Mahābhārata · Adhyāya 7.99
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
7.99.1
वर्तमाने तदा युद्धे द्रोणस्य सह पाण्डुभिः ।
परिवर्तमान आदित्ये तत्र सूर्ये च रश्मिभिः।
रजसा कीर्यमाणाश्च मन्दीभूताश्च कौरवाः ॥ ७.९९.१ ॥
While the battle was raging between Droṇa and the Pāṇḍavas, and the sun was wheeling in the sky with its rays, the Kauravas, scattered and covered with dust, grew dim.
7.99.2
तिष्ठतां युध्यमानानां पुनरावर्ततामपि ।
भज्यतां जयतां चैव जगाम तदहः शनैः ॥ ७.९९.२ ॥
Among those who stood and fought, those who turned back again, those who broke and those who conquered, that day passed slowly.
7.99.3
तथा तेषु विषक्तेषु सैन्येषु जयगृद्धिषु ।
अर्जुनो वासुदेवश्च सैन्धवायैव जग्मतुः ॥ ७.९९.३ ॥
As the armies were thus locked together, greedy for victory, Arjuna and Vāsudeva went toward Saindhava.
7.99.4
रथमार्गप्रमाणं तु कौन्तेयो निशितैः शरैः ।
चकार यं च पन्थानं ययौ तेन जनार्दनः ॥ ७.९९.४ ॥
The son of Kuntī, with sharp arrows, marked out the measure of the chariot path, and along that very path Janārdana went.
7.99.5
यत्रयत्र रथो याति पाण्डवस्य महात्मनः ।
तत्रतत्रैव दीर्यन्ते सेनास्तव विशाम्पते ॥ ७.९९.५ ॥
Wherever the chariot of the great-souled Pāṇḍava goes, there, O lord of the people, your armies are torn apart.
7.99.6
रथशिक्षां तु दाशार्हो दर्शयामास वीर्यवान् ।
उत्तमाधममध्यानि मण्डलानि विदर्शयन् ॥ ७.९९.६ ॥
The mighty descendant of Daśārha displayed his skill in driving the chariot, clearly showing the highest, lowest and middle circular turns.
7.99.7
ते तु नामाङ्किता बाणाः कालज्वलनसन्निभाः ।
स्नायुनद्धाः सुपर्वाणः पृथवो दीर्घगामिनः ॥ ७.९९.७ ॥
Those arrows, inscribed with names, like the fire of time, bound with sinew, well-jointed, broad, long-flying.
7.99.8
वैणवाश्चायसाश्चोग्रा ग्रसन्तो विविधानरीन् ।
रुधिरं पतगैः सार्धं प्राणिनां पपुराहवे ॥ ७.९९.८ ॥
The fierce arrows, of bamboo and of iron, devouring many enemies, drank the blood of living beings together with the birds in battle.
7.99.9
रथस्थितोऽग्रतः क्रोशं यानस्यत्यर्जुनः शरान् ।
रथे क्रोशमतिक्रान्ते तस्य ते घ्नन्ति शात्रवान् ॥ ७.९९.९ ॥
Arjuna, standing on the chariot, shot arrows a krosha ahead of the chariot; when the chariot had gone a krosha, those arrows struck his enemies.
7.99.10
तार्क्ष्यमारुतरंहोभिर्वाजिभिः साधुवाहिभिः ।
यथाऽगच्छद्धृषीकेशः कृत्स्नं विस्मापयञ्जगत् ॥ ७.९९.१० ॥
With horses swift as Garuḍa and the wind, well-drawing, Hṛṣīkeśa went, astonishing the whole world.
7.99.11
न तथा गच्छति रथस्तपनस्य विशाम्पते ।
नेन्द्रस्य न तु रुद्रस्य नापि वैश्रवणस्य च ॥ ७.९९.११ ॥
O lord of the people, the chariot of the sun does not go thus, nor does Indra's, nor Rudra's, nor even Kuberа's.
7.99.12
नान्यस्य समरे राजन्गतपूर्वस्तथा रथः ।
यथा ययावर्जुनस्य मनोभिप्रायशीघ्रगः ॥ ७.९९.१२ ॥
O king, in battle no other chariot ever went thus before, as the chariot of Arjuna went, swift as the intention of the mind.
7.99.13
प्रविश्य तु रणे राजन्केशवः परवीरहा ।
सेनामध्ये हयांस्तूर्णं चोदयामास भारत ॥ ७.९९.१३ ॥
O king, Keśava, slayer of enemy heroes, entered the battle and swiftly urged on the horses in the midst of the army, O Bhārata.
7.99.14
ततस्तस्य रथौघस्य मध्यं प्राप्य हयोत्तमाः ।
कृच्छ्रेणरथमूहुस्तं क्षुत्पिपासासमन्विताः ॥ ७.९९.१४ ॥
Then, reaching the middle of that host of chariots, the excellent horses, afflicted by hunger and thirst, with difficulty drew that chariot.
7.99.15
क्षताश्च बहुभिः शस्त्रैर्युद्धशौण्डैरनेकशः ।
मण्डलानि विचित्राणि विचेरुस्ते मुहुर्मुहुः ॥ ७.९९.१५ ॥
Wounded in many ways by the many weapons of warriors skilled in battle, they wheeled again and again in varied circles.
7.99.16
हतानां वाजिनागानां रथानां च नरैः सह ।
उपरिष्टादतिक्रान्ताः शैलाभानां सहस्रशः ॥ ७.९९.१६ ॥
Over the heaps of slain horses, elephants, chariots and men, thousands upon thousands, mountain-like, were being passed over.
7.99.17
श्रमेण महता युक्तास्ते हया वातरंहसः ।
मन्दवेगगता राजन्संवृत्तास्तत्र संयुगे ॥ ७.९९.१७ ॥
O king, those horses, swift as the wind, overcome by great fatigue, became slow of pace in that battle.
7.99.18
एतस्मिन्नन्तरे वीरावावन्त्यौ भ्रातरौ नृप ।
सहसेनौ समार्च्छेतां पाण्डवं क्लान्तवाहनम् ॥ ७.९९.१८ ॥
Meanwhile, O king, the two heroic brothers of Avantī, together with their armies, attacked the Pāṇḍava whose steeds were weary.
7.99.19
तावर्जुनं चतुःषष्ट्या सप्तत्या च जनार्दनम् ।
शराणां च शतैरश्वानविध्येतां मुदान्वितौ ॥ ७.९९.१९ ॥
The two of them pierced Arjuna with sixty-four arrows and Janārdana with seventy, and with joy they pierced the horses with hundreds of arrows.
7.99.20
तावर्जुनो महाराज नवभिर्नतपर्वभिः ।
आजघान रणे क्रुद्धो मर्मज्ञो मर्मभेदिभिः ॥ ७.९९.२० ॥
Great king, Arjuna, enraged and knowing the vital points, struck them in battle with nine bent-jointed arrows that pierce the vital spots.
7.99.21
ततस्तौ तु शरौघेण बीभत्सुं सहकेशवम् ।
आच्छादयेतां संरब्धौ सिंहनादं च चक्रतुः ॥ ७.९९.२१ ॥
Then the two, enraged, covered the dreadful Arjuna together with Keśava under a flood of arrows, and they also let out a lion's roar.
7.99.22
तयोस्तु धनुषी मुष्टौ भल्लाभ्यां श्वेतवाहनः ।
चिच्छेद समरे तूर्णं भूय एव धनञ्जयः।
अथान्यैर्विशिखैस्तूर्णं ध्वजौ च कनकोज्ज्वलौ ॥ ७.९९.२२ ॥
The bows of those two, at their grips, were swiftly cut in battle by the white-horsed Arjuna with two bhalla arrows; then Dhanañjaya quickly cut down both banners, gleaming like gold, with other arrows.
7.99.23
अथान्ये धनुषी राजन्प्रगृह्य समरे तदा ।
पाण्डवं भृशसङ्क्रुद्धावर्दयामासतुः शरैः ॥ ७.९९.२३ ॥
Then, O king, the two of them, taking up other bows and greatly enraged in battle, tormented the Pāṇḍava (Arjuna) with arrows.
7.99.24
तयोस्तु भृशसङ्क्रुद्धः शराभ्यां पाण्डुनन्दनः ।
धनुषी चिच्छिदे तूर्णं भूय एव धनञ्जयः ॥ ७.९९.२४ ॥
The bows of those two were swiftly cut again by Pāṇḍu's son (Arjuna), greatly enraged, with two arrows — indeed, it was Dhanañjaya.
7.99.25
तथान्यैर्विशिखैस्तूर्णं रुक्मपुङ्खैः शिलाशितैः ।
जघानाश्वांस्तथा सूतौ पार्ष्णी च सपदानुगौ ॥ ७.९९.२५ ॥
Swiftly, with other arrows gold-feathered and whetted on stone, he struck the horses, likewise the two charioteers, and the rear guard with their followers on foot.
7.99.26
ज्येष्ठस्य च शिरः कायात्क्षुरप्रेण न्यकृन्तत ।
स पपात हतः पृथ्व्यां वातरुग्ण इव द्रुमः ॥ ७.९९.२६ ॥
And the head of the eldest was cut from his body with a razor-headed arrow; slain, he fell to the ground like a tree broken by the wind.
7.99.27
विन्दं तु निहतं दृष्ट्वा ह्यनुविन्दः प्रतापवान् ।
हताश्वं रथमुत्सृज्य गदां गृह्य महाबलः ॥ ७.९९.२७ ॥
Seeing Vinda slain, the mighty Anuvinda, his horses killed, abandoned his chariot, took up his mace, and the very strong one advanced.
7.99.28
अभ्यवर्तत सङ्ग्रामे भ्रातुर्वधमनुस्मरन् ।
गदया रथिनां श्रेष्ठो नृत्यन्निव महारथः ॥ ७.९९.२८ ॥
Remembering his brother's slaying, he advanced in battle; the best of chariot-warriors, that great chariot-warrior came on as if dancing with his mace.
7.99.29
अनुविन्दस्तु गदया ललाटे मधुसूदनम् ।
स्पष्ट्वा नाकम्पयत्क्रुद्धो मैनाकमिव पर्वतम् ॥ ७.९९.२९ ॥
But Anuvinda, enraged, touched Madhusūdana's forehead with his mace; yet he did not make him tremble, as Mainaka is not shaken.
7.99.30
तस्यार्जुनः शरैः षड्भिर्ग्रीवां पादौ भुजौ शिरः ।
निचकर्त स सञ्छन्नः पपाताद्रिचयो यथा ॥ ७.९९.३० ॥
Arjuna cut off his neck, feet, arms and head with six arrows; covered by them, he fell like a heap of mountains.
7.99.31
ततस्तौ निहतौ दृष्ट्वा तयो राजन्पदानुगाः ।
अभ्यद्रुवन्त सङ्क्रुद्धाः किरन्तः शतशः शरान् ॥ ७.९९.३१ ॥
Then, seeing those two slain, O king, their foot-soldiers, enraged, rushed at him, scattering arrows by the hundred.
7.99.32
तानर्जुनः शरैस्तूर्णं निहत्य भरतर्षभ ।
व्यरोचत यथा वह्निर्दावं दग्ध्वा हिमात्यये ॥ ७.९९.३२ ॥
O bull of the Bharatas, Arjuna swiftly slew them with arrows and shone forth like a fire that has burned a forest at the end of winter.
7.99.33
तयोः सेनामतिक्रम्य कृच्छ्रादिव धनञ्जयः ।
विबभौ जलदं हित्वा दिवाकर इवोदितः ॥ ७.९९.३३ ॥
Having crossed their army with difficulty, as it were, Dhanañjaya shone like the sun risen clear of the cloud.
7.99.34
तं दृष्ट्वा कुरवस्त्रस्ताः प्रहृष्टाश्चाभवन्पुनः ।
अभ्यवर्तन्त पार्थं च समन्ताद्भरतर्षभ ॥ ७.९९.३४ ॥
Seeing him, the terrified Kurus were gladdened again, O bull of the Bharatas, and turned upon Pārtha from every side.
7.99.35
श्रान्तं चैनं समालक्ष्य ज्ञात्वा दूरे च सैन्धवम् ।
सिंहनादेन महता सर्वतः पर्यवारयन् ॥ ७.९९.३५ ॥
Seeing him weary, and knowing that the Saindhava (Jayadratha) was far away, they let out a great lion's roar and surrounded him on all sides.
7.99.36
तांस्तु दृष्ट्वा सुसंरब्धानुत्स्मयन्पुरुषर्भः ।
शनकैरिव दाशार्हमर्जुनो वाक्यमब्रवीत् ॥ ७.९९.३६ ॥
Seeing them all greatly enraged, Arjuna, best of men, smiled and softly spoke these words to the descendant of Daśārha.
7.99.37
शरार्दिताश्च ग्लानाश्च हया दूरे च सैन्धवः ।
किमिहानन्तरं कार्यं साधिष्ठं तव रोचते ॥ ७.९९.३७ ॥
The horses, tormented by arrows and exhausted, and the Sindhu horses are far off. What should be done next here? What seems most fitting to you?
7.99.38
ब्रूहि कृष्ण यथातत्त्वं त्वं हि प्राज्ञतमः सदा ।
भवन्नेत्रा रणे शत्रून्विजेष्यन्तीह पाण्डवाः ॥ ७.९९.३८ ॥
Speak the truth, Kṛṣṇa, for you are always the wisest. Led by you, the Pāṇḍavas will conquer their enemies in battle here.
7.99.39
मम त्वनन्तरं कृत्यं यद्वै तत्त्वं निबोध मे ।
हयान्विमुच्य हि सुखं विशल्यान्कुरु माधव ॥ ७.९९.३९ ॥
Now hear from me what my next duty is: unyoke the horses, O Mādhava, and comfortably remove the arrows from them.
7.99.40
एवमुक्तस्तु पार्थेन केशवः प्रत्युवाच तम् ।
ममाप्येतन्मतं पार्थ यदितं ते प्रभाषितम् ॥ ७.९९.४० ॥
Thus addressed by Pārtha, Keśava replied to him: "Pārtha, what you have said is my own opinion too."
7.99.41
अहमावारयिष्यामि सर्वसैन्यानि केशव ।
त्वमप्यत्र यथान्यायं कुरु कार्यमनन्तरम् ॥ ७.९९.४१ ॥
I will hold back all the armies, O Keśava. And you too, here, do the next task as is right.
7.99.42
सोऽवतीर्य रथोपस्थादसम्भ्रान्तो धनञ्जयः ।
गाण्डीवं धनुरादाय तस्थौ गिरिविवाचलः ॥ ७.९९.४२ ॥
Dhanañjaya, undisturbed, descended from the seat of the chariot, took up the bow Gāṇḍīva, and stood immovable like a mountain.
7.99.43
तमभ्यधावन्क्रोशन्तः क्षत्रिया जयकाङ्क्षिणः ।
इदं छिद्रमिति ज्ञात्वा धरणीस्थं धनञ्जयम् ॥ ७.९९.४३ ॥
Eager for victory, the warriors rushed at him, shouting, knowing that this was their opening, at Dhanañjaya standing on the ground.
7.99.44
तमेकं रथवंशेन महता पर्यवारयन् ।
विकर्षन्तश्च चापानि विसृजन्तश्च सायकान् ॥ ७.९९.४४ ॥
They surrounded him, alone, with a great line of chariots, drawing their bows and loosing arrows.
7.99.45
शस्त्राणि च विचित्राणि क्रुद्धास्तत्र व्यदर्शयन् ।
छादयन्तः शरैः पार्थं मेघा इव दिवाकरम् ॥ ७.९९.४५ ॥
Enraged, they displayed there various weapons, covering Pārtha with arrows as clouds cover the sun.
7.99.46
अभ्यद्रवन्त वेगेन क्षत्रियाः क्षत्रियर्षभम् ।
नरसिंहं रथोदाराः सिंहं मत्ता इव द्विपाः ॥ ७.९९.४६ ॥
The noble chariot-warriors rushed at speed at that bull among warriors, that lion among men, as maddened elephants rush at a lion.
7.99.47
तत्र पार्थस्य भुजयोर्महद्बलमदृश्यत ।
यत्क्रुद्धो बहुलाः सेनाः सर्वतः समवारयत् ॥ ७.९९.४७ ॥
There the great strength of Pārtha's arms was seen, for enraged he held back the many armies on every side.
7.99.48
अस्त्रैरस्त्राणि संवार्य द्विषतां सर्वतो विभुः ।
इषुभिर्बुभिस्तूर्णं सर्वानेव समावृणोत् ॥ ७.९९.४८ ॥
The mighty one, warding off with his weapons all the weapons of his enemies on every side, swiftly covered them all with arrows.
7.99.49
तत्रान्तरिक्षे बाणानां प्रगाढानां विशाम्पते ।
सङ्घर्षेण महार्चिष्मान्पावकः समजायत ॥ ७.९९.४९ ॥
There, O lord of the people, in the sky, from the collision of the thick arrows, a great blazing fire arose.
7.99.50
तत्रतत्र महेष्वासैः श्वसद्भिः शोणितोक्षितैः ।
हयैर्नागैश्च सम्भिन्नैर्नदद्भिश्चारिकर्शन ॥ ७.९९.५० ॥
Here and there, O tormentor of foes, great archers, horses smeared with blood and panting, and elephants torn open were roaring.
7.99.51
संरब्धैश्चारिभिर्वीरैः प्रार्थयद्भिर्जयं मृधे ।
एकस्थैर्बहुभिः क्रुद्धैरूष्मेव समजायत ॥ ७.९९.५१ ॥
From many heroes, enraged, moving about, longing for victory in battle, standing together in one place, heat arose like steam.
7.99.52
शरोर्मिणं ध्वजावर्तं नागनक्रं दुरत्ययम् ।
पदातिमत्स्यकलिलं शङ्खदुन्दुभिनिःस्वनम् ॥ ७.९९.५२ ॥
Its waves were arrows, its whirlpools were banners, its crocodiles were elephants, impassable, thick with fish that were foot soldiers, resounding with the sound of conchs and drums.
7.99.53
असङ्ख्येयमपारं च रजो नीरमतीव च ।
उष्णीषकमठं छत्रपताकाफेनमालिनम् ॥ ७.९९.५३ ॥
Countless and boundless, very full of water made of dust, with turbans for tortoises, garlanded with the foam of umbrellas and banners.
7.99.54
रथसागरमक्षोभ्यं मातङ्गाङ्गशिलाचितम् ।
वेलाभूतस्तदा पार्थः पत्रिभिः समवारयत् ॥ ७.९९.५४ ॥
Then Pārtha, becoming a shore, checked with his arrows that ocean of chariots, unshakable, strewn with rocks of elephant bodies.
7.99.55
अर्जुने धरणीं प्राप्ते हयहस्ते च केशवे ।
एतदन्तरमासाद्य कथं पार्थो न घातितः ॥ ७.९९.५५ ॥
When Arjuna had fallen to the ground and Keśava held the horses' reins, how was Pārtha not struck down at that very moment?
7.99.56
सद्यः पार्थिव पार्थेन निरुद्धाः सर्वपार्थिवाः ।
रथस्था धरणीस्थेन वाक्यमच्छान्दसं यथा ॥ ७.९९.५६ ॥
O king, Pārtha, standing on the ground, at once held back all the kings who were on their chariots; these words are spoken as if not in metre.
7.99.57
स पार्थः पार्थिवान्सर्वान्भूमिस्थोपि रथस्थितान् ।
एको निवारयामास लोभः सर्वगुणानिव ॥ ७.९९.५७ ॥
That Pārtha, standing on the ground, alone held back all the kings on their chariots, as greed holds back all virtues.
7.99.58
ततो जनार्दनः सङ्ख्ये प्रियं पुरुषसत्तमम् ।
असम्भ्रान्तो महाबाहुरर्जुनं वाक्यमब्रवीत् ॥ ७.९९.५८ ॥
Then Janārdana, the mighty-armed, unperturbed in battle, spoke these words to Arjuna, the dearest of men.
7.99.59
उदपानमिहाश्वानां नालमस्ति रणेऽर्जुन ।
परीप्सन्ते जलं चेमे पेयं न त्ववगाहनम् ॥ ७.९९.५९ ॥
O Arjuna, this water-pit here is not enough for the horses in battle; they seek water to drink, not a place to bathe.
7.99.60
इदमस्तीत्यसम्भ्रान्तो ब्रुवन्नस्त्रेण मेदिनीम् ।
अभिहत्यार्जुनश्चक्रे वाजिपानं सरः शुभम् ॥ ७.९९.६० ॥
Saying without fear, "Here it is," Arjuna struck the earth with a weapon and made a fine lake for the horses to drink from.
7.99.61
हंसकारण्डवाकीर्णं चक्रवाकोपशोभितम् ।
सुविस्तीर्णं प्रसन्नाम्भः प्रफुल्लवरपङ्कजम् ॥ ७.९९.६१ ॥
Filled with swans and kāraṇḍava ducks, adorned with ruddy geese, very wide, with clear water and excellent lotuses in full bloom.
7.99.62
कूर्ममत्स्यगणाकीर्णमगाधमृषिसेवितम् ।
आगच्छन्नारदमुनिर्दर्शनार्थं कृतं क्षणात् ॥ ७.९९.६२ ॥
Crowded with hosts of tortoises and fish, unfathomable, frequented by sages — the lake that the sage Nārada, coming for a sight of it, made in an instant.
7.99.63
शरवंशं शरस्थूणं शराच्छादनमद्भुतम् ।
शरवेश्माकरोत्पार्थस्त्वष्टेवाद्भुतकर्मकृत् ॥ ७.९९.६३ ॥
With arrows as its bamboo frame, arrows as its pillars and arrows as its roof, the marvellous arrow-house was made by Pārtha, like Tvaṣṭṛ, the performer of marvellous deeds.
7.99.64
ततः प्रहस्य गोविन्दः साधुसाध्वित्यथाब्रवीत् ।
शरवेश्मनि पार्थेन कृते तस्मिन्महात्मना ॥ ७.९९.६४ ॥
Then Govinda, laughing, said, "Well done! Well done!" — when that arrow-house had been made by the great-souled Pārtha.