摩诃婆罗多 · 章 8.8
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
8.8.1
सैनापत्यं तु सम्प्राप्य कर्णो वैकर्तनस्तदा ।
तथोक्तश्च स्वयं राज्ञा स्निग्धं भ्रातृसमं वचः ॥ ८.८.१ ॥
维卡尔塔那之子迦尔纳此时得到总司令之位，国王亲自以如对兄弟般亲切的话语这样说道……
8.8.2
हितश्च प्रियकामश्च मम पुत्रस्य नित्यशः ।
अकरोत्किं महाप्राज्ञस्तन्ममाचक्ष्व स़ञ्जय ॥ ८.८.२ ॥
那位大智慧者，总是对我儿子怀有善意并希望他喜乐，他做了什么？桑闍耶，请告诉我。
8.8.3
कर्णस्य मतमाज्ञाय पुत्रास्ते भरतर्षभ ।
योगमाज्ञापयामासुर्नन्दितूर्यपुरःसरम् ॥ ८.८.३ ॥
婆罗多之雄，你的儿子们得知迦尔纳的意见后，在鼓乐齐鸣中下令集结军队。
8.8.4
महत्यपररात्रे च तव सैन्यस्य मारिष ।
योगो योग इति ह्याशु प्रादुरासीन्महास्वनः ॥ ८.८.४ ॥
主公啊，深夜之末，你的大军中立刻升起巨大的呼声：“瑜伽，瑜伽！”
8.8.5
कल्पतां नागमुख्यानां रथानां च वरुथिनाम् ।
सन्नह्यतां नराणां च वाजिनां च विशाम्पते ॥ ८.८.५ ॥
众人之主啊，愿首领象、披甲战车、士兵与马匹都准备就绪。
8.8.6
क्रोशतां चैव योधानां त्वरितानां परस्परम् ।
बभूव तुमुलः शब्दो दिवस्पृक्सुमहांस्ततः ॥ ८.८.६ ॥
此时，战士们相互催促呼喊，一阵震天的喧嚣升起，直冲云霄。
8.8.7
ततः श्वेतपताकेन बलाकावर्णवाजिना ।
हेमपृष्ठेन धनुषा नागकक्षेण केतुना ॥ ८.८.७ ॥
于是，他手持白旗、鹭鸶色的马、金背之弓，以及饰有象带的旗帜。
8.8.8
तूणीरशतपूर्णेन सगदेन वरूथिना ।
शतघ्नीकिङ्किणीशक्तिशूलतोमरधारिणा ॥ ८.८.८ ॥
箭袋百枚满载，持棍与甲胄，手执百杀器、铃、枪、三叉戟与投矛。
8.8.9
कार्मुकैरुपपन्नेन विमलादित्यवर्चसा ।
रथेनाभिपताकेन सुतपुत्रो ह्यदृश्यत ॥ ८.८.९ ॥
持弓而备，光辉如无垢的太阳，御者之子乘着饰有旗帜的战车显现了。
8.8.10
ध्मापयन्वारिजं राजन्हेमजालविभूषिन्तम् ।
विध्रुन्वानो महच्चापं कार्तस्वरविभूषितम् ॥ ८.८.१० ॥
大王啊，他吹响饰有金网的法螺，挥动饰有黄金的大弓。
8.8.11
दृष्ट्वा कर्णं महेष्वासं रथस्थं रथिनां वरम् ।
भानुमन्तमिवोद्यन्तं तमो घ्नन्तं दुरासदम् ॥ ८.८.११ ॥
见到大弓手迦尔纳，车战者中的至尊，立于战车之上，如升起的太阳驱散黑暗，不可抵挡。
8.8.12
न भीष्मव्यसनं केचिन्नापि द्रोणस्य मारिष ।
नान्येषां पुरुषव्याघ्र मेनिरे तत्र कौरवाः ॥ ८.८.१२ ॥
先生，那里的俱卢人既不以毗湿摩的败亡为念，也不以德罗纳的败亡为念，更不以他人的败亡为念，人中虎啊。
8.8.13
ततस्तु त्वरयन्योधाञ्शङ्खशब्देन मारिष ।
कर्णो निष्कर्षयामास कौरवाणां महद्बलम् ॥ ८.८.१३ ॥
于是，以海螺之声催促战士，哦，主公，迦尔纳将俱卢的大军引了出来。
8.8.14
व्यूहं व्यूह्य महेष्वासो मकरं शत्रुतापनः ।
प्रत्युद्ययौ तथा कर्णः पाण्डवान्विजिगीषया ॥ ८.८.१४ ॥
大弓手迦尔纳，令敌人痛苦之人，布成摩伽罗阵，怀着求胜之心前去迎战般度五子。
8.8.15
मकरस्य तु तुण्डे वै कर्णो राजन्व्यवस्थितः ।
नेत्राभ्यां शकुनिः शूर उलूकश्च महारथः ॥ ८.८.१५ ॥
大王啊，摩伽罗阵之口处站着迦尔纳；双眼处则是勇士沙古尼与大车战士乌陆迦。
8.8.16
द्रोणपुत्रस्तु शिरसि ग्रीवायां सर्वसोदराः ।
मध्येदुर्योधनो राजा बलेन महता वृतः ॥ ८.८.१६ ॥
德罗纳之子立于头部，诸兄弟立于颈部；中央，国王难敌被庞大的军队所环绕。
8.8.17
वामपादे तु राजेन्द्र कृतवर्मा व्यवस्थितः ।
नारायणबलैर्युक्तो गोपालैर्युद्धदुर्मदैः ॥ ८.८.१७ ॥
诸王之主啊，左足处站着克里塔瓦尔曼，率领那罗衍那军和牧人，他们在战斗中骄傲自负。
8.8.18
पादे तु दक्षिणे राजन्गौतमः सत्यविक्रमः ।
त्रिगर्तैः सुमहेष्वासैर्दाक्षिणात्यैश्च संवृतः ॥ ८.८.१८ ॥
大王啊，右足处站着真正勇武的乔答摩（克利巴），被三乡人和南方的大弓手所围绕。
8.8.19
अनुपादे तु यो वामस्तत्र शल्यो व्यवस्थितः ।
महत्या सेनया सार्धं मद्रदेशसमुत्थया ॥ ८.८.१९ ॥
在后方左足之处，沙利耶与一支来自摩德罗国的大军驻守。
8.8.20
दक्षिणे तु महाराज सुषेणः सत्यसङ्गरः ।
वृतो रथमहस्रेण दन्तिनां च त्रिभिः शतैः ॥ ८.८.२० ॥
大王啊，右侧站着守誓的苏舍那，周围有一千辆战车和三百头象。
8.8.21
पुच्छे ह्यास्तां महावीर्यौ भ्रातरौ पार्थिवौ तदा ।
चित्रश्च चित्रसेनश्च महत्या सेनया वृतौ ॥ ८.८.२१ ॥
此时在后方站着两位大勇的兄弟国王，citra 与 citrasena，被大军所围绕。
8.8.22
तथा प्रयाते राजेन्द्र कर्णे नरवरोत्तमे ।
धनञ्जयमभिपेक्ष्य धर्मराजोऽब्रवीदिदम् ॥ ८.८.२२ ॥
王中之王啊，当迦尔纳如此前进时，法王看着持财者（阿周那）说了这些话。
8.8.23
पश्य पार्थ यथा सेना धार्तराष्ट्रीह संयुगे ।
कर्णेन विहिता वीर गुप्ता वीरैर्महारथैः ॥ ८.८.२३ ॥
普利塔之子啊，你看，德里塔拉什特拉诸子的大军在此战场上被迦尔纳如此布阵，英雄啊，由大车战士们守卫着。
8.8.24
हतवीरतमा ह्येषा धार्तराष्ट्री महाचमूः ।
फल्गुशेषा महाबाहो तृणैस्तुल्या मता मम ॥ ८.८.२४ ॥
德里塔拉什特拉诸子的这支大军，大臂者啊，其最英勇的战士已被杀死，只剩残余；依我看，它已如同草芥一般。
8.8.25
एको ह्यत्र महेष्वासः सूतपुत्रो विराजते ।
सदेवासुरगन्धर्वैः सकिन्नरमहोरगैः।
चराचरैस्त्रिभिर्लोकैरजेयो यो महारथः ॥ ८.८.२५ ॥
这里唯有大弓手、御者之子、大战车手独自光耀，他对包括诸天、阿修罗、乾闼婆、紧那罗、大蛇在内的三界动与不动之物而言都是不可战胜的。
8.8.26
तं हत्वाऽद्य महाबाहो विजयस्तव फल्गुन ।
उद्धृतश्च भवेच्छल्यो मम द्वादशवार्षिकः ॥ ८.८.२६ ॥
今日杀了他，大臂的法尔古那啊，胜利将属于你，而那刺了我十二年的刺也将被拔出。
8.8.27
एवं ज्ञात्वा महाबाहो व्यूहं व्यूह यथेच्छसि ॥ ८.८.२७ ॥
大臂者啊，知道了这些，就按你的意愿布阵吧。
8.8.28
भ्रातुरेतद्वचः श्रुत्वा पाण्डवः श्वेतवाहनः ।
अर्धचन्द्रेण व्यूहेन प्रत्यव्यूहत तां चमूम् ॥ ८.८.२८ ॥
白马的般度之子听了哥哥这番话，便以半月阵列对抗那支军队，摆出自己的军阵。
8.8.29
वामपार्श्वे तु तस्याथ भीमसेनो व्यवस्थितः ।
दक्षिणे च महेष्वासो धृष्टद्युम्नो व्यवस्थितः ॥ ८.८.२९ ॥
其左翼站着毗摩森纳，右翼站着大弓手德里斯塔迪由姆纳。
8.8.30
मध्ये व्यूहस्य राजा तु पाण्डवश्च धनञ्जयः ।
नकुलः सहदेवश्च धर्मराजस्य पृष्ठतः ॥ ८.८.३० ॥
阵中央是般度王与财主（阿周那），那拉古拉与萨哈迪瓦则在正法王之后。
8.8.31
चक्ररक्षौ तु पाञ्चाल्यौ युधामन्यूत्तमौजसौ ।
पार्थं न जहतुर्युद्वे पाल्यमानौ किरीटिना ॥ ८.८.३१ ॥
在战斗中，两位般遮罗战士、车轮护卫优陀摩曼尤与乌塔摩乔阇从未离开贡蒂之子，而是继续保护这位戴冠者。
8.8.32
शेषां नृपतयो वीराः स्थिता व्यूहस्य दंशिताः ।
यथाभागं यथोत्साहं यथायत्नं च भारत ॥ ८.८.३२ ॥
婆罗多，在阵列的其余部分，身披铠甲的英勇诸王各依其位、其勇气与其努力而站立。
8.8.33
एवमेतन्महाव्यूहं व्यूह्य भारत पाण्डवाः ।
तावकाश्च महेष्वासा युद्धायैव मनो दधुः ॥ ८.८.३३ ॥
婆罗多，如此布下这大阵之后，般度子孙与你方的大弓箭手们只将心思专注于战斗。
8.8.34
दृष्ट्वा व्यूढां तव चमूं सूतपुत्रेण संयुगे ।
निहतान्पाण्डवान्मेने धार्तराष्ट्रः सबान्धवः ॥ ८.८.३४ ॥
见你的军队被御者之子（迦尔纳）布成战阵，德拉施特拉之子与其亲族便以为般度子孙已被杀尽。
8.8.35
तथैव पाण्डवीं सेनां व्यूढां दृष्ट्वा युधिष्ठिरः ।
धार्तराष्ट्रान्हतान्मेने सकर्णान्वै जनाधिपः ॥ ८.८.३५ ॥
同样，见般度子孙之军布成战阵，人主坚战便以为德拉施特拉之子连同迦尔纳都已被杀。
8.8.36
ततः शङ्खाश्च भेर्यश्च पणवानकगोमुखाः ।
डिण्डिमाश्चाप्यहन्यन्त झर्झराश्च समन्ततः ॥ ८.८.३६ ॥
于是四面八方响起了海螺、大鼓、帕那瓦鼓、阿那卡鼓、牛面号角、丁迪玛鼓与铃鼓。
8.8.37
सेनयोरुभयो राजन्प्रावाद्यन्त महास्वनाः ।
सिंहनादश्च सञ्जज्ञे शूराणां जयगृद्धिनाम् ॥ ८.८.३७ ॥
大王啊，两军之中大声的乐器齐鸣，渴望胜利的勇士们发出了狮子般的吼声。
8.8.38
हयहेषितशब्दाश्च वारणानां च बृंहिताः ।
रथनेमिस्वनाश्चोग्राः सम्बभूवुर्जनाधिप ॥ ८.८.३८ ॥
人主啊，马的嘶鸣、象的吼叫和战车轮子的可怕辚辚声响了起来。
8.8.39
न द्रोणव्यसनं कश्चिज्जानीते तत्र भारत ।
दृष्ट्वा कर्णं महेष्वासं मुखे व्यूहस्य दंशितम् ॥ ८.८.३९ ॥
婆罗多啊，那里没有人知道德罗纳的困境，因为看见大弓箭手迦尔纳身披铠甲立于阵front。
8.8.40
उभे सैन्ये महाराज प्रहृष्टनरसङ्कुले ।
योद्वुकामे स्थिते राजन्हन्तुमन्योन्यमोजसा ॥ ८.८.४० ॥
大王啊，两军充满欢欣的战士，立于阵前渴望交战，准备以全力彼此攻击。
8.8.41
विजये जातसंरम्भे दृष्ट्वाऽन्योन्यं व्यवस्थिते ।
अनीकमध्ये राजेन्द्र चेरतुः कर्णपाण्डवौ ॥ ८.८.४१ ॥
王中之王啊，满怀取胜的热情，彼此相望而立的迦尔纳与般度之子在军中往来。
8.8.42
नृत्यन्त्याविव ते सेने समेयातां परस्परम् ।
तयोः पक्षप्रपक्षेभ्यो निर्ययुर्युद्वलिप्सवः ॥ ८.८.४२ ॥
两军仿佛在跳舞一般彼此相遇；渴望交战的人从两翼和副翼中冲出。
8.8.43
ततः प्रववृते युद्धं नरवारणवाजिनाम् ।
रथानां च महाराज अन्योन्यमभिनिघ्नताम् ॥ ८.८.४३ ॥
于是，人、象、马与战车之间的战斗开始了，大王啊，他们相互攻击。