Mahābhārata · Adhyāya 6.3
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
6.3.1
खरा गोषु प्रजायन्ते रमन्ते मातृभिः सुताः ।
अनार्तवं पुष्पफलं दर्शयन्ति वनद्रुमाः ॥ ६.३.१ ॥
Donkeys are born among cows, the offspring delight with their mothers, and the forest trees show flowers and fruit out of season.
6.3.2
गर्भिण्योऽजातपुत्राश्च जनयन्ति विभीषणान् ।
क्रव्यादाः पक्षिभिश्चापि सहा श्नन्ति परस्परम् ॥ ६.३.२ ॥
Pregnant women who have not yet borne sons give birth to terrifying creatures; flesh-eaters, together with birds, devour one another.
6.3.3
त्रिविषाणाश्चतुर्नेत्राः पञ्चपादा द्विमेहनाः ।
द्विशीर्षाश्च द्विपुच्छाश्च दंष्ट्रिणः पशवोऽशिवाः ॥ ६.३.३ ॥
Three-horned, four-eyed, five-footed, two-membered, two-headed, two-tailed and fanged inauspicious beasts.
6.3.4
जायन्ते विवृतास्याश्च व्याहरन्तोऽशिवा गिरः ।
त्रिपदाः शिखिनस्तार्क्ष्याश्चतुर्दंष्ट्रा विषाणिनः ॥ ६.३.४ ॥
Open-mouthed, uttering inauspicious cries, three-footed, crested, bird-like, four-fanged and horned creatures are born.
6.3.5
तथैवान्याश्च दृश्यन्ते स्त्रियो वै ब्रह्मवादिनाम् ।
वैनतेयान्मयूरांश्च जनयन्ति पुरे तव ॥ ६.३.५ ॥
Likewise other women of the Brahman-speakers are seen to give birth, in your city, to Vainateyas (eagle-like birds) and peacocks.
6.3.6
गोवत्सं वडवा सूते श्वा सृगालं महीपते ।
कुक्कुरान्करभाश्चैव शुकाश्चाशुवादिनः ॥ ६.३.६ ॥
O lord of the earth, a mare gives birth to a calf of a cow, a bitch to a jackal; dogs, camels and quick-speaking parrots are born.
6.3.7
स्त्रियः काश्चित्प्रजायन्ते चतस्रः पञ्च कन्यकाः ।
जातमात्राश्च नृत्यन्ति गायन्त च हसन्ति च ॥ ६.३.७ ॥
Some women will bear four or five daughters, and as soon as they are born they will dance, sing and laugh.
6.3.8
पृथग्जनस्य सर्वस्य क्षुद्रकाः प्रहसन्ति च ।
नृत्यन्ति परिगायन्ति वेदयन्तो महद्भयम् ॥ ६.३.८ ॥
Among all the common people, base men will laugh and dance, singing all around and proclaiming great fear.
6.3.9
प्रतिमाश्चालिखन्त्येताः सशस्त्राः कालचोदिताः ।
अन्योन्यमभिधावन्ति शिशवो दण्डपाणयः ॥ ६.३.९ ॥
Driven by time, they will even draw armed images; children with sticks in their hands will rush upon one another.
6.3.10
अन्योन्यमभिमृद्गन्ति नगराणि युयुत्सवः ।
पद्मोत्पलानि वृक्षेषु जायन्ते कुमुदानि च ॥ ६.३.१० ॥
Eager for war, they will trample one another's cities; lotuses, blue lotuses and night lilies will grow on the trees.
6.3.11
विष्व्वाताश्च वान्त्युग्रा रजो नाप्युपशाम्यति ।
अभीक्ष्णं कम्पते भूमिरर्कं राहुरुपैति च ॥ ६.३.११ ॥
Fierce whirlwinds will blow in all directions and the dust will not settle; the earth will tremble again and again, and Rāhu will draw near to the sun.
6.3.12
श्वेतो ग्रहस्तथा चित्रां समतिक्रम्य तिष्ठति ।
अभावं हि विशेषेण कुरूणां तत्र पश्यति ॥ ६.३.१२ ॥
The white planet too stands having passed beyond Citrā, and there it sees in particular the ruin of the Kurus.
6.3.13
धूमकेतुर्महाघोरः पुष्यं चाक्रम्य तिष्ठति ।
सेनयोरशिवं घोरं करिष्यति महाग्रहः ॥ ६.३.१३ ॥
The comet Dhūmaketu, most terrible, stands having encroached upon Puṣya. That great planet will bring about an inauspicious and dreadful outcome for both armies.
6.3.14
मघास्वङ्गारको वक्रः श्रवणे च बृहस्पतिः ।
भगं नक्षत्रमाक्रम्य सूर्यपुत्रेण पीड्यते ॥ ६.३.१४ ॥
Mars, retrograde, is in Maghā, and Jupiter is in Śravaṇa. Having encroached upon the constellation Bhaga, it is afflicted by the son of the Sun.
6.3.15
शुक्रः प्रोष्ठपदे पूर्वे समारुह्य विरोचते ।
उत्तरे तु परिक्रम्य सहितः समुदीक्षते ॥ ६.३.१५ ॥
Venus, having mounted the former Proṣṭhapadā, shines; and having moved around the latter, it is seen in company with it.
6.3.16
श्यामो ग्रहः प्रज्वलितः सधूम इव पावकः ।
ऐन्द्रं तेजस्वि नक्षत्रं ज्येष्ठामाक्रम्य तिष्ठति ॥ ६.३.१६ ॥
That dark, blazing planet is like a smoky fire. Having encroached upon Jyeṣṭhā, the brilliant constellation of Indra, it stands.
6.3.17
ध्रुवं प्रज्वलितो घोरमपसव्यं प्रवर्तते ।
रोहिणीं पीडयत्येवमुभौ च शशिभास्करो ।
चित्रास्वात्यन्तरे चैव विष्ठितः परुषग्रहः ॥ ६.३.१७ ॥
Surely that blazing, dreadful planet moves in the inauspicious leftward course. Thus it afflicts Rohiṇī, and both the moon and the sun as well; that harsh planet stands between Citrā and Svāti.
6.3.18
वक्रानुवक्रं कृत्वा च श्रवणं पावकप्रभः ।
ब्रह्मराशिं समावृत्य लोहिताङ्गो व्यवस्थितः ॥ ६.३.१८ ॥
Making a crooked and back-and-forth course, that fire-bright planet, its limbs red, stands firmly, enveloping Śravaṇa and the sign of Brahmā.
6.3.19
सर्वसस्यपरिच्छन्ना पृथिवी सस्यमालिनी ।
पञ्चशीर्षा यवाश्चापि शतशीर्षाश्च शालयः ॥ ६.३.१९ ॥
The earth, covered with all crops and adorned with grain: barley with five heads, and rice with a hundred heads.
6.3.20
प्रधानाः सर्वलोकस्य यास्वायत्तमिदं जगत् ।
ता गावः प्रस्नुता वत्सैः शोणितं प्रक्षरन्त्युत ॥ ६.३.२० ॥
The chief cows of the whole world, on whom this universe depends, flow with milk with their calves, yet also drip blood.
6.3.21
निश्चेरुरर्चिषश्चापात्खङ्गाश्च ज्वलिता भृशम् ।
व्यक्तं पश्यन्ति शस्त्राणि संग्रामं समुपस्थितम् ॥ ६.३.२१ ॥
Flames burst out of the sky and the swords blazed fiercely; the weapons are plainly seen, for the battle has drawn near.
6.3.22
अग्निवर्णा यथा भासः शस्त्राणामुदकस्य च ।
कवचानां ध्वजानां च भविष्यति महाक्षयः ॥ ६.३.२२ ॥
Like the fire-colored gleam of weapons, of water, of armor and of banners, there will be great destruction.
6.3.23
पृथिवी शोणितावर्ता ध्वजोडुपसमाकुला ।
कुरूणां वैशसे राजन्पाण्डवैः सह भारत ॥ ६.३.२३ ॥
O king, O descendant of Bharata, in the slaughter of the Kurus together with the Pāṇḍavas, the earth will be whirling with eddies of blood, crowded with banners and stars.
6.3.24
दिक्षु प्रज्वलितास्याश्च व्याहरन्ति मृगद्विजाः ।
अत्याहितं दर्शयन्तः क्षत्रियाणां महद्भयम् ॥ ६.३.२४ ॥
In the directions, with blazing mouths, the deer and birds cry out, showing great calamity and great fear for the warriors.
6.3.25
एकपक्षाक्षिचरणाः शकुन्ताः खेचरा निशि ।
रौद्रं वदन्ति संरब्धाः शोणितं छर्दयन्ति च ॥ ६.३.२५ ॥
Birds with one wing, one eye and one foot wander the sky at night; enraged, they utter dreadful cries and vomit blood.
6.3.26
ग्रहौ ताम्रारुणनिभौ प्रज्वलन्ताविव स्थितौ ।
सप्तर्षीणामुदाराणां समवच्छाद्य वै प्रभाम् ॥ ६.३.२६ ॥
Two planets, copper-red and ruddy, stand as if blazing, completely covering the radiance of the noble seven sages.
6.3.27
संवत्सरस्थायिनौ च ग्रहौ प्रज्वलितावुभौ ।
विशाखयोः समीपस्थौ बृहस्पतिशनैश्चरौ ॥ ६.३.२७ ॥
The two planets that remain for a year, Jupiter and Saturn, blazing, stand near the Viśākhā asterisms.
6.3.28
चन्द्रादित्यावुभौ ग्रस्तावेकाह्ना हि त्रयोदशीम् ।
अपर्वमि ग्रहं यातौ प्रजासंक्षयमिच्छतः ॥ ६.३.२८ ॥
The moon and the sun were both seized by eclipse on the same day, on the thirteenth lunar day; the eclipse came out of season, as if they desired the destruction of the people.
6.3.29
अशोभिता दिशः सर्वाः पांसुवर्षैः समन्ततः ।
उत्पातमेघा रौद्राश्च रात्रौ वर्षन्ति शोणितम् ॥ ६.३.२९ ॥
All the directions are dimmed on every side by showers of dust; terrible portent-clouds rain blood at night.
6.3.30
कृत्तिकां पीडयंस्तीक्ष्णैर्नक्षत्रं पृथिवीपते ।
अभीक्ष्णवाता वायन्ते धूमकेतुमवस्थिताः ॥ ६.३.३० ॥
O lord of the earth, fierce planets afflict the Kṛttikā asterism; incessant winds blow, and a comet stands fixed in the sky.
6.3.31
विषमं जनयन्त्येत आक्रन्दजननं महत् ।
त्रिषु पूर्वेषु सर्वेषु नक्षत्रेषु विशांपते ।
बुधः संपततेऽभीक्ष्णं जनयन्प्राणिनां भयम् ॥ ६.३.३१ ॥
These unevenly produce great lamentation. O lord of men, in the three preceding lunar mansions and in all the lunar mansions, Budha (Mercury) constantly moves, producing fear in living beings.
6.3.32
चतुर्दशीं पञ्चदशीं भूतपूर्वां च षोडशीम् ।
इमां तु नाभिजानामि अमावास्यां त्रयोदशीम् ।
चन्द्रसूर्यावुभौ ग्रस्तावेकाह्ना हि त्रयोदशीम् ॥ ६.३.३२ ॥
I know the fourteenth and fifteenth lunar days, and the sixteenth that occurred formerly; but this new-moon day and the thirteenth I do not recognize. On a single day, the thirteenth, both Moon and Sun were seized by eclipse.
6.3.33
अपर्वणि ग्रहेणैतौ प्रजाः संक्षपयिष्यतः ।
मांसवर्षं पुनस्तीव्रमासीत्कृष्णचतुर्दशीम् ।
शोणितैर्वक्रसंपूर्णा अतृप्तास्तत्र राक्षसाः ॥ ६.३.३३ ॥
By an untimely eclipse these two will destroy the creatures. On the fourteenth of the dark fortnight there was again a fierce rain of flesh; in the crooked waters filled with blood, the demons there were not satisfied.
6.3.34
प्रतिस्रोतोवहा नद्यः सरितः शोणितोदकाः ।
फेनायमानाः कूपाश्च कूर्दन्ति वृषभा इव ॥ ६.३.३४ ॥
The rivers flowed against the current; the streams had blood for their water; the wells, foaming, leapt like bulls.
6.3.35
पतन्त्युल्काः सनिर्घाताः शक्राशनिसमप्रभाः ।
अद्य चैव निशां व्युष्टामनयं समवाप्स्यथ ॥ ६.३.३५ ॥
Meteors fall with thunderclaps, bright like Indra's thunderbolt. Today itself, when the night has dawned, you will meet with misfortune.
6.3.36
विनिःसृत्य महोल्काभिस्तिमिरं सर्वतो दिशम् ।
अन्योन्यमुपतिष्ठद्भिस्तत्र चोक्तं महर्षिभिः ।
भूमिपालसहस्राणां भूमिः पास्यति शोणितम् ॥ ६.३.३६ ॥
Bursting forth with great fire-brands, darkness spread on every side; and there the great sages, drawing near one another, declared: the earth will drink the blood of thousands of kings.
6.3.37
कैलासमन्दराभ्यां तु तथा हिमवतो विभो ।
सहस्रशो महाशब्दं शिखराणि पतन्ति च ॥ ६.३.३७ ॥
O mighty one, peaks of Kailāsa and Mandara, and likewise of the Himālaya, fall by thousands with a great roar.
6.3.38
महाभूता भूमिकम्पे चत्वारः सागराः पृथक् ।
वेलामुद्वर्तयन्तीव क्षोभयन्तो वसुन्धराम् ॥ ६.३.३८ ॥
In the earthquake the four great oceans, each apart, as if overturning their shores, agitate the earth.
6.3.39
वृक्षानुन्मथ्य वान्त्युग्रा वाताः शर्करकर्षिणः ।
आभग्राः सुमहावातैरशनीभिः समाहताः ॥ ६.३.३९ ॥
Uprooting trees, fierce winds blow, dragging gravel; struck by great winds and thunderbolts, they are broken.
6.3.40
वृक्षाः पतन्ति चैत्याश्च ग्रामेषु नगरेषु च ।
नीललोहितपीतश्च भवत्यग्निर्हुतो द्विजैः ॥ ६.३.४० ॥
Trees and shrines fall in villages and cities; and the fire, offered by the twice-born, becomes dark-blue, red and yellow.
6.3.41
वामार्चिर्दुष्टगन्धश्च मुञ्चन्वै दारुणं स्वनम् ।
स्पर्शा गन्धा रसाश्चैव विपरीता महीपते ॥ ६.३.४१ ॥
With a leftward flame and foul smell, emitting a terrible sound; and touch, smell and taste, O lord of the earth, have all been reversed.
6.3.42
धूमं ध्वजाः प्रमुञ्चन्ति कम्पमाना मुहुर्मुहुः ।
मुञ्चन्त्यङ्गारवर्षं च भेर्यश्च पटहास्तथा ॥ ६.३.४२ ॥
The trembling banners again and again emit smoke, and they rain down showers of embers; so too the war drums and kettledrums.
6.3.43
शिखराणां समृद्धानामुपरिष्टात्समन्ततः ।
वायसाश्च रुवन्त्युग्रं वामं मण्डलमाश्रिताः ॥ ६.३.४३ ॥
Above the flourishing peaks, on every side, crows wheeling in a leftward circle cry out fiercely.
6.3.44
पक्वापक्वेऽतिसुभृशं वावाश्यन्ते वयांसि च ।
निलीयन्ते ध्वजाग्रेषु क्षयाय पृथिवीक्षिताम् ॥ ६.३.४४ ॥
Upon ripe and unripe fruit the birds cry out again and again in great excess, and they hide at the tips of the banners, for the destruction of the kings of the earth.
6.3.45
ध्यायन्तः प्रकिरन्तश्च व्याला वेपथुसंयुताः ।
दीनास्तुरंगमाः सर्वे वारणाः सलिलाश्रयाः ॥ ६.३.४५ ॥
Brooding and scattering about, trembling, the wild beasts; the wretched horses and all the elephants seek refuge in water.
6.3.46
एवंविधं दुर्निमित्तं क्षयाय पृथीवीक्षिताम् ।
भौमं दिव्यं चान्तरिक्षं त्रिविधं जायतेऽनिशम् ॥ ६.३.४६ ॥
Such evil omens portend the destruction of the kings of the earth; threefold portents—earthly, celestial, and atmospheric—arise without cease.
6.3.47
एतच्छ्रुत्वा भवानत्र प्राप्तकालं व्यवस्यताम् ।
यथा लोकः समुच्छेदं नायं गच्छेत भारत ॥ ६.३.४७ ॥
Having heard this, you should now resolve on what is fitting at this time, so that this world does not go to destruction, O Bhārata.
6.3.48
पितुर्वचो निशम्यैतद्धृतराष्ट्रोऽब्रवीदिदम् ।
दिष्टमेतत्पुरा मन्ये भविष्यति नरक्षयः ॥ ६.३.४८ ॥
Having heard his father's words, Dhṛtarāṣṭra said this: I think this was fated long ago; the destruction of men will come.
6.3.49
राजानः क्षत्रधर्मेण यदि वध्यन्ति संयुगे ।
वीरलोकं समासाद्य सुखं प्राप्स्यन्ति केवलम् ॥ ६.३.४९ ॥
If kings are slain in battle by the duty of the warrior, having reached the world of heroes, they will obtain happiness alone.
6.3.50
इह कीर्तिं परे लोके दीर्घकालं महत्सुखम् ।
प्राप्स्यन्ति पुरुषव्याघ्राः प्राणांस्त्यक्त्वा महाहवे ॥ ६.३.५० ॥
Here fame, and in the other world great happiness for a long time, will the tigers among men obtain, having given up their breaths in the great battle.
6.3.51
एवं मुनिस्तथेत्सुक्त्वा कवीन्द्रो राजसत्तम ।
धृतराष्ट्रेण पुत्रेण ध्यानमन्वगमत्परम् ॥ ६.३.५१ ॥
Thus the sage, chief of poets, having said 'so be it', O best of kings, resorted to supreme meditation with Dhṛtarāṣṭra's son.
6.3.52
स मुहूर्तं तथा ध्यात्वा पुनरेवाब्रवीद्वचः ।
असंशयं पार्थिवेन्द्र कालः संक्षयते जगत् ॥ ६.३.५२ ॥
Having meditated thus for a moment, he spoke these words again: O lord of kings, without doubt Time is destroying the world.
6.3.53
सृजते च पुनर्लोकान्नेह विद्यति शाश्वतम् ।
ज्ञातीनां वै कुरूणां च संबन्धिसुहृदां तथा ॥ ६.३.५३ ॥
It creates the worlds again, but nothing here is eternal; so too of the kinsmen of the Kurus, their relatives and friends.
6.3.54
धर्म्यं दर्शय पन्थानं समर्थो ह्यसि वारणे ।
क्षुद्रं जातिवधं प्राहुर्मा कुरुष्व ममाप्रियम् ॥ ६.३.५४ ॥
Show the righteous path, for you are able to prevent this. The killing of one's own kin is called base; do not do what is displeasing to me.
6.3.55
कालोऽयं पुत्ररूपेण तव जातो विशांपते ।
न वधः पूज्यते वेदे हितं नैव कथंचन ॥ ६.३.५५ ॥
O lord of the people, this time has been born in the form of your son. Killing is not praised in the Veda, and it is in no way beneficial.
6.3.56
हन्यात्स एनं यो हन्यात्कुलधर्मं स्विकां तनुम् ।
कालेनोत्पथगन्तसि शक्ये सति यथाऽऽपदि ॥ ६.३.५६ ॥
He who kills the family duty, which is his own body, in truth kills himself. By the force of time you have gone astray, though you are able, as one in calamity.
6.3.57
कुलस्यास्य विनाशाय तथैव च महीक्षिताम् ।
अनर्थो राज्यरूपेण तव जातो विशांपते ॥ ६.३.५७ ॥
For the destruction of this family, and likewise of the kings, a calamity has been born in the form of your kingship, O lord of the people.
6.3.58
लुप्तधर्मा परेणासि धर्मं दर्शय वै सुतान् ।
किं ते राज्येन दुर्धर्षयेन प्राप्तोऽसि किल्विषम् ॥ ६.३.५८ ॥
You have lost your dharma through another. Show dharma to your sons. What good is this unassailable kingdom to you, when you have obtained only sin?
6.3.59
यशो धर्मं च कीर्तिं च पालयन्स्वर्गमाप्स्यसि ।
लभन्तां पाण्डवा राज्यं शमं गच्छन्तु कौरवाः ॥ ६.३.५९ ॥
Protecting fame, dharma and renown, you will attain heaven. Let the Pāṇḍavas obtain the kingdom, and let the Kauravas attain peace.
6.3.60
एवं ब्रुवति विप्रेन्द्रे धृतराष्ट्रोऽम्बिकासुतः ।
प्रशस्य वाक्यं वाक्यज्ञो वाक्यं चैवाब्रवीत्पुनः ॥ ६.३.६० ॥
When the lord of brahmins had spoken thus, Dhṛtarāṣṭra, son of Ambikā, praised his words, and, knowing speech, spoke again these words.
6.3.61
यथा भवान्वेत्ति तथैव वेत्ता ।
भावाभावौ विदितौ मे यथार्थौ ।
स्वार्थे हि संमुह्यति तात लोको ।
मां चापि लोकात्मकमेव विद्धि ॥ ६.३.६१ ॥
As you know, so too do I know. Existence and non-existence are known to me as they truly are. Dear one, the world is deluded by its own interest; know that I too am made of the world.
6.3.62
प्रसादये त्वामतुलप्रभावं ।
त्वं नो गतिर्दर्शयिता च धीरः ।
न चापि ते वशगा मे सुताश्च ।
न चाधर्मं कर्तुमर्हा हि मे मतिः ॥ ६.३.६२ ॥
O one of incomparable power, I beseech you. You are our refuge and the steadfast one who shows the way. My sons are not under your control, and my mind is not fit to do unrighteousness.
6.3.63
त्वं हि धर्मः पवित्रं च यशः कीर्तिर्धृतिः स्मृतिः ।
कुरूणां पाण्डवानां च मान्यश्चापि पितामहः ॥ ६.३.६३ ॥
You are dharma and purity, glory, fame, steadfastness and memory. You are also the grandsire honored by the Kurus and the Pāṇḍavas.
6.3.64
वैचित्रवीर्य नृपते यत्ते मनसि वर्तते ।
अभिधत्स्व यथाकामं छेत्ताऽस्मि तव संशयम् ॥ ६.३.६४ ॥
Son of Vicitravīrya, O king, tell freely whatever is in your mind. I shall dispel your doubt.
6.3.65
यानि लिङ्गानि संग्रामे भवन्ति विजयिष्यताम् ।
तानि सर्वाणि भगवञ्छ्रोतुमिच्छामि तत्त्वतः ॥ ६.३.६५ ॥
O blessed one, I wish to hear truly all the signs that appear in battle for those who will be victorious.
6.3.66
प्रसन्नभाः पावक ऊर्ध्वरश्मिः ।
प्रदक्षिणावर्तशिखो विधूमः ।
पुण्या गन्धाश्चाहुतीनां प्रवान्ति ।
जयस्यैतद्भाविनो रूपमाहुः ॥ ६.३.६६ ॥
The fire burns with a clear radiance, its rays rising upward, its flame curling clockwise, free of smoke; the sacred fragrance of the oblations spreads. This they call the form of victory yet to come.
6.3.67
गम्भीरघोषाश्च महास्वनाश्च ।
शङ्खा मृदङ्गाश्च नदन्ति यत्र।
विशुद्धरश्मिस्तपनः शशी च ।
जयस्येतद्भाविनो रूपमाहुः ॥ ६.३.६७ ॥
Where conches and drums sound with deep echoes and mighty roars, and the sun and moon shine with pure rays — this they call the form of victory yet to come.
6.3.68
इष्टा वाचः प्रसृता वायसानां ।
संप्रस्थितानां च गमिष्यतां च।
ये पृष्ठतस्ते त्वरयन्ति राज-
न्ये चाग्रतस्ते प्रतिषेधयन्ति ॥ ६.३.६८ ॥
The welcome cries of the crows spread out. Of those who have set forth and those about to go, some urge them on from behind, and others hold them back from in front, O king.
6.3.69
कल्याणवाचः शकुना राजहंसाः ।
शुकाः क्रौञ्चाः शतपत्राश्च यत्र।
प्रदक्षिणाश्चैव भवन्ति सङ्ख्ये ।
ध्रुवं जयस्तत्र वदन्ति विप्राः ॥ ६.३.६९ ॥
Where birds of auspicious cry — royal swans, parrots, cranes and hundred-winged birds — wheel to the right in battle, there, the Brahmins say, victory is certain.
6.3.70
अलंकारैः कवचैः केतुभिश्च ।
सुखप्रणादैर्हेषितैर्वा हयानाम्।
भ्राजिष्मती दुष्प्रतिवीक्षणीया ।
येषां चमूस्ते विजयन्ति शत्रून् ॥ ६.३.७० ॥
Those whose army gleams with ornaments, armour, banners, and the pleasing neighing of horses, hard to look upon — they conquer their enemies.
6.3.71
हृष्टा वाचस्तथा सत्वं योधानां यत्र भारत ।
न म्लायन्ति स्रजश्चैव ते तरन्ति रणोदधिम् ॥ ६.३.७१ ॥
O Bhārata, where the speech and spirit of the warriors are joyful and their garlands do not wither, they cross the ocean of battle.
6.3.72
प्रयाणे वायसो वामे दक्षिणे प्रविविक्षताम् ।
पश्चात्संसाधयत्यर्थं पुरस्तात्प्रतिषेधति ॥ ६.३.७२ ॥
At the time of setting out, if a crow is on the left or on the right, it accomplishes the aim of those who enter from behind, and obstructs them from in front.
6.3.73
शब्दरूपरसस्पर्शगन्धाश्चाविकृताः शुभाः ।
सदा हर्षश्च योधानां जयतामिह लक्षणम् ॥ ६.३.७३ ॥
Sounds, forms, tastes, touches and smells remain undistorted and auspicious, and joy is always present among the warriors — this is the sign of those who are winning here.
6.3.74
अनुगा वायवो वान्ति तथाऽभ्राणि वयांसि च ।
अनुप्लवन्ति मेघाश्च तथैवेन्द्रधनूंषि च ॥ ६.३.७४ ॥
Favorable winds blow, and likewise clouds and birds; rain-clouds float along behind, and so do rainbows.
6.3.75
एतानि जयमानानां लक्षणानि विशांपते ।
भवन्ति विपरीतानि मुमूर्षूणां जनाधिप ॥ ६.३.७५ ॥
These are the signs of those who are winning, O lord of the people; for those who are about to die they are reversed, O lord of men.
6.3.76
अल्पायां वा महत्यां वा सेनायामिति निश्चयः ।
हर्षो योधगणस्यैको जयलक्षणमुच्यते ॥ ६.३.७६ ॥
Whether the army is small or great, this is certain: the single joy of the host of warriors is declared to be the sign of victory.
6.3.77
एको दीर्णो दारयति सेनां सुमहतीमपि ।
तां दीर्णामनुदीर्यन्ते योधाः शूरतरा अपि ॥ ६.३.७७ ॥
A single broken man breaks even a very great army, and after that broken army even the most valiant warriors break in turn.
6.3.78
दुर्निवर्त्या तदा चैव प्रभग्ना महती वमूः ।
अपामिव महावेगा त्रस्ता मगगणा इव ॥ ६.३.७८ ॥
Then the great army, once broken, cannot be turned back, like a flood of water rushing with great force, or a herd of terrified deer.
6.3.79
नैव शक्या समाधातुं सन्निपाते महाचमूः ।
दीर्ण इत्येव दीर्यन्ते सुविद्वांसोऽपि भारत ॥ ६.३.७९ ॥
In the clash of battle a great army cannot be set in order again; thinking, 'It is broken,' even the very learned break, O Bhārata.
6.3.80
भीतान्भग्नांश्च संप्रेक्ष्य भयं भूयोऽभिवर्धते ।
प्रभग्ना सहसा राजन्दिशो विद्रवते चमूः ।
नैव स्थापयितुं शक्या शूरैरपि महाचमूः ॥ ६.३.८० ॥
Seeing the frightened and the broken, fear grows still more. O king, a broken army suddenly flees in all directions; not even heroes can stop that great army.
6.3.81
सत्कृत्य महतीं सेनां चतुरङ्गां महीपतिः ।
उपायपूर्वं मेधावी यतेत सततोत्थितः ॥ ६.३.८१ ॥
Having honored the great fourfold army, the wise king, always alert, should strive first by means of stratagem.
6.3.82
उपायविजयं श्रेष्ठमाहुर्भेदेन मध्यमम् ।
जघन्य एष विजयो यो युद्धेन विशांपते ॥ ६.३.८२ ॥
Victory by stratagem is called the best, victory by sowing division the middling. This victory by battle, O lord of men, is the lowest.
6.3.83
महान्दोषः सन्निपातस्तस्याद्यः क्षय उच्यते ।
परस्परज्ञाः संहृष्टा व्यवधूताः सुनिश्चिताः ॥ ६.३.८३ ॥
In that clash there is a great fault; its first result is said to be destruction. Those who know one another, exulting, and firmly resolved, [fight].
6.3.84
अपि पञ्चाशतं शूरा मृद्गन्ति महतीं चमूम् ।
अपि वा पञ्च षट् सप्त विजयन्त्यनिवर्तिनः ॥ ६.३.८४ ॥
Even fifty heroes can crush a great army; or even five, six or seven who do not turn back win the victory.
6.3.85
न वैनतेयो गरुडः प्रशंसति महाजनम् ।
दृष्ट्वा सुपर्णोऽपचितिं महत्या अपि भारत ॥ ६.३.८५ ॥
Garuḍa, son of Vinatā, does not praise a great multitude; O Bhārata, the Suparṇa (Garuḍa), seeing reverence even in a great host, [judges so].
6.3.86
न बाहुल्येन सेनाया जयो भवति नित्यशः ।
अध्रुवो हि जयो नाम दैवं चात्र परायणम् ।
जयवन्तो हि संग्रामे कृतकृत्या भवन्ति हि ॥ ६.३.८६ ॥
Victory does not always come through the sheer numbers of an army; victory is uncertain, and fate is the final refuge in it. Those who are victorious in battle become fulfilled.