蚁垤《罗摩衍那》 · 篇 3.47
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
3.47.1
रावणेन तु वैदेही तदा पृष्टा जिहीर्षुणा।
परिव्राजकरूपेण शशंसात्मानमात्मना ॥ ३.४७.१ ॥
那时想要劫走她的罗波那向毗提诃公主发问，并以游方苦行者的模样自我介绍。
3.47.3
ब्राह्मणश्चातिथिश्चैष अनुक्तो हि शपेत माम्।
दुहिता जनकस्याहं मैथिलस्य महात्मनः।
सीता नाम्नास्मि भद्रं ते रामस्य महिषी प्रिया ॥ ३.४७.३ ॥
此人是婆罗门与客人；若不接待，他可能会诅咒我。我是伟大的弥提罗国王遮那迦之女，名叫悉多。愿你安好；我是罗摩心爱的正妃。
3.47.4
उषित्वा द्वादश समा इक्ष्वाकूणां निवेशने।
भुञ्जाना मानुषान् भोगान् सर्वकामसमृद्धिनी ॥ ३.४७.४ ॥
我在甘蔗王族的宫室中住了十二年，享受人间的乐趣，一切所愿皆得圆满。
3.47.5
तत्र त्रयोदशे वर्षे राजाऽमन्त्रयत प्रभुः।
अभिषेचयितुं रामं समेतो राजमन्त्रिभिः ॥ ३.४७.५ ॥
在第十三年，君王与大臣们聚会，决定为罗摩举行灌顶。
3.47.6
तस्मिन् सम्भ्रियमाणे तु राघवस्याभिषेचने।
कैकेयी नाम भर्तारं ममार्या याचते वरम् ॥ ३.४७.६ ॥
当罗摩的灌顶正在筹备时，我的尊贵的婆婆吉凯伊向丈夫请求了一个恩典。
3.47.7
परिगृह्य तु कैकेयी श्वशुरं सुकृतेन मे।
मम प्रव्राजनं भर्तुर्भरतस्याभिषेचनम् ॥ ३.४७.७ ॥
凭借我的福德，吉凯伊说服了公公；她请求让我的丈夫流放，并让婆罗多举行灌顶。
3.47.8
द्वावयाचत भर्तारं सत्यसंधं नृपोत्तमम्।
नाद्य भोक्ष्ये न च स्वप्स्ये न पास्ये न कदाचन ॥ ३.४७.८ ॥
她向那位信守诺言的最好的国王——她的丈夫——请求两项恩典：“今天我不吃，不睡，也永远不喝水。”
3.47.10
एष मे जीवितस्यान्तो रामो यदभिषिच्यते।
अयाचतार्थैरन्वर्थैर्न च याच्ञां चकार सा।
मम भर्ता महातेजा वयसा पञ्चविंशकः ॥ ३.४७.१० ॥
“罗摩将受灌顶，便是我生命的终结。”她以有分量的言辞请求，毫不犹豫。我的丈夫大放光明，年方二十五岁。
3.47.11
अष्टादश हि वर्षाणि मम जन्मनि गण्यते।
रामेति प्रथितो लोके सत्यवान् शीलवान् शुचिः ॥ ३.४७.११ ॥
自我出生以来已数十八年。他以罗摩之名闻名于世，诚实、有德、清净。
3.47.12
विशालाक्षो महाबाहुः सर्वभूतहिते रतः।
कामार्तश्च महाराजः पिता दशरथः स्वयम् ॥ ३.४७.१२ ॥
眼睛宽大，臂膀有力，乐于众生之利。而大王、我的父亲十车王本人，却被欲望所折磨。
3.47.13
कैकेय्याः प्रियकामार्थं तं रामं नाभ्यषेचयत्।
अभिषेकाय तु पितुः समीपं राममागतम् ॥ ३.४७.१३ ॥
出于讨好吉凯依的心愿，父王并未为罗摩行灌顶；然而罗摩已来到父王面前，准备受灌顶。
3.47.14
कैकेयी मम भर्तारमित्युवाच द्रुतं वचः।
तव पित्रा समाज्ञप्तं ममेदं शृणु राघव ॥ ३.४७.१४ ॥
吉凯依立即对我的丈夫说道：“罗怙之后，请听我说你父亲所吩咐的事。”
3.47.15
भरताय प्रदातव्यमिदं राज्यमकण्टकम्।
त्वया तु खलु वस्तव्यं नव वर्षाणि पञ्च च ॥ ३.४७.१५ ॥
这片无棘之国应当交给婆罗多，而你则须在林中居住十四年。
3.47.16
वने प्रव्रज काकुत्स्थ पितरं मोचयानृतात् ।
तथेत्युवाच तां रामः कैकेयीमकुतोभयः ॥ ३.४७.१६ ॥
迦古特斯特啊，去往森林，使你的父亲脱离谎言。无畏的罗摩对吉凯伊说：「就这样吧。」
3.47.17
चकार तद्वचः श्रुत्वा भर्ता मम दृढव्रतः।
दद्यान्न प्रतिगृह्णीयात् सत्यं ब्रूयान्न चानृतम् ॥ ३.४७.१७ ॥
我的丈夫坚守誓愿，听闻此言便照办了。应当施予而不接受；应当说真话而不说谎。
3.47.18
एतद् ब्राह्मण रामस्य व्रतं धृतमनुत्तमम्।
तस्य भ्राता तु वैमात्रो लक्ष्मणो नाम वीर्यवान् ॥ ३.४७.१८ ॥
婆罗门啊，这是罗摩所持守的至上誓愿。他的异母兄弟，名为罗什曼那的勇士，
3.47.19
रामस्य पुरुषव्याघ्रः सहायः समरेऽरिहा।
स भ्राता लक्ष्मणो नाम ब्रह्मचारी दृढव्रतः ॥ ३.४७.१९ ॥
罗什曼那是罗摩的伴侣，战场上的敌人杀手，人中之杰，那位兄弟是守贞持戒、誓愿坚定的人。
3.47.20
अन्वगच्छद् धनुष्पाणिः प्रव्रजन्तं मया सह।
जटी तापसरूपेण मया सह सहानुजः ॥ ३.४७.२० ॥
他手持弓箭，跟随与我同行的人；以结发苦行者的模样，与我及其幼弟同行。
3.47.21
प्रविष्टो दण्डकारण्यं धर्मनित्यो दृढव्रतः।
ते वयं प्रच्युता राज्यात् कैकेय्यास्तु कृते त्रयः ॥ ३.४७.२१ ॥
我持守法度、坚定誓愿,进入了檀陀迦森林。因为吉迦伊,我们三人被逐出了王国。
3.47.22
विचराम द्विजश्रेष्ठ वनं गम्भीरमोजसा।
समाश्वस मुहूर्तं तु शक्यं वस्तुमिह त्वया ॥ ३.४७.२२ ॥
噢,二生者中最尊贵者!我们凭自身之力徘徊于这片幽深的森林。请稍作歇息;你在此处留居是可以的。
3.47.23
आगमिष्यति मे भर्ता वन्यमादाय पुष्कलम्।
रुरून् गोधान् वराहांश्च हत्वाऽऽदायामिषं बहु ॥ ३.४७.२३ ॥
我的丈夫将带着大量林中猎物归来。他会猎杀羚鹿、巨蜥和野猪,带回许多肉。
3.47.24
स त्वं नाम च गोत्रं च कुलमाचक्ष्व तत्त्वतः।
एकश्च दण्डकारण्ये किमर्थं चरसि द्विज ॥ ३.४७.२४ ॥
那么请如实告诉我你的名字、氏族与家世。二生者啊,你为何独自徘徊于檀陀迦森林之中?
3.47.25
एवं ब्रुवत्यां सीतायां रामपत्न्यां महाबलः।
प्रत्युवाचोत्तरं तीव्रं रावणो राक्षसाधिपः ॥ ३.४७.२५ ॥
罗摩之妻悉多如此说话时,大力的罗刹之主罗波那厉声作答。
3.47.26
येन वित्रासिता लोकाः सदेवासुरमानुषाः।
अहं स रावणो नाम सीते रक्षोगणेश्वरः ॥ ३.४७.२६ ॥
令天神、阿修罗与人类所有世界都为之战栗的,正是我——名叫罗波那的悉多啊,我乃罗刹大众之主。
3.47.27
त्वां तु काञ्चनवर्णाभां दृष्ट्वा कौशेयवासिनीम्।
रतिं स्वकेषु दारेषु नाधिगच्छाम्यनिन्दिते ॥ ३.४७.२७ ॥
见你肤色如金,身着丝衣,无可指摘的女子啊,我在自己的妻子中已找不到欢愉。
3.47.28
बह्वीनामुत्तमस्त्रीणामाहृतानामितस्ततः।
सर्वासामेव भद्रं ते ममाग्रमहिषी भव ॥ ३.४७.२८ ॥
在被从各处掷来的众多优秀女子中,愿你吉祥:你做我的正妃吧。
3.47.29
लङ्का नाम समुद्रस्य मध्ये मम महापुरी।
सागरेण परिक्षिप्ता निविष्टा गिरिमूर्धनि ॥ ३.४७.२९ ॥
海洋中央有我的大城,名叫楞伽,被大海环绕,坐落在山巅之上。
3.47.30
तत्र सीते मया सार्धं वनेषु विचरिष्यसि।
न चास्य वनवासस्य स्पृहयिष्यसि भामिनि ॥ ३.४७.३० ॥
在那里,悉多啊,你将与我一同在林中游荡;女子啊,你甚至不会再怀念这森林的流放。
3.47.31
पञ्च दास्यः सहस्राणि सर्वाभरणभूषिताः।
सीते परिचरिष्यन्ति भार्या भवसि मे यदि ॥ ३.४७.३१ ॥
五千名侍女,身饰各种珠宝,悉多啊,若你成为我的妻子,她们将侍奉你。
3.47.32
रावणेनैवमुक्ता तु कुपिता जनकात्मजा।
प्रत्युवाचानवद्याङ्गी तमनादृत्य राक्षसम् ॥ ३.४७.३२ ॥
罗波那如此说道,生气的遮那伽之女、肢体无瑕的她,不理睬这个罗刹,回答了他。
3.47.33
महागिरिमिवाकम्प्यं महेन्द्रसदृशं पतिम्।
महोदधिमिवाक्षोभ्यमहं राममनुव्रता ॥ ३.४७.३३ ॥
我忠于我的丈夫罗摩，他如大山般不可撼动，与因陀罗相当，如大海般不可扰动。
3.47.34
सर्वलक्षणसम्पन्नं न्यग्रोधपरिमण्डलम्।
सत्यसंधं महाभागमहं राममनुव्रता ॥ ३.४७.३४ ॥
我忠于罗摩，他具备一切吉祥相，身形匀称如榕树，守信践诺，福德深厚。
3.47.35
महाबाहुं महोरस्कं सिंहविक्रान्तगामिनम्।
नृसिंहं सिंहसंकाशमहं राममनुव्रता ॥ ३.४७.३५ ॥
我忠于罗摩，他双臂有力，胸膛宽阔，行步如狮，人中之狮，状如雄狮。
3.47.36
पूर्णचन्द्राननं रामं राजवत्सं जितेन्द्रियम्।
पृथुकीर्तिं महाबाहुमहं राममनुव्रता ॥ ३.४७.३६ ॥
我忠于罗摩，他面如满月，是王子，自制其心，名声远扬，双臂有力。
3.47.37
त्वं पुनर्जम्बुकः सिंहीं मामिहेच्छसि दुर्लभाम्।
नाहं शक्या त्वया स्प्रष्टुमादित्यस्य प्रभा यथा ॥ ३.४७.३७ ॥
你不过是一只豺狼，却在此妄想我这难以得到的雌狮。正如不能触及太阳的光辉，你也不可能触碰我。
3.47.38
पादपान् काञ्चनान् नूनं बहून् पश्यसि मन्दभाक्।
राघवस्य प्रियां भार्यां यस्त्वमिच्छसि राक्षस ॥ ३.४७.३८ ॥
不幸的罗刹啊！你大概是看到了许多金色的树木，才会想要罗怙之子心爱的妻子。
3.47.39
क्षुधितस्य च सिंहस्य मृगशत्रोस्तरस्विनः।
आशीविषस्य वदनाद् दंष्ट्रामादातुमिच्छसि ॥ ३.४७.३९ ॥
你想从饥饿而迅猛的鹿之敌狮子口中，或从毒蛇口中拔取它的獠牙。
3.47.40
मन्दरं पर्वतश्रेष्ठं पाणिना हर्तुमिच्छसि।
कालकूटं विषं पीत्वा स्वस्तिमान् गन्तुमिच्छसि ॥ ३.४७.४० ॥
你想用手搬走山中最尊的曼陀罗山，或饮下迦罗俱吒毒后仍能平安离去。
3.47.41
अक्षि सूच्या प्रमृजसि जिह्वया लेढि च क्षुरम्।
राघवस्य प्रियां भार्यामधिगन्तुं त्वमिच्छसि ॥ ३.४७.४१ ॥
你想用针擦拭眼睛，用舌头舔剃刀；同样，你也想得到罗怙之后的爱妻。
3.47.42
अवसज्य शिलां कण्ठे समुद्रं तर्तुमिच्छसि।
सूर्याचन्द्रमसौ चोभौ पाणिभ्यां हर्तुमिच्छसि ॥ ३.४७.४२ ॥
你想颈上系着石头渡过大海，又想用双手抓住太阳和月亮。
3.47.43
यो रामस्य प्रियां भार्यां प्रधर्षयितुमिच्छसि।
अग्निं प्रज्वलितं दृष्ट्वा वस्त्रेणाहर्तुमिच्छसि ॥ ३.४७.४३ ॥
你想侵犯罗摩的爱妻，这就像看见熊熊烈火，想用布去抓住它一样。
3.47.44
कल्याणवृत्तां यो भार्यां रामस्याहर्तुमिच्छसि।
अयोमुखानां शूलानामग्रे चरितुमिच्छसि।
रामस्य सदृशीं भार्यां योऽधिगन्तुं त्वमिच्छसि ॥ ३.४७.४४ ॥
你想夺取德行美好的罗摩之妻，这就像想在铁尖长矛的尖端上行走。你想得到与罗摩相配的妻子，也是一样。
3.47.45
यदन्तरं सिंहसृगालयोर्वने
यदन्तरं स्यन्दनिकासमुद्रयोः।
सुराग्र्यसौवीरकयोर्यदन्तरं
तदन्तरं दाशरथेस्तवैव च ॥ ३.४७.४५ ॥
森林中狮子与豺狼之别，水洼与大海之别，美酒与酸粥之别，有多大，十车王之子罗摩与你之间的差别就有多大。
3.47.46
यदन्तरं काञ्चनसीसलोहयो-
र्यदन्तरं चन्दनवारिपङ्कयोः।
यदन्तरं हस्तिबिडालयोर्वने
तदन्तरं दाशरथेस्तवैव च ॥ ३.४७.४६ ॥
黄金与铅铁之别，檀香水与污泥之别，森林中大象与猫之别，有多大，十车王之子罗摩与你之间的差别就有多大。
3.47.47
यदन्तरं वायसवैनतेययो-
र्यदन्तरं मद्गुमयूरयोरपि।
यदन्तरं हंसकगृध्रयोर्वने
तदन्तरं दाशरथेस्तवैव च ॥ ३.४७.४७ ॥
乌鸦与金翅鸟之别，水鸟与孔雀之别，森林中天鹅与秃鹫之别，有多大，十车王之子罗摩与你之间的差别就有多大。
3.47.48
तस्मिन् सहस्राक्षसमप्रभावे
रामे स्थिते कार्मुकबाणपाणौ।
हृतापि तेऽहं न जरां गमिष्ये
आज्यं यथा मक्षिकयावगीर्णम् ॥ ३.४७.४८ ॥
只要罗摩——力量堪比千眼因陀罗——手持弓箭屹立，即使你把我掠走，我也不会衰老，正如被苍蝇吞下的酥油不会变质。
3.47.49
इतीव तद्वाक्यमदुष्टभावा
सुदुष्टमुक्त्वा रजनीचरं तम्।
गात्रप्रकम्पाद् व्यथिता बभूव
वातोद्धता सा कदलीव तन्वी ॥ ३.४७.४९ ॥
悉多心地纯洁，向那夜行者说了这般严厉的话，却因身体颤抖而痛苦不已，如同被风吹动的纤细芭蕉。
3.47.50
तां वेपमानामुपलक्ष्य सीतां
स रावणो मृत्युसमप्रभावः।
कुलं बलं नाम च कर्म चात्मनः
समाचचक्षे भयकारणार्थम् ॥ ३.४७.५० ॥
罗波那见悉多颤抖，其威力如同死神，便开始陈述自己的家族、力量、名号与事迹，以使她心生恐惧。