ヴァールミーキのラーマーヤナ · サルガ 1.1
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
1.1.1
तपः स्वाध्यायनिरतं तपस्वी वाग्विदां वरम् ।
नारदं परिपप्रच्छ वाल्मीकिर्मुनिपुङ्गवम् ॥ १.१.१ ॥
苦行と聖典の学習に専念する苦行者ヴァールミーキは、言葉に通じた者の中で最も優れ、聖者の中で最も傑出したナーラダに尋ねた。
1.1.2
को न्वस्मिन्साम्प्रतं लोके गुणवान्कश्च वीर्यवान् ।
धर्मज्ञश्च कृतज्ञश्च सत्यवाक्यो दृढव्रतः ॥ १.१.२ ॥
今この世で、徳を備え勇気があり、法を知り、恩を忘れず、言葉に偽りがなく、誓いを固く守る者は誰か。
1.1.3
चारित्रेण च को युक्तः सर्वभूतेषु को हितः ।
विद्वान्कः कः समर्थश्च कश्चैकप्रियदर्शनः ॥ १.१.३ ॥
品行に優れた者は誰か。すべての生き物に益をもたらす者は誰か。学識と能力を備え、ひとり見目麗しい者は誰か。
1.1.4
आत्मवान्को जितक्रोधो द्युतिमान्कोऽनसूयकः ।
कस्य बिभ्यति देवाश्च जातरोषस्य संयुगे ॥ १.१.४ ॥
自らを律する者は誰か。怒りを克服した者は誰か。輝く者は誰か。妬みのない者は誰か。戦いで怒りが燃え上がるとき、神々さえ恐れるのは誰か。
1.1.5
एतदिच्छाम्यहं श्रोतुं परं कौतूहलं हि मे ।
महर्षे त्वं समर्थोऽसि ज्ञातुमेवंविधं नरम् ॥ १.१.५ ॥
私はこれを聞きたい、この好奇心は大きいのです。大仙よ、あなたはそのような人を知ることができるのです。
1.1.6
श्रुत्वा चैतत्त्रिलोकज्ञो वाल्मीकेर्नारदो वचः ।
श्रूयतामिति चामन्त्र्य प्रहृष्टो वाक्यमब्रवीत् ॥ १.१.६ ॥
ヴァールミーキのこの言葉を聞き、三界に通じたナーラダは喜び、「聞け」と呼びかけてこう言った。
1.1.7
बहवो दुर्लभाश्चैव ये त्वया कीर्तिता गुणाः ।
मुने वक्ष्याम्यहं बुद्ध्वा तैर्युक्तः श्रूयतां नरः ॥ १.१.७ ॥
聖者よ、あなたが語った稀有な多くの徳を備えた人について、理解したうえで語ります。お聞きください。
1.1.8
इक्ष्वाकुवंशप्रभवो रामो नाम जनैः श्रुतः ।
नियतात्मा महावीर्यो द्युतिमान्धृतिमान्वशी ॥ १.१.८ ॥
イクシュヴァーク族に生まれ、人々にラーマの名で知られる。自制の心を持ち、大いなる勇力があり、輝かしく、堅固で、自らを律する人である。
1.1.9
बुद्धिमान्नीतिमान्वाग्मी श्रीमाञ्छ्त्रुनिबर्हणः ।
विपुलांसो महाबाहुः कम्बुग्रीवो महाहनुः ॥ १.१.९ ॥
知恵があり、政策に長け、弁舌に優れ、栄光に満ち、敵を打ち砕く者。肩は広く、腕は長く、首は法螺貝のようで、顎は強い。
1.1.10
महोरस्को महेष्वासो गूढजत्रुररिन्दमः ।
आजानुबाहुः सुशिराः सुललाटः सुविक्रमः ॥ १.१.१० ॥
胸が広く、大いなる弓の名手。鎖骨は目立たず、敵を制する者。腕は膝まで届き、頭は端正で、額は美しく、勇武に優れている。
1.1.11
समः समविभक्ताङ्गः स्निग्धवर्णः प्रतापवान् ।
पीनवक्षा विशालाक्षो लक्ष्मीवाञ्छुभलक्षणः ॥ १.१.११ ॥
平静な心を持ち、手足は均整がとれ、肌は滑らかで色つやがあり、威光に輝く。胸は豊かで、目は大きく、吉祥の光を備え、めでたい相を具えている。
1.1.12
धर्मज्ञः सत्यसन्धश्च प्रजानां च हिते रतः ।
यशस्वी ज्ञानसम्पन्नः शुचिर्वश्यः समाधिमान् ॥ १.१.१२ ॥
法を知り、約束に忠実で、民の利益に専心し、名声があり、智慧を備え、清浄で、自制し、三昧に入る人である。
1.1.13
प्रजापतिसमः श्रीमान् धाता रिपुनिषूदनः ।
रक्षिता जीवलोकस्य धर्मस्य परिरक्षिता ॥ १.१.१३ ॥
彼は生主に等しく、栄光に輝き、世界を支える者、敵を滅ぼす者、生きとし生けるものの世界の守護者、そしてダルマの完全な守護者であった。
1.1.14
रक्षिता स्वस्य धर्मस्य स्वजनस्य च रक्षिता ।
वेदवेदाङ्गतत्त्वज्ञो धनुर्वेदे च निष्ठितः ॥ १.१.१४ ॥
彼は自らのダルマと身内を守る者であり、ヴェーダとヴェーダーンガの真髄に通じ、弓術の学に熟達していた。
1.1.15
सर्वशास्त्रार्थतत्त्वज्ञो स्मृतिमान् प्रतिभानवान् ।
सर्वलोकप्रियः साधुरदीनात्मा विचक्षणः ॥ १.१.१५ ॥
彼はあらゆる論書の意味と本質に通じ、記憶と鋭い才知を備え、世界中に愛され、善良で、くじけぬ心を持ち、聡明であった。
1.1.16
सर्वदाभिगतः सद्भिः समुद्र इव सिन्धुभिः ।
आर्यः सर्वसमश्चैव सदैव प्रियदर्शनः ॥ १.१.१६ ॥
善人たちは常に彼のもとへ集まった。川が海へ流れ込むように。彼は高潔で、すべての人に平等であり、常に見るに心地よい人であった。
1.1.17
स च सर्व गुणोपेतः कौसल्यानन्दवर्धनः ।
समुद्र इव गाम्भीर्ये धैर्येण हिमवानिव ॥ १.१.१७ ॥
彼はあらゆる美徳を備え、カウサリヤーの喜びを増す者であった。深さは海のごとく、堅固さはヒマーラヤのごとくであった。
1.1.18
विष्णुना सदृशो वीर्ये सोमवत्प्रियदर्शनः ।
कालाग्निसदृशः क्रोधे क्षमया पृथिवीसमः ॥ १.१.१८ ॥
武勇ではヴィシュヌに等しく、月のように見て心地よく、怒りにおいては時の劫火のごとく、忍耐においては大地に等しかった。
1.1.19
धनदेन समस्त्यागे सत्ये धर्म इवापरः ।
तमेवंगुणसम्पन्नं रामं सत्यपराक्रमम् ॥ १.१.१९ ॥
富においてはクベーラに等しく、施しと真実においてはもう一人のダルマのような——このような徳を備え、真の勇猛を持つラーマに。
1.1.20
ज्येष्ठं ज्येष्ठगुणैर्युक्तं प्रियं दशरथस्सुतम् ।
प्रकृतीनां हितैर्युक्तं प्रकृतिप्रियकाम्यया ॥ १.१.२० ॥
長子の徳を備えた、愛された、ダシャラタの長子——民の利益に努め、民に喜ばれることを望んで。
1.1.21
यौवराज्येन संयोक्तुम् ऐच्छत्प्रीत्या महीपतिः ।
तस्याभिषेकसम्भारान् दृष्ट्वा भार्याथ कैकयी ॥ १.१.२१ ॥
王は愛情から彼を太子の位に就けようと望んだ。そのとき、彼の灌頂の準備を見て、妃カイケーイーは——
1.1.22
पूर्वं दत्तवरा देवी वरमेनमयाचत ।
विवासनञ्च रामस्य भरतस्याभिषेचनम् ॥ १.१.२२ ॥
かつて恩寵を授かっていた妃は、この恩寵を求めた——ラーマの追放と、バラタの灌頂を。
1.1.23
स सत्यवचनाद्राजा धर्मपाशेन संयतः ।
विवासयामास सुतं रामं दशरथः प्रियम् ॥ १.१.२३ ॥
その王ダシャラタは、真実の言葉のゆえにダルマの縄に縛られ、愛する息子ラーマを追放した。
1.1.24
स जगाम वनं वीरः प्रतिज्ञामनुपालयन् ।
पितुर्वचननिर्देशात् कैकेय्याः प्रियकारणात् ॥ १.१.२४ ॥
その英雄は誓いを守りつつ森へ向かった——父の言葉の命により、またカイケーイーを喜ばせるために。
1.1.25
तं व्रजन्तं प्रियो भ्राता लक्ष्मणोऽनुजगाम ह ।
स्नेहाद् विनयसम्पन्नः सुमित्रानन्दवर्धनः ॥ १.१.२५ ॥
彼が出立すると、愛する弟ラクシュマナは慈しみから彼に従った。彼は謙虚で、スミトラーの喜びを増す者であった。
1.1.26
भ्रातरं दयितो भ्रातुः सौभ्रात्रमनुदर्शयन् ।
रामस्य दयिता भार्या नित्यं प्राणसमा हिता ॥ १.१.२६ ॥
兄に愛されたその弟は、兄弟の情を示しながら進んだ。ラーマの愛する妻は、常に命のように愛しく、真心で尽くす人であった。
1.1.27
जनकस्य कुले जाता देवमायेव निर्मिता ।
सर्वलक्षणसम्पन्ना नारीणामुत्तमा वधूः ॥ १.१.२७ ॥
ジャナカの家系に生まれ、神々の幻力によって造られたかのよう。あらゆる吉相を備え、女性の中で最も優れた花嫁。
1.1.28
सीताप्यनुगता रामं शशिनं रोहिणी यथा ।
पौरैरनुगतो दूरं पित्रा दशरथेन च ॥ १.१.२८ ॥
シーターもまた、月に従うローヒニーのようにラーマに従った。市民たちは遠くまで彼に付き従い、父ダシャラタもまたそうした。
1.1.29
शृङ्गवीरपुरे सूतं गङ्गाकूले व्यसर्जयत् ।
गुहमासाद्य धर्मात्मा निषादाधिपतिं प्रियम् ॥ १.१.२९ ॥
シュリンガヴェーラ市、ガンガーの岸で、正義の心を持つラーマは御者を帰した。その後、彼はニシャーダの王グハのもとに至った。彼が慕う人物である。
1.1.30
गुहेन सहितो रामो लक्ष्मणेन च सीतया ।
ते वनेन वनङ्गत्वा नदीस्तीर्त्वा बहूदकाः ॥ १.१.३० ॥
ラーマはグハ、ラクシュマナ、シーターと共に、森から森へと進み、水量豊かな多くの川を渡った。
1.1.31
चित्रकूटमनुप्राप्य भरद्वाजस्य शासनात् ।
रम्यमावसथं कृत्वा रममाणा वने त्रयः ॥ १.१.३१ ॥
バラドヴァージャの指示によりチトラクータに至り、森に心地よい住まいを造って、三人はそこで楽しく暮らした。
1.1.32
देवगन्धर्वसंकाशाः तत्र ते न्यवसन् सुखम् ।
चित्रकूटङ्गते रामे पुत्रशोकातुरस्तथा ॥ १.१.३२ ॥
神々やガンダルヴァのような彼らはそこで幸せに暮らした。ラーマがチトラクータへ行ってしまうと、息子への悲しみに苦しむ王もまた。
1.1.33
राजा दशरथस्स्वर्गं जगाम विलपन् सुतम् ।
गते तु तस्मिन् भरतो वसिष्ठप्रमुखैर्द्विजैः ॥ १.१.३३ ॥
王ダシャラタは息子を嘆きながら天界へ去った。彼が去った後、ヴァシシュタをはじめとする婆羅門たちと共にバラタは……
1.1.34
नियुज्यमानो राज्याय नैच्छत् राज्यं महाबलः ।
स जगाम वनं वीरो रामपादप्रसादकः ॥ १.१.३४ ॥
王位に就くよう促されたが、その大力の人は王国を望まなかった。その勇者はラーマの足の恵みを求めて森へ行った。
1.1.35
गत्वा तु स महात्मानं रामं सत्यपराक्रमम् ।
अयाचद्भ्रातरं रामम् आर्यभावपुरस्कृतः ॥ १.१.३५ ॥
真の勇武を持つ大いなる魂のラーマのもとへ行き、高貴な心に動かされて、兄ラーマに懇願した。
1.1.36
त्वमेव राजा धर्मज्ञ इति रामं वचोऽब्रवीत् ।
रामोऽपि परमोदारः सुमुखस्सुमहायशाः ॥ १.१.३६ ॥
「あなただけが法を知る王です」と、彼はラーマにそう言った。ラーマもまた非常に寛大で、好ましい顔立ちと大いなる名声を持っていた。
1.1.37
न चैच्छत् पितुरादेशात् राज्यं रामो महाबलः ।
पादुके चास्य राज्याय न्यासं दत्त्वा पुनः पुनः ॥ १.१.३७ ॥
大力のラーマは父の命により王位を望まなかった。王国のために彼は自分の履物を預け物として幾度も差し出した。
1.1.38
निवर्तयामास ततो भरतं भरताग्रजः ।
स काममनवाप्यैव रामपादावुपस्पृशन् ॥ १.१.३८ ॥
そこでバラタの兄はバラタを帰らせた。望みを叶えられないまま、彼はラーマの足に触れ続けた。
1.1.39
नन्दिग्रामेऽकरोद् राज्यं रामागमनकाङ्क्षया ।
गते तु भरते श्रीमान् सत्यसन्धो जितेन्द्रियः ॥ १.१.३९ ॥
ナンディグラーマで彼はラーマの帰還を願いつつ国を治めた。バラタが去ったのち、栄光あり、誓いに忠実で、感覚を制した人は……
1.1.40
रामस्तु पुनरालक्ष्य नागरस्य जनस्य च ।
तत्रागमनमेकाग्रो दण्डकान् प्रविवेश ह ॥ १.१.४० ॥
しかしラーマは、市民や人々がそこへ来ることを再び考え、一心にダンダカの森へ入った。
1.1.41
प्रविश्य तु महारण्यं रामो राजीवलोचनः ।
विराधं राक्षसं हत्वा शरभङ्गं ददर्श ह ॥ १.१.४१ ॥
大森林に入ったハスの眼のラーマは羅刹ヴィラーダを殺し、それからシャラバンガに会った。
1.1.42
सुतीक्ष्णं चाप्यगस्त्यं च अगस्त्यभ्रातरं तथा ।
अगस्त्यवचनाच्चैव जग्राहैन्द्रं शरासनम् ॥ १.१.४२ ॥
スータークシュナ、アガスティヤ、そしてアガスティヤの兄弟に会い、アガスティヤの言葉によりラーマはインドラの弓を取った。
1.1.43
खड्गञ्च परम प्रीतस्तूणी चाक्षयसायकौ ।
वसतस्तस्य रामस्य वने वनचरैः सह ॥ १.१.४३ ॥
大いに喜んで、彼は剣と尽きることのない矢の二つの箙も与えた。ラーマが森で森の住人たちと共に住んでいた時、
1.1.44
ऋषयोऽभ्यागमन् सर्वे वधायासुररक्षसाम् ।
स तेषां प्रतिशुश्राव राक्षसानां तदा वने ॥ १.१.४४ ॥
すべての聖者たちはアスラとラークシャサを滅ぼすためにそこへ来た。そのとき彼は森で、ラークシャサに対抗する彼らの願いに応じた。
1.1.45
प्रतिज्ञातश्च रामेण वधः संयति रक्षसाम् ।
ऋषीणामग्निकल्पानां दण्डकारण्यवासीनाम् ॥ १.१.४५ ॥
ラーマは、火のように輝きダンダカの森に住む聖者たちに、戦いでラークシャサを殺すと誓った。
1.1.46
तेन तत्रैव वसता जनस्थाननिवासिनी ।
विरूपिता शूर्पणखा राक्षसी कामरूपिणी ॥ १.१.४६ ॥
そこに住んでいた彼は、ジャナスターナに住み、思いのままに姿を変えるラークシャシーのシュールパナカーを醜く傷つけた。
1.1.47
ततः शूर्पणखावाक्यादुद्युक्तान् सर्वराक्षसान् ।
खरं त्रिशिरसं चैव दूषणं चैव राक्षसम् ॥ १.१.४७ ॥
そのとき、シュールパナカーの言葉によって立ち上がったすべてのラークシャサ、カラ、三つの頭のトリシラス、そしてラークシャサのドゥーシャナは、
1.1.48
निजघान रणे रामस्तेषां चैव पदानुगान् ।
वने तस्मिन् निवसता जनस्थाननिवासिनाम् ॥ १.१.४८ ॥
その森に住んでいたラーマは、戦いで彼ら自身と、ジャナスターナに住む彼らの従者たちを殺した。
1.1.49
रक्षसां निहतान्यासन् सहस्राणि चतुर्दश ।
ततो ज्ञातिवधं श्रुत्वा रावणः क्रोधमूर्छितः ॥ १.१.४९ ॥
羅刹のうち一万四千が殺された。親族の殺戮を聞いたラーヴァナは、怒りに気を失った。
1.1.50
सहायं वरयामास मारीचं नाम राक्षसम् ।
वार्यमाणः सुबहुशो मारीचेन स रावणः ॥ १.१.५० ॥
ラーヴァナは、マーリーチャという名の羅刹を助力者に選んだ。マーリーチャは幾度も諫めたのに。
1.1.51
न विरोधो बलवता क्षमो रावण तेन ते ।
अनादृत्य तु तद्वाक्यं रावणः कालचोदितः ॥ १.१.५१ ॥
ラーヴァナよ、強者と敵対することは汝にふさわしくない。しかし時に駆られたラーヴァナは、彼の言葉を顧みなかった。
1.1.52
जगाम सहमारीचस्तस्याश्रमपदं तदा ।
तेन मायाविना दूरमपवाह्य नृपात्मजौ ॥ १.१.५२ ॥
その時ラーヴァナはマーリーチャと共にその隠棲所へ行った。その幻術師は二人の王子を遠くへ誘い去った。
1.1.53
जहार भार्यां रामस्य गृध्रं हत्वा जटायुषम् ।
गृध्रञ्च निहतं दृष्ट्वा हृतां श्रुत्वा च मैथिलीम् ॥ १.१.५३ ॥
禿鷹ジャターユを殺して、彼はラーマの妻を奪った。禿鷹が殺されたのを見て、マイティリーが奪われたと聞いて。
1.1.54
राघवः शोकसंतप्तो विललापाकुलेन्द्रियः ।
ततस्तेनैव शोकेन गृध्रं दग्ध्वा जटायुषम् ॥ १.१.५४ ॥
ラーガヴァは悲しみに苦しみ、感覚を乱して嘆いた。そしてその同じ悲しみのまま、禿鷹ジャターユを荼毘に付した。
1.1.55
मार्गमाणो वने सीतां राक्षसं सन्ददर्श ह ।
कबन्धं नाम रूपेण विकृतं घोरदर्शनम् ॥ १.१.५५ ॥
森でシーターを探していたとき、彼は姿が醜く恐ろしい、カバンダという名の羅刹を見た。
1.1.56
तन्निहत्य महाबाहुर्ददाह स्वर्गतश्च सः ।
स चास्य कथयामास शबरीं धर्मचारिणीम् ॥ १.१.५६ ॥
彼を殺したその大腕の方は遺体を焼き、彼は天界へ去った。彼はダルマを行う女性シャバリーのことを告げた。
1.1.57
श्रमणां धर्मनिपुणामभिगच्छेति राघव ।
सोऽभ्य गच्छन्महातेजाः शबरीं शत्रुसूदनः ॥ १.१.५७ ॥
「ラーガヴァよ、ダルマに通じた苦行女のもとへ行け」と（彼は言った）。大いなる輝きを持ち、敵を滅ぼすその方はシャバリーのもとへ向かった。
1.1.58
शबर्या पूजितः सम्यग् रामो दशरथात्मजः ।
पम्पातीरे हनुमता सङ्गतो वानरेण ह ॥ १.१.५८ ॥
シャバリーに十分に敬われたダシャラタの子ラーマは、パンパーの岸で猿のハヌマーンと出会った。
1.1.59
हनुमद्वचनाच्चैव सुग्रीवेण समागतः ।
सुग्रीवाय च तत्सर्वं शंसद्रामो महाबलः ॥ १.१.५९ ॥
ハヌマーンの言葉によりラーマはスグリーヴァと出会い、大力のラーマはそのすべてをスグリーヴァに語った。
1.1.60
आदितस्तद् यथावृत्तं सीतायाश्च विशेषतः ।
सुग्रीवश्चापि तत्सर्वं श्रुत्वा रामस्य वानरः ॥ १.१.६० ॥
最初からの出来事、とりわけシーターに関することを、ラーマから聞いた猿のスグリーヴァもまた……
1.1.61
चकार सख्यं रामेण प्रीतश्चैवाग्निसाक्षिकम् ।
ततो वानरराजेन वैरानुकथनं प्रति ॥ १.१.६१ ॥
喜んで、火を証人としてラーマと友好を結んだ。その後、猿王は自らの敵対の経緯を語った。
1.1.62
रामायावेदितं सर्वं प्रणयात् दुःखितेन च ।
प्रतिज्ञातञ्च रामेण तदा वालिवधं प्रति ॥ १.१.६२ ॥
悲しみに沈むスグリーヴァは親愛から一切をラーマに報告し、ラーマはそこでヴァーリンを殺すと誓った。
1.1.63
वालिनश्च बलं तत्र कथयामास वानरः ।
सुग्रीवः शङ्कितश्चासीन्नित्यं वीर्येण राघवे ॥ १.१.६३ ॥
そこで猿のスグリーヴァはヴァーリンの力を語った。彼はラーガヴァの武勇についていつも不安を抱いていた。
1.1.64
राघवप्रत्ययार्थं तु दुन्दुभेः कायमुत्तमम् ।
दर्शयामास सुग्रीवः महापर्वतसन्निभम् ॥ १.१.६४ ॥
ラーガヴァへの信頼を得るため、スグリーヴァは巨大な山のようなドゥンドゥビの亡骸を見せた。
1.1.65
उत्स्मयित्वा महाबाहुः प्रेक्ष्य चास्ति महाबलः ।
पादाङ्गुष्ठेन चिक्षेप संपूर्णं दशयोजनम् ॥ १.१.६५ ॥
力強い腕を持つ者は微笑んでそれを見やり、大力の者は足の指でそれを十ヨージャナも蹴り飛ばした。
1.1.66
बिभेद च पुनस्सालान् सप्तैकेन महेषुणा ।
गिरिं रसातलञ्चैव जनयन् प्रत्ययं तथा ॥ १.१.६६ ॥
再び一本の大矢で七本のサーラ樹を貫き、山と冥界をも裂いて信頼を生じさせた。
1.1.67
ततः प्रीतमनास्तेन विश्वस्तस्स महाकपिः ।
किष्किन्धां रामसहितो जगाम च गुहां तदा ॥ १.१.६७ ॥
そこで心喜び安心した大猿スグリーヴァは、ラーマとともにキシュキンダーの洞窟へ入った。
1.1.68
ततोऽगर्जद्धरिवरः सुग्रीवो हेमपिङ्गलः ।
तेन नादेन महता निर्जगाम हरीश्वरः ॥ १.१.६८ ॥
そこで、金色がかった黄色の猿の中の最勝者スグリーヴァが吼えた。その大きな声に猿王が出てきた。
1.1.69
अनुमान्य तदा तारां सुग्रीवेण समागतः ।
निजघान च तत्रैनं शरेणैकेन राघवः ॥ १.१.६९ ॥
ターラーを慰めてから、スグリーヴァと合流したラーガヴァは、そこで一本の矢で彼を倒した。
1.1.70
ततः सुग्रीववचनात् हत्वा वालिनमाहवे ।
सुग्रीवमेव तद्राज्ये राघवः प्रत्यपादयत् ॥ १.१.७० ॥
その後、スグリーヴァの言葉に従い、ラーガヴァは戦いでヴァーリンを殺し、スグリーヴァ自身をその王国に復位させた。
1.1.71
स च सर्वान् समानीय वानरान् वानरर्षभः ।
दिशः प्रस्थापयामास दिदृक्षुर्जनकात्मजाम् ॥ १.१.७१ ॥
その猿の中の牡牛は、すべての猿を集め、ジャナカの娘を見たいと望んで、四方へ送り出した。
1.1.72
ततो गृध्रस्य वचनात् संपातेर्हनुमान् बली ।
शतयोजनविस्तीर्णं पुप्लुवे लवणार्णवम् ॥ १.१.७२ ॥
そこで禿鷲サンパーティの言葉に従い、強力なハヌマーンは百ヨージャナの幅の塩の海を跳び越えた。
1.1.73
तत्र लङ्कां समासाद्य पुरीं रावणपालिताम् ।
ददर्श सीतां ध्यायन्तीम् अशोकवनिकां गताम् ॥ १.१.७३ ॥
そこで、ラーヴァナに守られたラṅカー市に着き、アショーカの林に行き瞑想に沈むシーターを見た。
1.1.74
निवेदयित्वाभिज्ञानं प्रवृत्तिं विनिवेद्य च ।
समाश्वास्य च वैदेहीं मर्दयामास तोरणम् ॥ १.१.७४ ॥
証しを示し、知らせを伝え、ヴァイデーヒーを慰めた後、彼は門の飾り門を打ち砕いた。
1.1.75
पञ्च सेनाग्रगान् हत्वा सप्त मन्त्रिसुतानपि ।
शूरमक्षं च निष्पिष्य ग्रहणं समुपागमत् ॥ १.१.७५ ॥
五人の将軍と七人の大臣の息子を殺し、勇士アクシャを打ち砕いて、彼は捕らえられるに至った。
1.1.76
अस्त्रेणोन्मुक्तमात्मानं ज्ञात्वा पैतामहाद् वरात् ।
मर्षयन् राक्षसान् वीरो यन्त्रिणस्तान् यदृच्छया ॥ १.१.७६ ॥
ブラフマーの恩寵によって武器から解放されていることを知り、英雄は自らの意志で、縛る羅刹たちを耐え忍んだ。
1.1.77
ततो दग्ध्वा पुरीं लङ्काम् ऋते सीताञ्च मैथिलीम् ।
रामाय प्रियमाख्यातुं पुनरायान्महाकपिः ॥ १.१.७७ ॥
その後、マイティリーのシーターを除いてラṅカー市を焼き払い、大猿はラーマに吉報を伝えるために再び戻った。
1.1.78
सोऽभिगम्य महात्मानं कृत्वा रामं प्रदक्षिणम् ।
न्यवेदयदमेयात्मा दृष्टा सीतेति तत्त्वतः ॥ १.१.७८ ॥
その偉大な方に近づき、ラーマを右回りに礼拝して、無限の魂を持つ彼は、「シーターは見られました」と真実のとおりに報告した。
1.1.79
ततः सुग्रीवसहितो गत्वा तीरं महोदधेः ।
समुद्रं क्षोभयामास शरैरादित्यसन्निभैः ॥ १.१.७९ ॥
その後、スグリーヴァと共に大海の岸辺へ行き、太陽のような矢で海をかき乱した。
1.1.80
दर्शयामास चात्मानं समुद्रः सरितां पतिः ।
समुद्रवचनाच्चैव नलं सेतुमकारयत् ॥ १.१.८० ॥
河川の主である海が自ら姿を現した。海の言葉により、ナラに橋を造らせた。
1.1.81
तेन गत्वा पुरीं लङ्कां हत्वा रावणमाहवे ।
रामः सीतामनुप्राप्य परां व्रीडामुपागमत् ॥ १.१.८१ ॥
その橋を渡ってラṅカーの町へ行き、戦いでラーヴァナを倒し、シーターを取り戻したラーマは、深い羞恥を感じた。
1.1.82
तामुवाच ततो रामः परुषं जनसंसदि ।
अमृष्यमाणा सा सीता विवेश ज्वलनं सती ॥ १.१.८२ ॥
そのときラーマは人々の集まりの中で彼女に厳しい言葉を投げかけた。それに耐えられず、貞淑なシーターは火に入った。
1.1.83
ततोऽग्निवचनात् सीतां ज्ञात्वा विगतकल्मषाम् ।
कर्मणा तेन महता त्रैलोक्यं सचराचरम् ॥ १.१.८३ ॥
その後、アグニの言葉によりシーターが汚れなきことを知ると、その偉大な行いによって、動くものと動かぬものを含む三界は喜んだ。
1.1.84
सदेवर्षिगणं तुष्टं राघवस्य महात्मनः ॥
बभौ रामः सम्प्रहृष्टः पूजितः सर्वदेवतैः ॥ १.१.८४ ॥
神々と聖仙の群れは喜んだ。偉大な魂のラグ家の子ラーマは大いに歓喜して輝き、すべての神々に敬われた。
1.1.85
अभ्यषिच्य च लङ्कायां राक्षसेन्द्रं विभीषणम् ।
कृतकृत्यस्तदा रामो विज्वरः प्रमुमोद ह ॥ १.१.८५ ॥
ラーヴァナ城（ラṅカー）で羅刹王ヴィビーシャナに灌頂を行い、目的を果たしたラーマは憂いを離れ、大いに喜んだ。
1.1.86
देवताभ्यो वरं प्राप्य समुत्थाप्य च वानरान् ।
अयोध्यां प्रस्थितो रामः पुष्पकेण सुहृद्वृतः ॥ १.१.८६ ॥
神々から恩寵を得て、ヴァーナラたちを立ち上がらせた後、友に囲まれたラーマはプシュパカ（空飛ぶ車）でアヨーディヤーへ出発した。
1.1.87
भरद्वाजाश्रमं गत्वा रामः सत्यपराक्रमः ।
भरतस्यान्तिके रामो हनूमन्तं व्यसर्जयत् ॥ १.१.८७ ॥
バラドヴァージャの庵に行き、真の勇者ラーマはハヌマーンをバラタのもとへ送り出した。
1.1.88
पुनराख्यायिकां जल्पन् सुग्रीवसहितस्तदा ।
पुष्पकं तत् समारुह्य नन्दिग्रामं ययौ तदा ॥ १.१.८८ ॥
スグリーヴァとともにまた物語を語りながら、そのプシュパカに乗ってナンディ村へ向かった。
1.1.89
नन्दिग्रामे जटां हित्वा भ्रातृभिः सहितोऽनघः ।
रामः सीतामनुप्राप्य राज्यं पुनरवाप्तवान् ॥ १.१.८९ ॥
ナンディ村で髪を結った苦行の姿を捨て、兄弟とともに無垢なラーマはシーターを取り戻し、再び王国を得た。
1.1.90
प्रहृष्टमुदितो लोकस्तुष्टः पुष्टः सुधार्मिकः ।
निरामयो ह्यरोगश्च दुर्भिक्षभयवर्जितः ॥ १.१.९० ॥
喜び満ちた民は満ち足り、豊かで、非常に法にかなった者となった。病もなく健やかで、飢饉の恐れからも解放された。
1.1.91
न पुत्रमरणं केचित् द्रक्ष्यन्ति पुरुषाः क्वचित् ।
नार्यश्चाविधवा नित्यं भविष्यन्ति पतिव्रताः ॥ १.१.९१ ॥
どの男も息子の死を見ることはなく、女たちは常に寡婦とならず、夫に貞節を尽くすであろう。
1.1.92
न चाग्निजं भयं किञ्चिन्नाप्सु मज्जन्ति जन्तवः ।
न वातजं भयं किञ्चित् नापि ज्वरकृतं तथा ॥ १.१.९२ ॥
火による恐れはなく、生き物は水に溺れることもない。風による恐れもなく、熱病による恐れもない。
1.1.93
न चापि क्षुद्भयं तत्र न तस्करभयं तथा ।
नगराणि च राष्ट्राणि धनधान्ययुतानि च ॥ १.१.९३ ॥
そこには飢えの恐れもなく、盗賊の恐れもない。都市も国々も富と穀物に満ちている。
1.1.94
नित्यं प्रमुदिताः सर्वे यथा कृतयुगे तथा ।
अश्वमेधशतैरिष्ट्वा तथा बहुसुवर्णकैः ॥ १.१.९४ ॥
クリタ時代のように皆は常に喜びに満ちる。百の馬祀祭と多くの黄金の布施を行ったのち。
1.1.95
गवां कोट्ययुतं दत्त्वा विद्वद्भ्यो विधिपूर्वकम् ।
असंख्येयं धनं दत्त्वा ब्राह्मणेभ्यो महायशाः ॥ १.१.९५ ॥
学者たちに規定どおり千万頭の牛を施し、バラモンたちに数えきれない富を与えた、大いなる名声の人は……
1.1.96
राजवंशान् शतगुणान् स्थापयिष्यति राघवः ।
चातुर्वर्ण्यं च लोकेऽस्मिन् स्वे स्वे धर्मे नियोक्ष्यति ॥ १.१.९६ ॥
ラーガヴァは王統を百倍に打ち立て、この世において四姓をそれぞれの義務に就かせるであろう。
1.1.97
दशवर्षसहस्राणि दशवर्षशतानि च ।
रामो राज्यमुपासित्वा ब्रह्मलोकं प्रयास्यति ॥ १.१.९७ ॥
ラーマは一万年と、さらに千年の間王国を治めた後、ブラフマーの世界へ赴くであろう。
1.1.98
इदं पवित्रं पापघ्नं पुण्यं वेदैश्च सम्मितम् ।
यः पठेद् रामचरितं सर्वपापैः प्रमुच्यते ॥ १.१.९८ ॥
これは清浄で罪を滅し、功徳をもたらし、ヴェーダに等しい。ラーマの行いを読誦する者は、あらゆる罪から解放される。
1.1.99
एतदाख्यानमायुष्यं पठन् रामायणं नरः ।
सपुत्रपौत्रः सगणः प्रेत्य स्वर्गे महीयते ॥ १.१.९९ ॥
この物語は寿命を延ばす。ラーマーヤナを読誦する人は、息子や孫、従者とともに死後天界で敬われる。
1.1.100
पठन् द्विजो वागृषभत्वमीयात् ।
त् क्षत्रियो भूमिपतित्वमीयात् ॥
वणिक् जनः पण्यफलत्वमीयात् ।
जनश्च शूद्रोऽपि महत्त्वमीयात् ॥ १.१.१०० ॥
これを読誦するバラモンは言葉の卓越を得、クシャトリヤは大地の主権を得、ヴァイシャは商売の成功を得、シュードラもまた偉大さを得る。