マハーバーラタ · 章 18.4
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
18.4.1
ततो युधिष्ठिरो राजा देवैः सर्षिमरुद्गणैः ।
स्तूयमानो ययौ तत्र यत्र ते कुरुपुङ्गवाः ॥ १८.४.१ ॥
そのとき王ユディシュティラは、神々・仙人・マルッ群に讃えられながら、クル族の雄牛たちのいるところへ向かった。
18.4.2
ददर्श तत्र गोविन्दं ब्राह्मेण वपुषाऽन्वितम् ।
तेनैव दृष्टपूर्वेण सादृश्येनैव सूचितम् ॥ १८.४.२ ॥
そこで彼は、ブラフマー的な神の身体をもつゴーヴィンダを見た。以前見たことのある面影によって、それと知られたのである。
18.4.3
दीप्यमानं स्ववपुषा दिव्यैरस्त्रैरुपस्थितम् ।
चक्रप्रभृतिभिर्घोरैर्दिव्यैः पुरुषविग्रहैः ॥ १८.४.३ ॥
自らの身体で輝き、円盤をはじめとする恐ろしい神の武器と、神的な人の姿をした存在に囲まれて立っていた。
18.4.4
उपास्यमानं वीरेण फल्गुनेन सुवर्चसा ।
तथास्वरूपं कौन्तेयो ददर्श मधुसूदनम् ॥ १८.४.४ ॥
英雄で輝かしいパルグナ（アルジュナ）に仕えられながら、そのような姿のマドゥスーダナを、クンティーの息子は見た。
18.4.5
तावुभौ पुरुषव्याघ्रौ समुद्वीक्ष्य युधिष्ठिरम् ।
यथावत्प्रतिपेदाते पूजया देवपूजितौ ॥ १८.४.५ ॥
神々に崇められた二人の人中の虎は、ユディシュティラを見て、作法どおり敬意をもって迎えた。
18.4.6
अपरस्मिन्नथोद्देशे कर्णं शस्त्रभृतां वरम् ।
द्वादशादित्यसहितं ददर्श कुरुनन्दनः ॥ १८.४.६ ॥
さらに別の場所で、クル族の喜びである彼は、武器を持つ者の中で最も優れたカルナが十二のアーディティヤたちと共にいるのを見た。
18.4.7
अथापरस्मिन्नुद्देशे मरुद्गणवृतं विभुम् ।
भीमसेनमथापश्यत्तेनैव वपुषाऽन्वितम् ॥ १८.४.७ ॥
さらに別の場所で、彼はマルトの群れに囲まれた大力のビーマセーナが、同じ身体を具えているのを見た。
18.4.8
वायोर्मूर्तिमतः पार्श्वे दिव्यमूर्तिसमन्वितम् ।
श्रिया परमया युक्तं सिद्धिं परमिकां गतम् ॥ १८.४.८ ॥
具象化したヴァーユのそばに、神聖な姿を備え、至上の輝きに満ち、最高の成就に至った彼がいた。
18.4.9
अश्विनोस्तु तथा स्थाने दीप्यमानौ स्वतेजसा ।
नकुलं सहदेवं च ददर्श कुरुनन्दनः ॥ १८.४.९ ॥
アシュヴィンたちのいた場所で、自らの輝きに燦然と輝くナクラとサハデーヴァを、クルの子孫は見た。
18.4.10
तथा ददर्श पाञ्चालीं कमलोत्पलमालिनीम् ।
वपुषा स्वर्गमाक्रम्य तिष्ठन्तीमर्कवर्चसम् ॥ १८.४.१० ॥
同様に彼は、蓮と青蓮の花環を身に着け、その身体で天界を満たし、太陽のように輝いて立つパーンチャーリーを見た。
18.4.11
तत्रैनां सहसा राजा स्प्रष्टुमैच्छद्युधिष्ठिरः ।
ततोऽस्य भगवानिन्द्रः कथयामास देवराट् ॥ १८.४.११ ॥
そこでユディシュティラ王は突然彼女に触れようと思った。するとバガヴァーン、神々の王インドラが彼に語った。
18.4.12
श्रीरेषा द्रौपदीरूपा त्वदर्थे मानुषं गता ।
अयोनिजा लोककान्ता पुण्यगन्धा युधिष्ठिर ॥ १८.४.१२ ॥
これはまさにシュリーであり、あなたのためにドラウパディーの姿で人間界に来たのです。ユディシュティラよ、胎から生まれず、世界に愛され、功徳の香りに満ちた方です。
18.4.13
रत्यर्थं भवतां ह्येषा निर्मिता शूलपाणिना ।
द्रुपदस्य कुले जाता भवद्भिश्चोपजीविता ॥ १८.४.१३ ॥
この女性は三叉戟を持つ神（シヴァ）が、ひとえにあなた方の喜びのために創造されたものです。ドルパダの家に生まれ、あなた方に享受されました。
18.4.14
एते पञ्च महाभागा गन्धर्वाः पावकप्रभाः ।
द्रौपद्यास्तनया राजन्युष्माकममितौजसः ॥ १८.४.१४ ॥
王よ、この五人は大いなる幸運に恵まれ、火のように輝くガンダルヴァです。ドラウパディーの息子たちであり、あなた方の無限の力を持つ子らです。
18.4.15
पश्य गन्धर्वराजानं धृतराष्ट्रं मनीषिणम् ।
एनं च त्वं विजानीहि भ्रातरं पूर्वजं पितुः ॥ १८.४.१५ ॥
ガンダルヴァの王、賢者ドリタラーシュトラを見よ。そして彼があなたの父の兄であることを知れ。
18.4.16
अयं ते पूर्वजो भ्राता कौन्तेयः पावकद्युतिः ।
सूर्यपुत्रो रथिश्रेष्ठो राधेय इति विश्रुतः।
आदित्यसहितो भाति पश्यैनं पुरुषर्षभम् ॥ १८.४.१६ ॥
これはあなたの兄、火のように輝くクンティーの息子です。太陽の息子、戦車の御者中最も優れた者で、ラーデーヤの名で知られています。太陽とともに輝くこの人中の牡牛を見なさい。
18.4.17
साध्यानामथ देवानां विश्वेषां मरुतामपि ।
गणेषु पश्य राजेन्द्र वृष्णन्धकमहारथान्।
सात्यकिप्रमुखान्वीरान्भोजांश्चैव महाबलान् ॥ १८.४.१७ ॥
王の中の王よ、サーディヤ神群、神々、ヴィシュヴァ神群、マルトの群の中をも見よ。ヴリシュニとアンダカの偉大な戦車戦士たち、サートヤキを筆頭とする英雄たち、そして大力のボージャたちを。
18.4.18
सोमेन सहितं पश्य सौभद्रमपराजितम् ।
अभिमन्युं महेष्वासं निशाकरसमद्युतिम् ॥ १८.४.१८ ॥
ソーマとともにいる、無敵のスバドラーの息子アビマニユを見よ。偉大な弓手で、月のように輝く者だ。
18.4.19
एष पाण्डुर्महेष्वासः कुन्त्या माद्र्या च सङ्गतः ।
विमानेन सदाऽभ्येति पिता तव ममान्तिकम् ॥ १८.४.१९ ॥
この大弓手パーンドゥは、クンティーとマードリーと共に、天車に乗っていつも私のもとへ来る、君の父である。
18.4.20
वसुभिः सहितं पश्य भीष्मं शान्तनवं नृपम् ।
द्रोणं बृहस्पतेः पार्श्वे गुरुमेनं निशामय ॥ १८.४.२० ॥
ヴァス神群と共にいるシャンタヌの子、王ビーシュマを見よ。ブリハスパティの傍らにいるこの師ドローナを注意せよ。
18.4.21
एते चान्ये महीपाला योधास्तव च पाण्डव ।
गन्धर्वसहिता यान्ति यक्षपुण्यजनैस्तथा ॥ १८.४.२१ ॥
パーンドゥの子よ、これらの者と他の王たち、そして君の戦士たちは、ガンダルヴァ、ヤクシャ、プニャジャナを伴って進んでいる。
18.4.22
गुह्यकानां गतिं चापि केचित्प्राप्ता नराधिपाः ।
त्यक्त्वा देहं जितः स्वर्गः पुण्यवाग्बुद्धिकर्मभिः ॥ १८.४.२२ ॥
また、ある王たちはグヒヤカの境地に至った。身体を捨てて、善い言葉・思慮・行為の功徳によって天界が獲得された。