蚁垤《罗摩衍那》 · 篇 3.31
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
3.31.1
त्वरमाणस्ततो गत्वा जनस्थानादकम्पनः।
प्रविश्य लङ्कां वेगेन रावणं वाक्यमब्रवीत् ॥ ३.३१.१ ॥
于是，阿康帕那从Janasthāna急速赶来，迅速进入楞伽城，对罗波那说了这些话。
3.31.2
जनस्थानस्थिता राजन् राक्षसा बहवो हताः।
खरश्च निहतः संख्ये कथंचिदहमागतः ॥ ३.३१.२ ॥
大王啊，居住在Janasthāna的许多罗刹已被杀死，哈罗在战斗中也被杀；我勉强才得以回来。
3.31.3
एवमुक्तो दशग्रीवः क्रुद्धः संरक्तलोचनः।
अकम्पनमुवाचेदं निर्दहन्निव तेजसा ॥ ३.३१.३ ॥
罗波那（十首）听后大怒，双目通红，仿佛以光芒焚烧一切，对阿康帕那说了这些话。
3.31.4
केन भीमं जनस्थानं हतं मम परासुना।
को हि सर्वेषु लोकेषु गतिं नाधिगमिष्यति ॥ ३.३१.४ ॥
是谁毁灭了可怕的Janasthāna，夺走了我的性命？在所有世界中，谁会找不到逃离之路呢？
3.31.5
न हि मे विप्रियं कृत्वा शक्यं मघवता सुखम्।
प्राप्तुं वैश्रवणेनापि न यमेन च विष्णुना ॥ ३.३१.५ ॥
若对我做出冒犯之事，即便是因陀罗、俱毗罗、阎摩或毗湿奴也无法获得安乐。
3.31.6
कालस्य चाप्यहं कालो दहेयमपि पावकम्।
मृत्युं मरणधर्मेण संयोजयितुमुत्सहे ॥ ३.३१.६ ॥
我即是时间中的时间；我甚至能焚烧火焰；我有能力使死亡也归于必死之性。
3.31.7
वातस्य तरसा वेगं निहन्तुमपि चोत्सहे।
दहेयमपि संक्रुद्धस्तेजसाऽऽदित्यपावकौ ॥ ३.३१.७ ॥
我甚至能止住风的疾速；若怒而发威，我以光芒便能焚烧太阳与火。
3.31.8
तथा क्रुद्धं दशग्रीवं कृताञ्जलिरकम्पनः।
भयात् संदिग्धया वाचा रावणं याचतेऽभयम् ॥ ३.३१.८ ॥
十颈的罗波那正怒气冲冲，阿堪帕那合掌而立，以因恐惧而结巴的话语，向他请求免死。
3.31.9
दशग्रीवोऽभयं तस्मै प्रददौ रक्षसां वरः।
स विस्रब्धोऽब्रवीद् वाक्यमसंदिग्धमकम्पनः ॥ ३.३१.९ ॥
十颈的罗波那，罗刹中的翘楚，赐予他庇护；得以安心，阿堪帕那便清楚而坚定地说道。
3.31.10
पुत्रो दशरथस्यास्ते सिंहसंहननो युवा।
रामो नाम महास्कन्धो वृत्तायतमहाभुजः ॥ ३.३१.१० ॥
有一位名叫罗摩的年轻人，是十车王之子，身形如狮，肩膀宽阔，双臂圆润修长而强壮。
3.31.11
श्यामः पृथुयशाः श्रीमानतुल्यबलविक्रमः।
हतस्तेन जनस्थाने खरश्च सहदूषणः ॥ ३.३१.११ ॥
那位肤色黝黑、名声远扬、威仪煌煌、力量与勇武无与伦比的人，正是在民众之地杀死了哈罗与都沙那的人。
3.31.12
अकम्पनवचः श्रुत्वा रावणो राक्षसाधिपः।
नागेन्द्र इव निःश्वस्य इदं वचनमब्रवीत् ॥ ३.३१.१२ ॥
罗刹之主罗波那听了阿堪帕那的话，如象王般长叹一声，说出了这番话。
3.31.13
स सुरेन्द्रेण संयुक्तो रामः सर्वामरैः सह।
उपयातो जनस्थानं ब्रूहि कच्चिदकम्पन ॥ ३.३१.१३ ॥
阿堪波那，请告诉我，那与众天神之王及一切不死者同来的罗摩，是否已抵达人居林？
3.31.14
रावणस्य पुनर्वाक्यं निशम्य तदकम्पनः।
आचचक्षे बलं तस्य विक्रमं च महात्मनः ॥ ३.३१.१४ ॥
阿堪波那再次听完罗波那的话，便讲述了那位大德者的力量与勇武。
3.31.15
रामो नाम महातेजाः श्रेष्ठः सर्वधनुष्मताम्।
दिव्यास्त्रगुणसम्पन्नः परं धर्मं गतो युधि ॥ ३.३१.१५ ॥
名为罗摩的大光辉者，是一切弓手中的第一人，具备神圣兵器的各种德性，在战场上已达到最高的职责。
3.31.16
तस्यानुरूपो बलवान् रक्ताक्षो दुन्दुभिस्वनः।
कनीयाँल्लक्ष्मणो भ्राता राकाशशिनिभाननः ॥ ३.३१.१६ ॥
与他力量相当、红眼、声如战鼓、面如满月的，是他的幼弟罗什曼那。
3.31.17
स तेन सह संयुक्तः पावकेनानिलो यथा।
श्रीमान् राजवरस्तेन जनस्थानं निपातितम् ॥ ३.३१.१७ ॥
他与之相连，如风与火；那位光荣的王者中的最优者，已将人居林摧毁。
3.31.18
नैव देवा महात्मानो नात्र कार्या विचारणा।
शरा रामेण तूत्सृष्टा रुक्मपुङ्खाः पतत्त्रिणः ॥ ३.३१.१८ ॥
此事不必怀疑：那些大德者并非天神。罗摩射出的金羽之箭，如同飞鸟一般飞来。
3.31.19
सर्पाः पञ्चानना भूत्वा भक्षयन्ति स्म राक्षसान्।
येन येन च गच्छन्ति राक्षसा भयकर्षिताः ॥ ३.३१.१९ ॥
它们化为五头之蛇，吞噬罗刹。罗刹因恐惧而惊慌，无论走向哪一条路，
3.31.20
तेन तेन स्म पश्यन्ति राममेवाग्रतः स्थितम्।
इत्थं विनाशितं तेन जनस्थानं तवानघ ॥ ३.३१.२० ॥
他们无论望向何方，都只见罗摩就站在面前。无瑕者啊，就这样，他摧毁了你的人众之地。
3.31.21
अकम्पनवचः श्रुत्वा रावणो वाक्यमब्रवीत्।
गमिष्यामि जनस्थानं रामं हन्तुं सलक्ष्मणम् ॥ ३.३१.२१ ॥
罗波那听了阿江般那的话，说道：
3.31.22
अथैवमुक्ते वचने प्रोवाचेदमकम्पनः।
शृणु राजन् यथावृत्तं रामस्य बलपौरुषम् ॥ ३.३१.२२ ॥
如此说完，阿江般那说道：“大王请听，罗摩的力量与勇武，一如所发生的。”
3.31.23
असाध्यः कुपितो रामो विक्रमेण महायशाः।
आपगायास्तु पूर्णाया वेगं परिहरेच्छरैः ॥ ३.३१.२३ ॥
罗摩，大名远扬，发怒时无人能敌；凭其勇武，他能以箭矢阻住满溢之河的急流。
3.31.24
सताराग्रहनक्षत्रं नभश्चाप्यवसादयेत्।
असौ रामस्तु सीदन्तीं श्रीमानभ्युद्धरेन्महीम् ॥ ३.३१.२४ ॥
他甚至能使天空连同星辰与星座坠落；而这位威光赫赫的罗摩，也能扶起正在沉没的大地。
3.31.25
भित्त्वा वेलां समुद्रस्य लोकानाप्लावयेद् विभुः।
वेगं वापि समुद्रस्य वायुं वा विधमेच्छरैः ॥ ३.३१.२५ ॥
此大能者可破海岸，淹没诸界；或以箭矢驱散海洋的怒涛，甚至吹散风势。
3.31.26
संहृत्य वा पुनर्लोकान् विक्रमेण महायशाः।
शक्तः श्रेष्ठः स पुरुषः स्रष्टुं पुनरपि प्रजाः ॥ ३.३१.२६ ॥
此大名远扬的最尊之人，凭其勇力，可收摄诸世界，又能重新创造众生。
3.31.27
नहि रामो दशग्रीव शक्यो जेतुं रणे त्वया।
रक्षसां वापि लोकेन स्वर्गः पापजनैरिव ॥ ३.३१.२७ ॥
十首之王啊，罗摩在战场上你不能战胜，罗刹之众也不能，正如恶人不能得到天界。
3.31.28
न तं वध्यमहं मन्ये सर्वैर्देवासुरैरपि।
अयं तस्य वधोपायस्तन्ममैकमनाः शृणु ॥ ३.३१.२८ ॥
我想即使天神与阿修罗合力，也不能杀他。杀他之法如下，请专心听我说。
3.31.29
भार्या तस्योत्तमा लोके सीता नाम सुमध्यमा।
श्यामा समविभक्ताङ्गी स्त्रीरत्नं रत्नभूषिता ॥ ३.३१.२९ ॥
世间他的妙妻名为悉多，腰肢纤细，肤色微黑，肢体匀称，是女中珍宝，佩戴珠宝。
3.31.30
नैव देवी न गन्धर्वी नाप्सरा न च पन्नगी।
तुल्या सीमन्तिनी तस्या मानुषी तु कुतो भवेत् ॥ ३.३१.३० ॥
无论天女、乾闼婆女、阿普萨拉还是龙女，都不及她；那凡间女子又怎能与她相比？
3.31.31
तस्यापहर भार्यां त्वं तं प्रमथ्य महावने।
सीतया रहितो रामो न चैव हि भविष्यति ॥ ३.३१.३१ ॥
在大林中击败他，夺走他的妻子。与悉多分离的罗摩将无法存活。
3.31.32
अरोचयत तद्वाक्यं रावणो राक्षसाधिपः।
चिन्तयित्वा महाबाहुरकम्पनमुवाच ह ॥ ३.३१.३२ ॥
罗刹之主罗波那认可了这番话。沉思之后，那位大臂者对阿冈帕那说道。
3.31.33
बाढं कल्यं गमिष्यामि ह्येकः सारथिना सह।
आनेष्यामि च वैदेहीमिमां हृष्टो महापुरीम् ॥ ३.३१.३३ ॥
好吧。明天我将只带一位御者前往，欣然将这位毗提诃公主带到这座大城中来。
3.31.34
तदेवमुक्त्वा प्रययौ खरयुक्तेन रावणः।
रथेनादित्यवर्णेन दिशः सर्वाः प्रकाशयन् ॥ ३.३१.३४ ॥
罗波那如此说完，乘坐以驴拉动、色如太阳的战车出发，照亮了所有方向。
3.31.35
स रथो राक्षसेन्द्रस्य नक्षत्रपथगो महान्।
चञ्चूर्यमाणः शुशुभे जलदे चन्द्रमा इव ॥ ३.३१.३५ ॥
罗刹王那辆巨大的战车沿星辰之路行进，在雨云中闪耀，如同明月。
3.31.36
स दूरे चाश्रमं गत्वा ताटकेयमुपागमत्।
मारीचेनार्चितो राजा भक्ष्यभोज्यैरमानुषैः ॥ ३.३१.३६ ॥
他远行至苦行林，来到达塔卡之子摩利遮那里，受到摩利遮以超凡美食的款待。
3.31.37
तं स्वयं पूजयित्वा तु आसनेनोदकेन च।
अर्थोपहितया वाचा मारीचो वाक्यमब्रवीत् ॥ ३.३१.३७ ॥
摩利遮亲自以座席和清水款待他，然后用意味深长的话说道：
3.31.38
कच्चित् सकुशलं राजँल्लोकानां राक्षसाधिप।
आशङ्के नाधिजाने त्वं यतस्तूर्णमुपागतः ॥ ३.३१.३८ ॥
大王，罗刹之主，诸界可都安好？你来得如此匆忙，我心中忧虑，却不知缘由。
3.31.39
एवमुक्तो महातेजा मारीचेन स रावणः।
ततः पश्चादिदं वाक्यमब्रवीद् वाक्यकोविदः ॥ ३.३१.३९ ॥
摩利遮如此说后，大光明且善于言辞的罗波那随后说道：
3.31.40
आरक्षो मे हतस्तात रामेणाक्लिष्टकारिणा।
जनस्थानमवध्यं तत् सर्वं युधि निपातितम् ॥ ३.३१.४० ॥
亲爱的朋友，我的守卫被毫不费力行事的罗摩杀死了。本不可攻破的人住地，全部在战斗中被击倒。
3.31.41
तस्य मे कुरु साचिव्यं तस्य भार्यापहारणे।
राक्षसेन्द्रवचः श्रुत्वा मारीचो वाक्यमब्रवीत् ॥ ३.३१.४१ ॥
请助我劫走他的妻子。摩利遮听罢罗刹之主的这番话，便说道：
3.31.42
आख्याता केन वा सीता मित्ररूपेण शत्रुणा।
त्वया राक्षसशार्दूल को न नन्दति नन्दितः ॥ ३.३१.४२ ॥
罗刹中的猛虎啊，是哪个以朋友面目出现的敌人向你说起悉多的？你欢喜时，谁会不欢喜呢？
3.31.43
सीतामिहानयस्वेति को ब्रवीति ब्रवीहि मे।
रक्षोलोकस्य सर्वस्य कः शृङ्गं छेत्तुमिच्छति ॥ ३.३१.४३ ॥
谁说"把悉多带来这里"？告诉我。谁想斩断整个罗刹世界的顶峰？
3.31.44
प्रोत्साहयति यश्च त्वां स च शत्रुरसंशयम्।
आशीविषमुखाद् दंष्ट्रामुद्धर्तुं चेच्छति त्वया ॥ ३.३१.४४ ॥
激励你的人，无疑是敌人；想借你之手从毒蛇口中拔出毒牙的人，也是如此。
3.31.45
कर्मणानेन केनासि कापथं प्रतिपादितः।
सुखसुप्तस्य ते राजन् प्रहृतं केन मूर्धनि ॥ ३.३१.४५ ॥
大王啊！是谁让你因此行而走上邪路？是谁击中了安睡中的你的头颅？
3.31.46
विशुद्धवंशाभिजनाग्रहस्त-
तेजोमदः संस्थितदोर्विषाणः।
उदीक्षितुं रावण नेह युक्तः
स संयुगे राघवगन्धहस्ती ॥ ३.३१.४६ ॥
罗波那啊！那位罗怙王族的英雄，如同发情的象王，出身纯正高贵，以光辉自傲，双臂如象牙般坚实，只应在战场上去仰望，不应在此。
3.31.47
असौ रणान्तःस्थितिसंधिवालो
विदग्धरक्षोमृगहा नृसिंहः।
सुप्तस्त्वया बोधयितुं न शक्यः
शराङ्गपूर्णो निशितासिदंष्ट्रः ॥ ३.३१.४७ ॥
他屹立于战斗的尽头，尾如和约的关节；他是杀死罗刹那些狡猾猛兽的人狮。沉睡之时你无法唤醒他——身满箭矢，獠牙如利剑。
3.31.48
चापापहारे भुजवेगपङ्के
शरोर्मिमाले सुमहाहवौघे।
न रामपातालमुखेऽतिघोरे
प्रस्कन्दितुं राक्षसराज युक्तम् ॥ ३.३१.४८ ॥
罗刹之王啊！跃入罗摩那深渊之口——那最可怖之处，弓被夺去，陷于臂力的泥沼，缠绕着箭浪的花环，大战的洪流——对你并不相宜。
3.31.49
प्रसीद लङ्केश्वर राक्षसेन्द्र
लङ्कां प्रसन्नो भव साधु गच्छ।
त्वं स्वेषु दारेषु रमस्व नित्यं
रामः सभार्यो रमतां वनेषु ॥ ३.३१.४९ ॥
请息怒吧，楞伽之主，罗刹之王。请安心，妥善返回楞伽。愿你永远在自己的妻妾中寻欢；愿罗摩与他的妻子在森林中快乐。
3.31.50
एवमुक्तो दशग्रीवो मारीचेन स रावणः।
न्यवर्तत पुरीं लङ्कां विवेश च गृहोत्तमम् ॥ ३.३१.५० ॥
摩利架如此说罢，那十首罗波那便转身返回，进入楞伽城，走进了最好的宫室。