Mahābhārata · Adhyāya 12.359
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
12.359.1
साख्यं योगः पाञ्चरात्रं वेदारण्यकमेव च ।
ज्ञानान्येतानि ब्रह्मर्षे लोकेषु प्रचरन्ति ह ॥ १२.३५९.१ ॥
Sāṃkhya, yoga, Pāñcarātra, and the Veda with its Āraṇyaka — these systems of knowledge, O brahmin sage, are current among the worlds.
12.359.2
किमेतान्येकनिष्ठानिं पृथङ्निष्ठानि वा मुने ।
प्रब्रूहि वै मया पृष्टः प्रवृत्तिं च यथाक्रमम् ॥ १२.३५९.२ ॥
Are these single-aimed, or separately aimed? O sage, when I have asked, explain to me also their course in due order.
12.359.3
कथं वैकारिको गच्छेत्पुरुषः पुरुषोत्तमम् ।
वदस्व त्वं मया पृष्टः प्रवृत्तिं च यथाक्रमम् ॥ १२.३५९.३ ॥
How might the created person attain the highest Person? Tell me, as I have asked, its course in due order.
12.359.4
जज्ञे बहुज्ञं परमत्युदारं ।
यं द्वीपमध्ये सुतमात्मवन्तम्।
पराशरात्सत्यवती महर्षि ।
तस्मै नमोऽज्ञानतमोनुदाय ॥ १२.३५९.४ ॥
The son born from Parāśara to Satyavatī in the middle of the island — supremely magnanimous, very learned, self-controlled, the great sage. Homage to him, the dispeller of the darkness of ignorance.
12.359.5
पितामहाद्यं प्रवदन्ति षष्ठं ।
महर्षिमार्षेयविभूतियुक्तम्।
नारायणस्यांशजमेकपुत्रं ।
द्वैपायनं वेदमहानिधानम् ॥ १२.३५९.५ ॥
They call him the sixth from the first of the grandsire's line — the great sage endowed with the splendour of the ṛṣi lineage, the one son born of a portion of Nārāyaṇa, Dvaipāyana, the great treasure-house of the Veda.
12.359.6
तमादिकालेषु महाविभूति ।
र्नारायणो ब्रह्म महानिधानम्।
ससर्ज पुत्रार्थमुदारतेजा ।
व्यासं महात्मानमजं पुराणम् ॥ १२.३५९.६ ॥
In the earliest ages, Nārāyaṇa — of great glory, Brahman and great treasure — with magnanimous splendour created for the sake of a son that great soul Vyāsa, unborn and ancient.
12.359.7
त्वयैव कथितः पूर्वं संभवो द्विजसत्तम ।
वसिष्ठस्य सुतः शक्तिः शक्तिपुत्रः पराशरः ॥ १२.३५९.७ ॥
Best of the twice-born, you have already told of his birth: Śakti, son of Vasiṣṭha, and Parāśara, son of Śakti.
12.359.8
पराशरस्य दायादः कृष्णद्वैपायनो मुनिः ।
भूयो नारायणसुतं त्वमेवैनं प्रभाषसे ॥ १२.३५९.८ ॥
The sage Kṛṣṇa Dvaipāyana, heir of Parāśara, is the one you now again call the son of Nārāyaṇa.
12.359.9
किमतः पूर्वकं जन्म व्यासस्यामिततेजसः ।
कथयस्वोत्तममते जन्म नारायणोद्भवम् ॥ १२.३५९.९ ॥
What was the birth of Vyāsa of boundless splendour before this one? O wise one, tell of his birth arisen from Nārāyaṇa.
12.359.10
वेदार्थवेत्तुव्यासस्य धर्मिष्ठस्य तपोनिधेः ।
गुरोर्मे ज्ञाननिष्ठस्य हिमवत्पाद आसतः ॥ १२.३५९.१० ॥
My teacher Vyāsa, knower of the meaning of the Vedas, most righteous, a treasury of austerity, devoted to knowledge, sat at the foot of the Himālaya.
12.359.11
कृत्वा भारतमाख्यानं तपः श्रान्तस्य धीमतः ।
शुश्रूषां तत्परा राजन्कृतवन्तो वयं तदा ॥ १२.३५९.११ ॥
O king, having composed the Bhārata narrative, Vyāsa the wise was weary from austerity, and we then were intent on serving him.
12.359.12
सुमन्तुर्जैमिनिश्चैव पैलश्च सुदृढव्रतः ।
अहं चतुर्थः शिष्यो वै शुको व्यासात्मजस्तथा ॥ १२.३५९.१२ ॥
Sumantu, Jaimini, and Paila of firm vow, I the fourth disciple, and Śuka, the son of Vyāsa, likewise.
12.359.13
एभिः परिवृतो व्यासः शिष्यैः पञ्चभिरुत्तमैः ।
शुशुभे हिमवत्पादे भूतैर्भूतपतिर्यथा ॥ १२.३५९.१३ ॥
Surrounded by these five excellent disciples, Vyāsa shone at the foot of the Himālaya, as the lord of creatures shines among his creatures.
12.359.14
वेदानावर्तयन्साङ्गान्भारतार्थांश्च सर्वशः ।
तमेकमनसं दान्तं युक्ता वयमुपास्महे ॥ १२.३५९.१४ ॥
Reciting the Vedas with their limbs and the meanings of the Bhārata completely, we devoutly attended upon him, single-minded and self-controlled.
12.359.15
कथान्तरेऽथकस्मिंश्चित्पृष्टोऽस्माभिर्द्विजोत्तमः ।
वेदार्थान्भारतार्थांश्च जन्म नारायणात्तथा ॥ १२.३५९.१५ ॥
In the course of conversation, at a certain point, we asked that best of the twice-born about the meanings of the Vedas and the meanings of the Bhārata, and about birth from Nārāyaṇa.
12.359.16
स पूर्वमुक्त्वा वेदार्थान्भारतार्थांश्च तत्त्ववित् ।
नारायणादिदं जन्म व्याहर्तुमुपचक्रमे ॥ १२.३५९.१६ ॥
Having first spoken the meanings of the Vedas and the meanings of the Bhārata, that knower of truth began to relate this birth from Nārāyaṇa.
12.359.17
शृणुध्वमाख्यानवरमिदमार्षेयमुत्तमम् ।
आदिकालोद्भवं विप्रास्तपसाऽधिगतं मया ॥ १२.३५९.१७ ॥
Listen, O brahmins, to this excellent and supreme narrative of the seers, born from primeval time, which I have obtained through austerity.
12.359.18
प्राप्ते प्रजाविसर्गे वै सप्तमे पद्मसंभवे ।
नारायणो महायोगी शभाशुभविवर्जितः ॥ १२.३५९.१८ ॥
When the seventh emanation of beings had come, born of the lotus, Nārāyaṇa, the great yogin, free from good and evil, appeared.
12.359.19
ससृजे नाभितः पूर्वं ब्रह्माणममितप्रभः ।
ततः स प्रादुरभवदथैनं वाक्यमब्रवीत् ॥ १२.३५९.१९ ॥
The one of boundless radiance first created Brahmā from the navel. Then he appeared and spoke these words to him.
12.359.20
मम त्वं नाभितो जातः प्रजासर्गकरः प्रभुः ।
सृज प्रजास्त्वं विविधा ब्रह्मन्सजडपण्डिताः ॥ १२.३५९.२० ॥
You, born from my navel, are the lord who makes the creation of beings. O Brahmā, create the various beings, both the dull and the learned.
12.359.21
स एवमुक्तो विमुखश्चिन्ताव्याकुलमानसः ।
प्रणम्य वरदं देवमुवाच हरिमीश्वरम् ॥ १२.३५९.२१ ॥
Thus addressed, he turned away, his mind agitated by anxiety, bowed to the god who grants boons, and spoke to Hari, the lord.
12.359.22
का शक्तिर्मम देवेश प्रजाः स्रष्टुं नमोस्तु ते ।
अप्रज्ञावानहं देव विधत्स्व यदनन्तरम् ॥ १२.३५९.२२ ॥
O lord of gods, what power is mine to create beings? Homage to you. O god, I lack wisdom; ordain what must come next.
12.359.23
स एवमुक्तो भगवान्भूत्वाऽथान्तर्हितस्ततः ।
चिन्तयामास देवेशो बुद्धिं बुद्धिमतांवरः।
स्वरूपिणी ततो बुद्धिरुपतस्थे हरिं प्रभुम् ॥ १२.३५९.२३ ॥
Thus addressed, the blessed lord disappeared. Then the god, best of the wise, reflected on intellect, and embodied intellect approached the lord Hari.
12.359.24
योगेन चैनां निर्योगः स्वयं नियुयुजे तदा ।
स तामैश्वर्ययोगस्थां बुद्धिं गतिमतीं सतीम् ॥ १२.३५९.२४ ॥
Then the unattached one himself yoked her by yoga: that intellect, standing in the yoga of lordship, active and faithful, he set to work.
12.359.25
उवाच वचनं देवो बुद्धिं वै प्रभुरव्ययः ।
ब्रह्माणं प्रविशस्वेति लोकसृष्ट्यर्थसिद्धये।
ततस्तमीश्वरादिष्टा बुद्धिः क्षिप्रं विवेश सा ॥ १२.३५९.२५ ॥
The god, the imperishable lord, spoke these words to Buddhi: 'Enter Brahmā, for the accomplishment of the creation of the worlds.' Then, directed by the Lord, that intellect swiftly entered him.
12.359.26
अथैनं बुद्धिसंयुक्तं पुनः स ददृशे हरिः ।
भूयश्चैव वचः प्राह सृजेमा विविधाः प्रजाः ॥ १२.३५९.२६ ॥
Then Hari saw him again, united with intellect, and spoke once more: 'Create these various creatures.'
12.359.27
बाढमित्येव कृत्वाऽसौ यथाऽऽज्ञां शिरसा हरेः ।
एवमुक्त्वा स भगवांस्तत्रैवान्तरधायत ॥ १२.३५९.२७ ॥
Saying 'Very well,' he bowed his head to Hari's command. Having spoken thus, the blessed lord vanished right there.
12.359.28
प्राप चैनं मुहूर्तेन स्वं स्थानं देवसंज्ञितम् ।
तां चैव प्रकृतिं प्राप्य एकीभावगतोऽभवत् ॥ १२.३५९.२८ ॥
In a moment he reached his own abode, called divine; and having attained that nature, he became one with it.
12.359.29
अथास्य बुद्धिरभवत्पुनरन्या तदा किल ।
सृष्टाः प्रजा इमाः सर्वा ब्रह्मणा परमेष्ठिना ॥ १२.३५९.२९ ॥
Then another thought arose in his intellect: that all these creatures had been created by Brahmā, the supreme-seated one.
12.359.30
दैत्यदानवगन्धर्वरक्षोगणसमाकुला ।
जाता हीयं वसुमती भाराक्रान्ता तपस्विनी ॥ १२.३५९.३० ॥
This Vasumatī, crowded with hosts of Daityas, Dānavas, Gandharvas and Rākṣasas, has come into being — burdened, the ascetic one.
12.359.31
बहवो बलिनः पृथ्व्यां दैत्यदानवराक्षसाः ।
भविष्यन्ति तपोयुक्ता वरानप्राप्स्यन्ति चोत्तमान् ॥ १२.३५९.३१ ॥
Many mighty Daityas, Dānavas and Rākṣasas will be on the earth; endowed with austerity, they will obtain excellent boons.
12.359.32
अवश्यमेव तैः सर्वैर्वरदानेन दर्पितैः ।
बाधितव्याः सुरगणा ऋषयश्च तपोधनाः ॥ १२.३५९.३२ ॥
Made arrogant by their boons, all of them will surely oppress the hosts of gods and the sages whose wealth is austerity.
12.359.33
तत्र न्याय्यमिदं कर्तुं भारावतरणं मया ।
अथ नानासमुद्भूतैर्वसुधायां यथाक्रमम् ॥ १२.३५९.३३ ॥
Therefore it is right that I should carry out this unloading of the burden, through those born in many forms upon the earth, in due order.
12.359.34
निग्रहेण च पापानां साधूनां प्रग्रहेण च ।
इदं तपस्विनी सत्या धारयिष्यति मेदिनी ॥ १२.३५९.३४ ॥
By restraining the wicked and supporting the good, this austere and true earth will bear it.
12.359.35
मया ह्येषा हि ध्रियते पातालस्थेन भोगिना ।
तस्मात्पृथ्व्याः परित्राणं करिष्ये संभवं गतः ॥ १२.३५९.३५ ॥
It is held up by me, the serpent who dwells in the netherworld; therefore, having taken birth, I will protect the earth.
12.359.36
एवं स चिन्तयित्वा तु भगवान्मघधुसूदनः ।
रुपाण्यनेकान्यसृजत्प्रादुर्भावभवाय सः ॥ १२.३५९.३६ ॥
Having thus reflected, the blessed Madhusūdana created many forms for the sake of manifestation and birth.
12.359.37
वाराहं नारसिहं च वामनं मानुषं तथा ।
एभिर्मया निहन्तव्याः दुर्विनीताः सुरारयः ॥ १२.३५९.३७ ॥
By the boar, man-lion, dwarf and human forms I must slay these arrogant enemies of the gods.
12.359.38
अथ भूयो जगत्स्रष्टा भोःशब्देनानुनादयन् ।
सरस्वतीमुच्चचार तत्र सारस्वतोऽभवत् ॥ १२.३५९.३८ ॥
Then the creator of the world, causing an echo with the sound 'bhoḥ', uttered Sarasvatī aloud, and there Sārasvata came into being.
12.359.39
अपान्तरतमा नाम सुतो वाक्संभवः प्रभोः ।
भूतभव्यभविष्यज्ञः सत्यवादी दृढव्रतः ॥ १२.३५९.३९ ॥
There was a son of the lord, born from speech, named Apāntaratamas, who knew past, present and future, spoke the truth and was firm in his vows.
12.359.40
तमुवाच नतं मूर्ध्ना देवानामादिवरव्ययः ।
वेदाख्याने श्रुतिः कार्या त्वया मतिमतांवर ॥ १२.३५९.४० ॥
The first, best and imperishable of the gods said to him, bowing with his head: 'Best of the wise, in the telling of the Vedas you must establish śruti.'
12.359.41
तस्मात्कुरु यथाज्ञप्तं ममैतद्वचनं मुने ।
तेन भिन्नास्तदा वेदा मनोः स्वायंभुवेन्तरे ॥ १२.३५९.४१ ॥
Therefore, O sage, do as I have commanded this word of mine; for by that the Vedas were then divided in the period of Manu Svāyambhuva.
12.359.42
ततस्तुतोष भगवान्हरिस्तेनास्य कर्मणा ।
तपसा च सुतप्तेन यमेन नियमेन च ॥ १२.३५९.४२ ॥
Then the Lord Hari was pleased with his deed, with his well-performed austerity, restraint and observance.
12.359.43
मन्वन्तरेषु पुत्र त्वमेवं लोकप्रवर्तकः ।
भविष्यस्यचलो ब्रह्मन्नप्रधृष्यश्च नित्यशः ॥ १२.३५९.४३ ॥
Son, in the manvantaras you will thus be the promoter of the worlds. O brahmin, you will always be unmoving and unassailable.
12.359.44
पुनस्तिष्ये च संप्राप्ते कुरवो नाम भारताः ।
भविष्यन्ति महात्मानो राजानः प्रथिता भुवि ॥ १२.३५९.४४ ॥
Again, when the Tiṣya age has come, there will be the Bhāratas named Kurus; they will be great-souled, renowned kings on earth.
12.359.45
तेषां त्वत्तः प्रसूतानां कुलभेदो भविष्यति ।
परस्परविनाशार्थं त्वामृते द्विजसत्तम ॥ १२.३५९.४५ ॥
Among those born from you, there will be a split of the lineage, for their mutual destruction—except for you, best of the twice-born.
12.359.46
तत्राप्यनेकधा वेदान्भेत्स्यसे तपसाऽन्वितः ।
कृष्णे युगे च संप्राप्ते कृष्णवर्णो भविष्यसि ॥ १२.३५९.४६ ॥
There too, endowed with austerity, you will divide the Vedas in many ways; and when the Kṛṣṇa age has come, you will become dark-hued.
12.359.47
धर्माणां विविधानां च कर्ता ज्ञानकरस्तथा ।
भविष्यसि तपोयुक्तो न च रागाद्विमोक्ष्यसे ॥ १२.३५९.४७ ॥
You will be the performer of many kinds of duties and likewise the producer of knowledge; endowed with austerity, yet you will not be freed from attachment.
12.359.48
वीतरागश्च पुत्रस्ते परमात्मा भविष्यति ।
महेश्वरप्रसादेन नैतद्वचनमन्यथा ॥ १२.३५९.४८ ॥
And your son will be a passion-free supreme self; by the grace of Maheśvara this word is not otherwise.
12.359.49
यं मानसं वै प्रवदन्ति विप्राः ।
पितामहस्योत्तमबुद्धियुक्तम्।
वसिष्ठमग्र्यं च तपोनिधानं ।
यस्यातिसूर्यं व्यरिरिच्यते भाः ॥ १२.३५९.४९ ॥
Him whom the brahmins call mind-born, endowed with the supreme intellect of the Grandfather, the foremost Vasiṣṭha, the treasure-house of austerity, whose radiance surpasses even the sun.
12.359.50
तस्यान्वपे चापि ततो महर्षिः ।
पराशरो नाम महाप्रभावः।
पिता स ते वेदनिधिर्वरिष्ठो ।
महातपा वै तपसो निवासः ॥ १२.३५९.५० ॥
In his lineage afterwards arose the great sage Parāśara, of mighty power. He is your father: the treasure of the Vedas, the foremost, of great austerity, the abode of asceticism.
12.359.51
कानीनगर्भः पितृकन्यकायां ।
तस्मादृषेस्त्वं भविता च पुत्रः ॥ १२.३५९.५१ ॥
Born of a child-conceived womb in a maiden daughter, you shall be a son of that sage.
12.359.52
भूतभव्यभविष्याणां ज्ञानानां वेत्स्यसे गतिम् ।
ये ह्यतिक्रान्तकाः पूर्वं सहस्रसुगपर्ययाः ॥ १२.३५९.५२ ॥
You will come to know the course of the knowledge of the past, future and present, and of those thousands of cycles of ages that have passed before.
12.359.53
तांश्च सर्वान्मयोद्दिष्टान्द्रक्ष्यसे तपसाऽन्वितः ।
पुनर्द्रक्ष्यसि चानेकसहस्रयुगपर्ययान् ॥ १२.३५९.५३ ॥
All of those things declared by me you will see, endowed with austerity; and again you will see the courses of many thousands of ages.
12.359.54
अनादिनिधनं लोके चक्रहस्तं च मां मुने ।
अनुध्यानान्मम मुने नैतद्वचनमन्यथा।
भविष्यति महासत्व ख्यातिश्चाप्यतुला तव ॥ १२.३५९.५४ ॥
O sage, know me in the world as without beginning or end, and holding the discus. O sage, through my meditation this word shall not be otherwise. O one of great spirit, your fame too shall be unequalled.
12.359.55
शनैश्चरः सूर्यपुत्रो भविष्यति मनुर्महान् ।
तस्मिन्मन्वन्तरे चैव मन्वादिगणपूर्वकः।
त्वमेव भविता वत्स मत्प्रसादान्न संशयः ॥ १२.३५९.५५ ॥
Śanaiścara, the son of the Sun, will become the great Manu. In that manvantara, together with Manu and the host of beings beginning with him, you yourself, dear child, will be so, by my grace; there is no doubt.
12.359.56
यत्किंचिद्विद्यते लोके सर्वं तन्मद्विचेष्टितम् ।
अन्यो ह्यन्यं चिन्तयति स्वच्छन्दं विदधाम्यहम् ॥ १२.३५९.५६ ॥
Whatever exists in the world, all of it is a movement of my activity. One thinks of another, but I ordain at my own will.
12.359.57
एवं सारस्वतमृषिमपांतरतमं तथा ।
युक्त्वा वचनमीशानः साधयस्वेत्यथाब्रवीत् ॥ १२.३५९.५७ ॥
Thus, having addressed the Sārasvata sage Apāṃtaratamas with these words, the Lord said: 'Accomplish this.'
12.359.58
सोहं तस्य प्रसादेन देवस्य हरिमेधसः ।
अपांतरतमो नाम्ना ततो जातोऽऽज्ञया हरेः ॥ १२.३५९.५८ ॥
I, by the grace of that god Hari-medhas, was then born by the command of Hari under the name Apāṃtaratamas.
12.359.59
पुनश्च जातो विख्यातो वसिष्ठकुलनन्दनः ॥ १२.३५९.५९ ॥
And again I was born, renowned, the joy of the family of Vasiṣṭha.
12.359.60
तदेतत्कथितं जन्म मया पूर्वकमात्ममः ।
नारायणप्रसादेन तदा नारायणांशजम् ॥ १२.३५९.६० ॥
Thus I have told of my earlier birth, by the grace of Nārāyaṇa, when I was born of a portion of Nārāyaṇa.
12.359.61
मया हि सुमहत्तप्तं तपः परमदारुणम् ।
पुरा मतिमतां श्रेष्ठाः परमेण समाधिना ॥ १२.३५९.६१ ॥
By me, indeed, a very great and most severe austerity was performed long ago, O best of the wise, with supreme concentration.
12.359.62
एतद्वः कथितं सर्वं यन्मां पृच्छत पुत्रकाः ।
पूर्वजन्म भविष्यं च भक्तानां स्नेहतो मया ॥ १२.३५९.६२ ॥
All this has been told to you, O sons, all that you asked me — the past birth and the future as well — out of affection for devotees.
12.359.63
एष ते कथितः पूर्वः संभवोऽस्मद्गुरोर्नृप ।
व्यासस्याक्लिष्टमनसो यथा पृष्टः पुनः शृणु ॥ १२.३५९.६३ ॥
This earlier account of the origin of our teacher Vyāsa, of untroubled mind, has been told to you, O king; now listen again, as you asked.
12.359.64
साङ्ख्यं योगः पाञ्चरात्रं वेदाः पाशुपतं तथा ।
ज्ञानान्येतानि राजर्षे विद्धि नानामतानि वै ॥ १२.३५९.६४ ॥
Sāṅkhya, yoga, Pāñcarātra, the Vedas, and likewise Pāśupata — know these, O royal sage, to be knowledges of various doctrines.
12.359.65
साङ्ख्यस्य वक्ता कपिलः परमर्षिः स उच्यते ।
हिरण्यगर्भो योगस्य वेत्ता नान्यः पुरातनः ॥ १२.३५९.६५ ॥
The teacher of Sāṅkhya is said to be Kapila, the supreme sage; the knower of yoga is Hiraṇyagarbha, no other is more ancient.
12.359.66
अपांतपतमाश्चैव वेदाचार्यः स उच्यते ।
प्राचीनगर्भं तमृषिं प्रवदन्तीह केचन ॥ १२.३५९.६६ ॥
Apāntaratamas is also called the teacher of the Vedas; and here some call that sage Prācīnagarbha.
12.359.67
उमापतिर्भूतपतिः श्रीकण्ठो ब्रह्मणः सुतः ।
उक्तवानिदमव्यग्रो ज्ञानं पाशुपतं शिवः ॥ १२.३५९.६७ ॥
Umāpati, Bhūtapati, Śrīkaṇṭha, the son of Brahmā, Śiva, calmly declared this knowledge of the Pāśupata.
12.359.68
पाञ्चरात्रस्य कृत्स्नस्य वक्ता तु भगवान्स्वयम् ।
सर्वेषु च नृपश्रेष्ठ ज्ञानेष्वेतेषु दृश्यते ॥ १२.३५९.६८ ॥
O best of kings, the Lord himself is the speaker of the whole Pāñcarātra, and he is seen in all these knowledges.
12.359.69
यथागमं यथाज्ञानं निष्ठा नारायणः प्रभुः ।
न चैनमेवं जानन्ति तमोभूता विशांपते ॥ १२.३५९.६९ ॥
According to scripture and knowledge, the lord Nārāyaṇa is the supreme refuge; but those overcome by darkness do not know him thus, O lord of the people.
12.359.70
तमेव शास्त्रकर्तारं प्रवदन्ति मनीषिणः ।
निष्ठां नारायणमृषिं नान्योस्तीति च वादिनः ॥ १२.३५९.७० ॥
The wise call him indeed the author of the scripture; those who say so declare that Nārāyaṇa, the seer, is the supreme refuge, and that there is no other.
12.359.71
निःसंशयेषु सर्वेषु नित्यं वसति वै हरिः ।
ससंशयान्हेतुबलान्नाध्यावसति माधवः ॥ १२.३५९.७१ ॥
In all things free from doubt, Hari indeed always dwells; but Mādhava does not abide in those who are doubtful, by the force of argument.
12.359.72
पाञ्चरात्रविदो ये तु यथाक्रमपरा नृप ।
एकान्तभावोपगतास्ते हरिं प्रविशन्ति वै ॥ १२.३५९.७२ ॥
O king, those who know the Pāñcarātra and are devoted in due order, having attained exclusive devotion, indeed enter into Hari.
12.359.73
साङ्ख्यं च योगं च सनातने द्वे ।
वेदाश्च सर्वे निखिलेन राजन्।
सर्वैः समस्तैर्ऋषिभिर्निरुक्तो ।
नारायणो विश्वमिदं पुराणम् ॥ १२.३५९.७३ ॥
Sāṅkhya and yoga, both are eternal; and all the Vedas, O king, entirely (concern him). By all the seers Nārāyaṇa has been declared to be this ancient universe.
12.359.74
शुभाशुभं कर्म समीरितं य ।
त्प्रवर्तते सर्वलोकेषु किंचित्।
तस्मादृपेस्तद्भवतीति विद्या ।
द्दिव्यन्तरिक्षे भुवि चाप्सु चेति ॥ १२.३५९.७४ ॥
Whatever good and evil action has been declared, it proceeds in whatever takes place in all worlds. Therefore this is the knowledge that it comes to be from the seer — in heaven, in the atmosphere, on earth, and in the waters.