摩诃婆罗多 · 章 13.203
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
13.203.1
अयं नारायणः श्रीमान्पुत्रार्थे व्रतकाङ्क्षया ।
दीक्षितोऽभून्महाबाहुः पुरा द्वादशवार्षिकम् ॥ १३.२०३.१ ॥
这位光辉的那罗延，为求子而发愿，曾在往昔受戒十二年，他是大臂者。
13.203.2
दीक्षितं केशवं द्रष्टुमभिजग्मुर्महर्षयः ।
सेवित्वा च महात्मानः प्रीयमाणं जनार्दनम् ॥ १३.२०३.२ ॥
大仙人们前去拜见受戒的克舍婆；服侍那欢喜的遮那陀那之后，诸大德……
13.203.3
नारदः पर्वतश्चैव कृष्णद्वैपायनस्तथा ।
देवलः काश्यपश्चैव हस्तिकाश्यप एव च।
जमदग्निश्च राजेन्द्र धौम्यो वाल्मीकिरेव च ॥ १३.२०३.३ ॥
那罗陀、波哩婆多、黑克利须那·二岐衍那、提婆罗、迦叶波、象迦叶波；大王啊，还有遮摩陀吉、达乌摩耶和蚁垤。
13.203.4
अपरेऽपि तपःसिद्धाः सत्यव्रतपरायणाः ।
शिष्यैरनुगताः सर्वे ब्रह्मविद्भिरकल्मषैः ॥ १३.२०३.४ ॥
其他人也都由于苦行而成就，专注于真实誓言，都带着弟子前来，皆为梵知者，无垢无染。
13.203.5
केशवस्तानभिगतान्प्रीत्या सम्परिगृह्य च ।
तेषामतिथिसत्कारं पूजनार्थं कुलोचितम्।
देवकीतनयो हृष्टो देवतुल्यमकल्पयत् ॥ १३.२०३.५ ॥
克舍婆亲切地接纳了所有前来的人，为了供养他们，提婆吉之子欣然安排了与家族相称、如同诸神一般的待客之礼。
13.203.6
उपविष्टेषु सर्वेषु विष्टरेषु तदाऽनघ ।
विश्वस्तेष्व्नभितुष्टेषु केशवार्चनया पुनः ॥ १३.२०३.६ ॥
无罪者啊，那时众人都已在座位上坐定，安然自在，却仍未因供养克舍婆而再次完全满足。
13.203.7
परस्परं कथा दिव्याः प्रावर्तन्त मनोरमाः ।
विष्णोर्नारायणस्यैव प्रसादात्कथयामि ताः ॥ १३.२०३.७ ॥
彼此之间开始了神圣而迷人的故事；蒙毗湿奴那罗延的恩典，我将讲述它们。
13.203.8
तस्यैव व्रतचर्यायां मुनिभिर्विस्मितं पुरा ।
यत्र गोवृषभाङ्कस्य प्रभावोऽभून्महात्मनः ॥ १३.२०३.८ ॥
昔日在他的修行誓约中，诸仙人为之惊叹；那里显现了这位以公牛为标记的大德的威力。
13.203.9
यत्र देवी महादेवमपृच्छत्संशयान्पुरा ।
कथयामास सर्वांस्तान्देव्याः प्रियचिकीर्षया ॥ १३.२०३.९ ॥
昔日女神向摩訶提婆请教疑惑，他为了让女神欢喜，将所有疑问都一一解说。
13.203.10
उमापत्योश्च संवादं शृणु तात मनोरमम् ।
वर्णाश्रमाणां धर्मश्च तत्र तात समाहितः ॥ १३.२०३.१० ॥
孩子，请听那湿婆与乌玛之间美妙的对话；其中讲述了种姓与生活阶段的法。孩子，请专心听。
13.203.11
ऋषिधर्मश्च निखिलो राजधर्मस्च पुष्कलः ।
गृहस्थधर्मश्च शुभः कर्मपाकफलानि च ॥ १३.२०३.११ ॥
仙人的全部法、国王的丰富之法、家主的吉祥之法，以及业报成熟的果实。
13.203.12
देवगुह्यं च विविधं दानधर्मविधिस्तथा ।
विधानमत्र प्रोक्तं यद्यमस्य नियमस्य च ॥ १३.२०३.१२ ॥
诸神的秘密与种种布施之法的规则；此处亦宣说了关于夜摩与戒律的规定。
13.203.13
यमलोकविधानं च स्वर्गलोकगतिस्तथा ।
प्राणमोक्षविधिश्चैव तीर्थचर्या च पुष्कला ॥ १३.२०३.१३ ॥
阎摩界的规定与升往天界的道路，命气解脱的仪轨，以及巡礼圣渡口的修行，都有详细的说明。
13.203.14
मोक्षधर्मविधानं च साङ्ख्ययोगसमन्वितम् ।
स्त्रीधर्मश्च स्वयं देव्या देवदेवाय भाषितः ॥ १३.२०३.१४ ॥
解脱法的规定与融合数论、瑜伽的教导，以及女性之法——这些是女神亲自向众神之神所说的。
13.203.15
एवमादि शुभं सर्वं तत्र तात समाहितम् ।
रुद्राण्याः संशयप्रश्नो यत्र तात प्रवर्तते ॥ १३.२०३.१५ ॥
所有这些吉祥之事都汇集于此，孩子；正是在这里，楼陀罗尼提出了疑问。
13.203.16
धन्यं यशस्यमायुष्यं धर्म्यं च परमं हितम् ।
पुष्टियोगमिमं दिव्यं कथ्यमानं मया शृणु ॥ १३.२०३.१६ ॥
我所讲的这吉祥增益之瑜伽，能带来财富、名声、长寿、法与至上利益；请听。
13.203.17
इतिहासमिमं दिव्यं पवित्रं परमं शुभम् ।
सायं प्रातः सदा सम्यक् श्रोतव्यं च बुभूषता ॥ १३.२०३.१७ ॥
这部神圣、清净、至上而吉祥的史诗，希望繁荣的人应当早晚恭敬地常常聆听。
13.203.18
ततो नारायणो देवः संक्लिष्टो व्रतचर्यया ।
वह्निर्विनिःसृतो वक्त्रात्कृष्णस्याद्भुतदर्शनः ॥ १३.२०३.१८ ॥
那时，因持守誓愿而疲惫的神那罗延，看见一团形象奇妙的火从黑天口中涌出。
13.203.19
अग्निना तेन महता निःसृतेन मुखाद्विभोः ।
पश्यतामेव सर्वेषां दग्ध एव नगोत्तमः ॥ १३.२०३.१९ ॥
那从大能者口中喷出的巨大火焰，在众人眼前将那座最高的山烧成了灰烬。
13.203.20
मृगपक्षिगणाकीर्णः श्वापदैरपि सङ्कुलः ।
वृक्षगुल्मलताकीर्णो मथितो दीनदर्शनः ॥ १३.२०३.२० ॥
那座山上鹿群与鸟群充斥，猛兽聚集，树木、灌丛与藤蔓遍布，如今被焚毁、蹂躏，显得凄惨可怜。
13.203.21
पुनः स दृष्टमात्रेण हरिणा सौम्यचेतसा ।
स बभूव गिरिः क्षिप्रं प्रफुल्लद्रुमकाननः ॥ १३.२०३.२१ ॥
随后，怀着慈和之心的哈里再次注视它，那座山便很快化作了一片繁花盛开的树林。
13.203.22
सिद्धचारणसङ्घैश्च प्रसन्नैरुपशोभितः ।
मत्तवारणसंयुक्तो नानापक्षिगणैर्युतः।
तदद्भुतमचिन्त्यं च सर्वेषामभवद्भृशम् ॥ १३.२०३.२२ ॥
欢喜的悉陀与遮罗那众围绕装点，与发狂的大象相伴，并有各种飞鸟成群。这奇妙而不可思议的景象，让所有人都极为惊叹。
13.203.23
तं दृष्ट्वा हृष्टरोमाणः सर्वे मुनिगणास्तदा ।
विस्तिताः परमायत्ताः साध्यसाकुललोचनाः।
न किञ्चिदब्रुवंस्तत्र शुभं वा यदि वेतरत् ॥ १३.२०३.२३ ॥
众仙人见此，个个毛发竖立，惊叹不已，全神贯注，双目迷惘；在那里，他们一句话也没有说，既无吉言，也无凶语。
13.203.24
ततो नारायणो देवो मुनिसङ्घे तु विस्मिते ।
तान्समीक्ष्यैव मधुरं बभाषे पुष्करेक्षणः ॥ १३.२०३.२४ ॥
那时，众仙人惊异之际，莲花眼的神那罗延看着他们，温和地开口说话。
13.203.25
किमर्थं मुनिसङ्घेऽस्मिन्विस्मयोऽयमनुत्तमः ।
एतन्मे संशयं सर्वे याथातथ्येन नन्दिताः।
ऋषयो वक्तुमर्हन्ति निश्चयेनार्थकोविदाः ॥ १३.२०३.२५ ॥
这群贤者之中为何有如此无与伦比的惊异？诸位欢喜的仙人，精通义理，你们理应如实而确定地解答我的这一疑问。
13.203.26
केशवस्य वचः श्रुत्वा तुष्टुवुर्मुनिपुङ्गवाः ।
भवान्सृजति वै लोकान्भवान्संहरति प्रजाः।
भवाञ्शीतं भवानुष्णं भवान्सत्यं भवान्क्रतुः ॥ १३.२०३.२६ ॥
诸位最优秀的仙人听了克舍婆的话，便赞颂他：你创造众世界，你收回众生；你是寒冷，你是炎热，你是真理，你是祭祀。
13.203.27
भवानादिर्भवानन्तो भवतोऽन्यन्न विद्यते ।
स्थावरं जङ्गमं सर्वं त्वमेव पुरुषोत्तम ॥ १३.२०३.२७ ॥
你是始，你是终；除你之外，别无他物。一切不动与动的，唯有你，最高的人啊。
13.203.28
त्वत्तः सर्वमिदं तात लोकचक्रं प्रवर्तते ।
त्वमेवार्हसि तद्वक्तुं मुखादग्निविनिर्गमम् ॥ १३.२०३.२८ ॥
亲爱的，这整个世界之轮皆由你而运行。唯有你才配讲述火从口中生出的那件事。
13.203.29
एतन्नो विस्मयकरं बभूव मधुसूदन ।
ततो विगतसंत्रासा भवाम पुरुषोत्तम।
यदिच्छेत्तत्र वक्तव्यं कुतोऽस्माकं नियोगतः ॥ १३.२०३.२९ ॥
杀摩图者啊，这使我们感到惊异。那么，我们已无惧，人中最上者啊，愿你所欲者便在那里说出；若无你的命令，我们怎敢言说？
13.203.30
नित्यं हितार्थं लोकानां भवद्भिः क्रियते तपः ।
तस्माल्लोकहितं गुह्यं श्रूयतां कथयामि वः ॥ १३.२०३.३० ॥
你们总是为世界的福祉而修苦行。因此请听这个有益于世界的秘密，我告诉你们。
13.203.31
असुरः साम्प्रतं कश्चिदहितो लोकनाशनः ।
मायास्त्रकुशलश्चैव बलदर्पसमन्वितः ॥ १३.२०३.३१ ॥
如今有一个阿修罗，怀有敌意，是世界的毁灭者，精通幻术之武器，充满力量的傲慢。
13.203.32
बभूव स मया बद्धो लोकानां हितकाम्यया ।
पुत्रेण मे वधो दृष्टस्तस्य वै मुनिपुङ्गवाः ॥ १३.२०३.३२ ॥
我出于对世界福祉的愿望把他束缚了；而他的被杀，由我的儿子所见，诸位最优秀的圣人啊。
13.203.33
तदर्थं पुत्रमेवाहं सिसृक्षुर्वनमागतः ।
आत्मनः सदृशं पुत्रमहं जनयितुं व्रतैः ॥ १३.२०३.३३ ॥
正为此，我来到森林，想要创造一个儿子，以誓愿生出一个与我相似的儿子。
13.203.34
एवं व्रतपरीतस्य तपस्तीव्रतया मम ।
अथात्मा मम देहस्थः सोग्निर्भूत्वा विनिःसृतः ॥ १३.२०३.३४ ॥
这样，由于我修苦行的猛烈，被誓愿所包围，我身中的自我化为火而出现了。
13.203.35
विनिःसृत्य गतो द्रष्टुं क्षणेन च पितामहम् ।
ब्रह्मणा मन्मथोऽनङ्गः पुत्रत्वेन प्रकल्पितः।
अनुज्ञातश्च तेनैव पुनरायान्ममान्तिकम् ॥ १३.२०३.३५ ॥
他出来后，一瞬间便去拜见祖父梵天。梵天任命无身的摩曼陀为儿子；得到他的许可，他又回到了我的面前。
13.203.36
एवं मे वैष्णवं तेजो मम वक्त्राद्विनिःसृतम् ।
तत्तेजसा निर्मथितः पुरतोऽयं गिरिः स्थितः ॥ १३.२०३.३६ ॥
如此，从我口中发出的毗湿奴之光，被此光所摧毁，这座山便矗立在前方。
13.203.37
दृष्ट्वा दाहं गिरेस्तस्य सौम्यभावतया मम ।
पुनः स दृष्टमात्रेण गिरिरासीद्यथा पुरा ॥ १३.२०३.३७ ॥
我见那山被焚烧，因我心性温和，它一经再见便恢复了从前的模样。
13.203.38
एतद्गुह्यं यथातथ्यं कथितं वः समासतः ।
भवन्तो व्यथिता येन विस्मिताश्च तपोधनाः ॥ १३.२०३.३८ ॥
此秘密已照其实情简要地告诉了你们，因此你们这些苦行富足者感到困扰和惊讶。
13.203.39
ऋषीणामेवमुक्त्वा तु तान्पुनः प्रत्यभाषत ॥ १३.२०३.३९ ॥
对诸位仙人如此说后，他又回答了他们。