マハーバーラタ · 章 5.63
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
5.63.1
सदृशानां मनुष्येषु सर्वेषां तुल्यजन्मनाम् ।
कथमेकान्ततस्तेषां पार्थानां मन्यसे जयम् ॥ ५.६३.१ ॥
互いに等しく同じ生まれの人々の中で、どうしてプリター の子らに勝利が必ず訪れると考えるのか。
5.63.2
वयं च तेऽपि तुल्या वै वीर्येण च पराक्रमैः ।
समेन वयसा चैव प्रातिभेन श्रुतेन च ॥ ५.६३.२ ॥
我々も彼らも勇気と武勇において等しく、年齢も同じで、機知にも学識にも等しい。
5.63.3
अस्त्रेण योधयुग्या च शीघ्रत्वे कौशले तथा ।
सर्वे स्म समजातीयाः सर्वे मानुषयोनयः ॥ ५.६३.३ ॥
武器の技、戦いへの適性、敏捷さと巧みさにおいて、皆同じ種類であり、皆人間の出自である。
5.63.4
पितामह विजानीषे पार्थेषु विजयं कथम् ।
नाहं भवति न द्रोणे न कृपे न च बाह्लिके ॥ ५.६३.४ ॥
祖父よ、勝利がプリターの子らにあると、どうして知るのか。私にも、ドローナにも、クリパにも、バーフリーカにもないというのに。
5.63.5
अन्येषु च नरेन्द्रेषु पराक्रम्य समारभे ।
अहं वैकर्तनः कर्णो भ्राता दुःशासनश्च मे ॥ ५.६३.५ ॥
他の王たちの中でも武勇を示して始めよう。私、ヴィカルタナの子カルナと、私の弟ドゥフシャーサナが。
5.63.6
पाण्डवान्समरे पञ्च हनिष्यामः शितैः शरैः ।
ततो राजन्महायज्ञैर्विविधैर्भूरिदक्षिणैः ॥ ५.६३.६ ॥
戦いでは五人のパーンダヴァを鋭い矢で殺そう。そして王よ、多くの大祭を豊富な布施とともに行おう。
5.63.7
ब्राह्मणांस्तर्पयिष्यामि गोभिरश्वैर्धनेन च ।
यदा परिकरिष्यन्ति ऐणेयानिव तन्तुना ।
अतरित्रानिव जले बाहुभिर्मामका रणे ॥ ५.६३.७ ॥
我が兵士たちが戦場でパーンダヴァたちを、綱で鹿を囲むように、また水を渡れぬ者を腕で捕らえるように取り囲むとき、私は牛と馬と財宝によってバラモンたちを満足させよう。
5.63.8
पश्यन्तस्ते परांस्तत्र रथनागसमाकुलान् ।
तदा दर्पं विमोक्ष्यन्ति पाण्डवाः स च केशवः ॥ ५.६३.८ ॥
そこで車と象に満ちた敵を見るとき、その時パーンダヴァたちとあのケーシャヴァは誇りを捨てるだろう。
5.63.9
सुखान्यवाप्य सहिताः कृत्वा कर्म सुदुस्तरम् ।
विस्रब्धास्तु भविष्यामः प्राप्ते काले गतज्वराः ॥ ५.६३.९ ॥
共に安楽を得て、極めて困難な行いを成し遂げたのち、時が来れば私たちは憂いなく、苦しみから解放されるだろう。
5.63.10
अथाब्रवीन्महाराजो धृतराष्ट्रः सुदुर्मनाः ।
विदुरं विदुषां श्रेष्ठं सर्वपार्थिवसंनिधौ ॥ ५.६३.१० ॥
そのとき、心の極めて乱れた大王ドリタラーシュトラは、諸王の面前で学者のうち最も優れたヴィドゥラに語った。
5.63.11
मोहितो मृत्युपाशेन कालस्य वशमागतः ।
तात कर्णेन सहितः पुत्रो दुर्योधनो मम ॥ ५.६३.११ ॥
死の縄に惑わされ、彼は時の支配下に入ってしまった。愛しき者よ、わが子ドゥルヨーダナはカルナと共にいる。
5.63.12
इह निःश्रेयसं प्राहुर्वृद्धा निश्चितदर्शिनः ।
ब्राह्मणस्य विशेषेण दमो धर्मः सनातनः ॥ ५.६३.१२ ॥
ここで確かな洞察を持つ長老たちは、最高の善は自制にあると言う。とりわけバラモンにとって、自制こそ永遠の法である。
5.63.13
तस्य दानं क्षमा सिद्धिर्यथावदुपपद्यते ।
दमो दानं तपो ज्ञानमधीतं चानुवर्तते ॥ ५.६३.१३ ॥
彼には布施と忍耐と成就が然るべく訪れる。自制、布施、苦行、知識、聖典の学習もまた彼に従う。
5.63.14
दमस्तेजो वर्धयति पवित्रं दम उत्तमम् ।
विपाप्मा वृद्धतेजास्तु पुरुषो विन्दते महत् ॥ ५.६३.१४ ॥
自制は威光を増す。自制は最上で清めるものである。罪なく威光の増す人は大いなるものを得る。
5.63.15
क्रव्याद्भ्य इव भूतानामदान्तेभ्यः सदा भयम् ।
येषां च प्रतिषेधार्थं क्षत्रं सृष्टं स्वयंभुवा ॥ ५.६३.१५ ॥
生き物が肉食の獣をいつも恐れるように、制御されない者を恐れる。それらを抑えるために、自生者は王族の階級を創造された。
5.63.16
आश्रमेषु चतुर्ष्वाहुर्दममेवोत्तमं व्रतम् ।
तस्य लिङ्गं प्रवक्ष्यामि येषां समुदयो दमः ॥ ५.६३.१६ ॥
四つの生活期において、自制こそ最上の誓いと言われる。自制の生じる者の相を私は説こう。
5.63.17
क्षमा धृतिरहिंसा च समता सत्यमार्जवम् ।
इन्द्रियाभिजयो धैर्यं मार्दवं ह्रीरचापलम् ॥ ५.६३.१७ ॥
忍耐、堅固さ、非暴力、平等心、真実、誠実さ、感官の征服、勇気、柔和、慎み、そして落ち着きのなさの無いこと。
5.63.18
अकार्पण्यमसंरम्भः सन्तोषं श्रद्दधानता ।
एतानि यस्य राजेन्द्र स दान्तः पुरुषः स्मृतः ॥ ५.६३.१८ ॥
けちでないこと、怒らないこと、満足、信仰。王の中の王よ、これらを備えた人は、自制のある人と伝えられる。
5.63.19
कामो लोभश्च दर्पश्च मन्युर्निद्रा विकत्थनम् ।
मान ईर्ष्यां च शोकश्च नैतद्दान्तो निषेवते।
अजिह्ममशठं शुद्धमेतद्दान्तस्य लक्षणम् ॥ ५.६३.१९ ॥
欲望、貪欲、傲慢、怒り、眠り、自慢、思い上がり、嫉妬、悲しみ——自制した人はこれらに耽らない。率直さ、欺瞞のなさ、清浄さ——これが自制した人の徴である。
5.63.20
अलोलुपस्तथाऽल्पेप्सुः कामानामविचिन्तिता ।
समुद्रकल्पः परुषः स दान्तः परिकीर्तितः ॥ ५.६३.२० ॥
貪欲がなく、わずかしか求めず、欲望を思い巡らさず、大海のように揺るがぬ者——その人は自制した人と称される。
5.63.21
सुवृत्तः शीलसंपन्नः प्रसन्नात्माऽत्मविद्बुधः ।
प्राप्येह लोके संमानं सुगतिं प्रेत्य गच्छति ॥ ५.६३.२१ ॥
善行をそなえ、徳を備え、心清らかで、自己を知り、賢明な人は、この世で尊敬を得て、死後に善い行き先へ赴く。
5.63.22
अभयं यस्य भूतेभ्यः सर्वेषामभयं यतः ।
स वै परिणतप्रज्ञः प्रख्यातो मनुजोत्तमः ॥ ५.६३.२२ ॥
彼によって生きものに恐れがなく、彼によって皆が安らぎを得る——その人こそ成熟した智慧をもち、人中の最上として名高い。
5.63.23
सर्वभूतहितो मैत्रस्तस्मान्नोद्विजते जनः ।
समुद्र इव गम्भीरः प्रज्ञातृप्तः प्रशाम्यति ॥ ५.६३.२३ ॥
あらゆる生きものの益を計り慈しむ人であるから、人々は彼を恐れない。海のように深く、智慧に満ち足りて、彼は静まる。
5.63.24
कर्मणाऽचरितं पूर्वं सद्भिराचरितं च यत् ।
तदेवास्थाय मोदन्ते दान्ताः शमपरायणाः ॥ ५.६३.२४ ॥
昔から行為によってなされ、善き人々が実践してきたことに拠り所を求めて、寂静に専念する自制の人々は喜ぶ。
5.63.25
नैष्कर्म्यं वा समास्थाय ज्ञानतृप्तो जितेन्द्रियः ।
कालाकाङ्क्षी चरँल्लोके ब्रह्मभूयाय कल्पते ॥ ५.६३.२५ ॥
無行為に身を寄せ、知によって満たされ、感官を制した者が、時を待ちながら世に歩むなら、ブラフマンとなるにふさわしくなる。
5.63.26
शकुनीनामिवाकाशे पदं नैवोपलभ्यते ।
एवं प्रज्ञानतृप्तस्य मुनेर्वर्त्म न दृश्यते ॥ ५.६३.२६ ॥
空に鳥の足跡が見つからないように、智慧に満ちた聖者の道もまた見えない。
5.63.27
उत्सृज्यैव गृहान्यस्तु मोक्षमेवाभिमन्यते ।
लोकास्तेजोमयास्तस्य कल्पन्ते शाश्वता दिवि ॥ ५.६३.२७ ॥
家を捨て、ただ解脱を目指す者には、天において輝かしく永遠の世界が生じる。