رامايانا فالميكي · السارغا 3.47
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
3.47.1
रावणेन तु वैदेही तदा पृष्टा जिहीर्षुणा।
परिव्राजकरूपेण शशंसात्मानमात्मना ॥ ३.४७.१ ॥
ثم سأل راڤانا، وهو يريد أن يختطفها، فيدهيّ، وعرّف بنفسه متنكرًا في هيئة زاهدٍ متجوّل.
3.47.3
ब्राह्मणश्चातिथिश्चैष अनुक्तो हि शपेत माम्।
दुहिता जनकस्याहं मैथिलस्य महात्मनः।
सीता नाम्नास्मि भद्रं ते रामस्य महिषी प्रिया ॥ ३.४७.३ ॥
هذا الرجل برهمي وضيف؛ إن لم يُكرَم قد يلعنني. أنا ابنة جانكا العظيم، سيد ميثيلا، واسمي سيتا. لك السلامة؛ أنا الملكة الرئيسة المحبوبة لراما.
3.47.4
उषित्वा द्वादश समा इक्ष्वाकूणां निवेशने।
भुञ्जाना मानुषान् भोगान् सर्वकामसमृद्धिनी ॥ ३.४७.४ ॥
بعد أن أقمت اثنتي عشرة سنة في دار سلالة إكشڤاكو، أتمتع بملذات البشر، غامرةً بتحقق كل رغبة.
3.47.5
तत्र त्रयोदशे वर्षे राजाऽमन्त्रयत प्रभुः।
अभिषेचयितुं रामं समेतो राजमन्त्रिभिः ॥ ३.४७.५ ॥
هناك، في السنة الثالثة عشرة، اجتمع الملك السيد مع وزرائه وعزم على تتويج راما.
3.47.6
तस्मिन् सम्भ्रियमाणे तु राघवस्याभिषेचने।
कैकेयी नाम भर्तारं ममार्या याचते वरम् ॥ ३.४७.६ ॥
بينما كان تتويج راغافا يُعَدّ، طلبت كايكيي، سيدتي الكريمة، من زوجها منحة.
3.47.7
परिगृह्य तु कैकेयी श्वशुरं सुकृतेन मे।
मम प्रव्राजनं भर्तुर्भरतस्याभिषेचनम् ॥ ३.४७.७ ॥
استمالت كايكيي حماها بقوة استحقاقي، فطلبت نفي زوجي وتتويج بهارata.
3.47.8
द्वावयाचत भर्तारं सत्यसंधं नृपोत्तमम्।
नाद्य भोक्ष्ये न च स्वप्स्ये न पास्ये न कदाचन ॥ ३.४७.८ ॥
طلبت من زوجها، أفضل الملوك الوفيّ بعهده، نعمتين: "لن آكل اليوم، ولن أنام، ولن أشرب الماء أبداً."
3.47.10
एष मे जीवितस्यान्तो रामो यदभिषिच्यते।
अयाचतार्थैरन्वर्थैर्न च याच्ञां चकार सा।
मम भर्ता महातेजा वयसा पञ्चविंशकः ॥ ३.४७.१० ॥
"أن يُتوَّج رامة هو نهاية حياتي." طلبت بكلمات ذات معنى ولم تتردد في الطلب. زوجي، عظيم البهاء، في الخامسة والعشرين من عمره.
3.47.11
अष्टादश हि वर्षाणि मम जन्मनि गण्यते।
रामेति प्रथितो लोके सत्यवान् शीलवान् शुचिः ॥ ३.४७.११ ॥
تُعدّ ثمانية عشر عاماً منذ ولادتي. مشهور في العالم باسم رامة، صادق وفاضل وطاهر.
3.47.12
विशालाक्षो महाबाहुः सर्वभूतहिते रतः।
कामार्तश्च महाराजः पिता दशरथः स्वयम् ॥ ३.४७.१२ ॥
واسع العينين، قوي الذراعين، يسرّ بخير جميع الكائنات. والملك العظيم، أبي دشرتَ نفسه، كان يعذبه الشهوة.
3.47.13
कैकेय्याः प्रियकामार्थं तं रामं नाभ्यषेचयत्।
अभिषेकाय तु पितुः समीपं राममागतम् ॥ ३.४७.१३ ॥
بدافع الرغبة في إرضاء كايكيي لم يُتوِّج الأب رامة؛ ومع ذلك جاء رامة إلى حضرة أبيه للتتويج.
3.47.14
कैकेयी मम भर्तारमित्युवाच द्रुतं वचः।
तव पित्रा समाज्ञप्तं ममेदं शृणु राघव ॥ ३.४७.१४ ॥
قالت كايكيي لزوجي على الفور هذه الكلمات: "يا راغافا، اسمع مني ما أمر به أبوك."
3.47.15
भरताय प्रदातव्यमिदं राज्यमकण्टकम्।
त्वया तु खलु वस्तव्यं नव वर्षाणि पञ्च च ॥ ३.४७.१५ ॥
يجب أن تُعطى هذه المملكة الخالية من الأشواك لبهاراتا، وأنت يجب أن تقيم في الغابة أربع عشرة سنة.
3.47.16
वने प्रव्रज काकुत्स्थ पितरं मोचयानृतात् ।
तथेत्युवाच तां रामः कैकेयीमकुतोभयः ॥ ३.४७.१६ ॥
يا كاكوتسثا، اذهب إلى الغابة وحرّر أباك من الكذب. فقال راما الذي لا يهاب لكيكيي: «ليكن كذلك».
3.47.17
चकार तद्वचः श्रुत्वा भर्ता मम दृढव्रतः।
दद्यान्न प्रतिगृह्णीयात् सत्यं ब्रूयान्न चानृतम् ॥ ३.४७.१७ ॥
ولما سمع زوجي، الثابت على عهده، هذا القول فعل كما قيل. ينبغي أن يُعطى ولا يُقبل، وأن يُقال الصدق لا الكذب.
3.47.18
एतद् ब्राह्मण रामस्य व्रतं धृतमनुत्तमम्।
तस्य भ्राता तु वैमात्रो लक्ष्मणो नाम वीर्यवान् ॥ ३.४७.१८ ॥
أيها البراهمي، هذا هو النذر الأسمى الذي يتمسك به راما. وأخوه غير الشقيق، الشجاع المسمى لاكشمانا،
3.47.19
रामस्य पुरुषव्याघ्रः सहायः समरेऽरिहा।
स भ्राता लक्ष्मणो नाम ब्रह्मचारी दृढव्रतः ॥ ३.४७.१९ ॥
لاكشمانا، رفيق راما وقاتل الأعداء في المعركة، أفضل الرجال، ذلك الأخ، متبتل ثابت على نذره.
3.47.20
अन्वगच्छद् धनुष्पाणिः प्रव्रजन्तं मया सह।
जटी तापसरूपेण मया सह सहानुजः ॥ ३.४७.२० ॥
وبالقوس في يده تبعه وهو يخرج معي؛ في هيئة متعبد ذي الشعر المجدول، سار معي مع أخيه الأصغر.
3.47.21
प्रविष्टो दण्डकारण्यं धर्मनित्यो दृढव्रतः।
ते वयं प्रच्युता राज्यात् कैकेय्यास्तु कृते त्रयः ॥ ३.४७.२१ ॥
دخلتُ غابة دانداكا، ثابتًا على الدارما وراسخ العهد. ومن أجل كايكيي، طُرِدنا نحن الثلاثة من المملكة.
3.47.22
विचराम द्विजश्रेष्ठ वनं गम्भीरमोजसा।
समाश्वस मुहूर्तं तु शक्यं वस्तुमिह त्वया ॥ ३.४७.२२ ॥
يا خير المولودين مرتين، نحن نجوب هذه الغابة الواسعة بقوتنا. استرح لحظةً؛ فيمكنك أن تقيم هنا.
3.47.23
आगमिष्यति मे भर्ता वन्यमादाय पुष्कलम्।
रुरून् गोधान् वराहांश्च हत्वाऽऽदायामिषं बहु ॥ ३.४७.२३ ॥
سيعود زوجي حاملاً صيدًا وفيرًا من الغابة. وبعد أن يقتل الرورو والورل والخنازير البرية، سيعود بلحم كثير.
3.47.24
स त्वं नाम च गोत्रं च कुलमाचक्ष्व तत्त्वतः।
एकश्च दण्डकारण्ये किमर्थं चरसि द्विज ॥ ३.४७.२४ ॥
فأخبرني بحق باسمك ونسبك وأسرتك. يا مولود المرتين، لماذا تتجول وحدك في غابة دانداكا؟
3.47.25
एवं ब्रुवत्यां सीतायां रामपत्न्यां महाबलः।
प्रत्युवाचोत्तरं तीव्रं रावणो राक्षसाधिपः ॥ ३.४७.२५ ॥
وحين قالت سيتا، زوجة راما، هذا، أجابها راڤانا القوي، سيد الراكشاسا، بجواب قاسٍ.
3.47.26
येन वित्रासिता लोकाः सदेवासुरमानुषाः।
अहं स रावणो नाम सीते रक्षोगणेश्वरः ॥ ३.४७.२६ ॥
من أرهب العوالم بآلهتها وأسورها وبشرها، ذلك أنا، راڤانا بالاسم، يا سيتا، سيد جموع الراكشاسا.
3.47.27
त्वां तु काञ्चनवर्णाभां दृष्ट्वा कौशेयवासिनीम्।
रतिं स्वकेषु दारेषु नाधिगच्छाम्यनिन्दिते ॥ ३.४७.२७ ॥
لقد رأيتُكِ ذهبية اللون، ترتدين الحرير، يا بلا عيب، فلم أعد أجد لذّةً في زوجاتي.
3.47.28
बह्वीनामुत्तमस्त्रीणामाहृतानामितस्ततः।
सर्वासामेव भद्रं ते ममाग्रमहिषी भव ॥ ३.४७.२८ ॥
من بين كل النساء الفاضلات الكثيرات اللواتي جُلبن من هنا وهناك، فليكن لكِ الخير: كوني ملكتي الأولى.
3.47.29
लङ्का नाम समुद्रस्य मध्ये मम महापुरी।
सागरेण परिक्षिप्ता निविष्टा गिरिमूर्धनि ॥ ३.४७.२९ ॥
في وسط المحيط تقع مدينتي العظيمة المسماة لانكا، محاطةً بالبحر ومُقامةً على قمة جبل.
3.47.30
तत्र सीते मया सार्धं वनेषु विचरिष्यसि।
न चास्य वनवासस्य स्पृहयिष्यसि भामिनि ॥ ३.४७.३० ॥
هناك، يا سيتا، ستتجولين معي في الغابات، ويا سيدتي، لن تشتاقي حتى إلى هذا النفي في الغابة.
3.47.31
पञ्च दास्यः सहस्राणि सर्वाभरणभूषिताः।
सीते परिचरिष्यन्ति भार्या भवसि मे यदि ॥ ३.४७.३१ ॥
خمسة آلاف خادمة، مزيّنات بكل أنواع الحلي، سيخدمنكِ يا سيتا، إن صرتِ زوجتي.
3.47.32
रावणेनैवमुक्ता तु कुपिता जनकात्मजा।
प्रत्युवाचानवद्याङ्गी तमनादृत्य राक्षसम् ॥ ३.४७.३२ ॥
وهكذا خاطبها راڤانا، فأجابت ابنة جانَكا، الغاضبة، ذات الأعضاء الكاملة، ذلك الرakshasa دون أن تعبأ به.
3.47.33
महागिरिमिवाकम्प्यं महेन्द्रसदृशं पतिम्।
महोदधिमिवाक्षोभ्यमहं राममनुव्रता ॥ ३.४७.३३ ॥
أنا مخلصة لراما، زوجي، الذي لا يتزعزع كجبل عظيم، ويماثل ماهيندرا، ولا يضطرب كالمحيط الكبير.
3.47.34
सर्वलक्षणसम्पन्नं न्यग्रोधपरिमण्डलम्।
सत्यसंधं महाभागमहं राममनुव्रता ॥ ३.४७.३४ ॥
أنا مخلصة لراما، الذي يتّصف بكل العلامات المباركة، متناسق القامة كشجرة التين الهندية، صادق في عهده، عظيم الحظ.
3.47.35
महाबाहुं महोरस्कं सिंहविक्रान्तगामिनम्।
नृसिंहं सिंहसंकाशमहं राममनुव्रता ॥ ३.४७.३५ ॥
أنا مخلصة لراما، ذي الذراعين القويتين والصدر العريض، الذي يمشي بخطى الأسد، أسد بين الرجال، يشبه الأسد.
3.47.36
पूर्णचन्द्राननं रामं राजवत्सं जितेन्द्रियम्।
पृथुकीर्तिं महाबाहुमहं राममनुव्रता ॥ ३.४७.३६ ॥
أنا مخلصة لراما، الذي وجهه كالبدر الكامل، الأمير المنضبط الحواس، واسع الصيت، عظيم الذراعين.
3.47.37
त्वं पुनर्जम्बुकः सिंहीं मामिहेच्छसि दुर्लभाम्।
नाहं शक्या त्वया स्प्रष्टुमादित्यस्य प्रभा यथा ॥ ३.४७.३७ ॥
أنت ابن آوى، ومع ذلك تشتهي هنا أنثى الأسد التي يصعب نيلها. كما لا يمكن لمس ضياء الشمس، لا يمكنك أن تلمسني.
3.47.38
पादपान् काञ्चनान् नूनं बहून् पश्यसि मन्दभाक्।
राघवस्य प्रियां भार्यां यस्त्वमिच्छसि राक्षस ॥ ३.४७.३८ ॥
أيها الراكشاسا التعس! لا شك أنك ترى أشجارًا ذهبية كثيرة، حتى تشتهي الزوجة الحبيبة لراغهافا.
3.47.39
क्षुधितस्य च सिंहस्य मृगशत्रोस्तरस्विनः।
आशीविषस्य वदनाद् दंष्ट्रामादातुमिच्छसि ॥ ३.४७.३९ ॥
تريد أن تنتزع ناب أسدٍ جائعٍ سريعٍ عدوِّ الغزلان، أو ناب أفعى سامة من فمها.
3.47.40
मन्दरं पर्वतश्रेष्ठं पाणिना हर्तुमिच्छसि।
कालकूटं विषं पीत्वा स्वस्तिमान् गन्तुमिच्छसि ॥ ३.४७.४० ॥
تريد أن تحمل بيدك جبل مندارا، أفضل الجبال، أو أن تشرب سم كالاكوتا وتمضي سالماً.
3.47.41
अक्षि सूच्या प्रमृजसि जिह्वया लेढि च क्षुरम्।
राघवस्य प्रियां भार्यामधिगन्तुं त्वमिच्छसि ॥ ३.४७.४१ ॥
تريد أن تمسح عينك بإبرة وتلعق موسى الحلاقة بلسانك؛ وكذلك تريد أن تنال زوجة راغافا الحبيبة.
3.47.42
अवसज्य शिलां कण्ठे समुद्रं तर्तुमिच्छसि।
सूर्याचन्द्रमसौ चोभौ पाणिभ्यां हर्तुमिच्छसि ॥ ३.४७.४२ ॥
تريد أن تعبر البحر وعلى عنقك حجر مربوط، وأن تختطف الشمس والقمر بكلتا يديك.
3.47.43
यो रामस्य प्रियां भार्यां प्रधर्षयितुमिच्छसि।
अग्निं प्रज्वलितं दृष्ट्वा वस्त्रेणाहर्तुमिच्छसि ॥ ३.४७.४३ ॥
تريد أن تنتهك حرمة زوجة راما الحبيبة؛ وهذا كمن يرى نارا مشتعلة فيريد أن يمسكها بثوب.
3.47.44
कल्याणवृत्तां यो भार्यां रामस्याहर्तुमिच्छसि।
अयोमुखानां शूलानामग्रे चरितुमिच्छसि।
रामस्य सदृशीं भार्यां योऽधिगन्तुं त्वमिच्छसि ॥ ३.४७.४४ ॥
تريد أن تختطف زوجة راما ذات السيرة الحسنة؛ وهذا كمن يريد أن يمشي على رؤوس رماح محددة بالحديد. وإرادتك نيل زوجة تليق براما كذلك تماما.
3.47.45
यदन्तरं सिंहसृगालयोर्वने
यदन्तरं स्यन्दनिकासमुद्रयोः।
सुराग्र्यसौवीरकयोर्यदन्तरं
तदन्तरं दाशरथेस्तवैव च ॥ ३.४७.४५ ॥
كما أن بين الأسد وابن آوى في الغابة فرقًا، وبين البركة الصغيرة والبحر فرقًا، وبين أجود الخمر والعصيدة الحامضة فرقًا، فكذلك الفرق بين راما ابن داشاراثا وبينك.
3.47.46
यदन्तरं काञ्चनसीसलोहयो-
र्यदन्तरं चन्दनवारिपङ्कयोः।
यदन्तरं हस्तिबिडालयोर्वने
तदन्तरं दाशरथेस्तवैव च ॥ ३.४७.४६ ॥
كما أن بين الذهب والرصاص أو الحديد فرقًا، وبين الماء المعطر بالصندل والطين فرقًا، وبين الفيل والقطة في الغابة فرقًا، فكذلك الفرق بين راما ابن داشاراثا وبينك.
3.47.47
यदन्तरं वायसवैनतेययो-
र्यदन्तरं मद्गुमयूरयोरपि।
यदन्तरं हंसकगृध्रयोर्वने
तदन्तरं दाशरथेस्तवैव च ॥ ३.४७.४७ ॥
كما أن بين الغراب وغارودا فرقًا، وبين طائر المدغو والطاووس فرقًا، وبين البجعة والنسر في الغابة فرقًا، فكذلك الفرق بين راما ابن داشاراثا وبينك.
3.47.48
तस्मिन् सहस्राक्षसमप्रभावे
रामे स्थिते कार्मुकबाणपाणौ।
हृतापि तेऽहं न जरां गमिष्ये
आज्यं यथा मक्षिकयावगीर्णम् ॥ ३.४७.४८ ॥
ما دام راما، المساوي في القوة لإندرا ذي الألف عين، واقفًا بالقوس والسهم في يده، فإنني لن أبلغ الشيخوخة وإن حملتني بعيدًا، كالسمن الذي ابتلعه الذباب.
3.47.49
इतीव तद्वाक्यमदुष्टभावा
सुदुष्टमुक्त्वा रजनीचरं तम्।
गात्रप्रकम्पाद् व्यथिता बभूव
वातोद्धता सा कदलीव तन्वी ॥ ३.४७.४९ ॥
ولما قالت تلك الكلمات القاسية لذلك الجوّال في الليل، اضطربت سيتا ذات الطبع الطاهر، وارتعد جسدها الرقيق كشجرة موز تهزها الريح.
3.47.50
तां वेपमानामुपलक्ष्य सीतां
स रावणो मृत्युसमप्रभावः।
कुलं बलं नाम च कर्म चात्मनः
समाचचक्षे भयकारणार्थम् ॥ ३.४७.५० ॥
لما رأى رافانا سيتا ترتجف، وكان بأسه كالموت، شرع في إعلان نسبه وقوته واسمه وأفعاله ليبث فيها الرعب.