مهابهاراتا · أدهيايا 12.5

12.5.1

आदित्कृतबलं कर्णं दृष्ट्वा राजा स मागधः ।
आह्वयद्द्वैरथेनाजौ जरासन्धो महीपतिः ॥ १२.५.१ ॥

لما رأى ملك مَگدها، جَراسندها سيّد الأرض، قوّة كارنا، تحدّاه في المعركة إلى مبارزة بالعربات.

तयोः समभवद्युद्धं दिव्यास्त्रविदुषोर्द्वयोः ।
युधि नानाप्रहरणैरन्योन्यमभिवर्षतोः ॥ १२.५.२ ॥

نشأت معركة بين الاثنين، وكلاهما عليم بالأسلحة الإلهية، فأمطر كل منهما الآخر بأسلحة شتى في القتال.

क्षीणबाणौ विधनुषौ भग्नखङ्गौ महीं गतौ ।
बाहुभिः समसज्जेतामुभावतिबलान्वितौ ॥ १२.५.३ ॥

نفدت السهام وانكسرت القسيّ وتحطّمت السيوف، فنزل الاثنان، وكلاهما شديد القوة، إلى الأرض وتعانقا بالأذرع في الصراع.

बाहुकण्टकयुद्धेन तस्य कर्णोऽथ युध्यतः ।
विभेदं संधिं देहस्य जरया श्लेषितस्य हि ॥ १२.५.४ ॥

وبينما كان يقاتل في نزال «شوكة الذراع»، فصل كارنا مفاصل جسده، التي كانت قد ارتبطت بالشيخوخة.

स विकारं शरीरस्य दृष्ट्वा नृपतिरात्मनः ।
प्रीतोऽस्मीत्यब्रवीत्कर्णं वैरमुत्सृज्य दूरतः ॥ १२.५.५ ॥

ولما رأى الملك تشوّه جسده، ترك العداوة من بعيد وقال لكارنا: «إني مسرور».

प्रीत्या ददौ स कर्णाय मालिनीं नगरीमनु ।
अङ्गेषु नरशार्दूल स राजाऽऽसीत्सपत्नजित् ॥ १२.५.६ ॥

وبمودّة أعطى كارنا مدينة مالينى، فصار ذلك الفاتح لأعدائه، نمرَ الرجال، ملكاً على الأنغا.

पालयामास वर्णांस्तु कर्णः परबलार्दनः ।
दुर्योधनस्यानुमते तवापि विदितं तथा ॥ १२.५.७ ॥

كان كارنا، مُهلك جيوش الأعداء، يحمي الفارنا بموافقة دوريودهانا، كما تعلم أنت أيضًا.

एवं शस्त्रप्रतापेन प्रथितः सोऽभवत्क्षितौ ।
त्वद्धितार्थं सुरेन्द्रेण भिक्षितो वर्मकुण्डले ॥ १२.५.८ ॥

وهكذا اشتهر على الأرض بقوة سلاحه، ولأجل خيرك سأله سيد الآلهة أن يعطيه درعه وقرطيه.

स दिव्ये सहजे प्रादात्कुण्डले परमार्चिते ।
सहजं कवचं चापि मोहितो देवमायया ॥ १२.५.९ ॥

وقد أضلّته مايا الإله، فأعطى القرطين الإلهيين الفطريين المبجّلين جدًا، وكذلك الدرع الفطري.

विमुक्तः कुण्डलाभ्यां च सहजेन च वर्मणा ।
निहतो विजयेनाजौ वासुदेवस्य पश्यतः ॥ १२.५.१० ॥

وقد جُرِّد من القرطين ومن درعه الفطري، فقُتل في المعركة على يد فيجايا [أرجونا] بينما كان فاسوديفا يشهد.

ब्राह्मणस्यापि शापेन रामस्य च महात्मनः ।
कुन्त्याश्च वरदानेन मायया च शतक्रतोः ॥ १२.५.११ ॥

بلعنة برهمي، وبلعنة راما العظيم النفس، وبالنعمة التي مُنحت لكونتي، وبوهم شاتاكراتو [إندرا].

भीष्मावमानात्सङ्ख्यायां रथानामर्धकीर्तनात् ।
शल्यतेजोवधाच्चापि वासुदेवनयेन च। ॥ १२.५.१२ ॥

بسبب إهانة بهيشما، وبسبب عدّ العربات نصفًا فقط، وبسبب هلاك بهاء شالية، وكذلك بتدبير فاسوديفا.

रुद्रस्य देवराजस्य यमस्य वरुणस्य च ।
कुबेरद्रोणयोश्चैव कृपस्य च महात्मनः ॥ १२.५.१३ ॥

لِرُدْرَا، ولِإندرا ملك الآلهة، ولِيَمَا، ولِفَارُونَا، ولِكُوبيرا ودْرونا، ولِلْكريبا ذي النفس العظيمة (الأسلحة الإلهية).

अस्त्राणि दिव्यान्यादाय युधि गाण्डीवधन्वना ।
हतो वैकर्तनः कर्णो दिवाकरसमद्युतिः ॥ १२.५.१४ ॥

أخذ حامل قوس الغاندِيفا الأسلحة الإلهية وقتل في الحرب كارنا ابن فيكارتانا، الذي كان بريقه كبريق الشمس.

एवं शप्तस्तव भ्राता बहुभिश्चापि वञ्चितः ।
न शोच्यः पुरुषव्याघ्र युद्धे हि निधनं गतः ॥ १२.५.१५ ॥

هكذا، وقد لُعن وخُدع من كثيرين أخوك، يا نمر الرجال، فلا ينبغي الحزن عليه، إذ لقي الموت في الحرب.