ヴァールミーキのラーマーヤナ · サルガ 3.25
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
3.25.1
अवष्टब्धधनुं रामं क्रुद्धं तं रिपुघातिनम्।
ददर्शाश्रममागम्य खरः सह पुरःसरैः ॥ ३.२५.१ ॥
カラは先導の兵士たちとともに庵に到着し、弓をしっかり握り、怒り、敵を討つラーマを見た。
3.25.2
तं दृष्ट्वा सगुणं चापमुद्यम्य खरनिःस्वनम्।
रामस्याभिमुखं सूतं चोद्यतामित्यचोदयत् ॥ ३.२५.२ ॥
ラーマを見ると、弦を張った弓を掲げ、カラの咆哮とともに、御者に命じた。「ラーマに向かって戦車を進めよ。」
3.25.3
स खरस्याज्ञया सूतस्तुरगान् समचोदयत्।
यत्र रामो महाबाहुरेको धुन्वन् धनुः स्थितः ॥ ३.२५.३ ॥
カラの命令で御者は全速で馬を駆り、大腕のラーマが独り立ち、弓を振るっている所へ向かった。
3.25.4
तं तु निष्पतितं दृष्ट्वा सर्वतो रजनीचराः।
मुञ्चमाना महानादं सचिवाः पर्यवारयन् ॥ ३.२५.४ ॥
彼が突進するのを見て、夜歩く羅刹たちは四方から大声を上げ、その従者たちが彼を取り囲んだ。
3.25.5
स तेषां यातुधानानां मध्ये रथगतः खरः।
बभूव मध्ये ताराणां लोहिताङ्ग इवोदितः ॥ ३.२५.५ ॥
カラは戦車に座り、ヤートゥダーナの中で、星々の間に昇った赤い火星のように見えた。
3.25.6
ततः शरसहस्रेण राममप्रतिमौजसम्।
अर्दयित्वा महानादं ननाद समरे खरः ॥ ३.२५.६ ॥
そして、カラは並ぶもののない力を持つラーマを千の矢で射て、戦いの中で大いに咆哮した。
3.25.7
ततस्तं भीमधन्वानं क्रुद्धाः सर्वे निशाचराः।
रामं नानाविधैः शस्त्रैरभ्यवर्षन्त दुर्जयम् ॥ ३.२५.७ ॥
そのとき怒り狂った夜行者たちは皆、あの恐ろしい弓の使い手、征服しがたいラーマの上に、さまざまな武器の雨を降らせた。
3.25.8
मुद्गरैरायसैः शूलैः प्रासैः खड्गैः परश्वधैः।
राक्षसाः समरे शूरं निजघ्नू रोषतत्पराः ॥ ३.२५.८ ॥
鉄の棍棒、槍、投げ槍、剣、斧を手にした怒りに燃える羅刹たちは、戦場であの勇士を打ち倒した。
3.25.9
ते बलाहकसंकाशा महाकाया महाबलाः।
अभ्यधावन्त काकुत्स्थं रथैर्वाजिभिरेव च ॥ ३.२५.९ ॥
嵐の雲のように黒く、巨大な体と強大な力を持つ彼らは、戦車と馬に乗ってカークツトゥハ族のラーマへ突進した。
3.25.10
गजैः पर्वतकूटाभै रामं युद्धे जिघांसवः।
ते रामे शरवर्षाणि व्यसृजन् रक्षसां गणाः ॥ ३.२५.१० ॥
山の峰のような象に乗った羅刹の群れは、戦いでラーマを殺そうと望み、彼に矢の雨を降らせた。
3.25.11
शैलेन्द्रमिव धाराभिर्वर्षमाणा महाघनाः।
सर्वैः परिवृतो रामो राक्षसैः क्रूरदर्शनैः ॥ ३.२५.११ ॥
大きな雲が山々の王に雨の筋を注ぐように、ラーマは残忍な姿をした羅刹たちすべてに取り囲まれた。
3.25.12
तिथिष्विव महादेवो वृतः पारिषदां गणैः।
तानि मुक्तानि शस्त्राणि यातुधानैः स राघवः ॥ ३.२५.१२ ॥
月の日々に大神が従者の群れに囲まれるように、ラーガヴァは羅刹たちが放った武器の只中に立っていた。
3.25.13
प्रतिजग्राह विशिखैर्नद्योघानिव सागरः।
स तैः प्रहरणैर्घोरैर्भिन्नगात्रो न विव्यथे ॥ ३.२५.१३ ॥
海が川の奔流を受け止めるように、彼は矢を受け止めた。その恐ろしい武器に身体を貫かれても、彼は苦しまなかった。
3.25.14
रामः प्रदीप्तैर्बहुभिर्वज्रैरिव महाचलः।
स विद्धः क्षतजादिग्धः सर्वगात्रेषु राघवः ॥ ३.२५.१४ ॥
大山が燃える多くの雷に打たれるように、ラーマは射抜かれ、全身が血にまみれた。
3.25.15
बभूव रामः संध्याभ्रैर्दिवाकर इवावृतः।
विषेदुर्देवगन्धर्वाः सिद्धाश्च परमर्षयः ॥ ३.२५.१५ ॥
ラーマは夕暮れの雲に覆われた太陽のようになった。神々、ガンダルヴァ、シッダ、偉大な聖仙たちは悲しんだ。
3.25.16
एकं सहस्रैर्बहुभिस्तदा दृष्ट्वा समावृतम्।
ततो रामस्तु संक्रुद्धो मण्डलीकृतकार्मुकः ॥ ३.२५.१६ ॥
一人が数千もの敵に囲まれているのを見て、ラーマは激怒し、弓を円形に引き絞った。
3.25.17
ससर्ज निशितान् बाणान् शतशोऽथ सहस्रशः।
दुरावारान् दुर्विषहान् कालपाशोपमान् रणे ॥ ३.२५.१७ ॥
そしてラーマは鋭い矢を何百、何千と放った。防ぎがたく耐えがたく、戦場における死の縄のようであった。
3.25.18
मुमोच लीलया कङ्कपत्रान् काञ्चनभूषणान्।
ते शराः शत्रुसैन्येषु मुक्ता रामेण लीलया ॥ ३.२५.१८ ॥
ラーマは造作もなく、金の装飾を施した鷺の羽の矢を放った。ラーマが軽々と放ったその矢は、敵軍に降り注いだ。
3.25.19
आददू रक्षसां प्राणान् पाशाः कालकृता इव।
भित्त्वा राक्षसदेहांस्तांस्ते शरा रुधिराप्लुताः ॥ ३.२५.१९ ॥
死神が仕掛けた縄のように、矢は羅刹たちの命を奪った。羅刹の身体を貫き、矢は血に濡れた。
3.25.20
अन्तरिक्षगता रेजुर्दीप्ताग्निसमतेजसः।
असंख्येयास्तु रामस्य सायकाश्चापमण्डलात् ॥ ३.२५.२० ॥
空を進む矢は燃えさかる火のような輝きで光った。ラーマの弓の円から、数えきれない矢が放たれた。
3.25.21
विनिष्पेतुरतीवोग्रा रक्षःप्राणापहारिणः।
तैर्धनूंषि ध्वजाग्राणि चर्माणि कवचानि च ॥ ३.२५.२१ ॥
羅刹の命を奪う極めて猛烈な矢が放たれた。それによって弓、旗の頂、盾、鎧が砕かれた。
3.25.22
बाहून् सहस्ताभरणानूरून् करिकरोपमान्।
चिच्छेद रामः समरे शतशोऽथ सहस्रशः ॥ ३.२५.२२ ॥
ラーマは戦場で、装飾をつけた手を持つ腕と象の鼻のような腿を、数百、そして数千と断ち切った。
3.25.23
हयान् काञ्चनसंनाहान् रथयुक्तान् ससारथीन्।
गजांश्च सगजारोहान् सहयान् सादिनस्तदा ॥ ३.२५.२३ ॥
金の馬具をつけ戦車に繋がれた馬とその御者、象とその象使い、馬に乗った騎兵とその馬——それらすべてがその時打ち倒された。
3.25.24
चिच्छिदुर्बिभिदुश्चैव रामबाणा गुणच्युताः।
पदातीन् समरे हत्वा ह्यनयद् यमसादनम् ॥ ३.२५.२४ ॥
弦から放たれたラーマの矢は切り裂き、貫いた。戦場で歩兵を倒し、彼らをヤマの住処へ送った。
3.25.25
ततो नालीकनाराचैस्तीक्ष्णाग्रैश्च विकर्णिभिः।
भीममार्तस्वरं चक्रुश्छिद्यमाना निशाचराः ॥ ३.२५.२५ ॥
そのとき、鋭い先端と返しを持つナーリーカとナーラーチャの矢に切り裂かれた夜の徘徊者たちは、恐ろしい苦悶の叫びをあげた。
3.25.26
तत्सैन्यं विविधैर्बाणैरर्दितं मर्मभेदिभिः।
न रामेण सुखं लेभे शुष्कं वनमिवाग्निना ॥ ३.२५.२६ ॥
ラーマの急所を貫くさまざまな矢に苦しめられたその軍勢は、火に焼かれる枯れた森のように、ラーマからの安らぎを得られなかった。
3.25.27
केचिद् भीमबलाः शूराः प्रासान् शूलान् परश्वधान्।
चिक्षिपुः परमक्रुद्धा रामाय रजनीचराः ॥ ३.२५.२७ ॥
恐ろしい力を持つ勇猛な夜の徘徊者たちが、激しい怒りのうちに、ラーマに向けて槍と戟と戦斧を投げつけた。
3.25.28
तेषां बाणैर्महाबाहुः शस्त्राण्यावार्य वीर्यवान्।
जहार समरे प्राणांश्चिच्छेद च शिरोधरान् ॥ ३.२५.२८ ॥
大いなる腕を持つ勇猛なラーマは、矢で彼らの武器を防ぎ、戦場で彼らの命を奪い、その首を断ち切った。
3.25.29
ते छिन्नशिरसः पेतुश्छिन्नचर्मशरासनाः।
सुपर्णवातविक्षिप्ता जगत्यां पादपा यथा ॥ ३.२५.२९ ॥
首を切られ、盾と弓を断たれた彼らは、ガルダの翼が起こす風に倒された木々のように、大地に倒れ伏した。
3.25.30
अवशिष्टाश्च ये तत्र विषण्णास्ते निशाचराः।
खरमेवाभ्यधावन्त शरणार्थं शराहताः ॥ ३.२५.३० ॥
そこに残った夜の徘徊者たちは、気落ちし矢に射られて、庇護を求めてまっすぐカラのもとへ走った。
3.25.31
तान् सर्वान् धनुरादाय समाश्वास्य च दूषणः।
अभ्यधावत् सुसंक्रुद्धः क्रुद्धं क्रुद्ध इवान्तकः ॥ ३.२५.३१ ॥
ドゥーシャナは弓を取り、皆を励まし、激怒して、怒れるアンタカ（ヤマ）のように突進した。
3.25.32
निवृत्तास्तु पुनः सर्वे दूषणाश्रयनिर्भयाः।
राममेवाभ्यधावन्त सालतालशिलायुधाः ॥ ३.२५.३२ ॥
しかし彼らは皆引き返し、ドゥーシャナの庇護のもと恐れを知らず、沙羅樹・棕櫚の木・岩を武器にしてラーマへと殺到した。
3.25.33
शूलमुद्गरहस्ताश्च पाशहस्ता महाबलाः।
सृजन्तः शरवर्षाणि शस्त्रवर्षाणि संयुगे ॥ ३.२५.३३ ॥
槍と棍棒、投げ縄を手にした大力の羅刹たちは、戦いで矢の雨と武器の雨を降らせた。
3.25.34
द्रुमवर्षाणि मुञ्चन्तः शिलावर्षाणि राक्षसाः।
तद् बभूवाद्भुतं युद्धं तुमुलं रोमहर्षणम् ॥ ३.२५.३४ ॥
木々の雨と岩の雨を降らせながら、羅刹たちはその戦いを驚くべき、騒然たる、身の毛もよだつものにした。
3.25.35
रामस्यास्य महाघोरं पुनस्तेषां च रक्षसाम्।
ते समन्तादभिक्रुद्धा राघवं पुनरार्दयन् ॥ ३.२५.३५ ॥
再びラーマとあの羅刹たちとの恐ろしい戦いが始まった。四方から激しく怒った彼らは、再びラーガヴァ（ラーマ）を苦しめた。
3.25.36
ततः सर्वा दिशो दृष्ट्वा प्रदिशश्च समावृताः।
राक्षसैः सर्वतः प्राप्तैः शरवर्षाभिरावृतः ॥ ३.२५.३६ ॥
そのとき、四方と隅々が四方から来た羅刹で満ちているのを見て、ラーマは矢の雨に包まれた。
3.25.37
स कृत्वा भैरवं नादमस्त्रं परमभास्वरम्।
समयोजयद् गान्धर्वं राक्षसेषु महाबलः ॥ ३.२५.३७ ॥
恐ろしい咆哮を上げて、かの大力の者は、最も輝かしいガンダルヴァの矢を羅刹に向けて放った。
3.25.38
ततः शरसहस्राणि निर्ययुश्चापमण्डलात्।
सर्वा दश दिशो बाणैरापूर्यन्त समागतैः ॥ ३.२५.३८ ॥
すると弓の円から幾千もの矢が放たれ、飛来した矢によって十方がすべて満たされた。
3.25.39
नाददानं शरान् घोरान् विमुञ्चन्तं शरोत्तमान्।
विकर्षमाणं पश्यन्ति राक्षसास्ते शरार्दिताः ॥ ३.२५.३९ ॥
矢に苦しめられた羅刹たちは、恐ろしい矢を取ることもなく、優れた矢を放ち弓を引き絞る彼の姿を見る。
3.25.40
शरान्धकारमाकाशमावृणोत् सदिवाकरम्।
बभूवावस्थितो रामः प्रक्षिपन्निव तान् शरान् ॥ ३.२५.४० ॥
矢の闇が太陽とともに空を覆い、ラーマはそこに立ち、まるでそれらの矢を放っているかのようであった。
3.25.41
युगपत्पतमानैश्च युगपच्च हतैर्भृशम्।
युगपत्पतितैश्चैव विकीर्णा वसुधाभवत् ॥ ३.२५.४१ ॥
同時に倒れ、同時に殺され、同時に横たわった（羅刹たち）によって、大地は散乱した。
3.25.42
निहताः पतिताः क्षीणाश्छिन्ना भिन्ना विदारिताः।
तत्र तत्र स्म दृश्यन्ते राक्षसास्ते सहस्रशः ॥ ३.२५.४२ ॥
殺され、倒れ、力尽き、断たれ、砕かれ、裂かれた羅刹たちが、あちこちに何千と見えた。
3.25.43
सोष्णीषैरुत्तमाङ्गैश्च साङ्गदैर्बाहुभिस्तथा।
ऊरुभिर्बाहुभिश्छिन्नैर्नानारूपैर्विभूषणैः ॥ ३.२५.४३ ॥
ターバンを巻いた頭部、腕輪をつけた腕、そして切断された腿と腕が、さまざまな飾りに彩られて散らばっていた。
3.25.44
हयैश्च द्विपमुख्यैश्च रथैर्भिन्नैरनेकशः।
चामरव्यजनैश्छत्रैर्ध्वजैर्नानाविधैरपि ॥ ३.२५.४४ ॥
馬や主だった象、さまざまに砕かれた戦車、そしてヤクの尾の払子、扇、傘、さまざまな旗も散乱していた。
3.25.45
रामेण बाणाभिहतैर्विच्छिन्नैः शूलपट्टिशैः।
खड्गैः खण्डीकृतैः प्रासैर्विकीर्णैश्च परश्वधैः ॥ ३.२५.४५ ॥
ラーマの矢に射抜かれ、断ち切られた三叉槍と戟、細切れにされた剣、散らばった投槍と戦斧。
3.25.46
चूर्णिताभिः शिलाभिश्च शरैश्चित्रैरनेकशः।
विच्छिन्नैः समरे भूमिर्विस्तीर्णाभूद् भयंकरा ॥ ३.२५.४६ ॥
砕かれた岩、さまざまな奇妙な矢、そして戦いで断ち切られた物によって、大地は広がり恐ろしいものとなった。
3.25.47
तान् दृष्ट्वा निहतान् सर्वे राक्षसाः परमातुराः।
न तत्र चलितुं शक्ता रामं परपुरंजयम् ॥ ३.२५.४७ ॥
彼らすべてが殺されたのを見て、羅刹たちは皆ひどく苦悩し、敵の都を征服するラーマの前で、そこから動くことさえできなかった。