼拝した。
12.347.11
तमुवाच नतं मूर्ध्ना देवानामादिरव्ययः ॥ १२.३४७.११ ॥
頭を垂れて礼をした彼に、神々の始原にして不滅なる御方が語った。
12.347.12
एकतश्च द्वितश्चैव त्रितश्चैव महर्षयः ।
इमं देशमनुप्राप्ता मम दर्शनलालसाः ॥ १२.३४७.१२ ॥
大仙エーカタ、ドヴィタ、トリタは、私に会いたい一心でこの地に来た。
12.347.13
न च मां ते ददृशिरे न च द्रक्ष्यति कश्चन ।
ऋते ह्यैकान्तिकश्रेष्ठात्त्वं चैवैकान्तिकोत्तम ॥ १२.३४७.१३ ॥
彼らは私を見なかった。また誰も見ることはないだろう、専心する者の中で最も優れたお前を除いては、専心者の中の最上の者よ。
12.347.14
ममैतास्तनवः श्रेष्ठा जाता धर्मगृहे द्विज ।
तास्त्वं भजस्व सततं साधयस्व यथागतम् ॥ १२.३४७.१४ ॥
再生者よ、私のこれらの優れた姿は法の家に生まれた。お前は常に彼らに仕え、来た時のように務めを成し遂げよ。
12.347.15
वृणीष्व च वरं प्रिय मत्तस्त्वं यदिहेच्छसि ।
प्रसन्नोऽहं तवाद्येह विश्वमूर्तिरिहाव्ययः ॥ १२.३४७.१५ ॥
愛しき者よ、ここで望む恩寵を私から選べ。今日、私はお前に満足している。ここに私は、姿が宇宙である不滅の者として在る。
12.347.16
अद्य मे तपसो देव यमस्य नियमस्य च ।
सद्यः फलमवाप्तं वै दृष्टो यद्भगवान्मया ॥ १२.३४७.१६ ॥
神よ、今日、私の苦行と抑制と戒律の果報がたちどころに得られた。私は尊き主を見たのだから。
12.347.17
वर एष ममात्यन्तं दृष्टस्त्वं यत्सनातनः ।
भगवन्विश्वदृक् सिंहः सर्वमूर्तिर्महान्प्रभुः ॥ १२.३४७.१७ ॥
お前を見たこと、それが私にとって最上の恩寵である、永遠なる者よ。尊き主よ、一切を見る獅子、一切の姿を持つ偉大な主よ。
12.347.18
एवं संदर्शयित्वा तु नारदं परमेष्ठिजम् ।
उवाच वचनं भूयो गच्छ नारद माचिरम् ॥ १२.३४७.१८ ॥
このように姿を現した後、彼は至高者から生まれたナーラダに再び言った。ナーラダよ、遅れてはならない、行け。
12.347.19
इमे ह्यनिन्द्रियाहारा मद्भक्ताश्चन्द्रवर्चसः ।
एकाग्राश्चिन्तयेयुर्मां नैषां विघ्नो भवेदिति ॥ १२.३४७.१९ ॥
感覚を抑え、少食にして、月のように輝く私の帰依者であるこの人々は、一心に私を瞑想するであろう。彼らに障害は起こらないであろう。
12.347.20
सिद्धा ह्येते महाभागाः पुरा ह्येकान्तिनोऽभवन् ।
तमोरजोभिर्निर्मुक्ता मां प्रवेक्ष्यन्त्यसंशयम् ॥ १२.३४७.२० ॥
この人々は成就者であり、大いなる幸運に恵まれている。昔から彼らは専一の帰依者であった。暗愚と激情から解脱し、彼らは疑いなく私に入るであろう。
12.347.21
न दृश्यश्चक्षुषा योऽसौ न स्पृश्यः स्पर्शनेन च ।
न घ्रेयश्चैव गन्धेन रसेन च विवर्जितः ॥ १२.३४७.२१ ॥
眼で見られず、触覚で触れられず、香りで嗅がれず、味から離れている者、それが彼である。
12.347.22
सत्वं रजस्तमश्चैव न गुणास्तं भजन्ति वै ।
यश्च सर्वगतः साक्षी लोकस्यात्मेति कथ्यते ॥ १२.३४७.२२ ॥
純質、激質、暗質はいずれも彼に執着しない。遍在する証人こそ、世界のアートマンと呼ばれる。
12.347.23
भूतग्रामशरीरेषु नश्यत्सु न विनश्यति ।
अजो नित्यः शाश्वतश्च निर्गुणो निष्कलस्तथा ॥ १२.३४७.२३ ॥
生きものたちの身体が滅びても、彼は滅びない。彼は不生・永遠・恒常・無属性・無分であり、
12.347.24
द्विर्द्वादशेभ्यस्तत्त्वेभ्यः ख्यातो यः पञ्चविंशकः ।
पुरुषो निष्क्रियश्चैव ज्ञानदृश्यश्च कथ्यते ॥ १२.३४७.२४ ॥
二十四の原理を超えて知られる第二十五の者、プルシャは無為であり、知によってのみ見られると言われる。
12.347.25
यं प्रविश्य भवन्तीह मुक्ता वै द्विजसत्तमाः ।
स वासुदेवो विज्ञेयः परमात्मा सनातनः ॥ १२.३४७.२५ ॥
二度生まれた者の中の最上の方々よ、そこに入ってここで真に解脱する者、それこそヴァースデーヴァと知られるべきであり、永遠の至高の我である。
12.347.26
पश्य देवस्य माहात्म्यं महिमानं च नारद ।
शुभाशुभैः कर्मभिर्यो न लिप्यति कदाचन ॥ १२.३४७.२६ ॥
ナーラダよ、神の偉大さと威光を見よ。善悪の行為によって彼が決して汚されることはない。
12.347.27
सत्वं रजस्तमश्चेति गुणानेतान्प्रचक्षते ।
एते सर्वशरीरेषु तिष्ठन्ति विचरन्ति च ॥ १२.३४७.२७ ॥
サットヴァ、ラジャス、タマス— これらを諸性質という。それらはすべての身体に宿り、またそこを動き回る。
12.347.28
एतान्गुणांस्तु क्षेत्रज्ञो भुङ्क्ते नैभिः स भुज्यते ।
निर्गुणो गुणभुक्चैव गुणस्रष्टा गुणातिगः ॥ १२.३४७.२८ ॥
場を知る者はこれらの性質を享受するが、それによって享受されることはない。彼は無性質であり、性質を享受する者、性質を創る者、性質を超える者である。
12.347.29
जगत्प्रतिष्ठा देवर्षे पृथिव्यप्सु प्रलीयते ।
ज्योतिष्यापः प्रलीयन्ते ज्योतिर्वायौ प्रलीयते ॥ १२.३४७.२९ ॥
神仙よ、大地は世界の基盤である。それは水に溶け入る。水は光（火）に溶け入り、光は風に溶け入る。
12.347.30
खे वायुः प्रलयं याति मनस्याकाशमेव च ।
मनो हि परमं भूतं तदव्यक्ते प्रलीयते ॥ १२.३४७.३० ॥
風は空へと滅し、空は意へと滅する。意こそ至高の要素であり、それは未顕現のものへと溶け入る。
12.347.31
अव्यक्तं पुरुषे ब्रह्मन्निष्क्रिये संप्रलीयते ।
नास्ति तस्मात्परतरः पुरुषाद्वै सनातनात् ॥ १२.३४७.३१ ॥
ブラフマンよ、未顕現なるものは無為のプルシャに溶け入る。その永遠のプルシャより高きものはない。
12.347.32
नित्यं हि नास्ति जगति भूतं स्थावरजङ्गमम् ।
ऋते तमेकं पुरुषं वासुदेवं सनातनम्।
सर्वभूतात्मभूतो हि वासुदेवो महाबलः ॥ १२.३४७.३२ ॥
世界において、不動のものも動くものも、永遠なるものは一つもない。ただ一人の永遠のプルシャ、ヴァースデーヴァを除いては。力強きヴァースデーヴァこそ、一切の存在の自己である。
12.347.33
पृथिवी वायुराकाशमापो ज्योतिश्च पञ्चमम् ।
ते समेता महात्मानः शरीरमिति संज्ञितम् ॥ १२.३४७.३३ ॥
地・風・空・水、そして第五の火。これら偉大な要素が集まったとき、それは身体と呼ばれる。
12.347.34
तदाविशति यो ब्रह्मन्न दृश्यो लघुविक्रमः ।
उत्पन्न एव भवति शरीरं चेष्टयन्प्रभुः ॥ १२.३४७.३४ ॥
ブラフマンよ、そのとき、目に見えず、速やかな力を持つ者がそこに入る。主は自ら生じ、身体を動かしながら、そこに在る。
12.347.35
न विना धातुसंघातं शरीरं भवति क्वचित् ।
न च जीवं विना ब्रह्मन्वायवश्चेष्टयन्त्युत ॥ १२.३४७.३५ ॥
ブラフマンよ、諸元素の集まりなしに身体は決して生じず、生命（ジーヴァ）なしに風もそれを動かすことはない。
12.347.36
स जीवः परिसंख्यातः शेषः संकर्षणः प्रभुः ।
तस्मात्सनत्कुमारत्वं योऽलभत्स्वेन कर्मणा ॥ १२.३४७.३६ ॥
その生命（ジーヴァ）は、シェーシャ、主サンカルシャナと数えられる。ゆえに、自らの行為によってサナトクマーラの境地を得た者。
12.347.37
यस्मिंश्च सर्वभूतानि प्रद्युम्नः परिपठ्यते ।
तस्मात्प्रसूतो यः कर्ता कारणं कार्यमेव च ॥ १२.३४७.३७ ॥
一切の存在がそこにあり、プラデュムナと唱えられる方より生じた者は、作者であり、原因であり、結果でもある。
12.347.38
तस्मत्सर्वं संभवति जगत्स्थावरजङ्गमम् ।
सोऽनिरुद्धः स ईशानो व्यक्तिः सा सर्वकर्मसु ॥ १२.३४७.३८ ॥
彼から、動くものと動かぬものからなる全世界が生じる。彼がアニルッダであり、主宰者であり、あらゆる行為に現れる顕わな姿でもある。
12.347.39
यो वासुदेवो भगवान्क्षेत्रज्ञो निर्गुणात्मकः ।
ज्ञेयः स एव राजेन्द्र जीवः संकर्षणः प्रभुः ॥ १२.३४७.३९ ॥
尊き聖者ヴァースデーヴァは場を知る者であり、その本性は属性を超えている。王の中の王よ、まさに彼こそ知られるべきである。彼こそ生命（ジーヴァ）であり主サンカルシャナである。
12.347.40
संकर्षणाच्च प्रद्युम्नो मनोभूतः स उच्यते ।
प्रद्युम्नाद्योऽनिरूद्धस्तु सोहंकारः स ईश्वरः ॥ १२.३४७.४० ॥
サンカルシャナからプラデュムナが生じ、彼は意から生まれたと言われる。プラデュムナからアニルッダが生じ、彼こそ自我意識であり主宰者である。
12.347.41
मत्तः सर्वं संभवति जगत्स्थावरजङ्गमम् ।
अक्षरं च क्षरं चैव सच्चासच्चैव नारद ॥ १२.३४७.४१ ॥
私から、動くものと動かぬものからなる全世界が生じる。不変と可変、有と無も、ナーラダよ、私から生じるのである。
12.347.42
मां प्रविश्य भवन्तीह मुक्ता भक्तास्तु ये मम ।
अहं हि पुरुषो ज्ञेयो निष्क्रियः पञ्चविंशकः ॥ १२.३४७.४२ ॥
私に入った私の信者たちは、ここにおいて解脱する。そして私こそ知られるべきプルシャである——無為にして、第二十五の原理である。
12.347.43
निर्गुणो निष्कलश्चैव निर्द्वन्द्वो निष्परिग्रहः ।
एतत्त्वया न विज्ञेयं रूपवानिति दृश्यते ॥ १२.३४७.४३ ॥
彼は性質を持たず、部分を持たず、対立の二元を超え、所有を持たない。形あるものとして見えても、そのように理解してはならない。
12.347.44
इच्छन्मुहूर्तान्नश्येयमीशोऽहं जगतो गुरुः ।
माया ह्येषा मया सृष्टा यन्मां पश्यसि नारद ॥ १२.३४७.४४ ॥
私が望めば一瞬で滅びることもできる。私は世界の主であり師である。ナーラダよ、お前が私に見ているものは、私が作り出した幻である。
12.347.45
सर्वभूतगुणैर्युक्तं नैवं त्वं ज्ञातुमर्हसि ।
मयैतत्कथितं सम्यक्तव मूर्तिचतुष्टयम् ॥ १२.३४७.४५ ॥
彼を、あらゆる存在の性質を備えたものとして、そのように知ってはならない。この四つの姿について、私はお前に正しく説いた。
12.347.46
अहं हि जीवसंज्ञो वै मयि जीवः समाहितः ।
मैवं ते बुद्धिरत्राभूर्द्दृषो जीवो मयेति वै ॥ १२.३४७.४६ ॥
私こそ生命と呼ばれるものであり、生命は私の内に確立されている。そのような考えがお前に起こってはならない。生命は私によって見られるのだ。
12.347.47
अहं सर्वत्रगो ब्रह्मन्भूतग्रामान्तरात्मकः ।
भूतग्रामशरीरेषु नश्यत्सु न नशाम्यहम् ॥ १२.३४७.४७ ॥
私は至る所に行き渡る、婆羅門よ。私は一切の存在の内なる我である。存在の身体が滅びても、私は滅びない。
12.347.48
सिद्धा हि ते महाभागा नरा ह्येकान्तिनोऽभवन् ।
तमोरजोभ्यां निर्मुक्ताः प्रवेक्ष्यन्ति च मां मुने ॥ १२.३४७.४८ ॥
その大いなる幸運の人々は成就者となり、一心の信者となった。暗闇と情熱から解放され、聖者よ、彼らは私の内へと入るであろう。
12.347.49
अहं कर्ता च कार्यं च कारणं चापि नराद ।
न दृश्यश्चक्षुषा देवः स्पृश्यो न स्पर्शनेन च।
आघ्रेयो नैव गन्धेन रसेन च विसर्जितः ॥ १२.३४७.४९ ॥
私は行為者であり、結果であり、また原因でもある、人の中の最も優れた者よ。その神は眼で見られず、触れられず、香りで嗅がれず、味で味わわれることもない。
12.347.50
सत्वं रजस्तमश्चैव न गुणास्ते भवन्ति हि ।
स हि सर्वगतः साक्षी लोकस्यात्मेति कथ्यते ॥ १२.३४७.५० ॥
純質、激質、暗質は彼の性質ではない。彼は遍在する証人であり、世界の自己と呼ばれる。
12.347.51
हिरण्यगर्भो लोकादिश्चतुर्वक्रोऽनिरुक्तगः ।
ब्रह्मा सनातनो देवो मम बह्वर्थचिन्तकः ॥ १२.३४७.५१ ॥
ヒラニヤガルバ、諸世界の根源、四面を持ち、言葉を超えて進む、永遠の神ブラフマーは、私の多くの目的を思う者である。
12.347.52
ललाटाच्चैव मे रुद्रो देवः क्रोधाद्विनिःसृतः ।
पश्यैकादश मे रुद्रान्दक्षिणं पार्श्वमास्थितान् ॥ १२.३४७.५२ ॥
私の額から怒りによって生じた神ルドラを見よ。私の右側に立つ十一のルドラを見よ。
12.347.53
द्वादशैव तथाऽऽदित्यान्वामपार्श्वे समास्थितान् ।
अग्रतश्चैव मे पश्य वसूनष्टौ सुरोत्तमान् ॥ १२.३४७.५३ ॥
私の左側に立つ十二のアーディティヤを見よ。また私の前に、神々の中で最も優れた八人のヴァスを見よ。
12.347.54
नासत्यं चैव दस्रं च भिषजौ पश्य पृष्ठतः ।
सर्वान्प्रजापतीन्पश्य पश्य सप्तऋर्षीस्तथा ॥ १२.३४७.५४ ॥
後ろに二人の医神、ナーサティヤとダスラを見よ。すべての生類の主を見よ、また七人の聖仙を見よ。
12.347.55
वेदान्यज्ञांश्च शतशः पश्यामृतमथौषधीः ।
तपांसि नियमांश्चैव यमानपि पृथग्विधान् ॥ १२.३४७.५५ ॥
ヴェーダと幾百もの祭祀を見よ。甘露と薬草を見よ。苦行と戒律を見よ、そして種々の禁制(ヤマ)をも見よ。
12.347.56
तथाऽष्टगुणमैश्वर्यमेकस्थं पश्य मूर्तिमत् ।
श्रियं लक्ष्मीं च कीर्तिं च पृथिवीं च ककुद्मिनी ॥ १२.३४७.५६ ॥
同様に、八つの徳をそなえた主権が一所に形をとって集まったのを見よ。シュリー、ラクシュミー、名声、大地、そしてカクドゥミニーをも見よ。
12.347.57
वेदानां मातरं पश्य मत्स्थां देवीं सरस्वतीम् ।
ध्रुवं च ज्योतिषां श्रेष्ठं पश्य नारद खेचरम् ॥ १२.३४७.५७ ॥
ヴェーダの母、私の中に住まう女神サラスヴァティーを見よ。星々のうち最も優れ、空を運行する極星を見よ、ナーラダよ。
12.347.58
अम्भोधरान्समुद्रांश्च सरांसि सरितस्तथा ।
मूर्तिमन्तः पितृगणांश्चतुरः पश्य सत्तम ॥ १२.३४७.५८ ॥
雲、海、湖、川を見よ。形を得た四種の祖霊の群れを見よ、善人の中の最も優れた者よ。
12.347.59
त्रींश्चैवेमान्गुणान्पश्य मत्स्थान्मूर्तिविवर्जितान् ।
देवकार्यादपि मुने पितृकार्यं विशिष्यते ॥ १२.३४७.५९ ॥
私に宿る、形なき三つの徳をも見よ。聖者よ、祖霊への務めは神々への務めよりもさらに優れている。
12.347.60
देवानां च पितृणां च पिता ह्येकोऽहमादितः ।
अहं हयशिरा भूत्वा समुद्रे पश्चिमोत्तरे ॥ १२.३४७.६० ॥
初めより、神々と祖霊の父はただ私一人である。馬の頭となって、私は北西の海に住む。
12.347.61
पिबामि सुहुतं हव्यं कव्यं च श्रद्धयाऽन्वितम् ।
मया सृष्टः पुरा ब्रह्मा मां यज्ञमयजत्स्वयम् ॥ १२.३४७.६१ ॥
信仰に満ちて供えられた善き供物と祖霊への供物を私は飲む。かつて私が創造したブラフマーは、自ら私に供犠を捧げた。
12.347.62
ततस्तस्मै वरान्प्रीतो दत्तवानस्म्यनुत्तमान् ।
मत्पुत्रत्वं च कल्पादौ लोकाध्यक्षत्वमेव च ॥ १२.३४७.६२ ॥
そこで私は喜び、彼に最上の恩恵を与えた。劫の初めに私の息子となること、そして世界の統治者となることである。
12.347.63
अहंकारकृतं चैव नामपर्यायवाचकम् ।
त्वया कृतां च मर्यादां नातिक्रंस्यति कश्चन ॥ १२.३४७.६३ ॥
自我意識によって作られ、名を表す言葉。おまえが定めた規範を、誰も踏み越えることはないだろう。
12.347.64
त्वं चैव वरदो ब्रह्मन्वरेप्सूनां भविष्यसि ।
सुरासुरगणानां च ऋषीणां च तपोधन ॥ १२.३४७.६४ ॥
そしておまえ、ブラフマーよ、恩恵を求める者たちに恩恵を与える者となるだろう。神々と阿修羅の群れ、そして聖仙たちにも。苦行に富む者よ。
12.347.65
पितृणां च महाभाग सततं संशितव्रत ।
विविधानां च भूतानां त्वमुपास्यो भविष्यसि ॥ १२.३४७.६५ ॥
祖霊たちにとってもそうだ。大いなる幸運の者よ、常に誓いに堅固なる者よ！さまざまな生き物にとっても、おまえこそ礼拝されるべき者となるだろう。
12.347.66
प्रादुर्भावगतश्चाहं सुरकार्येषु नित्यदा ।
अनुशास्यस्त्वया ब्रह्मन्नियोज्यश्च सुतो यथा ॥ १२.३४७.६६ ॥
私もまた神々の務めのために常に現れ、ブラフマーよ、息子のようにおまえに教えられ、命じられるだろう。
12.347.67
एतांश्चान्यांश्च रुचिरान्ब्रह्मणेऽमिततेजसे ।
एवं रुद्राय मनवे इन्द्रायामिततेजसे।
अहं दत्त्वा वरान्प्रीतो निवृत्तिपरमोऽभवम् ॥ १२.३४७.६७ ॥
これらとその他の美しい恵みを、無量の威光をもつブラフマーに与えた。同様にルドラ、マヌ、無量の威光をもつインドラにも与えた。恵みを与えて喜び、私は離世の道に専心するようになった。
12.347.68
निर्वाणं सर्वधर्माणां निवृत्तिः परमा स्मृता ।
तस्मान्निवृत्तिमापन्नश्चरेत्सर्वाङ्गनिर्वृतः ॥ १२.३४७.६८ ॥
涅槃はすべての法の終わりであり、離れることこそ最高とされる。それゆえ、離れることに至った者は、全身で安らかに生きるべきである。
12.347.69
विद्यासहायवन्तं मामादित्यस्थं सनातनम् ।
कपिलं प्राहुराचार्याः साङ्ख्यनिश्चितनिश्चयाः ॥ १२.३४७.६९ ॥
サーンキヤの確定した結論に堅固な師たちは、知識を伴侶とし、太陽に住み、永遠である私を迦毗羅（カピラ）と呼ぶ。
12.347.70
हिरण्यगर्भो भगवानेष च्छन्दसि संस्तुतः ।
सोहं योगगतिर्ब्रह्मन्योगशास्त्रेषु शब्दितः ॥ १२.३४७.७० ॥
この尊きヒラニヤガルバもまた韻律において讃えられている。バラモンよ、その同じ私は、ヨーガを道とする者として、ヨーガの論書に名を記されている。
12.347.71
एषोऽहं व्यक्तिमाश्रित्य तिष्ठामि दिवि शाश्वतः ।
ततो युगसहस्रान्ते संहरिष्ये जगत्पुनः ॥ १२.३४७.७१ ॥
私は現れた姿をとって天上に永遠に住む。やがて千のユガの終わりに、私は再び世界を収めるであろう。
12.347.72
कृत्वाऽऽत्मस्थानि भूतानि स्थावराणि चराणि च ।
एकाकी विद्यया सार्धं विहरिष्ये जगत्पुनः ॥ १२.३४७.७२ ॥
動かぬものも動くものも、すべての生類を自らの内に留めたのち、私は独り知識と共に、再び世界を巡るであろう。
12.347.73
ततो भूयो जगत्सर्वं करिष्यामीह विद्यया ।
अस्मिन्मूर्तिश्चतुर्थी या साऽसृजच्छेषमव्ययम् ॥ १२.३४७.७३ ॥
そして私は智によって、ここで再び全世界を創造しよう。この中の第四の形が、不滅の残りを創造した。
12.347.74
स हि संकर्षणः प्रोक्तः प्रद्युम्नः सोप्यजीजनत् ।
प्रद्युम्नादनिरुद्धोऽहं सर्गो मम पुनः पुनः ॥ १२.३४७.७४ ॥
彼はサンカルシャナと呼ばれる。彼はまたプラデュムナを生んだ。プラデュムナから私はアニルッダとなる。私の創造は幾度も繰り返される。
12.347.75
अनिरुद्धात्तथा ब्रह्मा तन्नाभिकमलोद्भवः ।
ब्रह्मणः सर्वभूतानि चराणि स्थावराणि च ॥ १२.३४७.७५ ॥
アニルッダからも同様にブラフマーが生まれた。彼は臍の蓮から生じた。ブラフマーから動くものと動かぬもの、すべての存在が生じた。
12.347.76
एतां सृष्टिं विजानीहि कल्पादिषु पुनः पुनः ।
यथा सूर्यस्य गगनादुदयास्तमने इह।
नष्टे पुनर्वलात्काल आनयत्यमितद्युते ॥ १२.३४७.७६ ॥
この創造は劫の初めに幾度も起こると知れ。ちょうど太陽がここで空から昇り沈むように。それが滅びると、時は力によってそれを再び連れ戻す、無量の輝きを持つ者よ。