Mahābhārata · Adhyāya 12.357
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
12.357.1
श्रुतं भगवतस्तस्य माहात्म्यं परमात्मनः ।
जन्मधर्मगृहे चैव नरनारायणात्मकम् ॥ १२.३५७.१ ॥
We have heard the greatness of that blessed Supreme Self, who in birth, in duty and in dwelling is embodied as Nara and Nārāyaṇa.
12.357.2
महावराहसृष्टा च पिण्डोत्पत्तिः पुरातनी ।
प्रवृत्तौ च निवृत्तौ च यो यथा परिकल्पितः ॥ १२.३५७.२ ॥
The ancient origin of the mass, created by the great Boar, as it is conceived in both activity and withdrawal.
12.357.3
तथा स नः श्रुतो ब्रह्मन्कथ्यमानस्त्वयाऽनघ ।
हव्यकव्यभुजो विष्णुरुदक्पूर्वे महोदधौ ॥ १२.३५७.३ ॥
O brahmin, O sinless one, as you have told it, we have heard that Viṣṇu, the consumer of oblations and offerings, dwells in the great ocean to the north-east.
12.357.4
यच्च तत्कथितं पूर्वं त्वया हयशिरो महत् ।
तच्च दृष्टं भगवता ब्रह्मणा परमेष्ठिना ॥ १२.३५७.४ ॥
And that great horse-head of which you spoke earlier was also seen by the blessed Lord Brahmā, the one seated on the highest seat.
12.357.5
किं तदुत्पादितं पूर्वं हरिणा लोकधारिणा ।
रूपं प्रभावं महतामपूर्वं धीमतांवर ॥ १२.३५७.५ ॥
O best of the wise, what unprecedented form and great power did Hari, the upholder of the worlds, bring forth in the past?
12.357.6
दृष्ट्वा हि विवुधश्रेष्ठमपूर्वममितौजसम् ।
तदश्वशिरसं पुण्यं ब्रह्मा किमकरोन्मुने ॥ १२.३५७.६ ॥
O sage, having seen that sacred horse-head, the best of gods, unprecedented and of immeasurable might, what did Brahmā do?
12.357.7
एतन्नः संशयं ब्रह्मन्पुराणं ब्रह्मसंभवम् ।
कथयस्वोत्तममते महापुरुषसंश्रितम्।
पाविताः स्म त्वया ब्रह्मन्पुण्याः कथय ताः कथाः ॥ १२.३५७.७ ॥
Brahmin, this is our doubt: tell us the ancient lore born of Brahmā and resting upon the great Person. O best of minds, we have been purified by you; Brahmin, tell us those sacred stories.
12.357.8
सौतिरुवाच ।
कथयिष्यामि ते सर्वं पुराणं वेदसंमितम्।
जगौ यद्भगवान्व्यासो राज्ञः पारिक्षितस्य वै ॥ १२.३५७.८ ॥
Sauti said: I will tell you all of that ancient lore, equal to the Vedas, which the blessed Vyāsa sang to the king of Parikṣit's line.
12.357.9
श्रुत्वाऽश्वशिरसो मूर्ति देवस्य हरिमेधसः ।
उत्पन्नसंशयो राजा एतदेवमचोदयत् ॥ १२.३५७.९ ॥
Having heard of the form of the horse-headed god of Hari-medhas, the king, with doubt arisen, asked thus.
12.357.10
यत्तद्दर्शितवान्ब्राह्म देवं हयशिरोधरम् ।
किमर्थं तत्समभवद्वपुर्देवोपकल्पितम् ॥ १२.३५७.१० ॥
That horse-necked god the Brahmin showed us — for what purpose did that form, fashioned by the god, come to be?
12.357.11
यत्किंचिदिह लोके वै देहबद्धं विशांपते ।
सर्वं पञ्चभिराविष्टं भूतैरीश्वरबुद्धिजैः ॥ १२.३५७.११ ॥
O lord of the people, whatever is bound to a body in this world is wholly pervaded by the five elements, born of the lordly intellect.
12.357.12
ईश्वरो हि जगत्स्रष्टा प्रभुर्नारायणो विराट् ।
भूतान्तरात्मा वरदः सगुणो निर्गुणोपि च ॥ १२.३५७.१२ ॥
The Lord indeed is the creator of the world: Prabhu Nārāyaṇa, the cosmic sovereign Virāṭ, the inner self of beings, the giver of boons — with qualities and without qualities alike.
12.357.13
भूतप्रलयमव्यक्तं शृणुष्व नृपसत्तम ॥ १२.३५७.१३ ॥
Listen, best of kings, to the dissolution of beings and the Unmanifest.
12.357.14
धरण्यामथ लीनायामप्सु चैकार्णवे पुरा ।
ज्योतिर्भूते जले चापि लीने ज्योतिषि चानिले ॥ १२.३५७.१४ ॥
Long ago, when the earth had dissolved into the waters and became one ocean, and the waters had dissolved into light, and the light into the wind,
12.357.15
वायौ चाकाशसंलीने आकाशे च मनोनुगे ।
व्यक्ते मनसि संलीने व्यक्ते चाव्यक्ततां गते ॥ १२.३५७.१५ ॥
The wind dissolved into space, and space, following the mind, dissolved; the manifest dissolved into mind, and the manifest passed into the unmanifest.
12.357.16
अव्यक्ते पुरुषं याते पुंसि सर्वगतेऽपि च ।
तम एवाभवत्सर्वं न प्राज्ञायत किंचन ॥ १२.३५७.१६ ॥
When the Unmanifest had gone into the Person, and the Person, who pervades all, had also dissolved, everything became only darkness, and nothing could be known.
12.357.17
तमसो ब्रह्मसंभूतं तमोमूलमृतात्मकम् ।
तद्विश्वभावसंज्ञान्तं पौरुषीं तनुमाश्रितम् ॥ १२.३५७.१७ ॥
Born of Brahman from darkness, having darkness for its root and truth as its nature, that which ends in the name 'the state of the world' takes on a Puruṣa-like form.
12.357.18
सोऽनिरुद्ध इति प्रोक्तस्तत्प्रधानं प्रचक्षते ।
तदव्यक्तमिति ज्ञेयं त्रिगुणं नृपसत्तम ॥ १२.३५७.१८ ॥
He is called Aniruddha, and that is what they call the primary principle. That, best of kings, should be known as the Unmanifest, consisting of the three guṇas.
12.357.19
विद्यासहायवान्देवो विष्वक्सेनो हरिः प्रभुः ।
आदिकर्ता स भूतानामप्रमेयो हरिः प्रभुः ॥ १२.३५७.१९ ॥
The god Viṣvaksena, who has knowledge as his companion, Hari, the lord. He is the first creator of beings, immeasurable, Hari, the lord.
12.357.20
अप्स्वेव शयनं चक्रे निद्रायोगमुपागतः ।
जगतश्चिन्तयन्सृष्टिं चित्रां बहुगुणोद्भवाम् ॥ १२.३५७.२० ॥
He made his bed in the waters itself, entering the yoga of sleep, contemplating the manifold creation of the world arising from many qualities.
12.357.21
तस्य चिन्तयतः सृष्टिं महानात्मगुणः स्मृतः ।
अहंकारस्ततो जातो ब्रह्मा शुभचतुर्मुखः।
हिरण्यगर्भो भगवान्सर्वलोकपितामहः ॥ १२.३५७.२१ ॥
As he contemplated creation, the great quality of the self is said to have arisen. Then arose self-consciousness, and then the auspicious four-faced Brahmā arose, Hiraṇyagarbha, the blessed one, grandfather of all worlds.
12.357.22
पद्मेऽनिरुद्धात्संभूतस्तदा पद्मनिभेक्षणः ।
सहस्रपत्रे द्युतिमानुपविष्टः सनातनः ॥ १२.३५७.२२ ॥
Then, from Aniruddha, arose on the lotus the lotus-eyed one; radiant and eternal, he sat upon the thousand-petalled lotus.
12.357.23
ददृशेऽद्भुतसंकाशो लोकानाप्याययन्प्रभुः ।
सत्वस्थः परमेष्ठी स ततो भूतगणान्सृजन् ॥ १२.३५७.२३ ॥
He appeared of wondrous form, the lord nourishing the worlds. Established in sattva, the supreme one then began to create the multitudes of beings.
12.357.24
पूर्वमेव च पद्मस्य पत्रे सूर्यांशुसप्रभे ।
नारायणकृतौ बिन्दू अपामास्तां गुणोत्तरौ ॥ १२.३५७.२४ ॥
Earlier still, upon the petals of the lotus, there were two drops of water, bright as the rays of the sun, made by Nārāyaṇa, superior in their qualities.
12.357.25
तावपश्यत्स भगवाननादिनिधनोऽच्युतः ।
एकस्तत्राभवद्विन्दुर्मध्वाभो रुचिरप्रभः ॥ १२.३५७.२५ ॥
The blessed Acyuta, without beginning or end, saw them; and there arose one drop there, honey-hued and of pleasing brilliance.
12.357.26
स तामसो मधुर्जातस्तदा नारायणाज्ञया ।
कठिनस्त्वपरो विन्दुः कैटभो राजसस्तु सः ॥ १२.३५७.२६ ॥
By the command of Nārāyaṇa, then Madhu, of the nature of darkness, was born; and the other hard drop became Kaiṭabha, who was of the nature of passion.
12.357.27
तावभ्यधातवां श्रेष्ठौ तमोरजगुणान्वितौ ।
बलवन्तौ गदाहस्तौ पद्मनालानुसारिणौ ॥ १२.३५७.२७ ॥
Those two best of asuras, endowed with the qualities of darkness and passion, mighty, mace in hand, following the lotus stalk, attacked.
12.357.28
ददृशातेऽरविन्दस्थं ब्रह्माणममितप्रभवम् ।
सृजन्तं प्रथमं वेदांश्चतुरश्चारुविग्रहान् ॥ १२.३५७.२८ ॥
The two saw Brahmā, seated on the lotus, of boundless power, creating first the four Vedas, of beautiful forms.
12.357.29
ततो विग्रहवन्तस्तान्वेदान्दृष्ट्वाऽसुरोत्तमौ ।
सहसा जगृहतुर्वेदान्ब्रह्मणः पश्यतस्तदा ॥ १२.३५७.२९ ॥
Then the two best of asuras, seeing those Vedas take bodily form, suddenly seized the Vedas while Brahmā looked on.
12.357.30
अथ तौ दानवश्रेष्ठौ वेदान्गृह्य सनातनान् ।
रसां विविशतुस्तूर्णमुदक्पूर्वे महोदधौ ॥ १२.३५७.३० ॥
Then those two best of dānavas, taking the eternal Vedas, swiftly entered Rasā, into the great ocean in the north-east.
12.357.31
ततो हृतेषु देवेषु ब्रह्मा कश्मलमाविशत् ।
ततो वचनमीशानं प्राह वेदैर्विनाकृतः ॥ १२.३५७.३१ ॥
Then, when the gods had been seized, Brahmā fell into bewilderment. Then, bereft of the Vedas, he spoke these words to Īśāna.
12.357.32
ब्रह्मोवाच ।
वेदा मे परमं चक्षुर्वेदा मे परमं बलम्।
वेदा मे परमं धाम वेदा मे ब्रह्म चोत्तरम् ॥ १२.३५७.३२ ॥
Brahmā said: The Vedas are my supreme eye, the Vedas are my supreme strength. The Vedas are my supreme abode, and the Vedas are my higher Brahman.
12.357.33
मम वेदा हृताः सर्वे दानवाभ्यां बलादितः ।
अन्धकारा हि मे लोका जाता वेदैर्विना कृताः ॥ १२.३५७.३३ ॥
All my Vedas have been seized by force from here by the two Dānavas. My worlds have become dark, made bereft of the Vedas.
12.357.34
वेदानृते हि किं कुर्या लोकानां सृष्टिमुत्तमाम् ।
अहो बत महद्दुःखं वेदनाशनजं मम ॥ १२.३५७.३४ ॥
Without the Vedas, what could I do to create the excellent creation of the worlds? Alas, my sorrow, born of the loss of the Vedas, is very great.
12.357.35
प्राप्तं दुनोति हृदयं तीव्रं शोकपरायणम् ।
को हि शोकार्णवे मग्नं मामितोऽद्य समुद्धरेत् ॥ १२.३५७.३५ ॥
This sharp grief torments my heart, which is given over to sorrow. Who today will lift me out from here, sunk in the ocean of sorrow?
12.357.36
वदांस्तांश्चानयेन्नष्टान्कस्य चाहं प्रियो भवे ।
इत्येवं भाषमाणस्य ब्रह्मणो नृपसत्तम ॥ १२.३५७.३६ ॥
"Could I bring back those lost Vedas? Whose beloved would I become?" Thus, O best of kings, spoke Brahmā, as he uttered these words in lament.
12.357.37
हरेः स्तोत्रार्थमुद्भूता बुद्धिर्बुद्धिमतां वर ।
ततो जगौ परं जप्यं साञ्जलिप्रग्रहः प्रभुः ॥ १२.३५७.३७ ॥
O best of the wise, moved by understanding arisen for the praise of Hari, then the lord, hands joined in reverence, sang the supreme mantra fit for recitation.
12.357.38
ब्रह्मोवाच ।
ॐ नमस्ते ब्रह्महृदय नमस्ते मम पूर्वज।
लोकाद्यभुवनश्रेष्ठ साङ्ख्ययोगनिधे प्रभो ॥ १२.३५७.३८ ॥
Om. Homage to you, heart of Brahman; homage to you, my first-born. O origin of worlds, best of all realms, treasure of Sāṅkhya and Yoga, O lord.
12.357.39
व्यक्ताव्यक्तकराचिन्त्य क्षेमं पन्थानमास्थितः ।
विश्वभुक्सर्वभूतानामन्तरात्मन्नयोनिज।
अहं प्रसादजस्तुभ्यं लोकधाम स्वयंभुवः ॥ १२.३५७.३९ ॥
Creator of the manifest and the unmanifest, inconceivable one, standing on the blessed path, enjoyer of all beings, inner soul, unborn of a womb. I, born of your grace, bow to you, abode of the worlds of the self-existent one.
12.357.40
त्वत्तो मे मानसं जन्म प्रथमं द्विजपूजितम् ।
चाक्षुषं वै द्वितीयं मे जन्म चासीत्पुरातनम् ॥ १२.३५७.४० ॥
From you came my first birth, born of the mind, honored by the twice-born; and my second birth was born of the eye, which was ancient.
12.357.41
त्वत्प्रसादात्तु मे जन्म तृतीयं वाचिकं महत् ।
त्वत्तः श्रवणजं चापि चतुर्थं जन्म मे विभो ॥ १२.३५७.४१ ॥
By your grace my third birth was born of speech, a great birth; and from you my fourth birth was born of hearing, O mighty one.
12.357.42
नासत्यं चापि मे जन्म त्वत्तः पञ्चममुच्यते ।
अण्डजं चापि मे जन्म त्वत्तः षष्ठं विनिर्मितं ॥ १२.३५७.४२ ॥
My birth as the Nāsatya twins is also said to be the fifth, from you; and from you my sixth birth was fashioned as egg-born.
12.357.43
इदं च सप्तमं जन्म पद्मजन्मेति वै प्रभो ।
सर्गेसर्गे ह्यहं पुत्रस्तव त्रिगुणवर्जित ॥ १२.३५७.४३ ॥
This is the seventh birth, O lord, called lotus-born. In each creation I am your son, free from the three guṇas.
12.357.44
प्रथमः पुण्डरीकाक्षः प्रधानगुणकल्पितः ।
त्वमीश्वरः स्वभावश्च भूतानां त्वं प्रभावन ॥ १२.३५७.४४ ॥
First, the lotus-eyed one, fashioned from the primal guṇas. You are the lord, and you are the nature of beings; you are the source of their power.
12.357.45
त्वया विनिर्मितोऽहं वै वेदचक्षुर्वयोतिग ।
ते मे वेदा हृताश्चक्षुरन्धो जातोस्मि जागृहि।
ददस्व चक्षूंषि मम प्रियोऽहं ते प्रियोसि मे ॥ १२.३५७.४५ ॥
Created by you, I am one whose eyes are the Vedas, beyond the ages. My Vedas have been taken, and I have become blind. Awake! Give me eyes; I am dear to you, and you are dear to me.
12.357.46
एवं स्तुतः स भगवान्पुरुषः सर्वतोमुखः ।
जहौ निद्रामथ तदा वेदकार्यार्थमुह्यतः ॥ १२.३५७.४६ ॥
Thus praised, the blessed Person, facing in all directions, then gave up sleep, intent upon the task of the Vedas.
12.357.47
ऐश्वर्येण प्रयोगेण द्वितीयां तनुमास्थितः ।
सुनासिकेन कायेन भूत्वा चन्द्रप्रभस्तदा।
कृत्वा हयशिरः शुभ्रं वेदानामालयं प्रभुः ॥ १२.३५७.४७ ॥
By his power and purpose he assumed a second form. Taking a body with a fine nose and the brightness of the moon, the lord then made a bright horse's head, the abode of the Vedas.
12.357.48
तस्य मूर्धा समभवद्द्यौः सनक्षत्रतारकाः ।
केशाश्चास्याभवन्दीर्घा रवेरंशुसमप्रभाः ॥ १२.३५७.४८ ॥
His head became the sky, with its constellations and stars; and his hair grew long, its radiance equal to the rays of the sun.
12.357.49
कर्णावाकाशपाताले ललाटं भूतधारिणी ।
गङ्गासरस्वती पुण्ये भ्रुवावास्तां महाद्युती ॥ १२.३५७.४९ ॥
Sky and netherworld were his ears; the earth, bearer of beings, was his forehead; the sacred Gaṅgā and Sarasvatī were his two radiant eyebrows.
12.357.50
चक्षुषी सोमसूर्यौं ते नासा संध्या पुनः स्मृता ।
ॐकारस्त्वथ संस्कारो विद्युज्जिह्वा च निर्मिता ॥ १२.३५७.५० ॥
The moon and sun were his eyes; twilight is recalled as his nose; then came the syllable Oṃ and rite-refinement; lightning was fashioned as his tongue.
12.357.51
दन्ताश्च पितरो राजन्सोमपा इति विश्रुताः ।
गोलोको ब्रह्मलोकश्च ओष्ठावास्तां महात्मनः।
ग्रीवा चास्याभवद्राजन्कालरात्रिर्गुणोत्तरा ॥ १२.३५७.५१ ॥
The teeth, O king, were the ancestors known as soma-drinkers; the Go-loka and the Brahma-loka were the two lips of that great soul; and the Night of Time, supreme in qualities, became his neck, O king.
12.357.52
एतद्धयशिरः कृत्वा नानामूर्तिभिरावृतम् ।
अन्तर्दधौ स विश्वेशो विवेश च रसां प्रभुः ॥ १२.३५७.५२ ॥
Having made this horse-head, covered with many forms, the lord of the universe vanished and entered the netherworld Rasā.
12.357.53
रसां पुनः प्रविष्टश्च योगं परममास्थितः ।
शैक्ष्यं स्वरं समास्थाय उद्गीतं प्रासृजत्स्वरम् ॥ १२.३५७.५३ ॥
Having entered Rasā again and taken up the supreme yoga, he took up the instructive tone and sent forth the sound of the udgītha chant.
12.357.54
सस्वरः सानुनादी च सर्वशः स्निग्ध एव च ।
बभूवान्तर्जलगतः सर्वभूतगुणोदितः ॥ १२.३५७.५४ ॥
Resonant, echoing, and in every way soft and smooth, he became one who dwells within the waters, risen from the qualities of all beings.
12.357.55
ततस्तावसुरौ कृत्वा वेदान्समयबन्धनान् ।
रसातले विनिक्षिप्य यतः शब्दस्ततो द्रुतौ ॥ १२.३५७.५५ ॥
Then the two asuras, deeming the Vedas bound by agreement, cast them down into the netherworld and hastened off from where the sound had come.
12.357.56
एतस्मिन्नन्तरे राजन्देवो हयशिरोधरः ।
जग्राह वेदानखिलान्रसालगतान्हरिः ॥ १२.३५७.५६ ॥
Meanwhile, O king, the god Hari, bearing a horse's head, took up all the Vedas that had gone down into the netherworld.
12.357.57
प्रादाच्च ब्रह्मणे भूयस्ततः स्वां प्रकृतिं गतः ॥ १२.३५७.५७ ॥
He then gave them back to Brahmā and returned to his own nature.
12.357.58
स्थापयित्वा हयशिरा उदक्पूर्वे महोदधौ ।
वेदानामालयश्चापि बभूवाश्वरिरास्ततः ॥ १२.३५७.५८ ॥
Having established them in the great ocean to the northeast, the horse-headed one also became the abode of the Vedas, and thereafter he was called horse-voiced.
12.357.59
अथ किंचिदपश्यन्तौ दानवौ मधुकैटभौ ।
यत्र देवा विनिक्षिप्तास्तत्स्थानं शून्यमेव च ॥ १२.३५७.५९ ॥
Then the two danavas, Madhu and Kaiṭabha, saw nothing at all; the place where the gods had been cast down was indeed empty.
12.357.60
तत उत्तममास्थाय वेगं बलवतां वरौ ।
पुनरुत्तस्थतुः शीघ्रं रसानामालयात्तदा ॥ १२.३५७.६० ॥
Then the two best of the mighty, assuming supreme speed, swiftly rose again from the abode of the netherworld.
12.357.61
ददृशाते च पुरुषं तमेवादिकरं प्रभुम् ।
श्वेतं चन्द्रविशुद्धाभमनिरुद्धतनौ स्थितम्।ट
भूयोप्यमितविक्रान्तं निद्रायोगमुपागतम् ॥ १२.३५७.६१ ॥
They saw that same primal creator, the lord, a white being with a radiance pure as the moon, abiding in the body of Aniruddha; though of boundless valour, he had again entered the yoga of sleep.
12.357.62
आत्मप्रमाणरचिते अपामुपरि कल्पिते ।
शयने नागभोगाढ्ये ज्वालामालासमावृते ॥ १२.३५७.६२ ॥
upon a couch fashioned to his own measure, arranged above the waters, rich with the coils of serpents, and encircled by a garland of flames.
12.357.63
निष्कल्मषेण सत्वेन संपन्नं रुचिरप्रभम् ।
तं दृष्ट्वा दानवेन्द्रौ तौ महाहासममुञ्चताम् ॥ १२.३५७.६३ ॥
Seeing him, endowed with a stainless essence and of lovely radiance, those two lords of the Dānavas burst out in a great laugh.
12.357.64
ऊचतुश्च समाविष्टौ रजसा तमसा च तौ ।
अयं स पुरुषः श्वेतः शेते निद्रामुपागतः ॥ १२.३५७.६४ ॥
And those two, possessed by rajas and tamas, said: "Here is that white person, who lies sleeping, having fallen into slumber."
12.357.65
अनेन नूनं वेदानां कृतमाहरणं रसात् ।
कस्यैष कोनु खल्वेष किंच स्वपिति भोगवान्।
इच्युच्चारितवाक्यौ तौ बोधयामासतुर्हरिम् ॥ १२.३५७.६५ ॥
"Surely this one has carried off the Vedas from the depths. Whose is this one, who is he, and why does this man of enjoyments sleep?" Speaking these words, the two woke Hari.
12.357.66
युद्धार्थिनौ हि विज्ञाय विबुद्धः पुरुषोत्तमः ।
निरीक्ष्य चासुरेन्द्रौ तौ ततो युद्धे मनोदधे ॥ १२.३५७.६६ ॥
Knowing that the two desired battle, the best of persons awoke; and looking upon the two lords of the Asuras, he then set his mind upon the fight.
12.357.67
अथ युद्धं समभवत्तयोर्नारायणस्य वै ॥ १२.३५७.६७ ॥
Then a battle arose between those two and Nārāyaṇa.
12.357.68
रजस्तमोविष्टतनू तावुभौ मधुकैटभौ ।
ब्रह्मणोपचितिं कुर्वञ्जघान मधुसूदनः ॥ १२.३५७.६८ ॥
Those two, their bodies seized by passion and darkness, Madhu and Kaiṭabha, were slain by Madhusūdana, who thereby honoured Brahmā.
12.357.69
ततस्तयोर्वधेनाशु वेदापहरणेन च ।
शोकापनयनं चक्रे ब्रह्मणः पुरुषोत्तमः ॥ १२.३५७.६९ ॥
Then, by slaying those two and by recovering the Vedas, the best of men swiftly removed Brahmā's grief.
12.357.70
ततः परिवृतो ब्रह्मा हरिणा वेदसत्कृतः ।
निर्ममे स तदा लोकान्कृत्स्नान्स्थावरजङ्गमान् ॥ १२.३५७.७० ॥
Then Brahmā, surrounded by Hari and honoured for the Vedas, created all the worlds, both the immovable and the moving.
12.357.71
दत्त्वा पितामहायाग्र्यां मतिं लोकविसर्गिकीम् ।
तत्रैवान्तर्दधे देवो यत एवागतो हरिः ॥ १२.३५७.७१ ॥
Having given the Grandsire the supreme intention for emitting the worlds, the god Hari vanished right there, from where he had come.
12.357.72
तौ दानवौ हरिर्हत्वा कृत्वा हयशिरस्तनुम् ।
पुनः प्रवृत्तिधर्मार्थं तामेव विदधे तनुम् ॥ १२.३५७.७२ ॥
Having slain those two Dānavas, Hari took the horse-headed form, and again assumed that very form for the sake of the dharma of continuing activity.
12.357.73
एवमेष महाभागो बभूवाश्वशिरा हरिः ।
पौराणमेतत्प्रख्यातं रूपं वरदमैश्वरम् ॥ १२.३५७.७३ ॥
Thus the greatly fortunate Hari became horse-headed. This is the ancient, renowned, boon-granting lordly form.
12.357.74
यो ह्येतद्ब्राह्मणो नित्यं शृणुयाद्धारयीत वा ।
न तस्याध्ययनं नाशमुपगच्छेत्कदाचन ॥ १२.३५७.७४ ॥
The brahmin who always hears or retains this, his study shall never come to ruin.
12.357.75
आराध्य तपसोग्रेण देवं हयशिरोधरम् ।
पाञ्चालेन क्रमः प्राप्तो रामेण पथि देशिते ॥ १२.३५७.७५ ॥
Having propitiated the god who bears a horse's head through fierce austerity, the Pañcāla attained that state by the path shown by Rāma.
12.357.76
एतद्धयशिरो राजन्नाख्यानं तव कीर्तितम् ।
पुराणं वेदसमितं यन्मां त्वं परिपृच्छसि ॥ १२.३५७.७६ ॥
O king, this tale of the horse-head, which you asked me about, has been recounted to you. It is an ancient Purāṇa equal to the Vedas.
12.357.77
यांयामिच्छेत्तनुं देवः कर्तुं कार्यविधौ क्वचित् ।
तातां कुर्याद्विकुर्वाणः स्वयमात्मानमात्मना ॥ १२.३५७.७७ ॥
Whatever form the god wishes to take at some time for the performance of a task, he himself, transforming himself by himself, makes himself into that very form.
12.357.78
एष वेदनिधिः श्रीमानेष वै तपसोनिधिः ।
एष योगश्च साङ्ख्यं च ब्रह्म चाग्र्यं हविर्विभुः ॥ १२.३५७.७८ ॥
This glorious one is the treasury of the Vedas, he is the treasury of austerity. He is yoga and Sāṅkhya, he is the supreme Brahman, the foremost oblation, the all-pervading lord.
12.357.79
नारायणपरा वेदा याज्ञा नारायणात्मकाः ।
तपो नारायणपरं नारायणपरा गतिः ॥ १२.३५७.७९ ॥
The Vedas are devoted to Nārāyaṇa, the sacrifices have Nārāyaṇa as their essence. Austerity is devoted to Nārāyaṇa, and devotion to Nārāyaṇa is the supreme goal.
12.357.80
नारायणपरं सत्यमृतं नारायणात्मकम् ।
नारायणपरो धर्मः पुनरावृत्तिदुर्लभः ॥ १२.३५७.८० ॥
Truth and cosmic order are devoted to Nārāyaṇa, having Nārāyaṇa as their essence. Dharma is devoted to Nārāyaṇa, and that dharma, which brings the end of rebirth, is hard to attain.
12.357.81
प्रवृत्तिलक्षणश्चैव धर्मो नारायणात्मकः ।
नारायणात्मको गन्धो भूमौ श्रेष्ठतमः स्मृतः ॥ १२.३५७.८१ ॥
Dharma, characterized by activity, is also of the essence of Nārāyaṇa. The smell that is of the essence of Nārāyaṇa is held to be the most excellent quality of the earth.
12.357.82
अपां चापि गुणा राजन्रसा नारायणात्मकाः ।
ज्योतिषां च परं रूपं स्मृतं नारायणात्मकम् ॥ १२.३५७.८२ ॥
O king, the qualities and tastes of the waters are also of the essence of Nārāyaṇa. The supreme form of the lights is likewise held to be of the essence of Nārāyaṇa.
12.357.83
नारायणात्मकश्चापि स्पर्शो वायुगुणः स्मृतः ।
नारायणात्मकश्चैव शब्द आकाशसंभवः ॥ १२.३५७.८३ ॥
Touch, held to be the quality of air, is also of the essence of Nārāyaṇa. And sound, arising from space, is likewise of the essence of Nārāyaṇa.
12.357.84
मनश्चापि ततो भूतमव्यक्तगुणलक्षणम् ।
नारायणपरं कालो ज्योतिषामयनं च यत् ॥ १२.३५७.८४ ॥
The mind too, and then the elements characterized by unmanifest qualities, are devoted to Nārāyaṇa. Time too is devoted to Nārāyaṇa, and so is the path of the lights, the ayana.
12.357.85
नारायणपरा कीर्तिः श्रीश्च लक्ष्णीश्च देवताः ।
नारायणपरं साङ्ख्यं योगो नारायणात्मकः ॥ १२.३५७.८५ ॥
Fame, Śrī and Lakṣmī, and the deities, are devoted to Nārāyaṇa. Sāṅkhya is directed toward Nārāyaṇa, and yoga has Nārāyaṇa as its very essence.
12.357.86
कारणं पुरुषो ह्येषां प्रधानं चापि कारणम् ।
स्वभावश्चैव कर्माणि दैवं येषां च कारणम् ॥ १२.३५७.८६ ॥
The Person is indeed the cause of these, and primal matter is also a cause. Nature, actions and fate are likewise their causes.
12.357.87
अधिष्ठानं तथा कर्ता करणं च पृथग्विधम् ।
विविधा च तथा चेष्टा दैवं चैवात्र पञ्चमम् ॥ १२.३५७.८७ ॥
The locus, the agent, the various instruments, and the manifold efforts; and here fate itself is the fifth.
12.357.88
पञ्चकारणसंख्यातो निष्ठा सर्वत्र वै हरिः ।
तत्त्वं विज्ञासमानानां हेतुभिः सर्वतोमुखैः ॥ १२.३५७.८८ ॥
Though reckoned among the five causes, the final resort everywhere is indeed Hari — for those who wish to know the truth, by reasons drawn from every side.
12.357.89
तत्त्वमेको महायोगी हनिर्नारायणः प्रभुः ।
ब्रह्मादीनां सलोकानामृषीणां च महात्मनाम् ॥ १२.३५७.८९ ॥
The one reality is the great yogin Hari Nārāyaṇa, the lord — of Brahmā and the others, of their worlds, and of the great-souled sages.
12.357.90
साङ्ख्यानां योगिनां चापि यतीनामात्मवेदिनाम् ।
मनीषितं विजानाति केशवो न तु तस्य ते ॥ १२.३५७.९० ॥
Keśava knows the inmost intention of the Sāṅkhya practitioners, the yogins, the ascetics and the knowers of the self — but they do not know him.
12.357.91
ये केचित्सर्वलोकेषु दैवं पित्र्यं च कुर्वते ।
दानानि च प्रयच्छन्ति तप्यन्ते च तपो महत् ॥ १२.३५७.९१ ॥
Whoever in all the worlds perform the rites for the gods and the ancestors, bestow gifts, and undergo great austerity—
12.357.92
सर्वेषामाश्रयो विष्णुरैश्वरं विधिमास्थितः ।
सर्वभूतकृतावासो वासुदेवेति चोच्यते ॥ १२.३५७.९२ ॥
Viṣṇu is the refuge of all, abiding in the lordly order; because all beings have made their dwelling in him, he is called Vāsudeva.
12.357.93
अयं हि नित्यः परमो महर्षि ।
र्महाविभूतिर्गुणवान्गुणाख्यः।
गुणैश्च संयोगमुपैति शीघ्रं ।
कालो यथर्तावृतुसंप्रयुक्तः ॥ १२.३५७.९३ ॥
This (Time) is eternal, supreme, a great seer, of great majesty, endowed with qualities and named by qualities; swiftly it joins with the qualities, as a season joins with its season.
12.357.94
नैवास्य विन्दन्ति गतिं महात्मनो ।
न चागतिं कश्चिदिहानुपश्यति।
ज्ञानात्मकाः संयमिनो महर्षयः ।
पश्यन्ति नित्यं पुरुषं गुणाधिकम् ॥ १२.३५७.९४ ॥
No one attains the path of this great soul, and no one here perceives his non-path; the great seers, whose nature is knowledge and who are self-restrained, always see the Person who surpasses the qualities.