蚁垤《罗摩衍那》 · 篇 3.53
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
3.53.1
खमुत्पतन्तं तं दृष्ट्वा मैथिली जनकात्मजा।
दुःखिता परमोद्विग्ना भये महति वर्तिनी ॥ ३.५३.१ ॥
看见他飞上天空，遮那伽之女弥提利悲痛万分、极度惊惶，陷入了巨大的恐惧之中。
3.53.2
रोषरोदनताम्राक्षी भीमाक्षं राक्षसाधिपम्।
रुदती करुणं सीता ह्रियमाणा तमब्रवीत् ॥ ३.५३.२ ॥
悉多双眼因愤怒和哭泣而泛红，在被劫持之际，哀切地哭着对那双目狰狞的罗刹之王说道。
3.53.3
न व्यपत्रपसे नीच कर्मणानेन रावण।
ज्ञात्वा विरहितां यो मां चोरयित्वा पलायसे ॥ ३.५३.३ ॥
卑劣的罗波那啊，你对这一行为不感到羞耻吗？知道我与丈夫分离，你却偷走我而逃跑！
3.53.4
त्वयैव नूनं दुष्टात्मन् भीरुणा हर्तुमिच्छता।
ममापवाहितो भर्ता मृगरूपेण मायया ॥ ३.५३.४ ॥
邪恶之人啊！必定是你这个怯懦之徒，想要抢夺我，用化作鹿形的幻术引走了我的丈夫。
3.53.5
यो हि मामुद्यतस्त्रातुं सोऽप्ययं विनिपातितः।
गृध्रराजः पुराणोऽसौ श्वशुरस्य सखा मम ॥ ३.५३.५ ॥
那位起身要保护我的古老鹫王，我公公的朋友，也被你打倒了。
3.53.6
परमं खलु ते वीर्यं दृश्यते राक्षसाधम।
विश्राव्य नामधेयं हि युद्धे नास्मि जिता त्वया ॥ ३.५३.६ ॥
卑劣的罗刹啊！你的勇力看来确实很大。但你并没有在战斗中，先报上你的名字，就战胜了我。
3.53.7
ईदृशं गर्हितं कर्म कथं कृत्वा न लज्जसे।
स्त्रियाश्चाहरणं नीच रहिते च परस्य च ॥ ३.५३.७ ॥
做出如此可耻的行为，你难道不感到羞愧吗，卑鄙之人？你在无人之处劫走了别人的妻子。
3.53.8
कथयिष्यन्ति लोकेषु पुरुषाः कर्म कुत्सितम्।
सुनृशंसमधर्मिष्ठं तव शौटीर्यमानिनः ॥ ३.५३.८ ॥
世间之人将谈论你这卑劣、极其残暴、不义的行为，你这以自己勇武自傲的人！
3.53.9
धिक् ते शौर्यं च सत्त्वं च यत्त्वया कथितं तदा।
कुलाक्रोशकरं लोके धिक् ते चारित्रमीदृशम् ॥ ३.५३.९ ॥
你当时所夸耀的勇气与胆魄，实在可耻！你这等行为在世间使家族蒙羞，也实在可耻！
3.53.10
किं शक्यं कर्तुमेवं हि यज्जवेनैव धावसि।
मुहूर्तमपि तिष्ठ त्वं न जीवन् प्रतियास्यसि ॥ ३.५३.१० ॥
如此飞快地逃跑有什么用？哪怕停留片刻吧，你活着是回不去的。
3.53.11
नहि चक्षुःपथं प्राप्य तयोः पार्थिवपुत्रयोः।
ससैन्योऽपि समर्थस्त्वं मुहूर्तमपि जीवितुम् ॥ ३.५३.११ ॥
一旦落入那两位王子的视线，即便率领大军，你也不能再活片刻了。
3.53.12
न त्वं तयोः शरस्पर्शं सोढुं शक्तः कथंचन।
वने प्रज्वलितस्येव स्पर्शमग्नेर्विहंगमः ॥ ३.५३.१२ ॥
你绝无可能承受他们箭矢的触碰，正如飞鸟承受不了森林中烈火的灼烧。
3.53.13
साधु कृत्वाऽऽत्मनः पथ्यं साधु मां मुञ्च रावण।
मत्प्रधर्षणसंक्रुद्धो भ्रात्रा सह पतिर्मम ॥ ३.५३.१३ ॥
罗波那啊，做好对你自己有益的事，好好放了我吧。因我遭受侮辱而愤怒的我的夫君，将与他的兄弟一同前来。
3.53.14
विधास्यति विनाशाय त्वं मां यदि न मुञ्चसि।
येन त्वं व्यवसायेन बलान्मां हर्तुमिच्छसि ॥ ३.५३.१४ ॥
你若不放我，你想以武力抢走我的这一行动，将导致你的毁灭。
3.53.15
व्यवसायस्तु ते नीच भविष्यति निरर्थकः।
नह्यहं तमपश्यन्ती भर्तारं विबुधोपमम् ॥ ३.५३.१५ ॥
卑劣之人啊，你的图谋必将落空，因为不见如同天神般的我的夫君，我（无法活下去）。
3.53.16
उत्सहे शत्रुवशगा प्राणान् धारयितुं चिरम्।
न नूनं चात्मनः श्रेयः पथ्यं वा समवेक्षसे ॥ ३.५३.१६ ॥
身陷敌人掌控之中的我，无法长久维持生命。你必定没有考虑自己的福祉与益处。
3.53.17
मृत्युकाले यथा मर्त्यो विपरीतानि सेवते।
मुमूर्षूणां तु सर्वेषां यत् पथ्यं तन्न रोचते ॥ ३.५३.१७ ॥
正如凡人在临死之时会追随相反之事，那些将死之人所不喜欢的，恰恰是对他们有益的。
3.53.18
पश्यामीह हि कण्ठे त्वां कालपाशावपाशितम्।
यथा चास्मिन् भयस्थाने न बिभेषि निशाचर ॥ ३.५३.१८ ॥
我在此看到你的脖颈已被死神的绳索套住。夜行者啊，为何你在这恐惧之地仍不感到害怕？
3.53.19
व्यक्तं हिरण्मयांस्त्वं हि सम्पश्यसि महीरुहान्।
नदीं वैतरणीं घोरां रुधिरौघविवाहिनीम् ॥ ३.५३.१९ ॥
你显然看见了金色的树木，还有那条充满血流的可怖的伐当尼河。
3.53.20
खड्गपत्रवनं चैव भीमं पश्यसि रावण।
तप्तकाञ्चनपुष्पां च वैदूर्यप्रवरच्छदाम् ॥ ३.५३.२० ॥
啊，罗波那，你也看见了那可怖的剑叶林，花是炽热的黄金，叶是上好的吠琉璃宝石。
3.53.21
द्रक्ष्यसे शाल्मलीं तीक्ष्णामायसैः कण्टकैश्चिताम्।
नहि त्वमीदृशं कृत्वा तस्यालीकं महात्मनः ॥ ३.५३.२१ ॥
你将看见那长满铁刺、尖利无比的木棉树；因为你对那位大德者犯下了这样的罪过……
3.53.22
धारितुं शक्ष्यसि चिरं विषं पीत्वेव निर्घृण।
बद्धस्त्वं कालपाशेन दुर्निवारेण रावण ॥ ३.५३.२२ ॥
啊，无情的人，正如饮下毒药的人不能长久支撑，你也不能长久支撑。啊，罗波那，你已被无法挣脱的死亡之索缚住。
3.53.23
क्व गतो लप्स्यसे शर्म मम भर्तुर्महात्मनः।
निमेषान्तरमात्रेण विना भ्रातरमाहवे ॥ ३.५३.२३ ॥
你离开了战场上的兄弟，哪怕离开我那大德的丈夫一瞬间，又能去何处寻得庇护呢？
3.53.24
राक्षसा निहता येन सहस्राणि चतुर्दश।
कथं स राघवो वीरः सर्वास्त्रकुशलो बली ॥ ३.५३.२४ ॥
那位杀死了一万四千罗刹的英雄罗怙，精通一切兵器且力大无穷，他怎会……
3.53.25
न त्वां हन्याच्छरैस्तीक्ष्णैरिष्टभार्यापहारिणम्।
एतच्चान्यच्च परुषं वैदेही रावणाङ्कगा।
भयशोकसमाविष्टा करुणं विललाप ह ॥ ३.५३.२५ ॥
你劫走了他心爱的妻子，他必定会用利箭射杀你。”维提诃公主坐在罗波那的膝上，充满恐惧与悲伤，说着这话和其他严厉的话语，悲切地哀号起来。
3.53.26
तदा भृशार्तां बहु चैव भाषिणीं
विलापपूर्वं करुणं च भामिनीम्।
जहार पापस्तरुणीं विचेष्टतीं
नृपात्मजामागतगात्रवेपथुः ॥ ३.५३.२६ ॥
于是那个恶人，抓住了那位深受煎熬、话语不绝、悲切哀号的美丽女子，那位挣扎的年轻王女，他浑身颤抖地将她劫走。