Mahābhārata · Adhyāya 3.191
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
3.191.1
ततः स पुनरेवाथ मार्कण्डेयं तपस्विनम् ।
पप्रच्छ विनयोपेतो धर्मराजो युधिष्ठिरः ॥ ३.१९१.१ ॥
Then again Yudhiṣṭhira, the king of dharma, endowed with humility, asked the ascetic Mārkaṇḍeya.
3.191.2
नैके युगसहस्रान्तास्त्वया दृष्टा महामुने ।
न चापीह समः कश्चिदायुष्मान्दृश्यते तव ॥ ३.१९१.२ ॥
O great sage, you have seen not just a few but thousands of the ends of ages, and here no one seems as long-lived as you.
3.191.3
वर्जयित्वा महात्मानं ब्रह्माणं परमेष्ठिनम् ।
न तेऽस्ति सदृशः कश्चिदायुषा ब्रह्मसत्तम ॥ ३.१९१.३ ॥
Except for the great soul Brahmā, the supreme lord, there is no one equal to you in life-span, best of Brahmins.
3.191.4
अथाऽन्तरिक्षे लोकेऽस्मिन्देवदानववर्जिते ।
त्वमेव प्रलये विप्र ब्रह्माणमुपतिष्ठसे ॥ ३.१९१.४ ॥
Then, in this sky-world empty of gods and demons, it is you alone, O brahmin, who attends upon Brahmā at the time of dissolution.
3.191.5
प्रलये चापि निर्वृत्ते प्रबुद्धे च पितामहे ।
त्वमेकः सृज्यमानानि भूतानीह प्रपश्यसि ॥ ३.१९१.५ ॥
And when the dissolution has ended and the grandfather Brahmā has awakened, you alone behold the beings being created here.
3.191.6
चतुर्विधानि विप्रर्षे यथावत्परमेष्ठिना ।
वायुभूता दिशः कृत्वा विक्षिप्यापस्ततस्ततः ॥ ३.१९१.६ ॥
O brahmin sage, the Supreme Lord duly created the fourfold beings; becoming wind, he made the directions, and then scattered the waters here and there.
3.191.7
त्वया लोकगुरुः साक्षात्सर्वलोकपितामहः ।
आराधितो द्विजश्रेष्ठ तत्परेण समाधिना ॥ ३.१९१.७ ॥
O best of the twice-born, you directly propitiated the teacher of the worlds, the grandfather of all worlds, with fully concentrated absorption.
3.191.8
स्वप्रमाणमथो विप्र त्वया कृतमनेकशः ।
घोरेणाविश्य तपसा वेधसो निर्जितास्त्वया ॥ ३.१९१.८ ॥
O brahmin, by your own authority, many times, entering into fierce austerity, you conquered the Creator.
3.191.9
नारायणाङ्कप्रख्यस्त्वं सांपरायेऽतिपठ्यसे ॥ ३.१९१.९ ॥
You resemble the lap of Nārāyaṇa; in battle you are greatly recited.
3.191.10
भगवाननेकशः कृत्वा त्वया विष्णोश्च विश्वकृत् ।
कर्णिकोद्धरणं दिव्यं ब्रह्मणः कामरूपिणः।
रत्नालंकारयोगाभ्यां दृग्भ्यां दृष्टस्त्वया पुरा ॥ ३.१९१.१० ॥
Blessed one, you have many times lifted up the divine lotus pericarp of Viṣṇu, creator of the universe, and of Brahmā, who takes any form at will; by the union of jewel ornaments you formerly beheld it with your eyes.
3.191.11
तस्मात्तवान्तको मृत्युर्जरा वा देहनाशिनी ।
न त्वां विशति विप्रर्षे प्रसादात्परमेष्ठिनः ॥ ३.१९१.११ ॥
Therefore, O brahmin-sage, by the grace of the Supreme One, neither the ender Death nor destroying old age enters you.
3.191.12
यदा नैव रविर्नाग्निर्न वायुर्न च चन्द्रमाः ।
नैवान्तरिक्षं नैवोर्वी शेषं भवति किंचन ॥ ३.१९१.१२ ॥
When there is neither sun, nor fire, nor wind, nor moon, neither sky nor earth, then nothing whatever remains.
3.191.13
तस्मिन्नेकार्णवे लोके नष्टे स्थावरजङ्गमे ।
नष्टे देवासुरगणे समुत्सन्नमहोरगे ॥ ३.१९१.१३ ॥
In that world become a single ocean, when the immovable and the moving had perished, when the hosts of gods and asuras had perished, and the great serpents were utterly destroyed.
3.191.14
शयानममितात्मानं पद्मे पद्मनिकेतनम् ।
त्वमेकः सर्वभूतेशं ब्रह्माणमुपतिष्ठसि ॥ ३.१९१.१४ ॥
You alone attend upon Brahmā, lying upon the lotus, of boundless self, whose dwelling is the lotus, the lord of all beings.
3.191.15
एतत्प्रत्यक्षतः सर्वं पूर्वं वृत्तं द्विजोत्तम ।
तस्मादिच्छाम्यहं श्रोतुं सर्वांहेत्वात्मिकां कथां ॥ ३.१९१.१५ ॥
O best of twice-born, you have seen all this directly, as it happened long ago. Therefore I wish to hear that story, which is the cause of everything.
3.191.16
अनुभूतं हि बहुशस्त्वयैकेन द्विजोत्तम ।
न तेऽस्त्यविदितं किंचित्सर्वलोकेषु नित्यदा ॥ ३.१९१.१६ ॥
O best of twice-born, you alone have experienced this many times. There is nothing in all the worlds that is ever unknown to you.
3.191.17
हन्त ते कथयिष्यामि नमस्कृत्वा स्वयंभुवे ।
पुरुषाय पुराणाय शाश्वतायाव्ययाय च।
अव्यक्ताय सुसूक्ष्माय निर्गुणाय गुणात्मने ॥ ३.१९१.१७ ॥
Now I shall tell you the story, having bowed to the Self-existent, to the Person, the ancient, the eternal, the imperishable, the unmanifest, the most subtle, the attributeless, the self of the qualities.
3.191.18
य एष पृथुदीर्घाक्षः पीतवासा जनार्दनः ।
एष कर्ता विकर्ता च भूतात्मा भूतकृत्प्रभुः ॥ ३.१९१.१८ ॥
This Janārdana, wide- and long-eyed, clad in yellow — he is the creator and the dissolver, the soul of beings, the maker of beings, the lord.
3.191.19
अचिन्त्यं महदाश्चर्यं पवित्रमिति चोच्यते ।
अनादिनिधनं भूतं विश्वमव्ययमक्षयम् ॥ ३.१९१.१९ ॥
He is said to be unthinkable, a great wonder, and holy; without beginning or end, existent, the universe, imperishable and undecaying.
3.191.20
एष कर्ता न क्रियते कारणं चापि पौरुषे ।
को ह्येनं परुषं वेत्ति देवा अपि न तं पौरषे ॥ ३.१९१.२० ॥
He is the doer, not made by anyone; nor is there a cause for him in human effort. Who knows this Person? Not even the gods know him.
3.191.21
सर्वमाश्चर्यमेवैतन्निर्वृत्तं राजसत्तम ।
आदितो मनुजव्याघ्र कृत्स्नस्य जगतः क्षये ॥ ३.१९१.२१ ॥
O best of kings, all this is indeed a wonder, brought about from the beginning; O tiger among men, so too at the dissolution of the whole world.
3.191.22
चत्वार्याहुः सहस्राणि वर्षाणां तत्कृतं युगम् ।
तस्य तावच्छती सन्ध्या सन्ध्यांशश्च तथाविधः ॥ ३.१९१.२२ ॥
They say the Kṛta age lasts four thousand years; its twilight is as many hundreds of years, and its portion of twilight is likewise.
3.191.23
वीणि वर्षसहस्राणि त्रेतायुगमिहोच्यते ।
तस्य तावच्छती सन्ध्या सन्ध्यांशश्च ततः परं ॥ ३.१९१.२३ ॥
Here the Tretā age is called three thousand years; its twilight is as many hundreds of years, and beyond that its portion of twilight.
3.191.24
तथा वर्षसहस्रे द्वे द्वापरं परिमाणतः ।
तस्यापि द्विशती सन्ध्या सन्ध्यांशश्च तथाविधः ॥ ३.१९१.२४ ॥
Likewise, the Dvāpara age measures two thousand years; its twilight is two hundred years, and its portion of twilight is likewise.
3.191.25
सहस्रमेकं वर्षाणां ततः कलियुगं स्मृतम् ।
तस्य वर्षशतं सन्ध्या सन्ध्यांशश्च ततः परम् ॥ ३.१९१.२५ ॥
Then the Kali age is remembered as one thousand years. Its twilight is one hundred years, and its portion of twilight is likewise beyond that.
3.191.26
सन्ध्यासंध्यांशयोस्तुल्यं प्रमाणमुपधारय ।
क्षीणे कलियुगे चैव प्रवर्तति कृतं युगम् ॥ ३.१९१.२६ ॥
Understand that the measure of the twilight and of its portion is equal. When the Kali age is spent, the Kṛta age comes into being.
3.191.27
एषा द्वादशसाहस्री युगाख्या परिकीर्तिता ।
एतत्सहस्रपर्यन्तमहो ब्राह्ममुदाहृतम् ॥ ३.१९१.२७ ॥
This is proclaimed as the yuga of twelve thousand years. Lasting through a thousand of these, oh, it is declared to be a day of Brahmā.
3.191.28
विश्वं हि ब्रह्मभवने सर्वतः परिवर्तते ।
लोकानां मनुजवन्याघ्र प्रलयं तं विदुर्बुधाः ॥ ३.१९१.२८ ॥
The whole universe revolves on every side in the abode of Brahmā. Tiger among men, the wise know that as the dissolution of the worlds.
3.191.29
अल्पावशिष्टे तु तदा युगान्ते भरतर्षभ ।
सहस्रान्ते नराः सर्वे प्रायशोऽनृतवादिनः ॥ ३.१९१.२९ ॥
Bull of the Bharatas, when little remains at the end of the age, then at the end of the thousand years almost all men become speakers of falsehood.
3.191.30
यज्ञप्रतिनिधिः पार्थ दानप्रतिनिधिस्तथा ।
व्रतप्रतिनिधिश्चैव तस्मिन्काले प्रवर्तते ॥ ३.१९१.३० ॥
Son of Pṛthā, in that time the substitute for sacrifice, the substitute for gift-giving, and likewise the substitute for vows, these alone come into practice.
3.191.31
ब्राह्मणाः शूद्रकर्माणस्तथा शूद्रा धनार्जकाः ।
क्षत्रधर्मेण वाऽप्यत्र वर्तयन्ति युगक्षये ॥ ३.१९१.३१ ॥
Brahmins will do the work of śūdras, and śūdras will become earners of wealth; even by the duty of the warrior they will carry on their livelihood, at the end of the age.
3.191.32
निवृत्तयज्ञस्वाध्याया दण्डाजिनविवर्जिताः ।
ब्राह्मणा सर्वभक्षाश्च भविष्यन्ति कलौ युगे ॥ ३.१९१.३२ ॥
Having abandoned sacrifice and the study of the Veda, deprived of staff and deerskin, the brahmins will become eaters of everything in the Kali age.
3.191.33
अजपा ब्राह्मणास्तात शूद्रा जपपरायणाः ।
विपरीते तदा लोके पूर्वरूपं क्षयस्य तत् ॥ ३.१९१.३३ ॥
Dear one, then brahmins will not recite mantras, while śūdras will be devoted to reciting them; when the world is thus reversed, that is the first sign of decline.
3.191.34
बहवो म्लेच्छराजानः पृथिव्यां मनुजाधिप ।
मृषानुशासिनः पापा मृषावादपरायणाः ॥ ३.१९१.३४ ॥
Many barbarian kings, lord of men, will be on the earth, issuing false commands, sinful and devoted to lying speech.
3.191.35
आन्ध्राः शकाः पुलिन्दाश्च यवनाश्च नराधिपाः ।
काम्भोजा बाह्लिकाः शूराऽऽ भीरस्तथा नरोत्तमा ॥ ३.१९१.३५ ॥
The Āndhras, Śakas, Pulindas and Yavana kings, the Kāmbojas, Bāhlīkas, heroes and Ābhīras, and the best of men too.
3.191.36
न तदा ब्राह्मणः कश्चित्स्वधर्ममुपजीवति ।
क्षत्रियाश्चापि वैश्याश्च विकर्मस्था नराधिप ॥ ३.१९१.३६ ॥
Then no brahmin will live by his own duty; and kshatriyas and vaishyas, lord of men, will also be engaged in forbidden work.
3.191.37
अल्पायुषः स्वल्पबलाः स्वल्पवीर्यपराक्रमाः ।
अल्पसाराल्पदेहाश्च तथा सत्याल्पभाषिणः ॥ ३.१९१.३७ ॥
Short-lived, of little strength, of little valour and prowess, of little substance and small bodies, and speaking little of truth, will men be.
3.191.38
बहुशून्या जनपदा मृगव्यालावृता दिशः ।
युगान्ते समनुप्राप्ते वृथा च ब्रह्मवादिनः ॥ ३.१९१.३८ ॥
When the end of the age has come, the regions will be largely empty, the quarters covered with deer and beasts of prey, and the speakers of the Veda will speak in vain.
3.191.39
भोवादिनस्तथा शूद्रा ब्राह्मणाश्चार्यवादिनः ।
युगान्ते मनुजव्याघ्र भवन्ति बहुजन्तवः ॥ ३.१९१.३९ ॥
O tiger among men, at the end of the age the Śūdras will speak saying 'bho', and the Brahmins will speak saying 'ārya'; there will be many creatures.
3.191.40
न तथा घ्राणयुक्ताश्च सर्वगन्धा विशांपते ।
रसाश्च मनुजव्याघ्र न तथा स्वादुयोगिनः ॥ ३.१९१.४० ॥
Not so will all the fragrances be joined to the nose, O lord of men; nor will the flavours, O tiger among men, be so sweet.
3.191.41
बहुप्रजा ह्रस्वदेहा शीलाचारविवर्जिताः ।
मुखेभगाः स्त्रियो राजन्भविष्यन्ति युगक्षये ॥ ३.१९१.४१ ॥
O king, at the destruction of the age women will have many children, be short of body, be devoid of good conduct and character, and have their faces and private parts exposed.
3.191.42
अट्टशूला जनपदाः शिवशूलाश्चतुष्पथाः ।
केशशूलाः स्त्रियो राजन्भविष्यन्ति युगक्षये ॥ ३.१९१.४२ ॥
O king, at the destruction of the age the regions will have raised towers as stakes, the crossroads will have Śiva's stakes, and women will have hair as stakes.
3.191.43
अल्पक्षीरास्तथा गावो भविष्यन्ति जनाधिप ।
अल्पपुष्पफलाश्चापि पादपा बहुवायसाः ॥ ३.१९१.४३ ॥
O lord of men, likewise the cows will give little milk, and the trees will have few flowers and fruits, with many crows.
3.191.44
ब्रह्मवध्यानुलिप्तानां तथा मिथ्याभिशंसिनाम् ।
नृपाणां पृथिवीपाल प्रतिगृह्णन्ति वै द्विजाः ॥ ३.१९१.४४ ॥
O protector of the earth, brahmins will accept gifts from kings who are smeared with the guilt of killing a brahmin and who make false accusations.
3.191.45
लोभमोहपरीताश्च मिथ्याधर्मध्वजावृताः ।
भिक्षार्थं पृथिवीपाल चञ्चूर्यन्ते द्विजैर्दिशः ॥ ३.१९१.४५ ॥
O protector of the earth, the twice-born, overcome by greed and delusion and covered by the false banners of dharma, will wander the directions in search of alms.
3.191.46
कराभारभयाद्भीता गृहस्थाः परिमोषकाः ।
मुनिच्छद्माकृतिच्छन्ना वाणिज्यमुपभुञ्जते ॥ ३.१९१.४६ ॥
Householders frightened by the fear of the burden of taxes, and plunderers, disguised in the form of ascetics and hidden, pursue trade.
3.191.47
मित्या च नखरोमाणि धारयन्ति तदा द्विजाः ।
अर्थलोभान्नरव्याघ्र वृथा च ब्रह्मचारिणः ॥ ३.१९१.४७ ॥
O tiger among men, then the twice-born will keep nails and hair; out of greed for wealth, they will pretend in vain to be celibate students.
3.191.48
आश्रमेषु वृथाचार पारपा गुरुतल्पगाः ।
ऐहलौकिकमीहन्ते मांसशोणितवर्धनम् ॥ ३.१९१.४८ ॥
In the hermitages, men of empty conduct who go to their teacher's wife's bed desire worldly things that increase flesh and blood.
3.191.49
पारलौकिककार्येषु प्रमत्ता भृशनास्तिकाः ।
बहुपाषण्डसंकीर्णाः परान्नगुणवादिनः।
आश्रमा मनुजव्याघ्र न भवन्ति युगक्षये ॥ ३.१९१.४९ ॥
Heedless in matters of the next world, utterly unbelieving, mixed with many heretical sects, praising the virtues of another's food — o tiger among men, at the end of the age the stages of life do not exist.
3.191.50
यथर्तुवर्षी भगवान्न तथा पाकशासनः ।
न चापि सर्वभीजानि सम्यग्रोहन्ति भारत ॥ ३.१९१.५० ॥
Not as the blessed Pākaśāsana (Indra) once rained in due season, and not all seeds sprout properly, o Bhārata.
3.191.51
फलं धर्मस्य राजेन्द्र सर्वत्र परिहीयते ।
हिंसाभिरामश्च जनस्तथा संपद्यतेऽशुचिः।
अधर्मफलमत्यर्थं तदा भवति चानघ ॥ ३.१९१.५१ ॥
The fruit of dharma, o lord of kings, diminishes everywhere; people delight in violence and become impure; and then, o sinless one, the fruit of adharma grows exceedingly.
3.191.52
तदा च पृथिवीपाल यो भवेद्धर्मसंयुतः ।
अल्पायुः स हि मन्तव्यो न हि धर्मोस्ति कश्चन ॥ ३.१९१.५२ ॥
And then, o protector of the earth, one who is endowed with dharma should be regarded as short-lived; indeed no dharma remains at all.
3.191.53
भूयिष्ठं कूटमानैश्च पण्यं विक्रीणते जनाः ।
वणिजश्च नरव्याघ्र बहुमाया भवन्त्युत ॥ ३.१९१.५३ ॥
People for the most part sell their goods with false measures, and merchants too, o tiger among men, become full of deceit.
3.191.54
धर्मिष्ठाः परिहीयन्ते पापीयान्वर्धते जनः ।
धर्मस्य बलहानिः स्यादधर्मश्च बलायते ॥ ३.१९१.५४ ॥
The righteous decline while the sinful multiply; the strength of dharma is lost, and adharma grows strong.
3.191.55
अल्पायुषो दरिद्राश्च धर्मिष्ठा मानवास्तथा ।
दीर्घायुषः समृद्धाश्च विधर्माणो युगक्षये ॥ ३.१९१.५५ ॥
At the end of the age, righteous men will be short-lived and poor, while unrighteous men will be long-lived and prosperous.
3.191.56
नगराणआं विहारेषु विधर्माणो युगक्षये ।
अधर्मिष्ठैरुपायैश् प्रजा व्यवहरन्त्युत ॥ ३.१९१.५६ ॥
At the end of the age, unrighteous men will dwell in the pleasure-grounds of the cities, and the people will conduct their affairs by unrighteous means.
3.191.57
संचयेन तथाऽल्पेन भवन्त्याढ्यमदान्विताः ।
धनं विश्वासतो न्यस्तं मिथो भूयिष्ठशो नराः ॥ ३.१९१.५७ ॥
Even with little savings, men will be filled with the pride of wealth, and for the most part people will seize, one from another, the wealth entrusted to them in faith.
3.191.58
हर्तुं व्यवसिता राजन्पापाचारसमनविताः ।
नैतदस्तीति मनुजा वर्तन्ते निरपत्रपाः ॥ ३.१९१.५८ ॥
O king, men endowed with wicked conduct will resolve to seize wealth, and shamelessly they will say, "This does not exist."
3.191.59
पुरुषादानि सत्वानि पक्षिणोऽथ मृगास्तथा ।
नगराणां विहारेषु चैत्येष्वपि च शेरते ॥ ३.१९१.५९ ॥
Man-eating creatures, birds, and deer will lie down even in the pleasure-grounds of the cities and in the shrines.
3.191.60
सप्तवर्षाष्टवर्षाश्च स्त्रियो गर्भधरा नृप ।
दशद्वादशवर्षाणां पुंसां पुत्रः प्रजायते ॥ ३.१९१.६० ॥
O king, women of seven or eight years will bear children in the womb, and sons will be born to men of ten or twelve years.
3.191.61
भवन्ति षोडशे वर्षे नराः पलितिनस्तथा ।
आयुःक्षयो मनुष्याणां क्षिप्रमेव प्रपद्यते ॥ ३.१९१.६१ ॥
In the sixteenth year men become grey-haired, and the decline of human life comes upon them quickly.
3.191.62
क्षीणायुषो महाराज तरुणा वृद्धशीलिनः ।
तरुणानां च यच्छीलं तद्वृद्धेषु प्रजायते ॥ ३.१९१.६२ ॥
O great king, those whose life is diminished, though young, take on the habits of the old; and the conduct of the young arises among the old.
3.191.63
विपरीतास्तदा नार्यो वञ्चयित्वाऽर्हतः पतीन् ।
व्युच्चरन्त्यपि दुःशीला दासैः पशुभिरेव च ॥ ३.१९१.६३ ॥
Then women will become perverted; having deceived their worthy husbands, the ill-natured wives will roam even with servants and with beasts.
3.191.64
वीरपत्न्यस्तथा नार्यः संश्रयन्ति नरान्नृप ।
भर्तारमपि जीवन्तमन्यान्व्यभिचरन्त्युत ॥ ३.१९१.६४ ॥
O king, likewise the wives of heroes will resort to men, and even while their husbands are living they will commit adultery with others.
3.191.65
तस्मिन्युगसहस्रान्ते संप्राप्ते चायुषः क्षये ।
अनावृष्टिर्महाराज जायते बहुवार्षिकी ॥ ३.१९१.६५ ॥
O great king, at the end of that thousand yugas, when the time of the decline of life has arrived, a drought lasting many years arises.
3.191.66
ततस्तान्यल्पसाराणि सत्वानि क्षुधितानि वै ।
प्रलयं यान्ति भूयिष्ठं पृथिव्यां पृथिवीपते ॥ ३.१९१.६६ ॥
Then those creatures of little strength, tormented by hunger, O lord of the earth, for the most part meet their dissolution upon the earth.
3.191.67
ततो दिनकरैर्दीप्तैः सप्तभिर्मनुजाधिप ।
पीयते सलिलं सर्वं समुद्रेषु सरित्सु च ॥ ३.१९१.६७ ॥
O lord of men, then by the seven blazing suns all the water in the oceans and rivers is drunk up.
3.191.68
यच्च रकाष्ठं तृणं चापि शुष्कं चार्द्रं च भारत ।
सर्वं तद्भस्मसाद्भूतं दृश्यते भरतर्षभ ॥ ३.१९१.६८ ॥
O Bhārata, whatever is wood or grass, dry or moist, all of it is seen turned to ash, O bull of the Bharatas.
3.191.69
ततः संवर्तको वह्निर्वायुना सह भारत ।
लोकमाविशते पूर्वमादित्यैरुपशोषितम् ॥ ३.१९१.६९ ॥
Then, O Bhārata, the destroying fire together with the wind enters the world, first dried up by the suns.
3.191.70
ततः स पृथिवीं भित्त्वा प्रविश्य च रसातलम् ।
रदेवदानवयक्षाणां भयं जनयते महत् ॥ ३.१९१.७० ॥
Then it splits the earth, enters the netherworld Rasātala, and produces great fear among gods, dānavas and yakṣas.
3.191.71
निरदहन्नागलोकं च यच्च किंचित्क्षिताविह ।
अधस्तात्पृथिवीपाल सर्वं नाशयते क्षणात् ॥ ३.१९१.७१ ॥
It burns completely the world of the nāgas and whatever exists on the earth here or below; O protector of the earth, in an instant it destroys everything.
3.191.72
ततो योजनविंशानां सहस्राणि शतानि च ।
निर्दहत्यशिवो वायुः स च संवर्तकोऽनलः ॥ ३.१९१.७२ ॥
Then, for thousands and hundreds of twenty yojanas, the inauspicious wind and that destroying fire burn everything up.
3.191.73
सदेवासुरगन्धर्वं सयक्षोरगराक्षसम् ।
ततो दहति दीप्तः स सर्वमेव जगद्विभुः ॥ ३.१९१.७३ ॥
Together with gods, asuras, gandharvas, yakṣas, serpents and rākṣasas, the blazing lord then burns up the entire world.
3.191.74
ततो गजकुलप्रख्यास्तजिन्मालाविभूषिताः ।
उत्तिष्ठन्ति महामेघा नभस्यद्भुतदर्शनाः ॥ ३.१९१.७४ ॥
Then great clouds, like herds of elephants, adorned with garlands of lightning and of wondrous appearance, rise up in the sky.
3.191.75
केचिन्नीलोत्पलश्यामाः केचित्कुमुदसन्निभाः ।
केचित्किञ्जल्कसंकाशाः केचित्पीताः पयोधराः ॥ ३.१९१.७५ ॥
Some are dark like blue lotuses, some are like water-lilies, some like the pollen of the lotus, and some are yellow water-bearing clouds.
3.191.76
केचिद्धारिद्रसंकाशाः कारण्डवनिभास्तथा ।
केचित्कमलपत्राभाः केचिद्धिङ्गुलसप्रभाः ॥ ३.१९१.७६ ॥
Some are the colour of turmeric, some like the kāraṇḍava duck, some with the sheen of lotus petals, and some bright like vermilion.
3.191.77
केचित्पुरवराकाराः केचिद्गजकुलोपमाः ।
केचिदञ्जनसंकाशाः केचिन्मकरसन्निभाः ॥ ३.१९१.७७ ॥
Some are shaped like excellent cities, some like herds of elephants, some like collyrium, and some like sea-monsters.
3.191.78
विद्युन्मालापिनद्धाङ्गाः समुत्तिष्ठन्ति वै घनाः ।
घोररूपा महाराज घोरस्वननिनादिताः ॥ ३.१९१.७८ ॥
Dense clouds, their limbs wrapped in garlands of lightning, rise up. O great king, they are of terrible form and roar with dreadful thunder.
3.191.79
ततो जलघराः सर्वं व्याप्नुवनति नभस्तलम् ।
गर्जन्तः पृथिवीपाल पृथिवीधरसन्निभाः ॥ ३.१९१.७९ ॥
Then the water-bearing clouds covered the whole vault of the sky, thundering, O protector of the earth, like mountains that hold up the earth.
3.191.80
तैरियं पृथिवी सर्वा सपर्वतवनाकरा ।
आपूर्यते महाराज सलिलौघपरिप्लुता ॥ ३.१९१.८० ॥
By them this entire earth, with its mountains, forests and mines, was filled and flooded by a torrent of water, O great king.
3.191.81
ततस्ते जलदा घोरा राविणः पुरुषर्षभ ।
पर्वतान्प्लावयन्त्याशु चोदिताः परमेष्ठिना ॥ ३.१९१.८१ ॥
Then those terrible, roaring clouds, O bull among men, impelled by the Supreme Lord, swiftly began to flood the mountains.
3.191.82
वर्षमाणा महत्तोयं पूरयन्तो वसुंधराम् ।
सुघोरमशिवं रौद्रं नाशयनति च पावकम् ॥ ३.१९१.८२ ॥
Raining down a great flood and filling the earth, in their most dreadful, inauspicious and fierce form, they quenched even the fire.
3.191.83
ततो द्वादशवर्षाणि पयोदास्त उपप्लवे ।
धाराभिः पूरयन्तो वै चोद्यमाना महात्मना ॥ ३.१९१.८३ ॥
Then, in that cataclysm, those clouds, impelled by the great-souled one, kept filling the earth with their streams for twelve years.
3.191.84
ततः समुद्रः स्वां वेलामतिक्रामति भारत ।
पर्वताश्च विदीर्यन्ते मही चापि विदीर्यते ॥ ३.१९१.८४ ॥
Then, O Bhārata, the ocean overstepped its own shore; the mountains were split apart, and the earth too was split open.
3.191.85
सर्वतः सहसा भ्रान्तास्ते पयोदा नभस्तलम् ।
संवेष्टयित्वा नश्यन्ति वायुवेगपराहताः ॥ ३.१९१.८५ ॥
Suddenly bewildered on all sides, those clouds encircle the sky and perish, struck down by the force of the wind.
3.191.86
कततस्तं मारुतं घोरं स्वयंभूर्मनुजाधिप ।
आदिः पद्मालयो देवः पीत्वा स्वपिति भारत ॥ ३.१९१.८६ ॥
O lord of men, having drunk up that terrible wind, the self-existent primal god who dwells on the lotus sleeps, O Bhārata.
3.191.87
तस्मिन्नेकार्णवे घोरे नष्टे स्थावरजङ्गमे ।
नष्टे देवासुरगणए यक्षराक्षसवर्जिते ॥ ३.१९१.८७ ॥
In that terrible single ocean, when the immobile and the mobile had perished, the hosts of gods and asuras had perished, devoid of yakṣas and rākṣasas.
3.191.88
निर्मनुष्ये महीपाल निःश्वापदमहीरुहे ।
अनन्तरिक्षे लोकेऽस्मिन्भ्रमाम्येकोऽहमातुरः ॥ ३.१९१.८८ ॥
O protector of the earth, in this world without men, without beasts and trees, without even open sky, I alone wander, distressed.
3.191.89
एकार्णवे जले घोरे विचरन्पार्थिवोत्तम ।
अपश्यन्सर्वभूतानि वैक्लब्यमगमं ततः ॥ ३.१९१.८९ ॥
O best of kings, wandering in the water of that terrible single ocean and seeing no creature at all, then I fell into despondency.
3.191.90
ततः सुदीर्घं गत्वाऽहं प्लवमानो धराधिप ।
श्रान्तः क्वचिन्न शरणं लब्धवानस्म्यतन्द्रितः ॥ ३.१९१.९० ॥
Then, O lord of the earth, having gone very far swimming, weary, I found no refuge anywhere, though I was untiring.
3.191.91
ततः कदाचित्पश्यामि तस्मिन्सलिलसंनिघौ ।
न्यग्रोधं सुमहान्तं वै विशालं पृथिवीपते ॥ ३.१९१.९१ ॥
Then at some time I saw, near that water, a very great and vast banyan tree, O lord of the earth.
3.191.92
शाखायां तस्य वृक्षस्य विस्तीर्णायां नराधिप ।
पर्यङ्के पृथिवीपाल दिव्यास्तरणसंस्तृते ॥ ३.१९१.९२ ॥
On a branch of that tree, spread wide, O lord of men, O protector of the earth, on a couch spread with divine coverings.
3.191.93
उपविष्टं महाराज पद्मेन्दुसदृशाननम् ।
फुल्लपद्मविशालाक्षं बालं पश्यामि भारत ॥ ३.१९१.९३ ॥
O great king, O Bhārata, I saw a child seated, with a face like a lotus and the moon, with wide eyes like blooming lotuses.
3.191.94
ततो मे पृतिवीपाल विस्मयः सुमहाभूत् ।
कथं त्वयं शिशुः शेते लोके नाशमुपागते ॥ ३.१९१.९४ ॥
Then, O protector of the earth, I was greatly astonished: how does this child sleep when the world has come to destruction?
3.191.95
तपसा चिन्तयंश्चापि तं शिशुं नोपलक्षये ।
भूतं भव्यं भविष्यं च जानन्नपि नराधिप ॥ ३.१९१.९५ ॥
Though I pondered it through austerity, I could not perceive that child, O lord of men, though I know the past, the future and the present.
3.191.96
अतसीपुष्पवर्णाभः श्रीवत्सकृतभूषणः ।
साक्षाल्लक्ष्म्या इवावास स तदा प्रतिभाति मे ॥ ३.१९१.९६ ॥
Shining with the hue of flax flowers, adorned with the Śrīvatsa mark, he then appeared to me as the very abode of Lakṣmī herself.
3.191.97
ततो मामब्रवीद्बालः स पद्मनिभलोचनः ।
श्रीवत्सधारी द्युतिमान्वाक्यं श्रुतिसुखावहम् ॥ ३.१९१.९७ ॥
Then that boy, lotus-petal-eyed, bearing the Śrīvatsa mark and radiant, spoke to me words pleasing to hear.
3.191.98
जानामि त्वां परिश्रान्तं तात विश्रामकाङ्क्षिणम् ।
मार्कण्डेय महासत्वं यावदिच्छसि भार्गव ॥ ३.१९१.९८ ॥
Dear one, I know you are exhausted and desire rest. Mārkaṇḍeya, great-souled descendant of Bhṛgu, rest as long as you wish.
3.191.99
अभ्यन्तरं शरीरं मे प्रविश्य मुनिसत्तम ।
आस्खेह विहितो वासः प्रसादस्ते कृतो मया ॥ ३.१९१.९९ ॥
Best of sages, having entered my inner body, a dwelling has been appointed for you here; I have granted you this favour.
3.191.100
ततो बालेन तेनैव मुक्तस्यासीत्तदा मम ।
निर्वेदो जीविते दीर्घे मनुष्यत्वे च भारत ॥ ३.१९१.१०० ॥
Then, released by that very boy, O Bhārata, I felt weariness with long life and with human existence.
3.191.101
ततो बालेन तेनास्यं सहसा विवृतं कृतम् ।
तस्याहमवशो वक्रे दैवयोगात्प्रवेशितः ॥ ३.१९१.१०१ ॥
Then that boy suddenly opened his mouth, and by the power of destiny I, helpless, was made to enter his mouth.
3.191.102
ततः प्रविष्टस्तत्कुक्षिं सहसा मनुजाधिप ।
सराष्ट्रनगराकीर्णां कृत्स्नां पश्यामि मेदिनीम् ॥ ३.१९१.१०२ ॥
Then, O lord of men, suddenly entering his belly, I saw the entire earth, filled with realms and cities.
3.191.103
गङ्गां शतद्रुं सीतां च यमुनामथ कौशिकीम् ।
चर्मण्वतींवेत्रवतीं चन्द्रभागां सरस्वतीम् ॥ ३.१९१.१०३ ॥
The Gaṅgā, the Śatadru, the Sītā and the Yamunā, then the Kauśikī, the Carmaṇvatī, the Vetravatī, the Candrabhāgā and the Sarasvatī.
3.191.104
सिन्धुं चैव विपाशां च नदीं गोदावरीमपि ।
वस्वोकसारां नलिनीं नर्मदां चैव भारत ॥ ३.१९१.१०४ ॥
The Sindhu and the Vipāśā river, the Godāvarī also, the Vasvokasārā, the Nalinī and the Narmadā, O Bhārata.
3.191.105
नदीं ताम्रां च वेणां च पुण्यतोयां शुभावहाम् ।
सुवेणां कृष्णवेणां च इरामां च महानदीम् ॥ ३.१९१.१०५ ॥
The Tāmrā river and the Veṇā, rivers holy in their waters and bringing good fortune, the Suveṇā, the Kṛṣṇaveṇā, and the great river Irāmā.
3.191.106
वितस्तां च महाराज कावेरीं च महानदीम् ।
तुङ्गभद्रां कृष्णवेणीं कमलां च महानदीम्।
शोणं च पुरुषव्याघ्र विशल्यां किंपुनामपि ॥ ३.१९१.१०६ ॥
The Vitastā, O great king, the great river Kāverī, the Tuṅgabhadrā, the Kṛṣṇaveṇī, the great river Kamalā, O tiger among men, the Śoṇa, the Viśalyā and the Kiṃpunā as well.
3.191.107
एताश्चान्याश्च नद्योऽहं पृथिव्यां या नरोत्तम ।
परिक्रामन्प्रपश्यामि तस्य कुक्षौ महात्मनः ॥ ३.१९१.१०७ ॥
These and the other rivers that are on the earth, O best of men, I see as I go around within the belly of that great-souled one.
3.191.108
ततः समुद्रं पश्मामि यादोगणनिषेवितम् ।
रत्नाकरममित्रघ्न पयसोनिधिमुत्तमम् ॥ ३.१९१.१०८ ॥
Then I see the ocean, frequented by hosts of aquatic creatures, the mine of jewels, O slayer of foes, the supreme reservoir of waters.
3.191.109
ततः पश्यामि गगनं चन्द्रसूर्यविराजितम् ।
जाज्वल्यमानं तेजोभिः पावकार्कसमप्रभम् ॥ ३.१९१.१०९ ॥
Then I see the sky, adorned with moon and sun, blazing with its brilliance, with a radiance equal to fire and the sun.
3.191.110
पश्यामि च महीं राजन्काननैरुपशोभिताम् ।
सपर्वतवनद्वीपां निम्नगाशतसंकुलाम् ॥ ३.१९१.११० ॥
And I see the earth, O king, adorned with forests, with mountains, woods and islands, thronged with hundreds of rivers.
3.191.111
यजन्ते हि ततो राजन्ब्राह्मणा बहुभिर्मखैः ।
क्षत्रियाश् प्रवर्तन्ते सर्ववर्णानुरञ्जनैः ॥ ३.१९१.१११ ॥
Then, O king, the brahmins sacrifice with many rites, and the kṣatriyas carry on, pleasing all the social orders.
3.191.112
वैश्याः कृषिं यथान्यायं कारयन्ति नराधिप ।
शुश्रूषायां च निरता द्विजानां वृषलास्तथा ॥ ३.१९१.११२ ॥
The vaiśyas rightly have agriculture carried out, O lord of men; and the śūdras, likewise, are devoted to the service of the twice-born.
3.191.113
ततः परिपतन्राजंस्तस्य कुक्षौ महात्मनः ।
हिमवन्तं च पश्यामि हेमकूटं च पर्वतम् ॥ ३.१९१.११३ ॥
Then, O king, falling about within the belly of that great soul, I see the Himālaya and also the mountain Hemakūṭa.
3.191.114
निषधं चापि पश्यामि श्वेतं च रजतान्वितम् ।
पश्यामि च महीपाल पर्वतं गन्धमादनम् ॥ ३.१९१.११४ ॥
I also see Niṣadha, and the white mountain possessing silver; and I see, O protector of the earth, the mountain Gandhamādana.
3.191.115
मन्दरं मनुजव्याघ्र नीलं चापि महागिरिम् ।
पश्यामि च महाराज मेरु कनकपर्वतम् ॥ ३.१९१.११५ ॥
O tiger among men, I see Mandara and also the blue great mountain. O great king, I see Meru, the golden mountain.
3.191.116
महेन्द्रं चैव पश्यामि विन्ध्यं च गिरिमुत्तमम् ।
मलयं चापि पश्यामि पारियात्रं च पर्वतम् ॥ ३.१९१.११६ ॥
I see Mahendra, and also the excellent mountain Vindhya. I also see Malaya, and the mountain Pāriyātra.
3.191.117
एते चान्ये च बहवो यावन्तः पृथिवीधराः ।
तस्योदरे मया दृष्टाः सर्वे रत्नविभूषिताः ॥ ३.१९१.११७ ॥
These and many other earth-bearing mountains, all adorned with jewels, I saw within his belly.
3.191.118
सिंहान्व्याघ्रान्वराहांश्च पश्यामि मनुजाधिप ।
पृथिव्यां यानि चान्यानि सत्त्वानि जगतीपते।
तानि सर्वाण्यहं तत्र पश्यन्पर्यचरं तदा ॥ ३.१९१.११८ ॥
O lord of men, I see lions, tigers and boars. O lord of the world, all the other creatures that are on the earth—seeing them all there, I then wandered about.
3.191.119
कुक्षौ तस् नरव्याघ्र प्रविष्टः संचरन्दिशः ।
शक्रादींश्चापि पश्यामि कृत्स्नान्देवगणानहम् ॥ ३.१९१.११९ ॥
O tiger among men, having entered his belly and wandering through the directions, I see Indra and the others, and I see all the multitudes of gods.
3.191.120
साध्यान्रुद्रांस्तथाऽऽदित्यान्गुह्यकान्पितरस्तथा ।
सर्पान्नागान्सुपर्णांश्च वसूनप्यश्विनावपि ॥ ३.१९१.१२० ॥
The Sādhyas, the Rudras, likewise the Ādityas, the Guhyakas and the Fathers; likewise the serpents, the nāgas, the Suparṇas, the Vasus, and also the two Aśvins.
3.191.121
गन्धर्वाप्सरसो यक्षानृषींश्चैव महीपते ।
दैत्यदानवसङ्घांश्च नागांश्च मनुजाधिप ॥ ३.१९१.१२१ ॥
O lord of the earth, the Gandharvas, the Apsarases, the Yakṣas, the sages, the hosts of Daityas and Dānavas, and the Nāgas, O lord of men.
3.191.122
सिंहिकातनयांश्चापि ये चान्ये सुरशत्रवः ।
यच्च किंचिन्मया लोके दृष्टं स्थावरजङ्गमम् ॥ ३.१९१.१२२ ॥
The sons of Siṃhikā and the other enemies of the gods, and whatever moving or unmoving thing I have seen in the world.
3.191.123
सर्वं पश्याम्यहं राजंस्तस्य कुक्षौ महात्मनः ।
त्वरमाणः फलाहारः कृत्स्नं जगदिदं विभो ॥ ३.१९१.१२३ ॥
O king, I see all of this entire world within the belly of that great-souled one, O mighty lord, while hastening as a fruit-eater.
3.191.124
अन्तःशरीरे तस्याहं वर्षाणामधिकं शतम् ।
न च पश्यामि यस्याहं देहस्यान्तं कदाचन ॥ ३.१९१.१२४ ॥
Within his body I dwelt for more than a hundred years, yet I never saw the end of that body.
3.191.125
सततं धावमानश्च चिन्तयानो विशांपते ।
भ्रमंस्तत्र महीपाल यदा वर्षगणान्बहून्।
आसादयामि नैवान्तं तस्य राजन्महात्मनः ॥ ३.१९१.१२५ ॥
Ceaselessly running and pondering, O lord of men, O protector of the earth, I wandered there; though many multitudes of years passed, O king, I could not reach the end of that great-souled one.
3.191.126
ततस्तमेव शरणं गतोस्मि विधिवत्तदा ।
वरेण्यं वरदं देवं मनसा कर्मणैव च ॥ ३.१९१.१२६ ॥
Then I took refuge in him alone, according to rule, that most excellent god, the giver of boons, in mind and in deed alike.
3.191.127
ततोऽहं सहसा राजन्वायुवेगेन निःसृतः ।
महात्मनो मुखात्तस्य विवृतात्पुरुषोत्तम ॥ ३.१९१.१२७ ॥
Then, O king, suddenly with the speed of the wind I emerged from the opened mouth of that great-souled one, O best of men.
3.191.128
ततस्तस्यैव शाखायां न्यग्रोधस्य विशांपते ।
आस्ते मनुजशार्दूल कृत्स्नमादाय वै जगत् ॥ ३.१९१.१२८ ॥
Then, on that very branch of the banyan tree, O lord of the people, O tiger among men, he sits, holding the entire world.
3.191.129
ते नैव बालवेषेण श्रीवत्सकृतलक्षणम् ।
आसीनं तं नरव्याघ्र पश्याम्यमिततेजसम् ॥ ३.१९१.१२९ ॥
O tiger among men, I see him, in the form of a child marked with the Śrīvatsa sign, seated, of immeasurable splendour.
3.191.130
ततो मामब्रवीद्बालः स प्रीतः प्रहसन्निव ।
श्रीवत्सधारी द्युतिमान्पीतवासा महाद्युतिः ॥ ३.१९१.१३० ॥
Then that child, pleased and as if laughing, spoke to me — he who bears the Śrīvatsa mark, radiant, clad in yellow, of great brilliance.
3.191.131
अपीदानीं शरीरेऽस्मिन्मामके मुनिसत्तम ।
उषितस्त्वं परिश्रान्तो मार्कण्डेय ब्रवीहि मे ॥ ३.१९१.१३१ ॥
O best of sages, have you perhaps grown weary, having dwelt in this body of mine? Tell me, O Mārkaṇḍeya.
3.191.132
मुहूर्तादथ मे दृष्टिः प्रादुर्भूता पुनर्नवा ।
मायानिर्मुक्तमात्मनमपश्यं लब्धचेतसम् ॥ ३.१९१.१३२ ॥
Then after a moment my sight appeared renewed, and I saw myself, freed from illusion, with my consciousness regained.
3.191.133
तस्य ताम्रतलौ तात चरणौ सुप्रतिष्ठितौ ।
सुजातौ मृदुरक्ताभिरङ्गुलीभिर्विराजितौ ॥ ३.१९१.१३३ ॥
His feet, dear one, copper-soled and firmly set, well-formed and shining with soft reddish toes.
3.191.134
प्रयत्नेन मया मूर्ध्ना गृहीत्वा ह्यभिवनदितौ ।
दृष्ट्वाऽपरिमितं तस् प्रभावममितौजसः ॥ ३.१९१.१३४ ॥
With effort I seized them with my head and reverently saluted them, and I saw the immeasurable power of the boundless-might one.
3.191.135
विनयेनाञ्जलिं कृत्वाप्रयत्नेनोपगम्य ह ।
दृष्टो मया स भूतात्मा देवः कमललोचनः ॥ ३.१९१.१३५ ॥
Folding my hands in humility, I approached him without effort, and saw him — the soul of all beings, the god with lotus eyes.
3.191.136
तमहं प्राञ्जलिर्भूत्वा नमस्कृत्येदमब्रवम् ।
ज्ञातुमिच्छामि देव त्वां मायां चैतां तवोत्तमाम् ॥ ३.१९१.१३६ ॥
With folded palms I bowed to him and said: 'O god, I wish to know you, and this supreme illusion of yours.'
3.191.137
आस्येनानुप्रविष्टोऽहं शरीरे भगवंस्तव ।
दृष्टवानखिलाँल्लोकान्समस्तान्जठरे हि ते ॥ ३.१९१.१३७ ॥
O blessed one, I entered your body through your mouth, and in your belly I saw all the worlds, entire.
3.191.138
तव देव शरीरस्था देवदानवराक्षसाः ।
यक्षगन्धर्वनागाश्च जगत्स्थावरजङ्गमम् ॥ ३.१९१.१३८ ॥
O god, dwelling within your body were the gods, the dānavas, the rākṣasas, the yakṣas, the gandharvas and the nāgas, and the world of the unmoving and the moving.
3.191.139
त्वत्प्रसादाच्च मे देव स्मृतिर्न परिहीयते ।
द्रुतमन्तःशरीरे ते सततं परिवर्तिनः ॥ ३.१९१.१३९ ॥
O god, by your grace my memory does not fail. Those who constantly move within your body quickly appeared.
3.191.140
निर्गतोऽहमकामस्तु इच्छया ते महाप्रभो ।
यतिष्ये पुण्डरीकाक्ष ज्ञातुं त्वाऽहमनिन्दितं ॥ ३.१९१.१४० ॥
O great lord, by your will I went forth without desire. O lotus-eyed one, I shall strive to know that blameless one.
3.191.141
इह भूत्वा शिशुः साक्षात्किं भवानवतिष्ठते ।
पीत्वा जगदिदं सर्वमेतदाख्यातुमर्हसि ॥ ३.१९१.१४१ ॥
Why do you remain here, directly become an infant? Having drunk in this entire world, you are worthy to tell me all of this.
3.191.142
किमर्थं च जगत्सर्वं शरीरस्थं तवानघ ।
कियन्तं च त्वया कालमिह स्थेयमरिंदम ॥ ३.१९१.१४२ ॥
O sinless one, for what purpose is this entire world dwelling in your body? And O subduer of foes, how long will you remain here?
3.191.143
एतदिच्छामि देवेश श्रोतुं ब्राह्मणकाम्यया ।
त्वत्तः कमलपत्राक्षं विस्तरेण यथातथम्।
महद्ध्येतदचिन्त्यं च यदहं दृष्टवान्प्रभो ॥ ३.१९१.१४३ ॥
O lord of gods, out of a brahmin's wish I desire to hear this from you in detail and just as it is, O lotus-petal-eyed one. O lord, what I have seen is great and inconceivable.
3.191.144
इत्युक्तः स मया श्रीमान्देवदेवो महाद्युतिः ।
सान्त्वयन्मामिदं वाक्यमुवाच वदतांवरः ॥ ३.१९१.१४४ ॥
When I had spoken thus, that glorious god of gods, of great splendour, best of speakers, consoling me, spoke these words.