ヴァールミーキのラーマーヤナ · サルガ 3.55
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
3.55.1
संदिश्य राक्षसान् घोरान् रावणोऽष्टौ महाबलान्।
आत्मानं बुद्धिवैक्लव्यात् कृत्कृत्यममन्यत ॥ ३.५५.१ ॥
ラーヴァナは八人の恐ろしく強力なラークシャサに命じた後、心の乱れから自らの目的は達せられたと思った。
3.55.2
स चिन्तयानो वैदेहीं कामबाणैः प्रपीडितः।
प्रविवेश गृहं रम्यं सीतां द्रष्टुमभित्वरन् ॥ ३.५५.२ ॥
ヴァイデーヒーを思い、愛欲の矢に苦しめられて、シーターを見ようと急ぎ美しい館に入った。
3.55.3
स प्रविश्य तु तद्वेश्म रावणो राक्षसाधिपः।
अपश्यद् राक्षसीमध्ये सीतां दुःखपरायणाम् ॥ ३.५५.३ ॥
その館に入ったラークシャサの王ラーヴァナは、ラークシャサ女たちの中で悲嘆に沈むシーターを見た。
3.55.4
अश्रुपूर्णमुखीं दीनां शोकभारावपीडिताम्।
वायुवेगैरिवाक्रान्तां मज्जन्तीं नावमर्णवे ॥ ३.५५.४ ॥
涙に満ちた顔で、哀れにも悲嘆の重荷に打ちひしがれたシーターは、突風に襲われ大海に沈みゆく舟のようであった。
3.55.5
मृगयूथपरिभ्रष्टां मृगीं श्वभिरिवावृताम्।
अधोगतमुखीं सीतां तामभ्येत्य निशाचरः ॥ ३.५५.५ ॥
鹿の群れからはぐれた雌鹿が犬に囲まれたように、顔を伏せたシーターのもとへ、その夜の徘徊者が近づいた。
3.55.6
तां तु शोकवशाद् दीनामवशां राक्षसाधिपः।
सबलाद् दर्शयामास गृहं देवगृहोपमम् ॥ ३.५५.६ ॥
悲嘆に支配され、哀れで無力なシーターに、ラークシャサの王は力ずくで神殿のような館を見せた。
3.55.7
हर्म्यप्रासादसम्बाधं स्त्रीसहस्रनिषेवितम्।
नानापक्षिगणैर्जुष्टं नानारत्नसमन्वितम् ॥ ३.५५.७ ॥
その館は高殿と宮殿で溢れ、数千の女性に仕えられ、さまざまな鳥の群れが住み、種々の宝玉で飾られていた。
3.55.8
दान्तकैस्तापनीयैश्च स्फाटिकै राजतैस्तथा।
वज्रवैदूर्यचित्रैश्च स्तम्भैर्दृष्टिमनोरमैः ॥ ३.५५.८ ॥
その柱は象牙、精錬された金、水晶、銀で作られ、ダイヤモンドと青玉で色とりどりに飾られ、目にも心にも快いものであった。
3.55.9
दिव्यदुन्दुभिनिर्घोषं तप्तकाञ्चनभूषणम्।
सोपानं काञ्चनं चित्रमारुरोह तया सह ॥ ३.५५.९ ॥
天の太鼓のように響き、精錬された金で飾られたその見事な黄金の階段を、彼は彼女とともに登った。
3.55.10
दान्तका राजताश्चैव गवाक्षाः प्रियदर्शनाः।
हेमजालावृताश्चासंस्तत्र प्रासादपङ्क्तयः ॥ ३.५५.१० ॥
そこには宮殿が立ち並び、象牙と銀の窓は目に快く、黄金の格子で覆われていた。
3.55.11
सुधामणिविचित्राणि भूमिभागानि सर्वशः।
दशग्रीवः स्वभवने प्रादर्शयत मैथिलीम् ॥ ३.५५.११ ॥
十頭のラーヴァナは自分の館で、磨かれた漆喰と宝玉で彩られた床の数々をどこもかしこもマイティリーに見せた。
3.55.12
दीर्घिकाः पुष्करिण्यश्च नानापुष्पसमावृताः।
रावणो दर्शयामास सीतां शोकपरायणाम् ॥ ३.५५.१२ ॥
ラーヴァナは、長い池や様々な花で覆われた蓮の池を、悲しみに沈むシーターに見せた。
3.55.13
दर्शयित्वा तु वैदेहीं कृत्स्नं तद्भवनोत्तमम्।
उवाच वाक्यं पापात्मा सीतां लोभितुमिच्छया ॥ ३.५५.१३ ॥
ヴァイデーヒーにその壮麗な宮殿全体を見せた後、邪悪な心の男はシーターを誘惑しようとして、このように言った。
3.55.14
दश राक्षसकोट्यश्च द्वाविंशतिरथापराः।
वर्जयित्वा जरावृद्धान् बालांश्च रजनीचरान् ॥ ३.५५.१४ ॥
一千万のラークシャサと、さらに二十二人の戦車兵がいる。老いて衰えた者、子供、夜の徘徊者は除く。
3.55.15
तेषां प्रभुरहं सीते सर्वेषां भीमकर्मणाम्।
सहस्रमेकमेकस्य मम कार्यपुरःसरम् ॥ ३.५५.१५ ॥
シーターよ、私はあの恐ろしい行いをする者たち全員の主である。私の任務を先に立って果たす者が、それぞれに千人ずついる。
3.55.16
यदिदं राज्यतन्त्रं मे त्वयि सर्वं प्रतिष्ठितम्।
जीवितं च विशालाक्षि त्वं मे प्राणैर्गरीयसी ॥ ३.५५.१६ ॥
私の王国の統治はすべてお前にかかっている。広い目をした女よ、お前は私の命の息よりも大切だ。
3.55.17
बह्वीनामुत्तमस्त्रीणां मम योऽसौ परिग्रहः।
तासां त्वमीश्वरी सीते मम भार्या भव प्रिये ॥ ३.५५.१७ ॥
私のもとにいる多くの優れた女たちの、その全ての女主人となるのだ。シーターよ、愛しい人よ、私の妻となれ。
3.55.18
साधु किं तेऽन्यथाबुद्ध्या रोचयस्व वचो मम।
भजस्व माभितप्तस्य प्रसादं कर्तुमर्हसि ॥ ३.५५.१८ ॥
よいか。なぜ誤った考えでいるのか。私の言葉を受け入れよ。苦しむ私に身を寄せ、恵みを与えるべきだ。
3.55.19
परिक्षिप्ता समुद्रेण लङ्केयं शतयोजना।
नेयं धर्षयितुं शक्या सेन्द्रैरपि सुरासुरैः ॥ ३.५५.१९ ॥
海に囲まれたこのラṅカーは百ヨージャナの広さがあり、インドラを含む神々やアスラでさえ攻め落とすことはできない。
3.55.20
न देवेषु न यक्षेषु न गन्धर्वेषु नर्षिषु।
अहं पश्यामि लोकेषु यो मे वीर्यसमो भवेत् ॥ ३.५५.२० ॥
神々、ヤクシャ、ガンダルヴァ、聖仙たち、そして全世界の中に、私の勇力に並ぶ者を私は見ない。
3.55.21
राज्यभ्रष्टेन दीनेन तापसेन पदातिना।
किं करिष्यसि रामेण मानुषेणाल्पतेजसा ॥ ३.५५.२१ ॥
王国を失い、哀れで、苦行者であり、徒歩で歩き、わずかな威光しか持たない人間のラーマと、おまえは何をするというのか。
3.55.22
भजस्व सीते मामेव भर्ताहं सदृशस्तव।
यौवनं त्वध्रुवं भीरु रमस्वेह मया सह ॥ ३.५५.२२ ॥
シーターよ、どうか私を受け入れよ。私はおまえにふさわしい夫だ。臆病な女よ、若さは永続しない。ここで私と楽しめ。
3.55.23
दर्शने मा कृथा बुद्धिं राघवस्य वरानने।
कास्य शक्तिरिहागन्तुमपि सीते मनोरथैः ॥ ३.५५.२३ ॥
美しい顔の女よ、ラーガヴァを見ようという考えは捨てよ。シーターよ、ただ願望だけで、彼にここへ来る力などあるものか。
3.55.24
न शक्यो वायुराकाशे पाशैर्बद्धुं महाजवः।
दीप्यमानस्य वाप्यग्नेर्ग्रहीतुं विमलाः शिखाः ॥ ३.५५.२४ ॥
空を走る疾風を綱で縛ることができず、燃え盛る火の清らかな炎を捕まえることもできないように。
3.55.25
त्रयाणामपि लोकानां न तं पश्यामि शोभने।
विक्रमेण नयेद् यस्त्वां मद्बाहुपरिपालिताम् ॥ ३.५५.२५ ॥
美しき人よ、三界の中に、我が腕に守られたお前を力ずくで連れ去れる者を私は見ない。
3.55.26
लङ्कायाः सुमहद्राज्यमिदं त्वमनुपालय।
त्वत्प्रेष्या मद्विधाश्चैव देवाश्चापि चराचरम् ॥ ३.५५.२६ ॥
このラーンカーの広大な王国をお前が治めよ。私のような者も神々も、動くものも動かぬものも、すべてお前の下僕となろう。
3.55.27
अभिषेकजलक्लिन्ना तुष्टा च रमयस्व च।
दुष्कृतं यत्पुरा कर्म वनवासेन तद्गतम् ॥ ३.५५.२७ ॥
灌頂の水に濡れた者よ、満ち足りて喜びなさい。かつてお前が犯した悪業は、森の流浪によって尽きたのだ。
3.55.28
यच्च ते सुकृतं कर्म तस्येह फलमाप्नुहि।
इह सर्वाणि माल्यानि दिव्यगन्धानि मैथिलि ॥ ३.५५.२८ ॥
そしてお前の善行の果報を、ここで受け取るがよい。マイティリーよ、ここには神々しい香りの花環がすべてある。
3.55.29
भूषणानि च मुख्यानि तानि सेव मया सह।
पुष्पकं नाम सुश्रोणि भ्रातुर्वैश्रवणस्य मे ॥ ३.५५.२९ ॥
最上の装身具も私と共に受け取れ。美しい腰の女よ、我が兄ヴァイシュラヴァナ（クベーラ）のプシュパカという空飛ぶ車もあるのだ。
3.55.30
विमानं सूर्यसंकाशं तरसा निर्जितं रणे।
विशालं रमणीयं च तद्विमानं मनोजवम् ॥ ३.५५.३० ॥
太陽のように輝くその飛車は、私が戦いで力ずくで奪い取ったものだ。広大で麗しく、心のように速い。
3.55.31
तत्र सीते मया सार्धं विहरस्व यथासुखम्।
वदनं पद्मसंकाशं विमलं चारुदर्शनम् ॥ ३.५५.३१ ॥
シーター よ、そこで私と共に、心のままに楽しむがよい。お前の顔は蓮華のようで、清らかで美しく見える。
3.55.32
शोकार्तं तु वरारोहे न भ्राजति वरानने।
एवं वदति तस्मिन् सा वस्त्रान्तेन वराङ्गना ॥ ३.५५.३२ ॥
美しい腰の女よ、美しい顔の女よ！悲しみに苦しむお前の顔は輝いていない。彼がそう語る間、その気高い女性は衣の端で身を覆った。
3.55.33
पिधायेन्दुनिभं सीता मन्दमश्रूण्यवर्तयत्।
ध्यायन्तीं तामिवास्वस्थां सीतां चिन्ताहतप्रभाम् ॥ ३.५५.३३ ॥
月のような顔を覆い、シーターは静かに涙を流した。憂いに輝きを打たれ、彼女は思い悩み、落ち着かぬ様子であった。
3.55.34
उवाच वचनं वीरो रावणो रजनीचरः।
अलं व्रीडेन वैदेहि धर्मलोपकृतेन ते ॥ ३.५५.३४ ॥
すると勇士、夜の徘徊者ラーヴァナは言った。ヴァイデーヒーよ、恥じらいはもう十分だ。お前のその恥は、法を損なったことから生じたものだ。
3.55.35
आर्षोऽयं देवि निष्पन्दो यस्त्वामभिभविष्यति।
एतौ पादौ मया स्निग्धौ शिरोभिः परिपीडितौ ॥ ३.५५.३५ ॥
女神よ、この神聖な震えがお前を圧倒するだろう。お前のこの柔らかな二つの足を、私は頭で押し頂いた。
3.55.36
प्रसादं कुरु मे क्षिप्रं वश्यो दासोऽहमस्मि ते।
इमाः शून्या मया वाचः शुष्यमाणेन भाषिताः ॥ ३.५५.३६ ॥
どうか私に慈悲をかけてくれ、速やかに。私はお前に従う下僕だ。渇ききった私の口から出たこれらの言葉は、空しく響いてしまった。
3.55.37
न चापि रावणः कांचिन्मूर्ध्ना स्त्रीं प्रणमेत ह।
एवमुक्त्वा दशग्रीवो मैथिलीं जनकात्मजाम्।
कृतान्तवशमापन्नो ममेयमिति मन्यते ॥ ३.५५.३७ ॥
ラーヴァナは、どの女性にも頭を下げて礼をすることはなかった。そう言って十頭の王は、死の支配に陥りながら、ジャナカの娘マイティリーを自分のものだと考えている。