蚁垤《罗摩衍那》 · 篇 1.55
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
1.55.1
ततस्तानाकुलान् दृष्ट्वा विश्वामित्रास्त्रमोहितान्।
वसिष्ठश्चोदयामास कामधुक् सृज योगतः ॥ १.५५.१ ॥
维示瓦米特拉的神箭使他们昏迷慌乱，婆西斯塔便命令如意牛凭借瑜伽之力创造（一支军队）。
1.55.2
तस्या हुंकारतो जाताः काम्बोजा रविसंनिभाः।
ऊधसश्चाथ सम्भूता बर्बराः शस्त्रपाणयः ॥ १.५५.२ ॥
从它的哼声中生出了如太阳般的剑浮人（康波阇人）；随后从它的乳房中涌出了手持兵器的巴尔巴拉人。
1.55.3
योनिदेशाच्च यवनाः शकृद्देशाच्छकाः स्मृताः।
रोमकूपेषु म्लेच्छाश्च हारीताः सकिरातकाः ॥ १.५५.३ ॥
从它的生殖部位生出了耶婆那人，从粪便之处生出了塞种人（沙迦人）；从毛孔中生出了蔑戾车、诃利帝与吉罗多人。
1.55.4
तैस्तन्निषूदितं सर्वं विश्वामित्रस्य तत्क्षणात्।
सपदातिगजं साश्वं सरथं रघुनन्दन ॥ १.५५.४ ॥
他们在那一刻便摧毁了维示瓦米特拉的全部军队——步兵、象兵、马兵与战车。啊，罗怙之喜！
1.55.5
दृष्ट्वा निषूदितं सैन्यं वसिष्ठेन महात्मना।
विश्वामित्रसुतानां तु शतं नानाविधायुधम् ॥ १.५५.५ ॥
看到被伟大的婆西斯塔所歼灭的军队，维示瓦米特拉的一百个儿子手持各式兵器（冲了上去）。
1.55.6
अभ्यधावत् सुसंक्रुद्धं वसिष्ठं जपतां वरम्।
हुंकारेणैव तान् सर्वान् निर्ददाह महानृषिः ॥ १.५५.६ ॥
他们怒不可遏，扑向诵念真言者中最杰出的婆西斯塔；然而这位大仙仅凭一声怒吼，便将他们全部焚为灰烬。
1.55.7
ते साश्वरथपादाता वसिष्ठेन महात्मना।
भस्मीकृता मुहूर्तेन विश्वामित्रसुतास्तथा ॥ १.५५.७ ॥
大德的伐西什塔顷刻间将马匹、战车、步兵以及毗首弥多罗之子们全部化为灰烬。
1.55.8
दृष्ट्वा विनाशितान् सर्वान् बलं च सुमहायशाः।
सव्रीडं चिन्तयाविष्टो विश्वामित्रोऽभवत् तदा ॥ १.५५.८ ॥
见所有人和军队都被毁灭，极负盛名的毗首弥多罗当时充满羞愧与忧虑。
1.55.9
समुद्र इव निर्वेगो भग्नद्रंष्ट्र इवोरगः।
उपरक्त इवादित्यः सद्यो निष्प्रभतां गतः ॥ १.५५.९ ॥
如失去波涛的大海，如折断毒牙的蛇，如被日食所蚀的太阳，他立刻失去了光彩。
1.55.10
हतपुत्रबलो दीनो लूनपक्ष इव द्विजः।
हतसर्वबलोत्साहो निर्वेदं समपद्यत ॥ १.५५.१० ॥
儿子与军队皆被消灭，他沮丧如被剪断翅膀的鸟，丧失了全部力量与斗志，陷入了厌世之中。
1.55.11
स पुत्रमेकं राज्याय पालयेति नियुज्य च।
पृथिवीं क्षत्रधर्मेण वनमेवाभ्यपद्यत ॥ १.५५.११ ॥
他任命一子说“守护王国”，依刹帝利之法将大地托付于他，便前往森林。
1.55.12
स गत्वा हिमवत्पार्श्वे किंनरोरगसेवितम्।
महादेवप्रसादार्थं तपस्तेपे महातपाः ॥ १.५५.१२ ॥
他前往喜马拉雅山麓，那里有紧那罗与蛇神栖居，大苦行者在那里为求大天神的恩宠而修苦行。
1.55.13
केनचित् त्वथ कालेन देवेशो वृषभध्वजः।
दर्शयामास वरदो विश्वामित्रं महामुनिम् ॥ १.५५.१३ ॥
过了一段时间，手持公牛旗、赐予恩惠的诸神之主向大仙人毗首密多罗显现。
1.55.14
किमर्थं तप्यसे राजन् ब्रूहि यत् ते विवक्षितम्।
वरदोऽस्मि वरो यस्ते कांक्षितः सोऽभिधीयताम् ॥ १.५५.१४ ॥
国王啊，你为何修苦行？请说出你的心愿。我是赐予恩惠的神；请说出你所求的恩惠。
1.55.15
एवमुक्तस्तु देवेन विश्वामित्रो महातपाः।
प्रणिपत्य महादेवं विश्वामित्रोऽब्रवीदिदम् ॥ १.५५.१५ ॥
神如此说后，大苦行者毗首密多罗向摩诃提婆顶礼，并说了这些话。
1.55.16
यदि तुष्टो महादेव धनुर्वेदो ममानघ।
सांगोपांगोपनिषदः सरहस्यः प्रदीयताम् ॥ १.५५.१६ ॥
大天啊，若您欢喜，无垢者啊，请将弓术及其支分、副支、奥义与秘诀赐予我。
1.55.17
यानि देवेषु चास्त्राणि दानवेषु महर्षिषु।
गन्धर्वयक्षरक्षःसु प्रतिभान्तु ममानघ ॥ १.५५.१७ ॥
凡诸天、檀那婆、大仙人、乾闼婆、夜叉与罗刹所拥有的武器，愿它们都在我身中显现，无垢者啊。
1.55.18
तव प्रसादाद् भवतु देवदेव ममेप्सितम्।
एवमस्त्विति देवेशो वाक्यमुक्त्वा गतस्तदा ॥ १.५५.१८ ॥
神中之神啊，愿您的恩典成就我的心愿。诸神之主说“就这样吧”，随即离去。
1.55.19
प्राप्य चास्त्राणि देवेशाद् विश्वामित्रो महाबलः।
दर्पेण महता युक्तो दर्पपूर्णोऽभवत् तदा ॥ १.५५.१९ ॥
毗湿伐弥多罗从众神之主那里获得武器后，大力的他当时充满了极大的傲慢，变得骄横自负。
1.55.20
विवर्धमानो वीर्येण समुद्र इव पर्वणि।
हतं मेने तदा राम वसिष्ठमृषिसत्तमम् ॥ १.५५.२० ॥
他的勇力如满月时的大海般增长，于是，罗摩啊，他以为最优秀的仙人伐西湿多已被杀。
1.55.21
ततो गत्वाऽऽश्रमपदं मुमोचास्त्राणि पार्थिवः।
यैस्तत् तपोवनं नाम निर्दग्धं चास्त्रतेजसा ॥ १.५५.२१ ॥
随后，国王来到修行处，放出武器，凭借武器的威力，那名为苦行林的树林被完全烧毁。
1.55.22
उदीर्यमाणमस्त्रं तद् विश्वामित्रस्य धीमतः।
दृष्ट्वा विप्रद्रुता भीता मुनयः शतशो दिशः ॥ १.५५.२२ ॥
众多受惊的仙人看见智慧的毗湿伐弥多罗所放出的那件武器，便四散奔逃，逃向各个方向。
1.55.23
वसिष्ठस्य च ये शिष्या ये च वै मृगपक्षिणः।
विद्रवन्ति भयाद् भीता नानादिग्भ्यः सहस्रशः ॥ १.५५.२३ ॥
伐西湿多的弟子们，以及鹿与鸟类，因恐惧而惊慌，成千上万地向各个方向逃散。
1.55.24
वसिष्ठस्याश्रमपदं शून्यमासीन्महात्मनः।
मुहूर्तमिव निःशब्दमासीदीरिणसंनिभम् ॥ १.५५.२४ ॥
伟大的伐西湿多的修行处变得空无一人；片刻之间，它寂静无声，宛如一片荒芜之地。
1.55.25
वदतो वै वसिष्ठस्य मा भैरिति मुहुर्मुहुः।
नाशयाम्यद्य गाधेयं नीहारमिव भास्करः ॥ १.५५.२५ ॥
婆私吒一再说道：“不要害怕。今天我要消灭伽提之子，就像太阳驱散雾气一样。”
1.55.26
एवमुक्त्वा महातेजा वसिष्ठो जपतां वरः।
विश्वामित्रं तदा वाक्यं सरोषमिदमब्रवीत् ॥ १.५५.२६ ॥
婆私吒——光明伟大、诵咒者中最杰出的——说完这些，便怒气冲冲地对毗首弥多罗说了这番话。
1.55.27
आश्रमं चिरसंवृद्धं यद् विनाशितवानसि।
दुराचारो हि यन्मूढस्तस्मात् त्वं न भविष्यसि ॥ १.५५.२७ ॥
“你毁坏了这座长久存在的道场。你品行邪恶又愚昧，所以你将不复存在。”
1.55.28
इत्युक्त्वा परमक्रुद्धो दण्डमुद्यम्य सत्वरः।
विधूम इव कालाग्निर्यमदण्डमिवापरम् ॥ १.५५.२८ ॥
说完这些，极为愤怒的婆私吒迅速举起手杖。那手杖如无烟的劫火，又如另一根阎摩之杖。