マハーバーラタ · 章 4.8
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
4.8.1
विराटनगरं रम्यं गच्छमानो युधिष्ठिरः ।
अस्तुवन्मनसा देवीं दुर्गां त्रिभुवनेश्वरीम् ॥ ४.८.१ ॥
ヴィラータの都へ美しい道を進みながら、ユディシュティラは心の中で三界の女王である女神ドゥルガーを讃えた。
4.8.2
यशोदागर्भसंभूतां नारायणवरप्रियाम् ।
नन्दगोपकुले जातां मङ्गल्यां कुलवर्धनीम् ॥ ४.८.२ ॥
ヤショーダーの胎から生まれ、ナーラーヤナに愛される恩寵を与える女神。牧者ナンダの一族に生まれ、吉祥で、一族を栄えさせる者。
4.8.3
कंसविद्रावणकरीमसुराणां क्षयंकरीम् ।
शिलातटविनिक्षिप्तामाकाशं प्रति गामिनीम् ॥ ४.८.३ ॥
カンサを逃げ去らせ、アスラを滅ぼし、岩の上に投げ落とされた後、空へと向かった女神。
4.8.4
वासुदेवस्य भगिनीं दिव्यमाल्यविभूषिताम् ।
दिव्याम्बरधरां देवीं खङ्गखेटकधारिणीम् ॥ ४.८.४ ॥
ヴァスデーヴァの妹、神聖な花輪で飾られ、神々しい衣をまとい、剣と盾を持つ女神。
4.8.5
भारावतरणे पुण्ये ये स्मरन्ति सदा शिवाम् ।
तान्वै तारयते पापात्पङ्के गामिव दुर्बलाम् ॥ ४.८.५ ॥
重荷を下ろす聖なる時に、常に吉祥の女神を念じる者を、泥にはまった弱い牛を引き上げるように、女神は罪から救い出す。
4.8.6
स्तोतुं प्रचक्रमे भूयो विविधैः स्तोत्रसंभवैः ।
आमन्त्र्य दर्शनाकाङ्क्षी राजा देवीं सहानुजः ॥ ४.८.६ ॥
王ユディシュティラは弟たちとともに女神に会いたいと願い、彼女を呼び求め、さまざまな讃歌で再び讃え始めた。
4.8.7
नमोस्तु वरदे कृष्णे कुमारि ब्रह्मचारिणि ।
बालार्कसदृशाकारे पूर्णचन्द्रनिभानने ॥ ४.८.७ ॥
恵みを与える者よ、黒き者よ、乙女よ、梵行者よ、あなたに礼拝します。朝日のような姿、満月のような顔の女神よ。
4.8.8
चतुर्भुजे चतुर्वक्रे पीनश्रोणिपयोधरे ।
मयूरपिच्छवलये केयूराङ्गदधारिणि ॥ ४.८.८ ॥
四本の腕を持つ者よ、四つの顔を持つ者よ、豊かな腰と胸を持つ者よ、孔雀の羽の腕輪をつけ、腕環と臂釧を身につける者よ。
4.8.9
भासि देवि यथा पद्मा नारायणपरिग्रहः ।
स्वरूपं ब्रह्मचर्यं च विशदं तव खेचरि ॥ ४.८.९ ॥
女神よ、ナーラーヤナの妃パドマーのようにあなたは輝いています。空を行く者よ、あなたの本来の姿と梵行は清らかです。
4.8.10
कृष्णच्छविसमा कृष्णा संकर्षणसमानना ।
बिभ्रती विपुलौ बाहु शक्रध्वजसमुच्छ्रयौ ॥ ४.८.१० ॥
黒い肌の色をもつ者、黒き者、サンカルシャナのような顔をもつ者、インドラの幢幡のように高く掲げた広い両腕を持つ者よ。
4.8.11
पात्री च पङ्कजी घण्टी स्त्री विशुद्धा च या भुवि ।
पाशं धनुर्महाचक्रं विविधान्यायुधानि च ॥ ४.८.११ ॥
器と蓮華と鈴を持つ者、大地における清らかな女性よ。羂索、弓、大きな円盤、そして種々の武器を持つ者よ。
4.8.12
कुण्डलाभ्यां सुपूर्णाभ्यां कर्णाभ्यां च विभूषिता ।
चन्द्रविस्पर्धिना देवि मुखेन त्वं विराजसे ॥ ४.८.१२ ॥
女神よ、完全に丸い耳飾りで耳を飾られ、月と競う顔で、あなたは輝いています。
4.8.13
मुकुटेन विचित्रेण केशबन्धेन शोभिना ।
भुजङ्गाभोगवासेन श्रोणिसूत्रेण राजता ॥ ४.८.१३ ॥
見事な冠、輝く髪留め、蛇の蜷局のような腰紐によって、あなたは輝いている。
4.8.14
विभ्राजसे चाऽऽबद्धेन भोगेनेवेह मन्दरः ।
ध्वजेन शिखिपिच्छानामुच्छ्रितेन विराजसे ॥ ४.८.१४ ॥
ここであなたは蛇に巻かれたマンダラ山のように輝き、高く掲げた孔雀の羽の旗によって光り輝いている。
4.8.15
कौमारं व्रतमास्थाय त्रिदिवं पावितं त्वया ।
तेन त्वं स्तूयसे देवि त्रिदशैः पूज्यसेऽपि च ॥ ४.८.१५ ॥
処女の誓願を立てて、あなたは天界を浄化した。ゆえに女神よ、あなたは讃えられ、三十の神々にも礼拝される。
4.8.16
त्रैलोक्यरक्षणार्थाय महिषासुरनाशिनि ।
प्रसन्ना मे सुरश्रेष्ठे दयां कुरु शिवा भव ॥ ४.८.१६ ॥
三界を守るため、マヒシャーシュラを滅ぼした女神よ、神々の中で最も優れた方よ、私に満足し慈悲を示し、吉祥なる者となってください。
4.8.17
जया त्वं विजया चैव संग्रामे च जयप्रदा ।
ममापि विजयं देहि वरदा त्वं च सांप्रतम् ॥ ४.८.१७ ॥
あなたはジャヤーであり、ヴィジャヤーであり、戦いで勝利を与える者。今、私にも勝利をお与えください。あなたは恩恵を授ける方なのですから。
4.8.18
विन्ध्ये चैव नगश्रेष्ठे तव स्थानं हि शाश्वतम् ।
कालि कालि महाकालि शीधुमांसपशुप्रिये ॥ ४.८.१८ ॥
山々の中で最も優れたヴィンディヤ山こそ、あなたの永遠の住処です。カーリーよ、カーリーよ、マハーカーリーよ、酒と肉と供犠の獣を好む方よ！
4.8.19
कृतानुयात्रा भूतैस्त्वं वरदा कामचारिणी ।
भारावतारे ये च त्वां संस्मरिष्यन्ति मानवाः ॥ ४.८.१९ ॥
精霊たちに付き従われ、恩恵を与え、思うままに歩まれる御方よ。重荷を下ろす時にあなたを思い起こす人々は——
4.8.20
प्रणमन्ति च ये त्वां हि प्रभाते तु नरा भुवि ।
न तेषां दुर्लभं किंचित्पुत्रतो धनतोपि वा ॥ ४.८.२० ॥
朝にあなたを礼拝する地上の人々にとっては、息子によっても富によっても、得難いものは何もない。
4.8.21
दुर्गात्तारयसे दुर्गे तत्त्वं दुर्गा स्मृता जनैः ।
कान्तारेष्ववसन्नानां मग्रानां च महार्णवे।
दस्युभिर्वा निरुद्धानां त्वं गतिः परमा नृणाम् ॥ ४.८.२१ ॥
ドゥルガーよ、あなたは苦難から救われる。ゆえに人々はあなたをドゥルガーと呼ぶ。荒野に迷う者、大海に沈む者、盗賊に捕らわれた者にとって、あなたこそ人間の最高の拠り所である。
4.8.22
जलप्रतरणे चैव कान्तारेष्वटवीषु च ।
ये स्मरन्ति महादेवि न च सीदन्ति ते नराः ॥ ४.८.२२ ॥
大女神よ、川を渡るとき、また荒野や森にあってあなたを思い起こす人々は、決して力尽きも沈みもしない。
4.8.23
त्वं कीर्तिः श्रीर्धृतिः सिद्धिर्ह्रीर्विद्या संततिर्मतिः ।
संध्या रात्रिः प्रभा निद्रा ज्योत्स्ना कांतिःक्षमादया ॥ ४.८.२३ ॥
あなたは名声、栄光、堅忍、成就、慎み、学識、子孫、知性であり、夕暮れ、夜、輝き、眠り、月光、光沢、忍耐、慈悲もまたあなたである。
4.8.24
नृणां च बन्धनं मोहं पुत्रनाशं धनक्षयम् ।
व्याधिं मृत्युं भयं चैव पूजिता नाशयिष्यसि ॥ ४.८.२४ ॥
崇拝されるとき、あなたは人々の束縛、迷妄、息子の喪失、財の損失、病、死、そして恐怖を滅ぼすであろう。
4.8.25
सोहं राज्यात्परिभ्रष्टः शरणं त्वां प्रपन्नवान् ।
प्रणतश्च यथा मूर्ध्ना तव देवि सुरेश्वरि ॥ ४.८.२५ ॥
私は王国を失い、あなたの庇護を求めました。頭を垂れてあなたに礼拝します、女神よ、神々の女王よ。
4.8.26
त्राहि मां पद्मपत्राक्षि सत्ये सत्या भवस्व नः ।
शरणं भव मे दुर्गे शरण्ये भक्तवत्सले ॥ ४.८.२६ ॥
蓮の花びらの目を持つ方よ、私をお守りください。真実なる方よ、私たちにとって真実であってください。ドゥルガーよ、私の庇護となってください、庇護を与える方よ、信者を慈しむ方よ。
4.8.27
एवं स्तुता हि सा देवी दर्शयामास पाण्डवम् ।
उपगम्य तु राजानमिदं वचनमब्रवीत् ॥ ४.८.२७ ॥
このように讃えられた女神は般度の子に姿を現し、王に近づいてこの言葉を告げた。
4.8.28
शृणु राजन्महाबाहो मदीयं वचनं प्रभो ।
भविष्यत्यचिरादेव संग्रामे विजयस्तव ॥ ४.८.२८ ॥
王よ、大いなる腕を持つ主よ、私の言葉を聞きなさい。まもなく戦いであなたは勝利するでしょう。
4.8.29
मम प्रसादान्निर्जित्य हत्वा कौरववाहिनीम् ।
राज्यं निष्कण्टकं कृत्वा भोक्ष्यसे मेदिनीं पुनः ॥ ४.८.२९ ॥
私の恩寵によって、カウラヴァの軍勢を打ち破り殺し、王国を棘のないものとして、再び大地を享受するでしょう。
4.8.30
भ्रातृभिः सहितो राजन्प्रीतिं प्राप्स्यसि पुष्कलाम् ।
मत्प्रसादाच्च ते सौख्यमारोग्यं च भविष्यति ॥ ४.८.३० ॥
王よ、兄弟たちとともに、あなたは豊かな喜びを得るでしょう。そして私の恩寵によって、あなたには幸福と健康があるでしょう。
4.8.31
ये च संकीर्तयिष्यन्ति लोके विगतकल्मषाः ।
तेषां तुष्टा प्रदास्यामि राज्यमायुर्वपुः सुतम् ॥ ४.८.३१ ॥
世にあって罪垢を離れ、私を讃える者たちには、満足して、王国、寿命、身体、息子を授けよう。
4.8.32
प्रवासे नगरे वाऽपि संग्रामे शत्रुसंकटे ।
अटव्यां दुर्गकान्तारे सागरे गहने गिरौ ॥ ४.८.३२ ॥
流浪の地でも町でも、戦いでも敵の危難でも、森でも、険しい荒野でも、海でも、深い茂みでも、山でも。
4.8.33
ये स्मरिष्यन्ति मां राजन्यथाऽहं भवता स्मृता ।
न तेषां दुर्लभं किंचितस्मिँल्लोके भविष्यति ॥ ४.८.३३ ॥
王よ、あなたが私を思い出したように私を思い出す者には、この世で得難いものは何もなくなるだろう。
4.8.34
इदं स्तोत्रवरं भक्त्या शृणुयाद्वा पठेत वा ।
तस्य सर्वाणि कार्याणि सिद्धिं यास्यन्ति पाण्डवाः ॥ ४.८.३४ ॥
この殊勝な讃歌を、信愛をもって聴く者、あるいは読誦する者の、あらゆる事業は成就するであろう、パーンドゥの子らよ。
4.8.35
मत्प्रसादाच्च वः सर्वान्विराटनगरे स्थितान् ।
न प्रज्ञास्यन्ति कुरको नरा वा तन्निवासिनः ॥ ४.८.३५ ॥
私の恩寵により、ヴィラータの町に住むあなたたちは皆、クル族にもそこの住民にも気づかれないであろう。
4.8.36
इत्युक्त्वा वरदा देवी युधिष्ठिरमरिंदमम् ।
रक्षां कृत्वा च पाण्डूनां तत्रैवान्तरधीयत ॥ ४.८.३६ ॥
このように語り、恩寵を与える女神は、敵を制する ユディシュティラと パーンドゥの子らに守護を授けた後、その場で姿を消した。