ヴァールミーキのラーマーヤナ · サルガ 3.40
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
3.40.1
मारीचस्य तु तद् वाक्यं क्षमं युक्तं च रावणः।
उक्तो न प्रतिजग्राह मर्तुकाम इवौषधम् ॥ ३.४०.१ ॥
マーリーチャの言葉は適切で道理にかなっていたが、ラーヴァナは受け入れなかった。死を望む者が薬を受け入れないように。
3.40.2
तं पथ्यहितवक्तारं मारीचं राक्षसाधिपः।
अब्रवीत् परुषं वाक्यमयुक्तं कालचोदितः ॥ ३.४०.२ ॥
有益で良い言葉を語ったマーリーチャに、羅刹王は時に駆られ、厳しく不適切な言葉を投げつけた。
3.40.3
दुष्कुलैतदयुक्तार्थं मारीच मयि कथ्यते।
वाक्यं निष्फलमत्यर्थं बीजमुप्तमिवोषरे ॥ ३.४०.३ ॥
マーリーチャよ、卑しい家の者よ！私に言われるこの言葉は道理に合わない。この言葉は不毛の地に蒔かれた種のように、まったく実を結ばない。
3.40.4
त्वद्वाक्यैर्न तु मां शक्यं भेत्तुं रामस्य संयुगे।
मूर्खस्य पापशीलस्य मानुषस्य विशेषतः ॥ ३.४०.४ ॥
お前の言葉では、ラーマとの戦いで私を動揺させることはできない。ましてや愚かで罪深い人間に対してはなおさらだ。
3.40.5
यस्त्यक्त्वा सुहृदो राज्यं मातरं पितरं तथा।
स्त्रीवाक्यं प्राकृतं श्रुत्वा वनमेकपदे गतः ॥ ३.४०.५ ॥
友も王国も母も父も捨て去り、一人の女の凡庸な言葉を聞くやいなや、すぐさま森へ行った者。
3.40.6
अवश्यं तु मया तस्य संयुगे खरघातिनः।
प्राणैः प्रियतरा सीता हर्तव्या तव संनिधौ ॥ ३.४०.६ ॥
必ずや戦いにおいて、カラを討った者から、命より愛しいシーターを、お前の目の前で奪ってみせよう。
3.40.7
एवं मे निश्चिता बुद्धिर्हृदि मारीच विद्यते।
न व्यावर्तयितुं शक्या सेन्द्रैरपि सुरासुरैः ॥ ३.४०.७ ॥
マーリーチャよ、私の心の決意はこのように固く定まっている。インドラを含む神々やアスラでさえ、それを翻すことはできない。
3.40.8
दोषं गुणं वा सम्पृष्टस्त्वमेवं वक्तुमर्हसि।
अपायं वा उपायं वा कार्यस्यास्य विनिश्चये ॥ ३.४०.८ ॥
問われたときは、この事を決める際に、その欠点か長所か、破滅か手段かを、このように語るべきである。
3.40.9
सम्पृष्टेन तु वक्तव्यं सचिवेन विपश्चिता।
उद्यताञ्जलिना राज्ञो य इच्छेद् भूतिमात्मनः ॥ ३.४०.९ ॥
自らの繁栄を望む賢明な大臣は、問われたとき、合掌して王に語るべきである。
3.40.10
वाक्यमप्रतिकूलं तु मृदुपूर्वं शुभं हितम्।
उपचारेण वक्तव्यो युक्तं च वसुधाधिपः ॥ ३.४०.१० ॥
大地の主には、耳に逆らわず、初めは穏やかで、吉祥で有益な、ふさわしい言葉を、礼儀正しく語るべきである。
3.40.11
सावमर्दं तु यद्वाक्यमथवा हितमुच्यते।
नाभिनन्देत तद् राजा मानार्थी मानवर्जितम् ॥ ३.४०.११ ॥
侮りをもって語られた言葉、あるいは有益であっても敬意を欠いた言葉は、名誉を求める王は喜んで受け入れるべきではない。
3.40.12
पञ्च रूपाणि राजानो धारयन्त्यमितौजसः।
अग्नेरिन्द्रस्य सोमस्य यमस्य वरुणस्य च ॥ ३.४०.१२ ॥
無量の威力を持つ王は、アグニ、インドラ、ソーマ、ヤマ、ヴァルナの五つの姿をとる。
3.40.13
औष्ण्यं तथा विक्रमं च सौम्यं दण्डं प्रसन्नताम्।
धारयन्ति महात्मानो राजानः क्षणदाचर ॥ ३.४०.१३ ॥
夜の徘徊者よ、大いなる魂の王たちは烈しさと武勇、柔和さ、罰の杖、そして安らかさを保つ。
3.40.14
तस्मात् सर्वास्ववस्थासु मान्याः पूज्याश्च नित्यदा।
त्वं तु धर्ममविज्ञाय केवलं मोहमाश्रितः ॥ ३.४०.१४ ॥
それゆえ彼らはいかなる境遇においても常に尊ばれ、崇められるべきである。しかしお前はダルマを知らず、ただ迷妄にすがっている。
3.40.15
अभ्यागतं तु दौरात्म्यात् परुषं वदसीदृशम्।
गुणदोषौ न पृच्छामि क्षेमं चात्मनि राक्षस ॥ ३.४०.१५ ॥
それなのに悪意から、客人にこのような荒々しい言葉を吐く。ラークシャサよ、私はお前の長所や欠点を尋ねているのでもなく、お前自身の安寧を尋ねているのでもない。
3.40.16
मयोक्तमपि चैतावत् त्वां प्रत्यमितविक्रम।
अस्मिंस्तु स भवान् कृत्ये साहाय्यं कर्तुमर्हसि ॥ ३.४०.१६ ॥
お前に私が言ったのは、ただこれだけだ。無限の武勇を持つ者よ、この務めにおいて、お前は私に助力すべきである。
3.40.17
शृणु तत्कर्म साहाय्ये यत्कार्यं वचनान्मम।
सौवर्णस्त्वं मृगो भूत्वा चित्रो रजतबिन्दुभिः ॥ ३.४०.१७ ॥
私の言葉に従って、この助力においてお前がなすべき務めを聞け。お前は金色の鹿となり、銀の斑点で彩られるのだ。
3.40.18
आश्रमे तस्य रामस्य सीतायाः प्रमुखे चर।
प्रलोभयित्वा वैदेहीं यथेष्टं गन्तुमर्हसि ॥ ३.४०.१८ ॥
あのラーマの庵で、シーターの眼前を歩き回れ。ヴァイデーヒーを誘惑した後、お前は好きな所へ行けるのだ。
3.40.19
त्वां हि मायामयं दृष्ट्वा काञ्चनं जातविस्मया।
आनयैनमिति क्षिप्रं रामं वक्ष्यति मैथिली ॥ ३.४०.१९ ॥
幻術で作られた金の鹿であるあなたを見て驚いたマイティリーは、すぐにラーマに「これを連れてきて」と言うでしょう。
3.40.20
अपक्रान्ते च काकुत्स्थे दूरं गत्वाप्युदाहर।
हा सीते लक्ष्मणेत्येवं रामवाक्यानुरूपकम् ॥ ३.४०.२० ॥
ラーマが遠ざかった後、遠くに行ってからも、ラーマの言葉に合わせて叫べ。「ああ、シーター！ああ、ラクシュマナ！」と。
3.40.21
तच्छ्रुत्वा रामपदवीं सीतया च प्रचोदितः।
अनुगच्छति सम्भ्रान्तः सौमित्रिरपि सौहृदात् ॥ ३.४०.२१ ॥
それを聞き、シーターに促され、愛情から動揺したラクシュマナもまた、ラーマの足跡をたどって行く。
3.40.22
अपक्रान्ते च काकुत्स्थे लक्ष्मणे च यथासुखम्।
आहरिष्यामि वैदेहीं सहस्राक्षः शचीमिव ॥ ३.४०.२२ ॥
ラーマとラクシュマナが去ったら、千眼のインドラがシャチーを連れ去ったように、私は安らかにヴァイデーヒーを連れ去ろう。
3.40.23
एवं कृत्वा त्विदं कार्यं यथेष्टं गच्छ राक्षस।
राज्यस्यार्धं प्रदास्यामि मारीच तव सुव्रत ॥ ३.४०.२३ ॥
このように仕事を成し遂げたなら、羅刹よ、好きなところへ行け。マーリーチャよ、善き誓いを持つ者よ、お前に王国の半分を与えよう。
3.40.24
गच्छ सौम्य शिवं मार्गं कार्यस्यास्य विवृद्धये।
अहं त्वानुगमिष्यामि सरथो दण्डकावनम् ॥ ३.४०.२४ ॥
優しき者よ、この仕事の成功のために吉祥の道を行け。私はといえば、戦車に乗ってダンダカの森までお前に従おう。
3.40.25
प्राप्य सीतामयुद्धेन वञ्चयित्वा तु राघवम्।
लङ्कां प्रति गमिष्यामि कृतकार्यः सह त्वया ॥ ३.४०.२५ ॥
戦わずしてシーターを得て、ラーガヴァを欺き、君とともに目的を果たしてラṅカーへ行こう。
3.40.26
नो चेत् करोषि मारीच हन्मि त्वामहमद्य वै।
एतत् कार्यमवश्यं मे बलादपि करिष्यसि।
राज्ञो विप्रतिकूलस्थो न जातु सुखमेधते ॥ ३.४०.२६ ॥
もしお前がそうしなければ、マーリーチャよ、今日こそお前を殺すぞ。この任務はお前が必ず果たすのだ、力ずくでもな。王に逆らう者は決して幸福に栄えることはない。
3.40.27
आसाद्य तं जीवितसंशयस्ते
मृत्युर्ध्रुवो ह्यद्य मया विरुध्यतः।
एतद् यथावत् परिगण्य बुद्ध्या
यदत्र पथ्यं कुरु तत्तथा त्वम् ॥ ३.४०.२७ ॥
彼に立ち向かえば、お前の命は危うい。今日私に逆らえば、お前の死は確実だ。このことを知恵でよく考え、ここでお前にとって益となることをせよ。