蚁垤《罗摩衍那》 · 篇 3.39
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
3.39.1
एवमस्मि तदा मुक्तः कथंचित् तेन संयुगे।
इदानीमपि यद् वृत्तं तच्छृणुष्व यदुत्तरम् ॥ ३.३९.१ ॥
就这样，在那场战斗中，我不知怎样被他放了。现在请听我接下来所经历的事。
3.39.2
राक्षसाभ्यामहं द्वाभ्यामनिर्विण्णस्तथाकृतः।
सहितो मृगरूपाभ्यां प्रविष्टो दण्डकावने ॥ ३.३९.२ ॥
我与两个罗刹同行，被如此变形，却未曾灰心，以鹿的形象进入了檀陀迦森林。
3.39.3
दीप्तजिह्वो महादंष्ट्रस्तीक्ष्णशृङ्गो महाबलः।
व्यचरन् दण्डकारण्यं मांसभक्षो महामृगः ॥ ३.३९.३ ॥
这头大鹿舌头燃烧，獠牙巨大，角尖锐，力量强大，食肉，在檀陀迦森林中游荡。
3.39.4
अग्निहोत्रेषु तीर्थेषु चैत्यवृक्षेषु रावण।
अत्यन्तघोरो व्यचरंस्तापसांस्तान् प्रधर्षयन् ॥ ३.३९.४ ॥
罗波那啊，我极其凶猛地在火祭坛、圣浴处和神圣的树旁游荡，袭击那些苦行者。
3.39.5
निहत्य दण्डकारण्ये तापसान् धर्मचारिणः।
रुधिराणि पिबंस्तेषां तन्मांसानि च भक्षयन् ॥ ३.३९.५ ॥
在檀陀迦森林中杀害那些奉行法义的苦行者，饮其血，食其肉。
3.39.6
ऋषिमांसाशनः क्रूरस्त्रासयन् वनगोचरान्।
तदा रुधिरमत्तोऽहं व्यचरं दण्डकावनम् ॥ ३.३९.६ ॥
我以圣者之肉为食，残暴，惊吓林中居民，那时我因血而狂醉，在檀陀迦森林中游荡。
3.39.7
तदाहं दण्डकारण्ये विचरन् धर्मदूषकः।
आसादयं तदा रामं तापसं धर्ममाश्रितम् ॥ ३.३९.७ ॥
那时，我在檀陀迦森林中游荡，是破坏正法之人，遇见了依止正法的苦行者罗摩。
3.39.8
वैदेहीं च महाभागां लक्ष्मणं च महारथम्।
तापसं नियताहारं सर्वभूतहिते रतम् ॥ ३.३९.८ ॥
我还见到了大福的毗提诃（悉多）和大车战士罗什曼那。他们是饮食节制的苦行者，喜欢利益一切众生。
3.39.9
सोऽहं वनगतं रामं परिभूय महाबलम्।
तापसोऽयमिति ज्ञात्वा पूर्ववैरमनुस्मरन् ॥ ३.३९.९ ॥
我轻视那位前往森林的大力罗摩，心想“他只是个苦行者”，并回想起旧日的仇怨，便向他扑去。
3.39.10
अभ्यधावं सुसंक्रुद्धस्तीक्ष्णशृङ्गो मृगाकृतिः।
जिघांसुरकृतप्रज्ञस्तं प्रहारमनुस्मरन् ॥ ३.३९.१० ॥
我极度愤怒，化作一只长着尖角的鹿，向他扑去，想要杀他，失去了理智，并想起了那一击。
3.39.11
तेन त्यक्तास्त्रयो बाणाः शिताः शत्रुनिबर्हणाः।
विकृष्य सुमहच्चापं सुपर्णानिलतुल्यगाः ॥ ३.३९.११ ॥
他拉开大弓，射出三支锐利的箭，能摧毁敌人，速度如金翅鸟或风。
3.39.12
ते बाणा वज्रसंकाशाः सुघोरा रक्तभोजनाः।
आजग्मुः सहिताः सर्वे त्रयः संनतपर्वणः ॥ ३.३९.१२ ॥
那三支箭如雷霆一般，极为可怕，以血为食，一齐飞来，箭杆的节处都弯曲着。
3.39.13
पराक्रमज्ञो रामस्य शठो दृष्टभयः पुरा।
समुत्क्रान्तस्ततो मुक्तस्तावुभौ राक्षसौ हतौ ॥ ३.३९.१३ ॥
我深知罗摩的勇力，这个曾经见识过恐惧的骗子，逃脱并获得自由；那两个罗刹已被杀死。
3.39.14
शरेण मुक्तो रामस्य कथंचित् प्राप्य जीवितम्।
इह प्रव्राजितो युक्तस्तापसोऽहं समाहितः ॥ ३.३९.१४ ॥
我从罗摩的箭下脱身，勉强保住性命，如今在此出家为苦行者，克己而心志专一。
3.39.15
वृक्षे वृक्षे हि पश्यामि चीरकृष्णाजिनाम्बरम्।
गृहीतधनुषं रामं पाशहस्तमिवान्तकम् ॥ ३.३९.१५ ॥
我在每棵树上都看见罗摩，身穿树皮与黑鹿皮，手持弓箭，宛如手持绳索的死神。
3.39.16
अपि रामसहस्राणि भीतः पश्यामि रावण।
रामभूतमिदं सर्वमरण्यं प्रतिभाति मे ॥ ३.३९.१६ ॥
罗波那啊，我心惊胆战，看见成千上万个罗摩；整片森林在我眼中都充满了罗摩。
3.39.17
राममेव हि पश्यामि रहिते राक्षसेश्वर।
दृष्ट्वा स्वप्नगतं राममुद्भ्रमामि विचेतनः ॥ ३.३९.१७ ॥
罗刹之主啊，独处之时我只看见罗摩；如同梦中见到罗摩，我失去知觉地四处游荡。
3.39.18
रकारादीनि नामानि रामत्रस्तस्य रावण।
रत्नानि च रथाश्चैव वित्रासं जनयन्ति मे ॥ ३.३९.१८ ॥
罗波那啊，对于被罗摩吓坏的我，即使是以“ra”字母开头的名字、珠宝和战车，也会使我恐惧。
3.39.19
अहं तस्य प्रभावज्ञो न युद्धं तेन ते क्षमम्।
बलिं वा नमुचिं वापि हन्याद्धि रघुनन्दनः ॥ ३.३९.१९ ॥
我知道他的威力，因此与他交战对你并不合适。罗护南丹（罗摩）甚至能杀死婆利或那牟質。
3.39.20
रणे रामेण युद्धस्व क्षमां वा कुरु रावण।
न ते रामकथा कार्या यदि मां द्रष्टुमिच्छसि ॥ ३.३९.२० ॥
罗波那啊，在战场上与罗摩交战，或者请求饶恕。若你想见我，就不要谈论罗摩的事迹。
3.39.21
बहवः साधवो लोके युक्ता धर्ममनुष्ठिताः।
परेषामपराधेन विनष्टाः सपरिच्छदाः ॥ ३.३९.२१ ॥
世间许多修持法（达摩）的善士，因他人的过错连同随从一起毁灭了。
3.39.22
सोऽहं परापराधेन विनशेयं निशाचर।
कुरु यत् ते क्षमं तत्त्वमहं त्वां नानुयामि वै ॥ ३.३९.२२ ॥
因此我也可能因他人的过错而毁灭。夜行者啊，做你认为合适的事吧；我绝不会跟随你。
3.39.23
रामश्च हि महातेजा महासत्त्वो महाबलः।
अपि राक्षसलोकस्य भवेदन्तकरोऽपि हि ॥ ३.३९.२३ ॥
罗摩光辉伟大、勇力伟大、力量伟大，甚至可能成为罗刹世界的毁灭者。
3.39.24
यदि शूर्पणखाहेतोर्जनस्थानगतः खरः।
अतिवृत्तो हतः पूर्वं रामेणाक्लिष्टकर्मणा।
अत्र ब्रूहि यथातत्त्वं को रामस्य व्यतिक्रमः ॥ ३.३९.२४ ॥
若住在阁那斯坦的罗刹伽罗（Khara）因修帕那卡而逾越，先前已被行事毫不费力的罗摩所杀，那么请在此如实说明：罗摩有何过错？
3.39.25
इदं वचो बन्धुहितार्थिना मया
यथोच्यमानं यदि नाभिपत्स्यसे।
सबान्धवस्त्यक्ष्यसि जीवितं रणे
हतोऽद्य रामेण शरैरजिह्मगैः ॥ ३.३९.२५ ॥
若你不听从我出于关心亲族而说的这番话，你将与亲族一同在战场上丧命；今日你将被罗摩那笔直飞来的箭射杀。