マハーバーラタ · 章 3.74
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
3.74.1
सर्वं विकारं दृष्ट्वा तु पुण्यश्लोकस्य धीमतः ।
आगत्य केशिनी क्षिप्रं दमयन्त्यै न्यवेदयत् ॥ ३.७४.१ ॥
聖なる名声の賢者ナラのあらゆる変化を見届けたケーシニーは、急いで戻りダマヤンティーに報告した。
3.74.2
दमयन्ती ततो भूयः प्रेषयामास केशिनीम् ।
मातुः सकाशं दुःखार्ता नलशङ्कासमुत्सुका ॥ ३.७४.२ ॥
ダマヤンティーは悲しみに沈み、ナラへの疑いに心急かれて、再びケーシニーを母のもとへ遣わした。
3.74.3
परीक्षितो मे बहुशो बाहुको नलशङ्कया ।
रूपे मे संशयस्त्वेकः स्वयमिच्छमि वेदितुम् ॥ ३.७४.३ ॥
ナラではないかという疑いから、私はバーフカを幾度も試してきました。その姿について私には一つだけ疑問があり、それは自分で確かめたいのです。
3.74.4
स वा प्रवेश्यतां मातर्मां वाऽनुज्ञातुमर्हसि ।
विदितं वाऽथवाऽज्ञातं पितुर्मे संविधीयताम् ॥ ३.७४.४ ॥
お母様、彼を中へお連れください、あるいは私に行くことをお許しください。父が知っているか知らないかに関わらず、取り計らってください。
3.74.5
एवमुक्ता तु वैदर्भ्या सा देवी भीममब्रवीत् ।
दुहितुस्तमभिप्रायमन्वजानात्स पार्थिवः ॥ ३.७४.५ ॥
ヴァイダルビー（ダマヤンティー）がこう言うと、王妃はビーマに語りかけた。王は娘のその意向を承諾した。
3.74.6
सा चै पित्राऽभ्यनुज्ञाता मात्रा च भरतर्षभ ।
तयोर्नियोगात्कौरव्य केशिनीमिदमब्रवीत् ॥ ३.७४.६ ॥
バラタの雄牛よ、クルの末裔よ！父と母の許しを得て、二人の命によって、彼女はケーシニーにこう言った。
3.74.7
गच्छ केशिनि शीघ्रं त्वंबाहुकं पितृशासनात् ।
आनयस्व यथा माता त्वं तथा कुरु मे प्रियम् ॥ ३.७४.७ ॥
ケーシニーよ、父の命により急ぎ行き、バーフカを連れてこい。母が言ったように、私の喜ぶことをせよ。
3.74.8
गत्वा तु केशिनी शिघ्रं बाहुकं वाक्यमब्रवीत् ।
भीमस्य शासनात्सूतागताहं विद्धि बाहुक ॥ ३.७४.८ ॥
そこでケーシニーはすぐにバーフカのもとへ行き言った。「ビーマの命により私は来ました。御者バーフカよ、それを知りなさい。」
3.74.9
प्रविश्यतां राजवेश्म इत्युक्तो भरतर्षभ ।
बाहुकस्तु चिरं ध्यात्वा केशिन्या सह भारत।
प्रविवेश महाबाहुर्दमयन्तीनिवेशनम् ॥ ३.७४.९ ॥
「王宮に入れ」と言われると、バラタの牡牛バーフカは長く思案した。それからケーシニーとともに、その大腕の者はダマヤンティーの住まいに入った。
3.74.10
नलं प्रवेशयामास यत्रतस्याः प्रतिश्रयः ॥ ३.७४.१० ॥
彼女の住まいのあるところへ、ナラを案内し入れた。
3.74.11
तां स्म दृष्ट्वैव सहसा दमयन्तीं नलो नृपः ।
आविष्टः शोकदुःखाभ्यां बभूवाश्रुपरिप्लुतः ॥ ३.७४.११ ॥
ダマヤンティーを見るなり、ナラ王は突然悲しみと苦しみに襲われ、涙にむせんだ。
3.74.12
तं तु दृष्ट्वातथायुक्तं दमयन्ती नलं तदा ।
तीव्रशोकसमाविष्टा बभूव वरवर्णिनी ॥ ३.७४.१२ ॥
ナラがそのように動揺するのを見て、美しい肌の女性ダマヤンティーは激しい悲しみに襲われた。
3.74.13
ततः काषायवसना जटिला मलपङ्किनी ।
दमयन्ती महाराज बाहुकं वाक्यमब्रवीत् ॥ ३.७४.१३ ॥
そのとき、朱色の衣をまとい、もつれた髪と垢にまみれたダマヤンティーは、大王よ、バーフカにこう言った。
3.74.14
पूर्वं दृष्टस्त्वया कश्चिद्धर्मज्ञो नाम बाहुक ।
सुप्तामुत्सृज्यविपिने गतो यः पुरुषः स्त्रियम् ॥ ३.७४.१४ ॥
バーフカよ、以前、森で眠っている妻を捨てて去った、ダルマジュニャという名の男を見たことがあるか。
3.74.15
अनागसं प्रियां भार्यां विजने श्रममोहिताम् ।
अपहाय तु को गच्चेत्पुण्यश्लोकमृतेनलम् ॥ ३.७४.१५ ॥
善名高きナラを除いて、人里離れた場所で疲れに惑う、罪のない愛する妻を捨てて行く者があろうか。
3.74.16
किमु तस्य मया बाल्यादपराद्धं महीपतेः ।
यो मामुत्सृज्य विपिने गतवान्निद्रयाऽर्दिताम् ॥ ३.७४.१६ ॥
幼さゆえに、あの王に私がどんな過ちを犯したというのか。眠りに苦しむ私を森に置き去りにするとは。
3.74.17
साक्षाद्देवानपाहाय वृतो यः स पुरा मया ।
अनुव्रतामभिमतां पुत्रिणीं त्यक्तवान्कथम् ॥ ३.७४.१७ ॥
かつて神々を退けて私が選んだ夫が、どうして忠実で愛され、子を持つ私を捨てたのか。
3.74.18
अग्नौ पाणिगृहीता च हंसानां वचने स्थिताम् ।
भरिष्यामीति सत्यं तु प्रतिश्रुत्य क्व तद्गतम् ॥ ३.७४.१८ ॥
火の前で私の手を取り、白鳥の言葉に従い、「お前を養う」と真実の誓いを立てた彼は、どこへ行ってしまったのか。
3.74.19
दमयन्त्या ब्रुवन्त्यास्तु सर्वमेतदरिदम ।
शोकजं वारिनेत्राभ्यामसुखं प्रास्रवद्बहु ॥ ३.७४.१९ ॥
敵を征服する者よ、ダマヤンティーがこのすべてを語っている間、悲しみから生じた苦しみの涙が、涙に濡れた彼女の目から多く流れ落ちた。
3.74.20
अतीव कृष्णताराभ्यां रक्तान्ताभ्यां जलंतु तत् ।
परिस्रवन्नलो राजा शोकार्तइदमब्रवीत् ॥ ३.७४.२० ॥
その涙が非常に黒い瞳と赤く染まった目尻から流れ落ちる中、悲しみに苦しむナラ王はこのように語った。
3.74.21
नलोऽहं विपुलश्रोणि त्वामुत्सृज्य यतो गतः ।
आविष्टः कलिना भद्रे तेन मोहवशं गतः ॥ ३.७४.२१ ॥
広い腰を持つ女よ、私はナラである。善良な女よ、カリに取り憑かれ迷妄の支配下に陥ったゆえに、私はあなたを捨てて去ったのだ。
3.74.22
मम राज्यं प्रनष्टं यन्नाहं तत्कृतवान्स्वयम् ।
कलिना तत्कृतं भीरु यच्च त्वामहमत्यजम् ॥ ३.७४.२२ ॥
私の失われた王国は、私自身がしたのではない。臆病な女よ、それはカリがしたのだ。そして私があなたを捨てたことも、カリがしたのだ。
3.74.23
यत्त्वया धर्मकृच्छ्रे तु शापेनाभिहतः पुरा ।
वनस्थया दुःखितया शोचन्त्या मांदिवानिशम् ॥ ३.७४.२३ ॥
ダルマが苦境にあった時、かつて森に住み、苦しみ、昼夜嘆いていたあなたは、呪いで私を打ったのです。
3.74.24
स मच्छरीरे त्वच्छापाद्दह्यमानोऽवसत्कलिः ।
त्वच्छापदग्धः सततं सोऽग्नावग्निरिवाहितः ॥ ३.७४.२४ ॥
そのカリは、あなたの呪いによって燃えながら私の身体に住んでいた。あなたの呪いに絶えず焼かれ、彼は火の中に置かれた火のようにとどまった。
3.74.25
मम च व्यवसायेन तपसा चैव निर्जितः ।
दुःखस्यान्तेन चानेन भवितव्यं हि नौ शुभे ॥ ३.७४.२५ ॥
私の決意と苦行によって彼は打ち負かされた。吉祥な女よ、これによって我々二人の苦しみは終わるだろう。
3.74.26
विमुच्य मां गतः पापस्ततोऽहमिह चागतः ।
त्वदर्थं विपुलश्रोणि न हि मेऽन्यत्प्रयोजनम् ॥ ३.७४.२६ ॥
私を捨ててあの悪者は去った。それから私はここへ来た。広い腰の女よ、あなたのためにだけ来たのだ。私には他の目的はない。
3.74.27
कथं नु नारी भर्तारमनुरक्तमनुव्रतम् ।
उत्सृज्य वरयेदन्यं यथा त्वं भीरु कर्हिचित् ॥ ३.७४.२७ ॥
愛情深く誓いを守る夫を捨てて、どうして女が別の男を選ぶことができようか。臆病な女よ、お前は決してそうしてはならない。
3.74.28
दूताश्चरन्ति पृथिवीं कृत्स्नां नृपतिशासनात् ।
भैमी किल स्म भर्तारं द्वितीयं वरयिष्यति ॥ ३.७४.२८ ॥
王の命によって使者たちは全地を巡っている。ビーマの娘は第二の夫を選ぶだろうと言われている。
3.74.29
स्वैरवृत्ता यथाकाममनुरूपमिवात्मनः ।
श्रुत्वैव चैवं त्वरितो भागस्वरिरुपस्थितः ॥ ३.७४.२९ ॥
彼女は好き勝手に振る舞い、自分に相応しい夫を選ぶかのようだ。これを聞いて、私は急いでここへ来た。
3.74.30
दमयन्ती तु तच्छ्रुत्वा नलस्य परिदेवितम् ।
प्राञ्जलिर्वेपमाना च भीता वचनमब्रवीत् ॥ ३.७४.३० ॥
しかしダマヤンティーは、ナラの嘆きを聞き、合掌し、震えおびえながらこの言葉を述べた。
3.74.31
न मामर्हसि कल्याण पापेन परिशङ्कितुम् ।
मया हि देवानुत्सृज्य वृतस्त्वं निषधाधिप ॥ ३.७४.३१ ॥
吉祥なる人よ、あなたは私を罪深いと疑うべきではない。神々を捨ててあなたを選んだのだ、ニシャダの主よ。
3.74.32
तवाभिगमनार्थं तु सर्वतो ब्राह्मणा गताः ।
वाक्यानि मम गाथाभिर्गायमाना दिशो दश ॥ ३.७४.३२ ॥
あなたのもとへ行くため、バラモンたちは四方へ散り、私の言葉を詩句に歌いながら十方へ向かった。
3.74.33
ततस्त्वां ब्राह्मणो विद्वान्पर्णादो नाम पार्थिव ।
अभ्यगच्छत्कोसलायामृतुपर्णनिवेशने ॥ ३.७४.३३ ॥
そして王よ、パルナーダという名の学識あるバラモンが、コーサラのリトゥパルナの館にいるあなたのもとへ来た。
3.74.34
तेन वाक्ये कृतेसम्यक्प्रतिवाक्ये तथा हृते ।
उपायोऽयंमया दृष्टो नैषधानयने तव ॥ ३.७४.३४ ॥
彼が言葉を適切に述べ、同じように返答を得たとき、私はニシャダの王を連れ戻すこの方法を見出した。
3.74.35
त्वामृते नहि लोकेऽन्य एकाह्ना पृथिवीपते ।
समर्थो योजनशतं गन्तुमश्वैर्नराधिप ॥ ३.७४.३५ ॥
あなたのほかに、この世界で一日のうちに馬で百ヨージャナを行ける者はいない、人の主よ。
3.74.36
तथापि मां महीपाल भजेतां चरणौ तव ।
स्पृशेयं तेन सत्येन पादावेतौ महीपते।
यथा नासत्कृतं किंचिन्मनसाऽपि चराम्यहम् ॥ ३.७४.३६ ॥
それでも、大地の守護者よ、どうか私にあなたの御足に仕えさせてください。大地の主よ、その真実にかけて、このあなたの御足に触れます。心でさえ何の過ちも犯さないために。
3.74.37
अयं चरति लोकेऽस्मिन्भूतसाक्षी सदागतिः ।
एष मे मुञ्चतु प्राणान्यदि पापं चराम्यहम् ॥ ३.७४.३७ ॥
この世で万物の証人として常に巡り行く者よ、もし私が悪を行ったのなら、彼が私の命を奪わんことを。
3.74.38
यथा चरति तिग्मांशुः परितो भुवनं सदा ।
स मुञ्चतु मम प्राणान्यदि पापं चराम्यहम् ॥ ३.७४.३८ ॥
鋭い光線の太陽が常に世界をめぐるように、もし私が悪を行ったのなら、彼が私の命を奪わんことを。
3.74.39
चन्द्रमाः सर्वभूतानामन्तश्चरति साक्षिवत् ।
स मुञ्चतु मम प्राणान्यदि पापं चराम्यहम् ॥ ३.७४.३९ ॥
月はすべての生き物の内で証人のように巡る。もし私が悪を行ったのなら、彼が私の命を奪わんことを。
3.74.40
एते देवास्त्रयः कृत्स्नं त्रैलोक्यं धारयन्ति वै ।
विब्रुवन्तु यथा सत्यमेतद्देवास्त्यजन्तु माम् ॥ ३.७४.४० ॥
この三柱の神々が三界全体を支えている。これが真実なら、神々はそれを宣言し、私を見捨てたまえ。
3.74.41
एवमुक्ते ततो वायुरन्तरिक्षादभाषत ।
नैषा कृतवती पापं नल सत्यं ब्रवीमि ते ॥ ३.७४.४१ ॥
こう言われると、空からヴァーユが語った。ナラよ、彼女は悪を行っていない。真実を汝に告げる。
3.74.42
राजञ्शीलनिधिः स्फीतो दमयन्त्या सुरक्षितः ।
साक्षिणो रक्षिणश्चास्या वयं त्रीन्परिवत्सरान् ॥ ३.७४.४२ ॥
王よ、ダマヤンティーは徳の豊かな宝庫であり、よく守られている。我らは三年の間、彼女の証人にして守護者であった。
3.74.43
उपायो विहितश्चायं त्वदर्थमतुलोऽनया ।
न ह्येकाह्ना शतं गन्ता त्वामृतेऽन्यः पुमानिह ॥ ३.७४.४३ ॥
この比類なき策は彼女があなたのために考えたものです。ここにはあなた以外に、一日で百ヨージャナを行ける者はいません。
3.74.44
उपपन्ना त्वया भैमी त्वं च भैम्या महीपते ।
नात्र शङ्का त्वया कार्या संगच्छ सह भार्यया ॥ ३.७४.४४ ॥
大地の主よ、バイミーはあなたにふさわしく、あなたもバイミーにふさわしい。ここで疑いを抱いてはならない。妻と共に再び結ばれよ。
3.74.45
तथा ब्रुवति वायौ तु पुष्पवृष्टिः पपात ह ।
देवदुन्दुभयो नेदुर्ववौ च पवनः शिवः ॥ ३.७४.४५ ॥
風がこのように語ると、花の雨が降り、天界の太鼓が鳴り響き、穏やかで吉兆の風が吹き始めた。
3.74.46
तदद्भुतमयं दृष्ट्वा नलो राजाऽथ भारत ।
दमयन्त्यां विशङ्कां तामुपाकर्षदरिंदमः ॥ ३.७४.४६ ॥
バーラタよ、この不思議を見て、敵を征服する王ナラはダマヤンティーに疑念を抱いた。
3.74.47
ततस्तद्वस्त्रमरजः प्रावृणोद्वसुधाधिपः ।
संस्मृत्य नागराजं तं ततो लेभे स्वकं वपुः ॥ ३.७४.४७ ॥
すると大地の主はその清浄な布をまとい、蛇王を思い起こして、再び自分本来の姿を取り戻した。
3.74.48
स्वरूपिणं तु भर्तारं दृष्ट्वा भीमसुता तदा ।
प्राक्रोशदुच्चैरालिङ्ग्य पुण्यश्लोकमनिन्दिता ॥ ३.७४.४८ ॥
真の姿に戻った夫を見て、ビーマの娘、あの汚れなき女性は、聖なる名声の人を抱きしめ、大声で泣き叫んだ。
3.74.49
भैमीमपि नलो राजा भ्राजमानो यथा पुरा ।
सस्वजे स्वसुतौ चापि यथावत्प्रत्यनन्दत ॥ ३.७४.४९ ॥
王ナラは以前のように輝きながら、ビーマの娘ダマヤンティーをも抱きしめ、二人の息子をも抱いて、しかるべく喜んだ。
3.74.50
ततः स्वोरसि विन्यस्य वक्रं तस्य शुभानना ।
परीता तेन दुःखेन निशश्वासायतेक्षणा ॥ ३.७४.५० ॥
すると美しい顔と大きな目をもつ女は、彼の顔を自分の胸に置き、その悲しみに包まれて長いため息をついた。
3.74.51
तथैव मलदिग्धाङ्गीं परिष्वज्य शुचिस्मिताम् ।
सुचिरं पुरुषव्याघ्रस्तस्थौ शोकपरिप्लुतः ॥ ३.७४.५१ ॥
同じく、体に汚れがこびりつき、清らかな微笑みの彼女を抱きしめ、悲しみに沈んだ人中の虎は、長いあいだ立ち尽くした。
3.74.52
ततः सर्वं यथावृत्तं दमयन्त्या नलस्य च ।
भीमायाकथयत्प्रीत्या वैदर्भ्या जननी नृप ॥ ३.७४.५२ ॥
すると王よ、ヴァイダルビー（ダマヤンティー）の母は、ダマヤンティーとナラに起こったすべてのことを、起きたとおりにビーマに愛情をもって語った。
3.74.53
ततोऽब्रवीन्महाराजः कृतशौचमहंनलम् ।
दमयन्त्या सहोपेतं कल्ये द्रष्टा सुखोषितम् ॥ ३.७४.५३ ॥
すると偉大な王は、身を清め、ダマヤンティーと共に来て、安らかに一夜を過ごしたナラに語った。朝に彼を見る者として。
3.74.54
ततस्तौ सहितौ रात्रिं कथयन्तौ पुरातनम् ।
वने विचरितं सर्वमूषतुर्मुदितौ नृप ॥ ३.७४.५४ ॥
それから二人は共に夜を過ごし、昔のことや森でさまよったすべてを語り合い、王よ、喜んでそこに住んだ。
3.74.55
गृहे भीमस्य नृपतेः परस्परसुखैषिणौ ।
वसेतां हृष्टसंकल्पौ वैदर्भी च नलश् ह ॥ ३.७४.५५ ॥
ビーマ王の館で、互いの幸福を願い、喜ばしい決意をもって、ヴァイダルビーとナラは住んだ。
3.74.56
स चतुर्थे ततो वर्षे संगम्य सह भार्यया ।
सर्वकामैः सुसिद्धार्थो लब्धवान्परमां मुदम् ॥ ३.७४.५६ ॥
その後、四年目に妻と再会し、あらゆる願いが成就して、彼は無上の喜びを得た。
3.74.57
दमयन्त्यपि भर्तारमासाद्याप्यायिता भृशम् ।
अर्धसंजातसस्येव तोयं प्राप्य वसुंधरा ॥ ३.७४.५७ ॥
ダマヤンティーもまた夫に会い、大いに蘇った。半ば育った作物の大地が水を得たように。
3.74.58
सैवं समेत्य व्यपनीय तन्द्रां ।
शान्तज्वरा हर्षविवृद्धसत्त्वा।
रराज भैमी समवाप्तकामा ।
शीतांशुना रात्रिरिवोदितेन ॥ ३.७४.५८ ॥
こうして再会し、疲れは去り、熱も静まり、喜びに心が大いに増して、願いの叶ったバイミーは、昇った月に照らされる夜のように輝いた。