Mahābhārata · Adhyāya 13.223
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
13.223.1
भगवन्मानुषेष्वेव मानुषाः समदर्शनाः ।
चण्डाला इव दृश्यन्ते स्पर्शमात्रविदूषिताइः ॥ १३.२२३.१ ॥
O blessed lord, among humans, those who regard all alike appear like outcastes, defiled merely by touch.
13.223.2
नीचकर्मरता देव सर्वेषां मलहारकाः ।
दुर्गताः क्लेशभूयिष्ठा विरूपा दुष्टचेतसः।
केन कर्मविपाकेन तन्मे शंसितुमर्हसि ॥ १३.२२३.२ ॥
O god, by what result of action do those who delight in base deeds, carry the filth of all, are ill-fated, full of affliction, deformed, and wicked in mind come to be so? You ought to tell me that.
13.223.3
तदहं ते प्रवक्ष्यामि तदेकाग्रमनाः शृणु ॥ १३.२२३.३ ॥
I will tell you that; listen with a one-pointed mind.
13.223.4
ये पुरा मनुजा देवि अतिमानयुता भृशम् ।
आत्मसम्भावनायुक्ताः स्तब्धा दर्पसमन्विताः ॥ १३.२२३.४ ॥
O goddess, those humans of old who were endowed with excessive pride, full of self-exaltation, arrogant and possessed of haughtiness—
13.223.5
प्रणामं तु न कुर्वन्ति गुरूणामपि पामराः ।
ये स्वधर्मार्पणं कार्यमतिमानान्न कुर्वते ॥ १३.२२३.५ ॥
Those base men do not show reverence even to their teachers, and out of excessive pride they do not perform the duty that belongs to their own dharma.
13.223.6
परान्संनामयन्त्येव आज्ञयात्मनि ये बलात् ।
ऋद्धियोगात्परान्नित्यमवमन्यन्ति मानवान्।
पानपाः सर्वभक्षाश्च परुषाः कटुका नराः ॥ १३.२२३.६ ॥
Those who bend others to their will by command and by force, who always despise other men through the strength of prosperity—drinkers, eaters of everything, harsh men, bitter men.
13.223.7
एवंयुक्तसमाचाराक दण्डिता यमशासनैः ।
कथंचित्प्राप्य मानुष्यं चण्डालाः सम्भवन्ति ते ॥ १३.२२३.७ ॥
Thus those whose conduct was joined to evil, punished by the decrees of Yama, somehow obtaining human birth, are born as outcastes (caṇḍālas).
13.223.8
नीचकर्मरताश्चैव सर्वेषां मलहारकाः ।
परेषां वन्दनपरास्ते भवन्त्येव मानिनः ॥ १३.२२३.८ ॥
Those delighting in base deeds become the carriers of everyone's filth; though devoted to paying homage to others, they remain proud.
13.223.9
विरूपाः पापयोनिस्थाः स्पर्शनादिविवर्जिताः ।
कुवृत्तिमुपजीवन्ति भुत्वा ते रजकादयः।
पुराऽतिमानदोषात्तु भुञ्जते स्वकृतं फलम् ॥ १३.२२३.९ ॥
The deformed, situated in sinful wombs, shunned in touch and the like — washermen and others — live by a base livelihood; formerly, through the fault of excessive pride, they experience the fruit of their own deeds.
13.223.10
तानप्यवस्ताकृपणांश्चण्डालानपि बुद्धिमान् ।
न च निन्देन्नापि कुप्येद्भुञ्जते स्वकृतं फलम्।
चण्डाला अपि तां जातिं शोचन्तः शुद्धिमाप्नुयुः ॥ १३.२२३.१० ॥
A wise man should neither revile nor be angry with those wretched, pitiable chaṇḍālas, for they experience the fruit of their own deeds. Even the chaṇḍālas, grieving over that birth, may attain purification.
13.223.11
भगवन्मानुषाः केचिदाशापाशशतैर्वृताः ।
परेषां द्वारि तिष्ठन्ति प्रतिषिद्धाः प्रवेशने ॥ १३.२२३.११ ॥
O blessed lord, some humans, enveloped by hundreds of nooses of hope, stand at the doors of others, forbidden to enter.
13.223.12
द्रष्टुं ज्ञापयितुं चैव न लभन्ते च यत्नतः ।
केन कर्मविपाकेन तन्मे शंसितुमर्हसि ॥ १३.२२३.१२ ॥
Even with effort they do not obtain the chance to see or to make themselves known. By what ripening of action does this come about? You are worthy to declare that to me.
13.223.13
ये पुरा मानुषा देवि ऐश्वर्यस्थानसंयुताः ।
संवादं तु न कुर्वन्ति परैरैश्वर्यमोहिताः ॥ १३.२२३.१३ ॥
O goddess, the men of old who were endowed with positions of power did not converse with others, deluded by their lordship.
13.223.14
द्वाराणि न ददत्येव लोभमोहादिभिर्वृताः ।
अवस्थामोहसंयुक्ताः स्वार्थमात्रपरायणाः ॥ १३.२२३.१४ ॥
Surrounded by greed, delusion and the like, they do not open their doors; bound by the delusion of their station, they are intent only on their own gain.
13.223.15
सर्वभोगयुता वाऽपि सर्वेषां निष्फला भृशम् ।
अपि शक्ता न कुर्युस्ते परानुग्रहकारणात् ॥ १३.२२३.१५ ॥
Though possessed of all enjoyments, they are utterly fruitless to everyone; though able, they would not act out of favor toward others.
13.223.16
निर्दयाश्चैव निर्द्वारा भोगैश्वर्यगतिं प्रति ।
एवंयुक्तसमाचाराः पुनर्जन्मनि शोभने ॥ १३.२२३.१६ ॥
They are merciless and doorless, inclined toward the course of enjoyment and power; men of such conduct, even in a fair rebirth, [meet this same condition].
13.223.17
यदि चेन्मानुषं जन्म लभेरंस्ते तथाविधाः ।
दुर्गता दुरवस्थाश्च कर्मव्याक्षेपसंयुताः ॥ १३.२२३.१७ ॥
If such men should obtain a human birth, they would be in misfortune and wretched states, joined with the hindrances of their own deeds.
13.223.18
अभिधावन्ति ते सर्वे तमर्थमभिवेदिनः ।
राज्ञां वा राजमात्राणां द्वारि तिष्ठन्ति वारिताः ॥ १३.२२३.१८ ॥
Seeking that aim, they all rush about; they stand at the doors of kings or royal ministers, but are turned away.
13.223.19
कर्म विज्ञापितुं द्रष्टुं न लभन्ते कथञ्चन ।
प्रवेष्टुमपि ते द्वारं बहिस्तिष्ठन्ति काङ्क्षया ॥ १३.२२३.१९ ॥
They cannot by any means obtain the chance to report their deeds or to be seen; hoping to enter the gate, they remain standing outside.
13.223.20
भगवन्मानुषाः केचिन्मनुष्येषु बहुष्वपि ।
सहसा नष्टसर्वस्वा भ्रष्टकोशपरिग्रहाः ॥ १३.२२३.२० ॥
Blessed lord, among the many human beings, some men suddenly lose all their wealth, and their treasury and possessions fall away.
13.223.21
दृश्यन्ते मानुषाः केचिद्राजचोरोदकादिभिः ।
केन कर्मविपाकेन तन्मे शंसितुमर्हसि ॥ १३.२२३.२१ ॥
Some men are seen to be ruined by the king, by thieves, by water and the like. By the ripening of what deed does this come about? You are the one fit to declare it to me.
13.223.22
ये पुरा मानुषा देवि आसुरं भावमाश्रिताः ।
परेषां वृत्तिनाशं तु कुर्वते द्वेषलोभतः ॥ १३.२२३.२२ ॥
O goddess, those men who in former times took on the demonic nature destroy the livelihood of others out of hatred and greed.
13.223.23
उत्कोचनपराश्चैव पिशुनाश्च तथाविधाः ।
परद्रव्यहरा घोराश्चौर्याद्वाऽन्येन कर्मणा ॥ १३.२२३.२३ ॥
Those intent on bribery, slanderers and such like, cruel seizers of others' property — through theft or through some other deed.
13.223.24
निर्दया निरनुक्रोशाः परेषां वृत्तिनाशकाः ।
नास्तिकाऽनृतभूयिष्ठाः परद्रव्यापहारिणः ॥ १३.२२३.२४ ॥
Pitiless, without compassion, destroyers of others' livelihood, unbelievers, mostly given to falsehood, seizers of others' property.
13.223.25
एवंयुक्तसमाचारा दण्डिता यमशासनैः ।
निरयस्थाश्चिरं कालं तत्र दुःखसमन्विताः ॥ १३.२२३.२५ ॥
Those whose conduct has been so engaged, punished by the commands of Yama, dwell in hell for a long time, afflicted with suffering.
13.223.26
यदि चेन्मानुषं जन्म लभेरंस्ते तथाविधाः ।
तत्रस्थाः प्राप्नुवन्त्येव सहसा द्रव्यवाशनम् ॥ १३.२२३.२६ ॥
If such people obtain human birth, then, dwelling there, they suddenly meet with the loss of wealth.
13.223.27
कष्टं तत्प्राप्नुवन्त्येव कारणाकारणादपि ।
नाशं विनाशं द्रव्याणामुपघातं च सर्वशः ॥ १३.२२३.२७ ॥
They indeed meet with that hardship, whether from a cause or from no cause; there is destruction, ruin and injury of goods in every way.
13.223.28
भगवन्मानुषाः केचिद्बान्धवैः सहसा पृथक् ।
कारणादेव सहसा सर्वेषां प्राणनाशनम् ॥ १३.२२३.२८ ॥
O blessed lord, some people are suddenly separated from their kinsmen; and from some cause the destruction of life of all comes suddenly.
13.223.29
शस्त्रेण वाऽन्यथा वाऽपि प्राप्नुवन्ति वधं नराः ।
केन कर्मविपाकेन तन्मे शंसितुमर्हसि ॥ १३.२२३.२९ ॥
Men meet death by a weapon or otherwise as well; by the ripening of which action does this come about? You should tell me that.
13.223.30
ये पुरा मनुजा देवि घोरकर्मरतानृताः ।
आसुराः प्रायशो मूर्खाः प्राणिहिंसाप्रिया भृशं ॥ १३.२२३.३० ॥
O goddess, those men of old who delighted in terrible deeds, were liars, mostly of demonic nature, foolish, and greatly fond of harming living beings.
13.223.31
निर्दयाः प्राणिहिंसायां तथा प्राणिविघातकाः ।
विश्वस्तघातकाश्चैव तथा सुप्तविघातकाः।
प्रायशोऽनृतभूयिष्ठा नास्तिका मांसभोजनाः ॥ १३.२२३.३१ ॥
Pitiless in harming living beings, slayers of creatures, killers of those who trust them and of the sleeping, for the most part full of falsehood, unbelievers and meat-eaters.
13.223.32
एवंयुक्तसमाचाराः कालधर्मं गताः पुनः ।
दण्डिता यमदण्डेन निरयस्थाश्चिरं प्रिये ॥ १३.२२३.३२ ॥
Those of such conduct, having met the law of time again, are punished by Yama's rod and dwell long in hell, my beloved.
13.223.33
तिर्यग्योनिं पुनः प्राप्य तत्र दुःखपरिक्षयात् ।
यदि चेन्मानुपं जन्म लभेरंस्ते तथाविधाः।
तत्र ते प्राप्नुवन्त्येव वधबन्धान्यथा तथा ॥ १३.२२३.३३ ॥
Having again obtained an animal's womb, they remain there until their suffering is exhausted; and should they obtain a human birth, there too they undergo slaying and bondage in one way or another.
13.223.34
आढ्या वा दुर्गता वाऽपि भुञ्जते स्वकृतं फलम् ।
सुप्ता मत्ताश्च विश्वस्तास्तथा ते प्राप्नुवन्त्युत ॥ १३.२२३.३४ ॥
Whether rich or wretched, they enjoy the fruit of their own deeds; the sleeping, the intoxicated, and the trusting likewise receive it.
13.223.35
प्राणवाधकृतं दुःखं बान्धवैः सहसा पृथक् ।
पुत्रदारविनाशं वा शस्त्रेणान्येन वा वधम् ॥ १३.२२३.३५ ॥
The suffering caused by the slaying of life, sudden separation from kinsmen, the destruction of son and wife, or death by some other weapon.
13.223.36
भगवन्मानुषाः केचिद्राजनीतिविशार दैः ।
दण्ड्यन्ते मानुषे लोके मानुषाः सर्वतोभयाः।
केन कर्मविपाकेन तन्मे शंसितुमर्हसि ॥ १३.२२३.३६ ॥
O blessed one, some humans are punished in the human world by those skilled in statecraft, and humans are fearful on every side. By what ripening of action does this come about? Please tell me.
13.223.37
ये पुरा मनुजा देवि मानुषांश्चेतराणि वा ।
क्लिष्टघातेन निघ्नन्ति प्राणान्प्राणिषु निर्दयाः।
आसुर घोरकर्माणः क्रूरदण्डवधप्रियाः ॥ १३.२२३.३७ ॥
O goddess, those who in former times, pitiless, kill the lives of humans or other beings by painful slaughter are demonic, doers of terrible deeds, delighting in cruel punishment and killing.
13.223.38
ये दण्डयन्त्यदण्ड्यांश्च राजानः कोपमोहिताः ।
हिंसाहङ्कारपरुषा मांसादा नास्तिकाशुभाः ॥ १३.२२३.३८ ॥
Kings deluded by anger punish those who should not be punished; harsh with violence and pride, flesh-eaters, unbelievers, and inauspicious.
13.223.39
केचित्स्त्रीपुरुषघ्नाश्च गुरुघ्नाश्च तथा प्रिये ।
एवंयुक्तसमाचारा प्राणिधर्मं गताः पुनः ॥ १३.२२३.३९ ॥
O beloved, some are killers of women and men, and killers of teachers; those whose conduct is thus joined return again to the nature of living beings.
13.223.40
दण्डिता यमदण्डेन निरयस्थाश्चिरं प्रिये ।
पूर्वजन्मकृतं कर्म भुञ्जते तदिह प्रजाः ॥ १३.२२३.४० ॥
O beloved, those punished by Yama's staff and dwelling long in hell enjoy here the action done in a former birth.
13.223.41
इहैव यत्कर्म कृतं तत्परत्र फलत्युत ।
एषा व्यवस्थितिर्देवि मानुषेष्वेव दृश्यते ॥ १३.२२३.४१ ॥
The action done here bears fruit in the next world as well; O goddess, this order is seen only among humans.
13.223.42
न चर्षीणां न देवानाममृतत्वात्तपोबलात् ।
तैरेकेन शरीरेण भुज्यते कर्मणः फलम् ॥ १३.२२३.४२ ॥
Neither sages nor gods, because of their immortality and the power of austerity, enjoy the fruit of action through that one body.
13.223.43
न तथा मानुषाणां स्यादन्तर्धाय भवेद्धि तत् ॥ १३.२२३.४३ ॥
It is not so for humans; it comes to pass only after the body has passed away.
13.223.44
किमर्थं मानुषा लोके दण्ड्यन्ते पृथिवीश्वरैः ।
कृतापराधमुद्दिश्य हन्ता हर्ताऽयमित्युत ॥ १३.२२३.४४ ॥
Why in the world are men punished by the lords of the earth—singling out the offender who committed a crime, saying 'this one is the slayer, this one is the thief'?
13.223.45
पुत्रार्थी पुत्रकामेष्ट्या इहैव लभते सुतान् ।
तैरेव हि शरीरेण भुञ्जन्ते कर्मणां फलम् ॥ १३.२२३.४५ ॥
One who desires a son obtains sons right here through the putreṣṭi sacrifice; and it is with that very body that people enjoy the fruits of their actions.
13.223.46
दृश्यन्ते मानुषे लोके तद्भवान्नानुमन्यते ।
एतन्मे संशयस्थानं तन्मे त्वं छेत्तुमर्हसि ॥ १३.२२३.४६ ॥
These are seen in the human world, yet you do not accept it. This is the point of my doubt; you ought to resolve it for me.
13.223.47
स्थाने संशयितं देवि तत्त्वं शृणु समाहिता ।
कर्म कर्मफलं चेति युगपद्भुवि नेष्यते ॥ १३.२२३.४७ ॥
Your doubt is rightly raised, O goddess. Listen with attention to the truth: on earth, action and the fruit of action are not held to occur together at once.
13.223.48
ये त्वयाऽभिहिता देवि हन्ता हर्ताऽयमित्यपि ।
तेषां तत्पूर्वकं कर्म दण्ड्यते यत्र राजभिः ॥ १३.२२३.४८ ॥
O goddess, those of whom you said, 'This one is the slayer, this one the taker' — for the action done before by them, where they are punished by kings.
13.223.49
देवि कर्म कृतं चैषां हेतुर्भवति शासने ।
अपराधापरेशेन राजा दण्डयति प्रजाः ॥ १३.२२३.४९ ॥
O goddess, the action they have done becomes the cause in governance; the king, as lord of transgression and of its opposite, punishes the subjects.
13.223.50
इह लोके व्यवस्थार्थं राजभिर्दण्डनं स्मृतम् ।
उद्वेजनार्थं शेषाणामपराधं तमुद्दिशन् ॥ १३.२२३.५० ॥
In this world, punishment by kings is prescribed for the sake of order, pointing to that transgression in order to frighten the rest.
13.223.51
पुराकृतफलं दण्डो दण्ड्यमानस्य तद्ध्रुवम् ।
प्रागेव च मया प्रोक्तं तत्र निःसंशया भव ॥ १३.२२३.५१ ॥
Punishment is the fruit of past deeds, certain for the one being punished. I have already said this before; be free of doubt about it.
13.223.52
भगवन्भुवि मर्त्यानां दण्डितानां नरेश्वरैः ।
दण्डेनैव तु तेनेह पापनाशो भवेन्न वा। ॥ १३.२२३.५२ ॥
O revered lord, for mortals on earth who have been punished by kings — does sin get destroyed here by that very punishment, or not?
13.223.53
एतन्मया संशयितं तद्भवांश्छेत्तुमर्हति ।
स्थाने संशयितं देवि शृणु तत्वं समाहिता ॥ १३.२२३.५३ ॥
This doubt has arisen in me; may you resolve it. (Maheśvara:) O goddess, this doubt is rightly raised; listen to the truth with a concentrated mind.
13.223.54
ये नृपैर्दण्डिता भूमावपराधापदेशतः ।
यमलोके न दण्ड्यन्ते तत्र ते यमदण्डनैः ॥ १३.२२३.५४ ॥
Those punished on earth by kings on the pretext of an offence are not punished again in Yama's world by the punishments of Yama.
13.223.55
अदण्डिता वा ये मिथ्या मिथ्या वा दण्डिता भुवि ।
तान्यमो दण्डयत्येव स हि वेद कृताकृतम्।
नातिक्रमेद्यमं कश्चित्कर्म कृत्वेह मानुषः ॥ १३.२२३.५५ ॥
Those who are unpunished on earth, or falsely punished, Yama surely punishes; for he knows what has been done and what has not. No mortal who has performed action here should transgress Yama.
13.223.56
राजा यमश्च कुर्वाते दण्डमात्रं तु शोभने ।
उभाभ्यां यमराजभ्यां दण्डितोऽदण्डितोपि वा।
पश्चात्कर्मफलं भुङ्क्ते नरके मानुषेषु वा ॥ १३.२२३.५६ ॥
The king and Yama both only inflict punishment, O fair one. Whether punished or unpunished by those two lords of Yama, afterwards a man enjoys the fruit of his action, in hell or among mortals.
13.223.57
नास्ति कर्मफलच्छेत्ता कश्चिल्लोकत्रयेऽपि च ।
इति ते कथितं सर्वं निर्विशङ्का भव प्रिये ॥ १३.२२३.५७ ॥
In the three worlds there is no one who can cut off the fruit of action. I have told you all this; be free from doubt, beloved.
13.223.58
किमर्थं दुष्कृतं कृत्वा मानुषा भुवि नित्यशः ।
पुनस्तत्कर्मनाशाय प्रायश्चित्तानि कुर्वते ॥ १३.२२३.५८ ॥
Why, having repeatedly done evil deeds on earth, do humans then perform expiations to destroy that action?
13.223.59
सर्वपापहरं चेति हयमेधं वदन्ति च ।
प्रायश्चित्तानि चान्यानि पापनाशाय कुर्वते।
तस्मान्मया संशयितं त्वं तच्छेत्तुमिहार्हसि ॥ १३.२२३.५९ ॥
They say the horse sacrifice removes all sin, and people also perform other expiations to destroy sin. Therefore I am in doubt about this; you should resolve it here.
13.223.60
स्थाने संशयितं देवि शृणु तत्वं समाहिता ।
संशयो हि महानेव पूर्वेषां च मनीषिणाम् ॥ १३.२२३.६० ॥
O goddess, this doubt has rightly arisen; listen to the truth with a composed mind. Even for the wise of old this doubt was a great one.
13.223.61
द्विधा तु क्रियते पापं सद्भिश्चासद्भिरेव च ।
अभिसन्धाय वा नित्यमन्यथा वा यदृच्छया ॥ १३.२२३.६१ ॥
Sin is committed in two ways, by good people and by wicked people alike: either with deliberate intent, or otherwise, or by chance.
13.223.62
केवलं चाभिसन्धाय संरम्भाच्च करोति यत् ।
कर्मणस्तस्य नाशस्तु न कथंचन विद्यते ॥ १३.२२३.६२ ॥
For the deed that someone does merely with deliberate intent and out of passion, there is no destruction of that deed in any way.
13.223.63
अभिसन्धिकृतस्यैव नैव नाशोस्ति कर्मणः ।
अश्वमेधसहस्रैश्च प्रायश्चित्तशतैरपि ॥ १३.२२३.६३ ॥
For the deed done with deliberate intent there is indeed no destruction, not even by a thousand horse sacrifices and hundreds of expiations.
13.223.64
अन्यथा यत्कृतं पापं प्रमादाद्वा यदृच्छया ।
प्रायश्चित्ताश्वमेधाब्यां श्रेयसा तत्प्रणश्यति ॥ १३.२२३.६४ ॥
But a sin committed otherwise, through carelessness or by chance, is destroyed auspiciously by expiation and the horse sacrifice.
13.223.65
लोकसंव्यवहारार्थं प्रायश्चित्तादिरिष्यते ।
विद्ध्येवं पापके कार्ये निर्विशङ्का भव प्रिये ॥ १३.२२३.६५ ॥
For the sake of ordinary worldly dealings, expiation and the like are prescribed. Know this, beloved: in a sinful deed too, be free of doubt.
13.223.66
इति ते कथितं देवि भूयः श्रोतुं किमिच्छसि ॥ १३.२२३.६६ ॥
Thus has it been told to you, goddess. What more do you wish to hear?
13.223.67
भगवन्देवदेवेश मानुषाश्चेतरा अपि ।
म्रियन्ते मानुषा लोके कारणाकारणादपि।
केन कर्मविपाकेन तन्मे शंसितुमर्हसि ॥ १३.२२३.६७ ॥
Blessed lord, lord of gods, humans and other beings too die in the world, from a cause and even without a cause. By what result of action is this? You are fit to tell me.
13.223.68
ये पुरा मनुजा देवि कारणाकारणादपि ।
यथाऽसुभिर्वियुज्यन्ते प्राणिनः प्राणिनिर्दर्यः ॥ १३.२२३.६८ ॥
Goddess, those who were formerly men, whether from a cause or even without one, are separated from their life-breaths, cruel toward living beings.
13.223.69
तथैव ते प्राप्नुवन्ति यथैवात्मकृतं फलम् ।
विषदास्तु विषेणैव शस्त्रैः शस्त्रेण घातकाः ॥ १३.२२३.६९ ॥
In the same way they obtain just the fruit of their own deeds. Poisoners perish by poison, and killers by weapons, by weapon alone.
13.223.70
एवमेव यथा लोके मानुषान्घ्नन्ति मानुषाः ।
कारणेनैव तेनाथ तता स्वप्राणनाशनम्।
प्राप्नुवन्ति पुनर्देवि नास्ति तत्र विचारणा ॥ १३.२२३.७० ॥
Just so, in the world, men kill men; and by that very cause they meet the destruction of their own lives. Goddess, there is no doubt about this.
13.223.71
इति ते कथितं सर्वं कर्मपाकफलं प्रिये ।
भूयस्तव समासेन कथयिष्यामि तच्छृणु ॥ १३.२२३.७१ ॥
Thus I have told you all of it, the fruit of the ripening of action, my beloved. Now I shall tell it again in brief; listen.
13.223.72
सत्यप्रमाणकरणान्नित्यमव्यभिचारि च ।
यैः पुरा मनुजैर्देवि यस्मिन्काले यथा कृतम् ॥ १३.२२३.७२ ॥
Because it is made by the authority of truth, it is always unfailing. O goddess, as those people of old did in whatever time, so it was done.
13.223.73
येनैव कारणेनापि कर्म यत्तु शुभाशुभम् ।
तस्मन्काले तथा देवि कारणेनैव तेन तु ॥ १३.२२३.७३ ॥
Whatever good or bad action is done for whatever cause, at that very time, O goddess, by that same cause.
13.223.74
प्राप्नुवन्ति नराः प्रेत्य निःसन्देहं शुभाशुभम् ।
इति सत्यं प्रजानीहि लोके तत्र विधिं प्रति ॥ १३.२२३.७४ ॥
Men, after death, undoubtedly obtain good and bad. Know this as truth, concerning the rule of that world.
13.223.75
कर्मकर्ता नरो भोक्ता स नास्ति दिवि वा भुवि ।
न शक्यं कर्म चाभोक्तुं सदेवासुरमानुषैः ॥ १३.२२३.७५ ॥
The man who does the deed is its enjoyer; there is no other enjoyer of it, in heaven or on earth. Nor is it possible to escape enjoying the deed, even for gods, demons and men.
13.223.76
कर्मणा ग्रथितो लोक आदिप्रभृति वर्तते ।
एतदुद्देशतः प्रोक्तं कर्मपाकफलं प्रति ॥ १३.२२३.७६ ॥
This world is woven together by action and has existed from the beginning. This has been declared in outline, concerning the fruit of the ripening of action.
13.223.77
यदन्यच्च मया नोक्तं यस्मिंस्ते कर्मसङ्ग्रहे ।
बुद्धितर्केण तत्सर्वं तथा वेदितुमर्हसि।
कथितं श्रोतुकामाया भूयः श्रोतुं किमिच्छसि ॥ १३.२२३.७७ ॥
Whatever else I have not told you in this compendium of action, you should know all that by intellect and reasoning. Having been told what you desired to hear, what more do you wish to hear?