ヴァールミーキのラーマーヤナ · サルガ 3.30
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
3.30.1
भित्त्वा तु तां गदां बाणै राघवो धर्मवत्सलः।
स्मयमान इदं वाक्यं संरब्धमिदमब्रवीत् ॥ ३.३०.१ ॥
ダルマを慈しむラーガヴァは矢でその棍棒を貫き、微笑みながらも怒りをこめてこの言葉を述べた。
3.30.2
एतत् ते बलसर्वस्वं दर्शितं राक्षसाधम।
शक्तिहीनतरो मत्तो वृथा त्वमुपगर्जसि ॥ ३.३०.२ ॥
卑しい羅刹よ、お前は力のすべてを見せた。私よりはるかに力は弱いのに、空しく吠えている。
3.30.3
एषा बाणविनिर्भिन्ना गदा भूमितलं गता।
अभिधानप्रगल्भस्य तव प्रत्ययघातिनी ॥ ३.३०.३ ॥
矢に貫かれたこの棍棒は地に落ちた。大言壮語するお前の自信を打ち砕くものだ。
3.30.4
यत् त्वयोक्तं विनष्टानामिदमश्रुप्रमार्जनम्।
राक्षसानां करोमीति मिथ्या तदपि ते वचः ॥ ३.३०.४ ॥
滅びた羅刹たちの涙をぬぐってやると言ったお前の言葉も、また偽りだ。
3.30.5
नीचस्य क्षुद्रशीलस्य मिथ्यावृत्तस्य रक्षसः।
प्राणानपहरिष्यामि गरुत्मानमृतं यथा ॥ ३.३०.५ ॥
卑しく心の狭い、偽りの行いをする羅刹よ、ガルダが甘露を奪ったように、お前の命を奪ってやろう。
3.30.6
अद्य ते भिन्नकण्ठस्य फेनबुद्बुदभूषितम्।
विदारितस्य मद्बाणैर्मही पास्यति शोणितम् ॥ ३.३०.६ ॥
今日、お前の喉は私の矢に貫かれ、引き裂かれるだろう。泡や気泡に飾られたお前の血を大地が飲み干すだろう。
3.30.7
पांसुरूषितसर्वाङ्गः स्रस्तन्यस्तभुजद्वयः।
स्वप्स्यसे गां समाश्लिष्य दुर्लभां प्रमदामिव ॥ ३.३०.७ ॥
全身を塵にまみれさせ、両腕をだらりと投げ出して、得がたい恋人を抱くように大地を抱いて、おまえは眠るだろう。
3.30.8
प्रवृद्धनिद्रे शयिते त्वयि राक्षसपांसने।
भविष्यन्ति शरण्यानां शरण्या दण्डका इमे ॥ ३.३०.८ ॥
ラークシャサよ、おまえが塵の中で深く長い眠りに横たわる時、このダンダカの森は庇護を求める者の避難所となるだろう。
3.30.9
जनस्थाने हतस्थाने तव राक्षस मच्छरैः।
निर्भया विचरिष्यन्ति सर्वतो मुनयो वने ॥ ३.३०.९ ॥
ラークシャサよ、ジャナスターナで、私の矢によっておまえが討たれる場所で、聖者たちは森のどこへでも恐れなく歩み回るだろう。
3.30.10
अद्य विप्रसरिष्यन्ति राक्षस्यो हतबान्धवाः।
बाष्पार्द्रवदना दीना भयादन्यभयावहाः ॥ ३.३०.१० ॥
今日、親族を殺された羅刹の女たちは、涙に濡れた顔で、哀れにも恐怖に駆られて散り散りに逃げるだろう。かつて他人に恐怖を与えた者たちが、今や自ら怯えるのだ。
3.30.11
अद्य शोकरसज्ञास्ता भविष्यन्ति निरर्थिकाः।
अनुरूपकुलाः पत्न्यो यासां त्वं पतिरीदृशः ॥ ३.३०.११ ॥
今日、悲しみの味を知ることになる女たちは、無意味となるだろう。適切な家柄の妻たち、その夫がおまえのような者である彼女らは。
3.30.12
नृशंसशील क्षुद्रात्मन् नित्यं ब्राह्मणकण्टक।
त्वत्कृते शङ्कितैरग्नौ मुनिभिः पात्यते हविः ॥ ३.३०.१२ ॥
残忍な性質の者よ、卑しい心の者よ、常にバラモンの棘となる者よ！おまえのせいで、怯えた聖者たちは火に供物を注いでいる。
3.30.13
तमेवमभिसंरब्धं ब्रुवाणं राघवं वने।
खरो निर्भर्त्सयामास रोषात् खरतरस्वरः ॥ ३.३०.१३ ॥
森の中でこのように怒りをもって語るラーガヴァ（ラーマ）を、カラは憤怒のうちに、極めて荒々しい声で叱りつけた。
3.30.14
दृढं खल्ववलिप्तोऽसि भयेष्वपि च निर्भयः।
वाच्यावाच्यं ततो हि त्वं मृत्योर्वश्यो न बुध्यसे ॥ ३.३०.१४ ॥
お前はまことに高慢で、恐れるべき時にも恐れを知らない。それゆえ死の支配下にありながら、言うべきことと言うべきでないことが分かっていないのだ。
3.30.15
कालपाशपरिक्षिप्ता भवन्ति पुरुषा हि ये।
कार्याकार्यं न जानन्ति ते निरस्तषडिन्द्रियाः ॥ ३.३०.१५ ॥
時の縄に絡め取られた人々は、なすべきことと、なすべきでないことが分からず、その六つの感覚は失われている。
3.30.16
एवमुक्त्वा ततो रामं संरुध्य भृकुटिं ततः।
स ददर्श महासालमविदूरे निशाचरः ॥ ३.३०.१६ ॥
そう言うと、その夜の徘徊者は眉をひそめてラーマを見、それから近くにある大きなサーラの木を見つけた。
3.30.17
रणे प्रहरणस्यार्थे सर्वतो ह्यवलोकयन्।
स तमुत्पाटयामास संदष्टदशनच्छदम् ॥ ३.३०.१७ ॥
戦いのための武器を探してあたりを見回し、歯で唇を噛みしめながら、彼はそれを引き抜いた。
3.30.18
तं समुत्क्षिप्य बाहुभ्यां विनर्दित्वा महाबलः।
राममुद्दिश्य चिक्षेप हतस्त्वमिति चाब्रवीत् ॥ ३.३०.१८ ॥
両腕で持ち上げ、咆哮しながら、その大力の者はラーマを狙ってそれを投げつけ、「お前は打たれた！」と言った。
3.30.19
तमापतन्तं बाणौघैश्छित्त्वा रामः प्रतापवान्।
रोषमाहारयत् तीव्रं निहन्तुं समरे खरम् ॥ ३.३०.१९ ॥
襲いかかってくるのを見た威光ある罗摩は、矢の雨で彼を断ち切り、戦場でカラを殺すために激しい怒りを奮い起こした。
3.30.20
जातस्वेदस्ततो रामो रोषरक्तान्तलोचनः।
निर्बिभेद सहस्रेण बाणानां समरे खरम् ॥ ३.३०.२० ॥
そのとき汗にまみれた罗摩は、怒りで目尻を赤くして、戦いでカラを千本の矢で貫いた。
3.30.21
तस्य बाणान्तराद् रक्तं बहु सुस्राव फेनिलम्।
गिरेः प्रस्रवणस्येव धाराणां च परिस्रवः ॥ ३.३०.२१ ॥
彼の矢の隙間から泡立つ血がたくさん流れ出た。山の泉から流れ落ちる水の流れのようであった。
3.30.22
विकलः स कृतो बाणैः खरो रामेण संयुगे।
मत्तो रुधिरगन्धेन तमेवाभ्यद्रवद् द्रुतम् ॥ ३.३०.२२ ॥
戦いで罗摩の矢に傷つけられ、血の匂いに狂ったカラは、すぐさま真っ直ぐ彼めがけて突進した。
3.30.23
तमापतन्तं संक्रुद्धं कृतास्त्रो रुधिराप्लुतम्।
अपासर्पद् द्वित्रिपदं किंचित्त्वरितविक्रमः ॥ ३.३०.२३ ॥
激怒して血にまみれて襲いかかってくるのを見て、武器に通じた罗摩は素早く二、三歩退いた。
3.30.24
ततः पावकसंकाशं वधाय समरे शरम्।
खरस्य रामो जग्राह ब्रह्मदण्डमिवापरम् ॥ ३.३०.२४ ॥
そのとき罗摩は、火のように燃え輝く一本の矢を戦いで取り上げた。カラを殺すため、それはまるでもう一つのブラフマーの杖のようであった。
3.30.25
स तद् दत्तं मघवता सुरराजेन धीमता।
संदधे च स धर्मात्मा मुमोच च खरं प्रति ॥ ३.३०.२५ ॥
正法の魂のその人は、賢明な神々の王インドラが与えた矢を弓につがえ、カラに向けて放った。
3.30.26
स विमुक्तो महाबाणो निर्घातसमनिःस्वनः।
रामेण धनुरायम्य खरस्योरसि चापतत् ॥ ३.३०.२६ ॥
ラーマが弓を引いて放ったその大矢は、雷鳴のような音を立ててカラの胸に突き刺さった。
3.30.27
स पपात खरो भूमौ दह्यमानः शराग्निना।
रुद्रेणेव विनिर्दग्धः श्वेतारण्ये यथान्धकः ॥ ३.३०.२७ ॥
矢の火に焼かれながら、カラは地に倒れた。白林でルドラに焼かれたアンダカのように。
3.30.28
स वृत्र इव वज्रेण फेनेन नमुचिर्यथा।
बलो वेन्द्राशनिहतो निपपात हतः खरः ॥ ३.३०.२८ ॥
ヴリトラが金剛杵に、ナムチが泡に、バラがインドラの雷に打たれたように、打たれたカラは倒れた。
3.30.29
एतस्मिन्नन्तरे देवाश्चारणैः सह संगताः।
दुन्दुभींश्चाभिनिघ्नन्तः पुष्पवर्षं समन्ततः ॥ ३.३०.२९ ॥
その時、神々はチャーラナたちと共に集まり、太鼓を打ち鳴らして、四方から花の雨を降らせた。
3.30.30
रामस्योपरि संहृष्टा ववर्षुर्विस्मितास्तदा।
अर्धाधिकमुहूर्तेन रामेण निशितैः शरैः ॥ ३.३०.३० ॥
喜びと驚きに満ちた神々は、ラーマの上に花を降らせた。ラーマは鋭い矢によって、半ムフールタを少し過ぎた時間でこれを成し遂げたのである。
3.30.31
चतुर्दश सहस्राणि रक्षसां कामरूपिणाम्।
खरदूषणमुख्यानां निहतानि महामृधे ॥ ३.३०.३१ ॥
ハラとドゥーシャナを筆頭とする、意のままに姿を変えられる一万四千のラークシャサが、あの大いなる戦いで討たれた。
3.30.32
अहो बत महत्कर्म रामस्य विदितात्मनः।
अहो वीर्यमहो दार्ढ्यं विष्णोरिव हि दृश्यते ॥ ३.३०.३२ ॥
ああ、自己を知るラーマの業のなんと偉大なことか！ああ、その勇猛と堅固さはヴィシュヌのごとく見える！
3.30.33
इत्येवमुक्त्वा ते सर्वे ययुर्देवा यथागतम्।
ततो राजर्षयः सर्वे संगताः परमर्षयः ॥ ३.३०.३३ ॥
こう言って、神々は皆来た道を帰っていった。すると、そこに集まった王仙と大仙たちはみな……
3.30.34
सभाज्य मुदिता रामं सागस्त्या इदमब्रुवन्।
एतदर्थं महातेजा महेन्द्रः पाकशासनः ॥ ३.३०.३४ ॥
ラーマを讃え喜んだアガスティヤらの聖仙たちはこう言った。まさにこのために、大いに輝くマヘンドラ、パーカを罰するインドラは……
3.30.35
शरभङ्गाश्रमं पुण्यमाजगाम पुरंदरः।
आनीतस्त्वमिमं देशमुपायेन महर्षिभिः ॥ ३.३०.३५ ॥
プランダラ、インドラが聖なるシャラバンガの庵に来た。あなたは偉大な聖仙たちの計略によってこの地に連れて来られたのだ。
3.30.36
एषां वधार्थं शत्रूणां रक्षसां पापकर्मणाम्।
तदिदं नः कृतं कार्यं त्वया दशरथात्मज ॥ ३.३०.३६ ॥
この悪行を重ねる敵のラークシャサを滅ぼすため、ダシャラタの子よ、あなたは我々のためにこの務めを成し遂げた。
3.30.37
स्वधर्मं प्रचरिष्यन्ति दण्डकेषु महर्षयः।
एतस्मिन्नन्तरे वीरो लक्ष्मणः सह सीतया ॥ ३.३०.३७ ॥
ダンダカの森で大聖者たちは各自の義務を果たし続けるであろう。そのあいだに英雄ラクシュマナは、シーターとともに
3.30.38
गिरिदुर्गाद् विनिष्क्रम्य संविवेशाश्रमे सुखी
ततो रामस्तु विजयी पूज्यमानो महर्षिभिः ॥ ३.३०.३८ ॥
山の砦から出て、彼らは喜んで庵に入った。そして勝利者ラーマは大聖者たちに敬われながら、
3.30.39
प्रविवेशाश्रमं वीरो लक्ष्मणेनाभिपूजितः।
तं दृष्ट्वा शत्रुहन्तारं महर्षीणां सुखावहम् ॥ ३.३०.३९ ॥
ラクシュマナに敬われた英雄は庵に入った。敵を討つ者であり大聖者たちに喜びをもたらす彼を見て、
3.30.40
बभूव हृष्टा वैदेही भर्तारं परिषस्वजे।
मुदा परमया युक्ता दृष्ट्वा रक्षोगणान् हतान्।
रामं चैवाव्ययं दृष्ट्वा तुतोष जनकात्मजा ॥ ३.३०.४० ॥
ヴァイデーヒーは喜びに満ち、夫を抱きしめた。最高の歓喜に満たされ、斃れた羅刹の群れを見、不滅のラーマを見て、ジャナカの娘は喜んだ。
3.30.41
ततस्तु तं राक्षससङ्घमर्दनं
सम्पूज्यमानं मुदितैर्महात्मभिः।
पुनः परिष्वज्य मुदान्वितानना
बभूव हृष्टा जनकात्मजा तदा ॥ ३.३०.४१ ॥
そこで、羅刹の群れを砕き、喜びに満ちた偉大な魂の人々から敬われる彼を再び抱擁し、喜びに輝く顔のジャナカの娘は、その時喜んだ。