ヴァールミーキのラーマーヤナ · サルガ 3.6
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
3.6.1
शरभङ्गे दिवं प्राप्ते मुनिसङ्घाः समागताः।
अभ्यगच्छन्त काकुत्स्थं रामं ज्वलिततेजसम् ॥ ३.६.१ ॥
シャラバンガが天へ去ると、聖者たちの群れが集まり、燃えるような輝きのカークツトゥスタの末裔ラーマのもとへ近づいた。
3.6.2
वैखानसा वालखिल्याः सम्प्रक्षाला मरीचिपाः।
अश्मकुट्टाश्च बहवः पत्राहाराश्च तापसाः ॥ ३.६.२ ॥
ヴァイカーナサ派とヴァーラキリヤの行者たち、念入りに身を清める者、陽光を飲む者、石を砕く者、そして葉を食べる多くの苦行者。
3.6.3
दन्तोलूखलिनश्चैव तथैवोन्मज्जकाः परे।
गात्रशय्या अशय्याश्च तथैवानवकाशिकाः ॥ ३.६.३ ॥
歯で臼をつくように噛み砕く者、同じく水に沈み続ける他の者、身体を寝床とする者、寝床を持たない者、そして同じく住処を持たない者。
3.6.4
मुनयः सलिलाहारा वायुभक्षास्तथापरे।
आकाशनिलयाश्चैव तथा स्थण्डिलशायिनः ॥ ३.६.४ ॥
水だけを食べる聖者たち、風を食べる他の者たち、空に住む者たち、そして同じく裸の地面に眠る者たち。
3.6.5
तथोर्ध्ववासिनो दान्तास्तथाऽऽर्द्रपटवाससः।
सजपाश्च तपोनिष्ठास्तथा पञ्चतपोऽन्विताः ॥ ३.६.५ ॥
同じく高所に住む者、自制した者、濡れた衣をまとう者、ジャパを唱える者、苦行に専念する者、そして五火の苦行を備えた者たち。
3.6.6
सर्वे ब्राह्म्या श्रिया युक्ता दृढयोगसमाहिताः।
शरभङ्गाश्रमे राममभिजग्मुश्च तापसाः ॥ ३.६.६ ॥
梵の輝きを備え、堅固なヨーガに没入したすべての行者たちは、シャラバンガの庵で、ラーマのもとへ近づいた。
3.6.7
अभिगम्य च धर्मज्ञा रामं धर्मभृतां वरम्।
ऊचुः परमधर्मज्ञमृषिसङ्घाः समागताः ॥ ३.६.७ ॥
法を知る聖仙たちの群れが集まり、法を保つ者の中で最も優れたラーマに近づき、最高に法を知る彼に語りかけた。
3.6.8
त्वमिक्ष्वाकुकुलस्यास्य पृथिव्याश्च महारथः।
प्रधानश्चापि नाथश्च देवानां मघवानिव ॥ ३.६.८ ॥
あなたはイクシュヴァーク家とこの大地の大戦車手であり、神々にとってのインドラのように、首座にして守護者です。
3.6.9
विश्रुतस्त्रिषु लोकेषु यशसा विक्रमेण च।
पितृव्रतत्वं सत्यं च त्वयि धर्मश्च पुष्कलः ॥ ३.६.९ ॥
あなたは名声と武勇によって三界に名高い。父の言葉に従うこと、真実、そして豊かな法があなたの中にある。
3.6.10
त्वामासाद्य महात्मानं धर्मज्ञं धर्मवत्सलम्।
अर्थित्वान्नाथ वक्ष्यामस्तच्च नः क्षन्तुमर्हसि ॥ ३.६.१० ॥
偉大な魂で法を知り法を愛するあなたのもとに来て、主よ、請い求める故に私たちは語ります。どうかそれをお許しください。
3.6.11
अधर्मः सुमहान् नाथ भवेत् तस्य तु भूपतेः।
यो हरेद् बलिषड्भागं न च रक्षति पुत्रवत् ॥ ३.६.११ ॥
主よ、租税の六分の一を取りながら、息子のように守らない王は、大いなる非法（アダルマ）を負うのです。
3.6.12
युञ्जानः स्वानिव प्राणान् प्राणैरिष्टान् सुतानिव।
नित्ययुक्तः सदा रक्षन् सर्वान् विषयवासिनः ॥ ३.६.१२ ॥
自分の命や愛する息子を守るように、常に心を据えて、領国のすべての住民を守るべきです。
3.6.13
प्राप्नोति शाश्वतीं राम कीर्तिं स बहुवार्षिकीम्।
ब्रह्मणः स्थानमासाद्य तत्र चापि महीयते ॥ ३.६.१३ ॥
ラーマよ、彼はブラフマーの住処に至り、そこでも尊ばれ、長く続く永遠の名声を得る。
3.6.14
यत् करोति परं धर्मं मुनिर्मूलफलाशनः।
तत्र राज्ञश्चतुर्भागः प्रजा धर्मेण रक्षतः ॥ ३.६.१४ ॥
根と果実を食べる聖者が行う至高のダルマは、その四分の一が、ダルマによって民を守る王に帰する。
3.6.15
सोऽयं ब्राह्मणभूयिष्ठो वानप्रस्थगणो महान्।
त्वन्नाथोऽनाथवद् राम राक्षसैर्हन्यते भृशम् ॥ ३.६.१५ ॥
ラーマよ、バラモンを多く含むこの大勢の林住者は、あなたを守護者としているのに、庇護なき者のように羅刹たちによって大いに殺されている。
3.6.16
एहि पश्य शरीराणि मुनीनां भावितात्मनाम्।
हतानां राक्षसैर्घोरैर्बहूनां बहुधा वने ॥ ३.६.१६ ॥
来て見よ、森の中で凶悪な羅刹たちによって様々に殺された、心の清らかな多くの聖者たちの亡骸を。
3.6.17
पम्पानदीनिवासानामनुमन्दाकिनीमपि।
चित्रकूटालयानां च क्रियते कदनं महत् ॥ ३.६.१७ ॥
パンパー河のほとり、マンダーキニー川沿い、そしてチトラクータに住む人々にも、大いなる殺戮が加えられている。
3.6.18
एवं वयं न मृष्यामो विप्रकारं तपस्विनाम्।
क्रियमाणं वने घोरं रक्षोभिर्भीमकर्मभिः ॥ ३.६.१८ ॥
このように、森で残虐な行いをする羅刹たちが苦行者に加える恐ろしい侮辱を、我々は耐え忍ぶことができない。
3.6.19
ततस्त्वां शरणार्थं च शरण्यं समुपस्थिताः।
परिपालय नो राम वध्यमानान् निशाचरैः ॥ ३.६.१९ ॥
ゆえに我らは庇護を求め、庇護者であるあなたのもとに来ました。ラーマよ、夜行者たちに殺されている我らをお守りください。
3.6.20
परा त्वत्तो गतिर्वीर पृथिव्यां नोपपद्यते।
परिपालय नः सर्वान् राक्षसेभ्यो नृपात्मज ॥ ३.६.२० ॥
勇士よ、この地上においてあなた以外に我らの頼みはありません。王子よ、羅刹から我ら皆をお守りください。
3.6.21
एतच्छ्रुत्वा तु काकुत्स्थस्तापसानां तपस्विनाम्।
इदं प्रोवाच धर्मात्मा सर्वानेव तपस्विनः ॥ ३.६.२१ ॥
苦行者たちのこの言葉を聞いて、正義の心を持つカークットスタの末裔ラーマは、その苦行者たち全員にこう言った。
3.6.22
नैवमर्हथ मां वक्तुमाज्ञाप्योऽहं तपस्विनाम्।
केवलेन स्वकार्येण प्रवेष्टव्यं वनं मया ॥ ३.६.२२ ॥
あなた方がそのように私に言うべきではありません。私は苦行者から命じられるべき者ではありません。ただ己の務めのためにこの森に入らねばならないのです。
3.6.23
विप्रकारमपाक्रष्टुं राक्षसैर्भवतामिमम्।
पितुस्तु निर्देशकरः प्रविष्टोऽहमिदं वनम् ॥ ३.६.२३ ॥
羅刹があなた方に加えるこの害を取り除くため、そして父の命令を果たす者として、私はこの森に入ったのです。
3.6.24
भवतामर्थसिद्ध्यर्थमागतोऽहं यदृच्छया।
तस्य मेऽयं वने वासो भविष्यति महाफलः ॥ ३.६.२४ ॥
あなた方の目的を成し遂げるため、私はたまたまここに来ました。ですから、この森での私の滞在は大きな実りをもたらすでしょう。
3.6.25
तपस्विनां रणे शत्रून् हन्तुमिच्छामि राक्षसान्।
पश्यन्तु वीर्यमृषयः सभ्रातुर्मे तपोधनाः ॥ ३.६.२५ ॥
苦行者たちの敵である羅刹を戦場で討ちたい。苦行を財とする聖仙たちよ、私と兄の武勇を見たまえ。
3.6.26
दत्त्वा वरं चापि तपोधनानां
धर्मे धृतात्मा सह लक्ष्मणेन।
तपोधनैश्चापि सहार्यदत्तः
सुतीक्ष्णमेवाभिजगाम वीरः ॥ ३.६.२६ ॥
苦行者たちに恩恵を与えた後、法に心堅いその英雄は、ラクシュマナおよび苦行者たちとともに、尊者が示したスティークシナのもとへ向かった。