マハーバーラタ · 章 7.29
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
7.29.1
तथा क्रुद्धः किमकरोद्भगदत्तस्य पाण्डवः ।
प्राग्ज्योतिषो वा पार्थस्य तन्मे शंस यथातथम् ॥ ७.२९.१ ॥
このように怒ったパーンダヴァは、バガダッタに対して何をしたのか。あるいはプラーグジョーティシャに対してパールタは何をしたのか。そのとおりに私に語れ。
7.29.2
प्राग्ज्योतिषेण संसक्तावुभौ दाशार्हपाण्डवौ ।
मृत्युदंष्ट्रान्तिकं प्राप्तौ सर्वभूतानि मेनिरे ॥ ७.२९.२ ॥
プラーグジョーティシャの王と交戦した二人、ダーシャールハとパーンダヴァは死の牙の間近に来たと、すべての生き物は思った。
7.29.3
तथा तु शरवर्षाणि पातयत्यनिशं प्रभो ।
गजस्कन्धान्महाराज कृष्णयोः स्यन्दनस्थयोः ॥ ७.२९.३ ॥
このように彼は絶え間なく矢の雨を降らせた、主よ。大王よ、象の背から、戦車に立つ二人のクリシュナに向けて。
7.29.4
अथ कार्ष्णायसैर्बाणैः पूर्णकार्मुकनिःसृतैः ।
अविध्यद्देवकीपुत्रं हेमपुङ्खैः शिलाशितैः ॥ ७.२९.४ ॥
そのとき彼は、満月のように引き絞った弓から放たれ、金の羽をつけ、砥石で研がれた鉄の矢で、デーヴァキーの子を射抜いた。
7.29.5
अग्निस्पर्शसमास्तीक्ष्णा भगदत्तेन चोदिताः ।
निर्भिद्य देवकीपुत्रं क्षितिं जग्मुः सुवाससः ॥ ७.२९.५ ॥
バガダッタに放たれた、火の触れるように鋭い矢は、デーヴァキーの子を貫き、美しい羽を持ったまま大地へ入っていった。
7.29.6
तस्य पार्थो धनुश्छित्त्वा परिवारं निहत्य च ।
लालयन्निव राजानं भगदत्तमयोधयत् ॥ ७.२९.६ ॥
彼の弓を断ち、従者たちを殺したパールタは、王バガダッタを慈しむかのように戦った。
7.29.7
सोऽर्करश्मिनिभांस्तीक्ष्णांस्तोमरान्वै चतुर्दश ।
अप्रेषयत्सव्यसाची द्विधैकैकमथाच्छिनत् ॥ ७.२९.७ ॥
太陽の光線のように輝く十四本の鋭いトーマラを放ち、そのそれぞれを二つに断ち切った。
7.29.8
ततो नागस्य तद्वर्म व्यधमत्पाकशासनिः ।
शरजालेन महता तद्व्यशीर्यत भूतले ॥ ७.२९.८ ॥
そこでパーカシャーサナ（インドラ）の子は大きな矢の網でその象の鎧を砕き、それは地に散らばった。
7.29.9
शीर्णवर्मा स तु गजः शरैः सुभृशमर्दितः ।
बभौ धारानिपाताक्तो व्यभ्रः पर्वतराडिव ॥ ७.२९.९ ॥
鎧の砕けたその象は、矢に激しく打たれ、豪雨に濡れて雲のない山の王のように輝いた。
7.29.10
ततः प्राग्ज्योतिषः शक्तिं हेमदण्डामयस्मयीम् ।
व्यसृजद्वासुदेवाय द्विधा तामर्जुनोऽच्छिनत् ॥ ७.२९.१० ॥
するとプラーグジョーティシャの王は金の柄を持つ鉄の槍をヴァスデーヴァに投げつけたが、アルジュナはそれを二つに断ち切った。
7.29.11
ततश्छत्रं ध्वजं चैव च्छित्त्वा राज्ञोऽर्जुनः शरैः ।
विव्याध दशभिस्तूर्णमुत्स्मयन्पर्वतेश्वरम् ॥ ७.२९.११ ॥
そしてアルジュナは王の日傘と旗を矢で断ち切り、微笑みながらすぐに十本の矢で山の主を射抜いた。
7.29.12
सोऽतिविद्धोऽर्जुनशरैः सुपुङ्खैः कङ्कपत्रिभिः ।
भगदत्तस्ततः क्रुद्धः पाण्डवस्य जनाधिपः ॥ ७.२९.१२ ॥
アルジュナの見事な羽根を持つ、鶴の羽のついた矢に深く射抜かれた人民の主バガダッタは、パーンドゥの子に怒りを燃え上がらせた。
7.29.13
व्यसृजत्तोमरान्मूर्ध्नि श्वेताश्वस्योन्नाद च ।
तैरर्जुनस्य समरे किरीटं परिवर्तितम् ॥ ७.२९.१३ ॥
咆哮しながら彼は白馬のアルジュナの頭に投槍を放ち、それによって戦いでアルジュナの冠は捻じ曲げられた。
7.29.14
परिवृत्तं किरीटं तद्यमयन्नेव पाण्डवः ।
सुदृष्टः क्रियतां लोक इति राजानमब्रवीत् ॥ ७.२९.१४ ॥
ねじれた冠を押さえながら、パーンダヴァは王に言った。「世界がよく見るように、そうせよ。」
7.29.15
एवमुक्तस्तु सङ्क्रुद्धः शरवर्षेण पाण्डवम् ।
अभ्यवर्षत्स गोविन्दं धनुरादाय भास्वरम् ॥ ७.२९.१५ ॥
そう言われて激しく怒った彼は、パーンダヴァに矢の雨を降らせ、輝く弓を取ってゴーヴィンダにも降らせた。
7.29.16
तस्य पार्थो धनुश्छित्त्वा तूणीरान्सन्निकृत्य च ।
त्वरमाणो द्विसप्तत्या सर्वमर्मस्वताडयत् ॥ ७.२९.१६ ॥
彼の弓を断ち、箭筒を切り裂き、プリター の子は急いで七十二の矢で彼のすべての急所を射た。
7.29.17
विद्धस्ततोऽतिव्यथितो वैष्णवास्त्रमुदीरयन् ।
अभिमन्त्र्याङ्कुशं क्रुद्धो व्यसृजत्पाण्डवोरसि ॥ ७.२९.१७ ॥
その後、傷つき激しく苦しんだ彼は、ヴァイシュナヴァの武器を唱え、怒りに駆られて鉤を呪文で清め、パーンダヴァの胸に投げつけた。
7.29.18
विसृष्टं भगदत्तेन तदस्त्रं सर्वघाति वै ।
उरसा प्रतिजग्राह पार्थं सञ्छाद्य केशवः ॥ ७.२९.१८ ॥
バガダッタが放ったその一切を滅ぼす武器を、ケーシャヴァは胸で受け止め、パールタを覆った。
7.29.19
वैजयन्त्यभवन्माला तदस्त्रं केशवोरसि ।
पद्मकोशविचित्रा सा सर्वर्तुकुसुमोत्करा ॥ ७.२९.१९ ॥
その武器はケーシャヴァの胸で勝利の花輪となった。蓮の蕾のように彩り豊かで、四季すべての花に満ちていた。
7.29.20
ज्वलनार्केन्दुवर्णाभा पावकोज्ज्वलपल्लवा ।
तया पद्मपलाशिन्या वातकम्पितपत्रया ॥ ७.२९.२० ॥
火、太陽、月の色合いに輝き、火のように明るい若芽をもち、蓮の花弁のような葉が風に揺れるその花輪とともに。
7.29.21
शुशुभेऽभ्यधिकं शौरिरतसीपुष्पसन्निभः ।
ततोऽर्जुनः क्लान्तमनाः केशवं प्रत्यभाषत ॥ ७.२९.२१ ॥
亜麻の花のような色のシャウリは非常に輝いた。そのとき、疲れた心のアルジュナはケーシャヴァに語りかけた。
7.29.22
अयुध्यमानस्तुरगान्संयन्तास्मि जनार्दन ।
इत्युक्त्वा पुण्डरीकाक्ष प्रतिज्ञां स्वां न रक्षसि ॥ ७.२९.२२ ॥
「ジャナールダナよ、私は戦わず、馬の御者となろう」と言ったのに、蓮華眼の方よ、あなたは自分の誓いを守っていない。
7.29.23
यद्यहं व्यसनी वा स्यामशक्तो वा निवारणे ।
ततस्त्वयैवं कार्यं स्यान्न तु कार्यं मयि स्थिते ॥ ७.२९.२३ ॥
もし私が不幸に苦しむか、敵を防ぐことができないなら、あなたはそうしてもよいだろう。しかし私が立っている間は、それはあなたの務めではない。
7.29.24
सबाणः सधनुश्चाहं ससुहासुरमानुषान् ।
शक्तो लोकानिमाञ्जेतुं तच्चापि विदितं तव ॥ ७.२९.२४ ॥
矢と弓をもつ私は、神々、阿修羅、人間を含むこれらの世界を征服できる。それもあなたは知っている。
7.29.25
ततोऽर्जुनं वासुदेवः प्रत्युवाचार्यवद्वचः ।
शृणु गुह्यमिदं पार्थ पुरावृत्तं यथाऽनघ ॥ ७.२९.२५ ॥
そこでヴァースデーヴァはアルジュナに気高い言葉で答えた。「無垢なるプリター の子よ、この古い秘密の物語を聞け」
7.29.26
येयं भूतधरा देवी सर्वभूतधरा धरा ।
सकामा लोककर्तारं नारायणमुपस्थिता ॥ ७.२९.२६ ॥
万物を担うこの女神、一切の生きものを支える大地は、望みを抱いて世界の創造主ナーラーヤナのもとへ近づいた。
7.29.27
स सङ्गत्य तया सार्धं प्रीतस्तस्या वरं ददौ ।
सा वव्रे विष्णुसदृशं पुत्रमस्त्रं च वैष्णवम् ॥ ७.२९.२७ ॥
彼女と結ばれて喜んだ彼は、彼女に恩恵を与えた。彼女はヴィシュヌに似た息子とヴァイシュナヴァの武器を選んだ。
7.29.28
बभूव च सुतस्तस्या नरको नाम विश्रुतः ।
अस्त्रं च वैष्णवं तस्मै ददौ नारायणः स्वयम् ॥ ७.२९.२८ ॥
彼女には、ナラカという名で名高い息子が生まれた。ナーラーヤナ自身が彼にヴァイシュナヴァの武器を与えた。
7.29.29
तदेवं नरकस्यासीदस्त्रं सर्वाहितान्तकम् ।
तस्मात्प्राग्ज्योतिषं प्राप्तं सर्वशस्त्रविघातनम् ॥ ७.२९.२९ ॥
こうしてナラカは、あらゆる敵を滅ぼす武器を持っていた。それゆえに、それはあらゆる武器を無効にするプラーグジョーティシャに至った。
7.29.30
नास्यावध्योऽस्ति लोकेऽस्मिन्मदन्यः कश्चिदर्जुन ।
तस्मान्मया कृतं ह्येतन्मा भूत्ते बुद्धिरन्यथा ॥ ७.२९.३० ॥
この世界で、私以外に彼を殺せる者はいない、アルジュナ。だからこれは私が行ったのだ。お前の心が別様に思うことのないように。
7.29.31
अनुनीय तु दाशार्हः पाण्डवं त्वरितोऽब्रवीत् ।
जहि प्राग्ज्योतिषं क्षिप्रं वाक्यशेषं च मे शृणु ॥ ७.२९.३१ ॥
ダーシャールハは般度の子に懇願し、急いで言った。「プラーグジョーティシャをすぐに討て。そして私の残りの言葉を聞け。」
7.29.32
चतुर्मूर्तिरहं शश्वल्लोकत्राणार्थमुद्यतः ।
आत्मानं प्रविभज्येह लोकानां हितमादधे ॥ ७.२९.३२ ॥
私は常に世界を守るために備えている。自らを四つの姿に分け、ここで世界の幸福を引き受けた。
7.29.33
एका मूर्तिस्तपश्चर्यां कुरुते मे भुवि स्थिता ।
अपरा पश्यति जगत्कुर्वाणं साध्वसाधुनी ॥ ७.२९.३३ ॥
一つの姿は地上に留まり、私の苦行を行う。もう一つは善と悪をなす世界を見ている。
7.29.34
अपरा कुरुते कर्म मानुषं लोकमाश्रिता ।
शेते चतुर्थीं त्वपरा निद्रां वर्षसहस्रिकीम् ॥ ७.२९.३४ ॥
もう一つは人間の世界に住んで行いをなし、第四の姿は千年の眠りにつく。
7.29.35
याऽसौ वर्षसहस्रान्ते मूर्तिरुत्तिष्ठते मम ।
वरार्हेभ्यो वराञ्श्रेष्ठांस्तस्मिन्काले ददाति सा ॥ ७.२९.३५ ॥
千年の終わりに、私のその姿が立ち上がる。その時、それは恩恵にふさわしい者たちに最上の恩恵を与える。
7.29.36
तं तु कालमनुप्राप्तं विदित्वा पृथिवी तदा ।
अयाचत वरं यन्मां नरकार्थाय तच्छृणु ॥ ७.२९.३६ ॥
その時が来たことを知った大地は、私に一つの恩恵を願った。ナラカのために彼女が願ったことを聞け。
7.29.37
देवानां दानवानां च अवध्यस्तनयोऽस्तु मे ।
उपेतो वैष्णवास्त्रेण तन्मे त्वं दातुमर्हसि ॥ ७.२९.३७ ॥
私の息子が神々とダーナヴァに殺されず、ヴァイシュナヴァの武器を備えますように。その恩恵を私に与えることがあなたにはふさわしい。
7.29.38
एवं वरमहं श्रुत्वा जगत्यास्तनये तदा ।
अमोघमस्त्रं प्रायच्छं वैष्णवं परमं पुरा ॥ ७.२९.३८ ॥
大地の息子へのそのような恩恵を聞いて、私はそのとき、外れることのない最高のヴァイシュナヴァの武器を与えた。
7.29.39
अवोचं चैतदस्त्रं वै ह्यमोघं भवतु क्षमे ।
नरकस्याभिरक्षार्थं नैनं कश्चिद्वधिष्यति ॥ ७.२९.३९ ॥
私は言った。「忍耐深き者よ、この武器は外れぬものとなれ。ナラカを守るため、誰も彼を殺すことはないだろう。」
7.29.40
अनेनास्त्रेण ते गुप्तः सुतः परबलार्दनः ।
भविष्यति दुराधर्षः सर्वलोकेषु सर्वदा ॥ ७.२९.४० ॥
この武器に守られ、あなたの息子は敵軍を打ち砕く者となり、あらゆる世界で永遠に打ち負かされぬ者となるだろう。
7.29.41
तथेत्युक्त्वा गता देवी कृतकामा मनस्विनी ।
स चाप्यासीद्दुराधर्षो नरकः शत्रुतापनः ॥ ७.२९.४१ ॥
「そうなるように」と言い、願いの叶った心高き女神は去っていった。ナラカもまた、敵を焼く無敵の者となった。
7.29.42
तस्मात्प्राग्ज्योतिषं प्राप्तं तदस्त्रं पार्थ मामकम् ।
नास्यावध्योऽस्ति लोकेषु सेन्द्ररुद्रेषु मारिष ॥ ७.२९.४२ ॥
ゆえに、プリター の子よ、私のあの武器はプラーグジョーティシャに届いた。だから因陀羅とルドラを含む全世界で、彼を殺すことはできない、尊き者よ。
7.29.43
तन्मया त्वत्कृते चैतदन्यथैवोपनिर्मितम् ।
वियुक्तं परमास्त्रेण जहि पार्थ महासुरम् ॥ ७.२९.४३ ॥
お前のために、私はこれを別の形に仕組んでおいた。パールタよ、最高の武器によって放たれ、あの大アスラを討て。
7.29.44
अवध्योऽयं महास्त्रेण भगदत्तः सुरासुरैः ।
वैरिणं जहि दुर्धर्षं भगदत्तं सुरद्विषम्।
यथाऽहं जघ्निवान्पूर्वं हितार्थं नरकं तथा ॥ ७.२९.४४ ॥
このバガダッタは大いなる武器によっても、神々やアスラによっても殺されない。敵を討て、征服しがたく神々を憎むバガダッタを。かつて私が世界の幸のためにナラカを討ったように。
7.29.45
एवमुक्तस्तदा पार्थः केशवेन महात्मना ।
भगदत्तं शितैर्बाणैः सहसा समवाकिरत् ॥ ७.२९.४५ ॥
偉大なるケーシャヴァにそう言われると、パールタはすぐさま鋭い矢でバガダッタを覆った。
7.29.46
ततः पार्थो महाबाहुरसम्भ्रान्तो महामनाः ।
कुम्भयोरन्तरे नागं नाराचेन समार्पयत् ॥ ७.२९.४६ ॥
そこで、腕力強く、動じず、度量の大きいパールタは、象の二つのこめかみの間をナーラーチャの矢で貫いた。
7.29.47
स समासाद्य तं नागं बाणो वज्र इवाचलम् ।
अभ्यगात्सह पुङ्खेन वल्मीकमिव पन्नगः ॥ ७.२९.४७ ॥
その矢は象に達し、雷が山に落ちるように、蛇が蟻塚に入るように、矢柄ごと中へ入り込んだ。
7.29.48
स करी भगदत्तेन प्रेर्यमाणो मुहुर्मुहुः ।
न करोति वचस्तस्य दरिद्रस्येव योषिता ॥ ७.२९.४८ ॥
バガダッタが何度も駆り立てても、その象は彼の命令に従わない。貧しい男の妻が夫の言うことを聞かないように。
7.29.49
स तु विष्टभ्य गात्राणि दन्ताभ्यामवनिं ययौ ।
नदन्नार्तस्वनं प्राणानुत्ससर्ज महाद्विपः ॥ ७.२९.४९ ॥
四肢を踏ん張り、牙で大地へ崩れ落ちた。苦痛の叫びをあげ、その大象は命を手放した。
7.29.50
ततो गाण्डीवधन्वानमभ्यभाषत केशवः ।
अयं महत्तरः पार्थ पलितेन समावृतः ॥ ७.२९.५० ॥
するとケーシャヴァはガーンディーヴァの弓を持つアルジュナに言った。「パールタよ、この者は白髪に覆われた大変な老人だ。」
7.29.51
वलीसञ्छन्ननयनः शूरः परमद्रुर्जयः ।
अक्ष्णोरुन्मीलनार्थाय बद्धपट्टो ह्यसौ नृपः ॥ ७.२९.५१ ॥
皺に覆われた眼を持つこの勇士、極めて打ち破りがたい王は、瞼を開けるために額の布を結んでいる。
7.29.52
देववाक्यात्प्रचिच्छेद शरेण भृशमर्जुनः ।
छिन्नमात्रेंऽशुके तस्मिन्रुद्धनेत्रो बभूव सः ॥ ७.२९.५२ ॥
神の言葉に従い、アルジュナは矢でその布を激しく断ち切った。布が切れるや否や、王の眼は塞がれた。
7.29.53
तमोमयं जगन्मेने भगदत्तः प्रतापवान् ।
ततश्चन्द्रार्धबिम्बेन बाणेन नतपर्वणा ॥ ७.२९.५३ ॥
威光ある バガダッタは世界を闇に満ちたものと思った。そのとき、半月形の鏃と曲がった節をもつ矢で——
7.29.54
बिभेद हृदयं राज्ञो भगदत्तस्य पाण्डवः ।
स भिन्नहृदयो राजा भगदत्तः किरीटिना ॥ ७.२९.५४ ॥
パーンドゥの子は王バガダッタの心臓を貫いた。冠を戴く者（アルジュナ）に心を貫かれた王バガダッタは——
7.29.55
शरासनं शरांश्चैव गतासुः प्रमुमोच ह ।
शिरसस्तस्य विभ्रष्टं पपात च वरांशुकम्।
नालताडनविभ्रष्टं पलाशं नलिनादिव ॥ ७.२९.५५ ॥
息絶えた彼は弓と矢を放した。その頭から見事な衣が落ちた。茎の一打ちで蓮から落ちるパラーシャの花のように。
7.29.56
स हेममाली तपनीयभाण्डात्पपात नागाद्गिरिसन्निकाशात् ।
सुपुष्पितो मारुतवेगभग्नो महीधराग्रादिव कर्णिकारः ॥ ७.२९.५६ ॥
金の花環をつけた彼は、金の飾りをまとった山のような象から落ちた。山頂から風の勢いで折れ落ちる満開のカルニカーラの木のように。
7.29.57
निहत्य तं नरपतिमिन्द्रविक्रमं सस्वायमिन्द्रस्य तदैन्द्रिराहवे ।
ततोऽपरांस्तव जयकाङ्क्षिणो नरान् बभञ्ज वायुर्बलवान्द्रुमानिव ॥ ७.२९.५७ ॥
インドラの子(アルジュナ)は、インドラに匹敵する勇猛なその王を、その従者たちとともに戦場で殺した。そして次に、あなたの勝利を望む他の人々を、強い風が木々を折るように打ち砕いた。