摩诃婆罗多 · 章 13.178
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
13.178.1
इमे वै मानवा लोके भृशं मांसेषु गृद्धिनः ।
विसृज्य विविधान्भक्ष्यान्महारक्षोगणा इव ॥ १३.१७८.१ ॥
在这世上，这些人极其贪恋肉食，好似大罗刹之群，舍弃了种种美食。
13.178.2
अपूपान्विविधाकाराञ्शाकानि विविधानि च ।
पादपान्रससंयुक्तान्न चेच्छन्ति यथाऽऽमिषम् ॥ १३.१७८.२ ॥
形状各异的饼、种种蔬菜和汁液丰盈的树果，他们并不像渴望肉食那样渴望这些。
13.178.3
तत्र मे बुद्धिरत्रेव विषये परिमुह्यते ।
न मन्ये रसतः किञ्चिन्मांसतोऽस्तीति किञ्चन ॥ १३.१७८.३ ॥
对此事我的心智在这里迷惑了；我认为，单论滋味并无更好之物，单论肉食也无更好之物。
13.178.4
तदिच्छामि गुणाञ्श्रोतुं मांसस्याभक्षणे प्रभो ।
भक्षणे चैव ये दोषास्तांश्चैव पुरुषर्षभ ॥ १३.१७८.४ ॥
因此，主啊，我愿听闻不食肉的功德，以及食肉的过失，人中雄牛啊。
13.178.5
सर्वसत्त्वेन धर्मज्ञ यथावदिह धर्मतः ।
किं वा भक्ष्यमभक्ष्यं वा सर्वमेतद्वदस्व मे ॥ १३.१७८.५ ॥
精通法者啊，怀着对一切众生的慈悲，请依法如实地告诉我这一切：什么可食，什么不可食。
13.178.6
यथैतद्यादृशं चैव गुणा ये चास्य वर्जने ।
दोषा भक्षयतो येऽपि तन्मे ब्रूहि पितामह ॥ १३.१७८.६ ॥
此物是何等性质，戒除它的功德，以及食用它之人的过失——请把这些告诉我，祖父啊。
13.178.7
सर्वमेतन्महाबाहो यथा वदसि भारत ।
न मांसात्परमं किञ्चिद्रसतो विद्यते भुवि ॥ १३.१७८.७ ॥
啊，大臂的婆罗多后裔，你所说的都是对的。然而在大地上，就滋味而言，没有比肉更好的东西。
13.178.8
क्षतक्षीणाभितप्तानां ग्राम्यधर्मरतात्मनाम् ।
अध्वना कर्शितानां च न मांसाद्विद्यते परम् ॥ १३.१७८.८ ॥
对于受伤、消瘦、受苦、心安于世俗职责的人，以及因旅途而疲惫的人来说，没有比肉更高的东西。
13.178.9
सद्यो वर्धयति प्राणान्पुष्टिमग्र्यां दधाति च ।
नाशो भक्षणदोषः स्याद्दानमेव सदा मतम् ॥ १३.१७८.९ ॥
它立即增益生命之气，并赐予最上等的滋养。饮食的过错是毁灭；因此布施始终被认为是最好的。
13.178.10
क्षुधितानां द्विजानां च सर्वेषां चापि जीवितम् ।
दत्त्वा भवति पूतात्मा श्रद्धया लोभवर्जितः ॥ १३.१७८.१० ॥
以信心、无贪婪，将生命施予饥饿的再生者和一切众生，人便成为心灵清净者。
13.178.11
शिक्षयन्ति न याचन्ते दर्शयन्ति स्वमूर्तिभिः ।
अवस्थेयमदानस्य मा भूदेवं भवानिति।
दानाद्यः सुशुचिर्मांसं पुनर्नैव च भक्षयेत् ॥ १३.१७८.११ ॥
他们教导，却不乞求，以自身的形象示现：「愿你不要落入这种不施舍的境地。」因布施而极其清净的人，不应再吃肉。
13.178.12
न भक्ष्योऽभ्याधिकः कश्चिन्मांसादस्ति परंतप ।
विवर्जने तु बहवो गुणाः कौरवनन्दन।
ये भवन्ति मनुष्याणां तान्मे निगदतः शृणु ॥ १३.१७८.१२ ॥
啊，克敌者，没有比肉更适合食用的东西。但是，啊，俱卢之喜，人们戒绝它便有许多美德；请听我说。
13.178.13
स्वमांसं परमांसेन यो वर्धयितुमिच्छति ।
नास्ति क्षुद्रतरस्तस्मात्स नृशंसतरो नरः ॥ १३.१७८.१३ ॥
想以他人之肉增益自己之肉的人，没有比他更卑贱的；那人最为残忍。
13.178.14
न हि प्राणात्प्रियतरं लोके किञ्चन विद्यते ।
तस्माद्दयां नरः कुर्याद्यथाऽऽत्मनि तथा परे ॥ १३.१७८.१४ ॥
世上没有比生命更可贵的东西；因此人应当像对待自己一样慈悲待人。
13.178.15
शुक्राच्च तात सम्भूतिर्मांसस्येह न संशयः ।
भक्षणे तु महान्दोषो मलेन स हि कल्प्यते ॥ १३.१७८.१५ ॥
孩子啊，肉生于精液，这毫无疑问；然而食肉是大罪，因为它被视同污秽之物。
13.178.16
अहिंसालक्षणो धर्म इति वेदविदो विदुः ।
यदहिंस्रं भवेत्कर्म तत्कुर्यादात्मविन्नरः ॥ १३.१७८.१६ ॥
通晓吠陀者宣称，法的特征是不害；知晓自我的人应当做那不伤害的行为。
13.178.17
पितृदैवतयज्ञेषु प्रोक्षितं हविरुच्यते ।
विधिना वेददृष्टेन तद्भुक्त्वेह न दुष्यति ॥ १३.१७८.१७ ॥
在祭祀祖先与诸神的仪式中，被洒净的供物称为祭品；依吠陀所定之规而食用的人，在此不会受玷污。
13.178.18
यज्ञार्थे पशवः सृष्टा इत्यपि श्रूयते श्रुतिः ।
अतोऽन्यथा प्रवृत्तानां राक्षसो विधिरुच्यते ॥ १३.१७८.१८ ॥
经典也说，牲畜是为祭祀而造的；因此，那些违背此理而行事者的做法，被称为罗刹之法。
13.178.19
क्षत्रियाणां तु यो दृष्टो विधिस्तमपि मे शृणु ।
वीर्येणोपार्जितं मांसं यथा भुञ्जन्न दुष्यति ॥ १३.१७८.१९ ॥
也请听我说刹帝利所见的规则：吃以勇力获得之肉的人不会受到玷污。
13.178.20
आरण्याः सर्वदैवत्याः सर्वशः प्रोक्षिता मृगाः ।
अगस्त्येन पुरा राजन्मृगया येन पूज्यते ॥ १३.१७८.२० ॥
林中的鹿皆属于一切神明；昔日阿伽斯提耶已将它们全部加以祝圣，王啊，因此狩猎受到尊崇。
13.178.21
रक्षणार्थाय भूतानां हिंस्रान्हन्यान्मृगान्पुनः ।
नात्मानमपरित्यज्य मृगया नाम विद्यते ॥ १३.१७८.२१ ॥
为了保护众生，应当杀死凶猛的野兽，也可以杀鹿；但若不舍弃自身，便谈不上狩猎。
13.178.22
समतामुपसङ्गम्य रूपं हन्यान्न वा नृप ।
अतो राजर्षयः सर्वे मृगयां यान्ति भारत।
न हि लिप्यन्ति पापेन न चैतत्पातकं भुवि ॥ १३.१७८.२२ ॥
得到平等之心，无论杀不杀那形体，王啊。因此所有王仙都去狩猎，婆罗多啊。他们不被罪恶所染，而且在世间这也不是大罪。
13.178.23
न ह्यतः सदृशं किञ्चिदिह लोके परत्र च ।
यत्सर्वेष्विह भूतेषु दया कौरवन्दन ॥ १३.१७८.२३ ॥
在此世与后世，都没有与此相当的东西：对一切众生的慈悲，俱卢之子的喜悦啊。
13.178.24
न भयं विद्यते जातु नरस्येह दयावतः ।
दयावतामिमे लोकाः परे चापि तपस्विनाम् ॥ १३.१७८.२४ ॥
富有慈悲的人在此世永无恐惧。这些世界属于慈悲者，彼岸的世界也属于苦行者。
13.178.25
अभयं सर्वभूतेभ्यो यो ददाति दयापरः ।
अभयं तस्य भूतानि ददतीत्यनुशुश्रुम ॥ १३.१७८.२५ ॥
施予一切众生无畏、怀有慈悲之人，我们听说众生也会施予他无畏。
13.178.26
क्षतं च स्खलितं चैव पतितं क्लिन्नमाहतम् ।
सर्वभूतानि रक्षन्ति समेषु विषमेषु च। ॥ १३.१७८.२६ ॥
受伤者、跌倒者、倒下者、湿透者、被击者——无论在平坦还是崎岖之处，一切众生都保护他们。
13.178.27
नैनं व्यालमृगा घ्नन्ति न पिशाचा न राक्षसाः ।
मुच्यते भयकालेषु मोक्षयेद्यो भये परान् ॥ १३.१७८.२७ ॥
猛兽不伤害他，夜叉鬼和罗刹也不伤害他。在危难之时，救度陷入危难之中的他人者，自己得到解脱。
13.178.28
प्राणदानात्परं दानं न भूतं न भविष्यति ।
न ह्यात्मनः प्रियतरं किञ्चिदस्तीह निश्चितम् ॥ १३.१७८.२८ ॥
没有比施予生命更大的布施，过去没有，将来也不会有；因为在此世间，确实没有比自身更珍贵的东西。
13.178.29
अनिष्टं सर्वभूतानां मरणं नाम भारत ।
मृत्युकाले हि भूतानां सद्यो जायति वेपथुः ॥ १३.१७८.२९ ॥
婆罗多之子啊，死亡对一切众生都是不愿的。临死之时，众生立即生起颤抖。
13.178.30
व्याधिजन्मजरादुःखैर्नित्यं संसारसागरे ।
जन्तवः परिवर्तन्ते मरणादुद्विजन्ति च ॥ १३.१७८.३० ॥
众生因疾病、生与老的痛苦，常在轮回之海中流转，并因死亡而惊惧退缩。
13.178.31
गर्भवासेषु पच्यन्ते क्षाराम्लकटुकै रसैः ।
मूत्रस्वेदपुरीषाणां परुषैर्भृशदारुणैः ॥ १३.१७८.३१ ॥
在胎藏之中，他们被碱性、酸性和辛辣的汁液煮炼，被尿液、汗水和粪便的粗硬而极其可怖的液体煎熬。
13.178.32
जाताश्चाप्यवशास्तत्र च्छिद्यमानाः पुनःपुनः ।
हन्यमानाश्च दृश्यन्ते विवशा मांसगृद्धिनः ॥ १३.१७८.३२ ॥
他们出生在那里，无助地被反复切割、打击，被肉欲所驱使，显得毫无力量。
13.178.33
कुम्भीपाके च पच्यन्ते तां तां योनिमुपागताः ।
आक्रम्य मार्यमाणाश्च त्रास्यन्त्यन्ये पुनःपुनः ॥ १३.१७८.३३ ॥
在金刚煮地狱中，他们被煮炼，进入了各种胎生之中；其他的人被攻击杀害，反复恐惧。
13.178.34
नात्मनोऽस्ति प्रियतरः पृथिवीमनुसृत्य ह ।
तस्मात्प्राणिषु सर्वेषु दयावानात्मवान्भवेत् ॥ १३.१७८.३४ ॥
遍寻大地，没有什么比自己更可爱；因此，对一切众生应当怀有慈悲，并能自我约束。
13.178.35
सर्वमांसानि यो राजन्यावज्जीवं न भक्षयेत् ।
आश्वासं विपुलं स्थानं प्राप्नुयान्नात्र संशयः ॥ १३.१७८.३५ ॥
国王啊，终其一生不食任何肉类的人，将获得大的安稳与崇高的境界，这毫无疑问。
13.178.36
ये भक्षयन्ति मांसानि भूतानां जीवितैषिणाम् ।
भक्ष्यन्ते तेऽपि भूतैस्तैरिति मे नास्ति संशयः ॥ १३.१७८.३६ ॥
吃那些渴望活着的众生之肉的人，自己也将被那些众生所吞食；关于此，我心中毫无疑问。
13.178.37
मां स भक्षयते यस्माद्भक्षयिष्ये तमप्यहम् ।
एतन्मांसस्य मांसत्वमनुबुद्ध्यस्व भारत ॥ १३.१७८.३७ ॥
他吃我，我也将吃他。婆罗多之子啊，应当这样理解此肉之为肉的道理。
13.178.38
घातको वध्यते नित्यं तथा बध्येत बन्धकः ।
आक्रोष्टा क्रुध्यते राजन्द्वेष्टा द्वेष्यत्वमाप्नुते ॥ १३.१७८.३८ ॥
杀人者总会被杀，缚人者同样会被缚。大王啊，辱骂者招致愤怒，憎恨者成为被憎恨之人。
13.178.39
येनयेन शरीरेण यद्यत्कर्म करोति यः ।
तेनतेन शरीरेण तत्तत्फलमुपाश्नुते ॥ १३.१७८.३९ ॥
人以何种身体做何种行为，便以同一身体获得其果报。
13.178.40
अहिंसा परमो धर्मस्तथाऽहिंसा परो दमः ।
अहिंसा परमं दानमहिंसा परमं तपः ॥ १३.१७८.४० ॥
不害是最高的法，不害也是最高的克制。不害是最高的布施，不害是最高的苦行。
13.178.41
अहिंसा परमं मिमहिंसा परमं सुखम् ।
सर्वयज्ञेषु वा दानं सर्वतीर्थेषु वा प्लुतम्। ॥ १३.१७८.४१ ॥
不害是最高的快乐；不害是最高的快乐。在一切祭祀中布施，或在一切圣地沐浴，都不及不害。
13.178.42
सर्वदानफलं वाऽपि नैतत्तुल्यमहिंसया ।
अहिंसस्य तपोऽक्षय्यमहिंस्रो जयते सदा। ॥ १३.१७८.४२ ॥
一切布施的果报也不及不害。不害者的苦行不可穷尽；不害者常常获胜。
13.178.43
अहिंस्रः सर्वभूतानां यथा माता यथा पिता ।
एतत्फलमहिंसायां भूयश्च कुरुपुङ्गव। ॥ १३.१७८.४३ ॥
对一切众生不加伤害者，如同母亲，如同父亲。俱卢之雄，这便是不杀生的果报，而且更多。
13.178.44
न हि शक्या गुणा वक्तुमपि वर्षशतैरपि ॥ १३.१७८.४४ ॥
其德行即便历经百年也无法说尽。