ヴァールミーキのラーマーヤナ · サルガ 3.39
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
3.39.1
एवमस्मि तदा मुक्तः कथंचित् तेन संयुगे।
इदानीमपि यद् वृत्तं तच्छृणुष्व यदुत्तरम् ॥ ३.३९.१ ॥
こうして、あの戦いで私はどうにか彼によって解放された。今、その後に起きたことを聞け。
3.39.2
राक्षसाभ्यामहं द्वाभ्यामनिर्विण्णस्तथाकृतः।
सहितो मृगरूपाभ्यां प्रविष्टो दण्डकावने ॥ ३.३९.२ ॥
二人のラークシャサとともに、そのように姿を変えられた私は、気落ちすることなく、鹿の姿でダンダカの森に入った。
3.39.3
दीप्तजिह्वो महादंष्ट्रस्तीक्ष्णशृङ्गो महाबलः।
व्यचरन् दण्डकारण्यं मांसभक्षो महामृगः ॥ ३.३९.३ ॥
燃える舌、大きな牙、鋭い角、大いなる力を持つ肉食の大鹿が、ダンダカの森を歩き回った。
3.39.4
अग्निहोत्रेषु तीर्थेषु चैत्यवृक्षेषु रावण।
अत्यन्तघोरो व्यचरंस्तापसांस्तान् प्रधर्षयन् ॥ ३.३९.४ ॥
ラーヴァナよ、私は火の祭壇や聖なる沐浴場、霊木のそばで、極めて恐ろしい姿となり、かの苦行者たちを襲いながら歩き回っていた。
3.39.5
निहत्य दण्डकारण्ये तापसान् धर्मचारिणः।
रुधिराणि पिबंस्तेषां तन्मांसानि च भक्षयन् ॥ ३.३९.५ ॥
ダンダカの森で、ダルマに従って生きる苦行者たちを殺し、その血を飲み、肉を食べながら。
3.39.6
ऋषिमांसाशनः क्रूरस्त्रासयन् वनगोचरान्।
तदा रुधिरमत्तोऽहं व्यचरं दण्डकावनम् ॥ ३.३९.६ ॥
聖者の肉を食らう残酷な私は、森に住む者たちを脅かし、そのとき血に酔いしれてダンダカの森を歩き回った。
3.39.7
तदाहं दण्डकारण्ये विचरन् धर्मदूषकः।
आसादयं तदा रामं तापसं धर्ममाश्रितम् ॥ ३.३९.७ ॥
その時、ダンダカの森をさまよう法の破壊者であった私は、法に身を寄せる苦行者ラーマに出会った。
3.39.8
वैदेहीं च महाभागां लक्ष्मणं च महारथम्।
तापसं नियताहारं सर्वभूतहिते रतम् ॥ ३.३९.८ ॥
大いなる幸運のヴァイデーヒーと、大戦車兵のラクシュマナも私は見た。彼らは苦行者で、食事を節制し、一切の衆生の利益を喜んでいた。
3.39.9
सोऽहं वनगतं रामं परिभूय महाबलम्।
तापसोऽयमिति ज्ञात्वा पूर्ववैरमनुस्मरन् ॥ ३.३९.९ ॥
森に来た大力のラーマを侮り、「これはただの苦行者だ」と思い、昔の敵意を思い出して、私は彼に襲いかかった。
3.39.10
अभ्यधावं सुसंक्रुद्धस्तीक्ष्णशृङ्गो मृगाकृतिः।
जिघांसुरकृतप्रज्ञस्तं प्रहारमनुस्मरन् ॥ ३.३९.१० ॥
激しく怒り、鋭い角を持つ鹿の姿となって、私は彼に襲いかかった。殺そうと望み、思慮を欠き、あの一撃を思い起こしながら。
3.39.11
तेन त्यक्तास्त्रयो बाणाः शिताः शत्रुनिबर्हणाः।
विकृष्य सुमहच्चापं सुपर्णानिलतुल्यगाः ॥ ३.३९.११ ॥
彼は大弓を引き絞り、敵を滅ぼす鋭い三本の矢を放った。ガルダや風のように速い矢である。
3.39.12
ते बाणा वज्रसंकाशाः सुघोरा रक्तभोजनाः।
आजग्मुः सहिताः सर्वे त्रयः संनतपर्वणः ॥ ३.३९.१२ ॥
雷霆のように恐ろしく、血を喰らうその三本の矢が、いっせいに襲いかかってきた。節はしなっていた。
3.39.13
पराक्रमज्ञो रामस्य शठो दृष्टभयः पुरा।
समुत्क्रान्तस्ततो मुक्तस्तावुभौ राक्षसौ हतौ ॥ ३.३९.१३ ॥
ラーマの武勇を知る、かつて恐怖を見た欺瞞者の私は逃れて解放されたが、あの二人のラークシャサは殺された。
3.39.14
शरेण मुक्तो रामस्य कथंचित् प्राप्य जीवितम्।
इह प्रव्राजितो युक्तस्तापसोऽहं समाहितः ॥ ३.३९.१४ ॥
ラーマの矢から逃れ、どうにか命を取り留めて、ここで出家し、自制し心を集中させた苦行者となった。
3.39.15
वृक्षे वृक्षे हि पश्यामि चीरकृष्णाजिनाम्बरम्।
गृहीतधनुषं रामं पाशहस्तमिवान्तकम् ॥ ३.३९.१५ ॥
どの木にも私は、樹皮と黒鹿の皮をまとい、弓を手にしたラーマを見る。手に縄を持つヤマのように。
3.39.16
अपि रामसहस्राणि भीतः पश्यामि रावण।
रामभूतमिदं सर्वमरण्यं प्रतिभाति मे ॥ ३.३९.१६ ॥
ラーヴァナよ、怯えた私には幾千ものラーマが見える。この森全体がラーマで満ちているように見える。
3.39.17
राममेव हि पश्यामि रहिते राक्षसेश्वर।
दृष्ट्वा स्वप्नगतं राममुद्भ्रमामि विचेतनः ॥ ३.३९.१७ ॥
羅刹の主よ、独りでいると私にはラーマしか見えない。夢のようにラーマを見て、私は正気を失いさまよう。
3.39.18
रकारादीनि नामानि रामत्रस्तस्य रावण।
रत्नानि च रथाश्चैव वित्रासं जनयन्ति मे ॥ ३.३९.१८ ॥
ラーヴァナよ、ラーマに怯える私には、「ra」で始まる名も、宝石も戦車も、恐怖を生じさせる。
3.39.19
अहं तस्य प्रभावज्ञो न युद्धं तेन ते क्षमम्।
बलिं वा नमुचिं वापि हन्याद्धि रघुनन्दनः ॥ ३.३९.१९ ॥
私は彼の威力を知っている。ゆえに彼と戦うのはおまえにふさわしくない。ラグを喜ばせる者（ラーマ）はバリやナムチさえ殺しうるのだ。
3.39.20
रणे रामेण युद्धस्व क्षमां वा कुरु रावण।
न ते रामकथा कार्या यदि मां द्रष्टुमिच्छसि ॥ ३.३९.२० ॥
ラーヴァナよ、戦場でラーマと戦え、あるいは許しを請え。もし私に会いたいのなら、ラーマの物語を語ってはならない。
3.39.21
बहवः साधवो लोके युक्ता धर्ममनुष्ठिताः।
परेषामपराधेन विनष्टाः सपरिच्छदाः ॥ ३.३९.२१ ॥
世には、法（ダルマ）に励み法を行う多くの善人が、他人の過ちによって従者もろともに滅ぼされてきた。
3.39.22
सोऽहं परापराधेन विनशेयं निशाचर।
कुरु यत् ते क्षमं तत्त्वमहं त्वां नानुयामि वै ॥ ३.३९.२२ ॥
このように、私もまた他人の過ちによって滅びるかもしれない。夜を歩く者よ、おまえに適うことをせよ。私はおまえに決して従わない。
3.39.23
रामश्च हि महातेजा महासत्त्वो महाबलः।
अपि राक्षसलोकस्य भवेदन्तकरोऽपि हि ॥ ३.३९.२३ ॥
大いなる光輝と大いなる勇気と大いなる力を持つラーマは、羅刹の世界にさえ滅ぼす者となりうる。
3.39.24
यदि शूर्पणखाहेतोर्जनस्थानगतः खरः।
अतिवृत्तो हतः पूर्वं रामेणाक्लिष्टकर्मणा।
अत्र ब्रूहि यथातत्त्वं को रामस्य व्यतिक्रमः ॥ ३.३९.२४ ॥
ジャナスターナに住んでいたカラは、シュールパナカーのために限度を越えたため、労せずして行うラーマに以前殺された。ならばラーマの過ちとは何か、ここで真実を述べよ。
3.39.25
इदं वचो बन्धुहितार्थिना मया
यथोच्यमानं यदि नाभिपत्स्यसे।
सबान्धवस्त्यक्ष्यसि जीवितं रणे
हतोऽद्य रामेण शरैरजिह्मगैः ॥ ३.३९.२५ ॥
親族の利益を願って私が語るこの言葉に、もしおまえが従わなければ、親族もろとも戦場で命を落とすだろう。今日、ラーマの真っ直ぐ飛ぶ矢に射られて倒れるだろう。