蚁垤《罗摩衍那》 · 篇 3.65
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
3.65.1
तप्यमानं तदा रामं सीताहरणकर्शितम्।
लोकानामभवे युक्तं सांवर्तकमिवानलम् ॥ ३.६५.१ ॥
此时，因悉多被劫而备受煎熬、憔悴不堪的罗摩，宛如毁灭世界的劫末之火。
3.65.2
वीक्षमाणं धनुः सज्यं निःश्वसन्तं पुनः पुनः।
दग्धुकामं जगत् सर्वं युगान्ते च यथा हरम् ॥ ३.६५.२ ॥
罗摩注视着上好弦的弓，一再叹息，想要像劫末的哈罗（湿婆）那样焚烧整个世界。
3.65.3
अदृष्टपूर्वं संक्रुद्धं दृष्ट्वा रामं स लक्ष्मणः।
अब्रवीत् प्राञ्जलिर्वाक्यं मुखेन परिशुष्यता ॥ ३.६५.३ ॥
罗什曼那见罗摩从未如此震怒，便合掌，面色枯槁，说出了这些话。
3.65.4
पुरा भूत्वा मृदुर्दान्तः सर्वभूतहिते रतः।
न क्रोधवशमापन्नः प्रकृतिं हातुमर्हसि ॥ ३.६५.४ ॥
你从前温和而自制，乐于利益一切众生。你不应被愤怒所左右，而舍弃你的本性。
3.65.5
चन्द्रे लक्ष्मीः प्रभा सूर्ये गतिर्वायौ भुवि क्षमा।
एतच्च नियतं नित्यं त्वयि चानुत्तमं यशः ॥ ३.६५.५ ॥
月亮之中有光辉，太阳之中有光明，风中有运行，大地之上有忍耐；而在你身上，无与伦比的声名同样恒常不变。
3.65.6
एकस्य नापराधेन लोकान् हन्तुं त्वमर्हसि।
ननु जानामि कस्यायं भग्नः सांग्रामिको रथः ॥ ३.६५.६ ॥
因一人之罪而毁灭所有世界，于你不相称。我确实知道这辆被毁的战车属于谁。
3.65.7
केन वा कस्य वा हेतोः सयुगः सपरिच्छदः।
खुरनेमिक्षतश्चायं सिक्तो रुधिरबिन्दुभिः ॥ ३.६५.७ ॥
这辆战车连同车轭和全部配件，是被谁、因何缘故毁坏的？被马蹄和车轮边缘所伤，沾满了血滴。
3.65.8
देशो निर्वृत्तसंग्रामः सुघोरः पार्थिवात्मज।
एकस्य तु विमर्दोऽयं न द्वयोर्वदतां वर ॥ ३.६५.८ ॥
王子啊，这里是一场极其可怕的战斗结束的地方。这片践踏只属于一人，而非两人，善言者中最优秀的人啊。
3.65.9
नहि वृत्तं हि पश्यामि बलस्य महतः पदम्।
नैकस्य तु कृते लोकान् विनाशयितुमर्हसि ॥ ३.६५.९ ॥
我在这里看不到大军的足迹。你不应为了一人而毁灭诸世界。
3.65.10
युक्तदण्डा हि मृदवः प्रशान्ता वसुधाधिपाः।
सदा त्वं सर्वभूतानां शरण्यः परमा गतिः ॥ ३.६५.१० ॥
善用刑罚的君王温和而平静。而你始终是一切众生的庇护与至高的依归。
3.65.11
को नु दारप्रणाशं ते साधु मन्येत राघव।
सरितः सागराः शैला देवगन्धर्वदानवाः ॥ ३.६५.११ ॥
啊，罗怙之后，谁会认为你妻子的毁灭是好事？河流、海洋、山峦、天神、乾闼婆与阿修罗也不会这样认为。
3.65.12
नालं ते विप्रियं कर्तुं दीक्षितस्येव साधवः।
येन राजन् हृता सीता तमन्वेषितुमर्हसि ॥ ३.६५.१२ ॥
正如善人不会对发愿守戒之人做不悦之事，也无人能对你做不悦之事。大王啊，你应当去寻找那个劫走悉多的人。
3.65.13
मद्द्वितीयो धनुष्पाणिः सहायैः परमर्षिभिः।
समुद्रं वा विचेष्यामः पर्वतांश्च वनानि च ॥ ३.६५.१३ ॥
我为第二，手持弓箭，借助至上的仙人，我们将寻找大海，或山岳与森林。
3.65.14
गुहाश्च विविधा घोराः पद्मिन्यो विविधास्तथा।
देवगन्धर्वलोकांश्च विचेष्यामः समाहिताः ॥ ३.६५.१४ ॥
各种可怖的洞穴，各种莲花池，以及天神与乾闼婆的世界，我们将凝神寻找。
3.65.15
यावन्नाधिगमिष्यामस्तव भार्यापहारिणम्।
न चेत् साम्ना प्रदास्यन्ति पत्नीं ते त्रिदशेश्वराः।
कोसलेन्द्र ततः पश्चात् प्राप्तकालं करिष्यसि ॥ ३.६५.१५ ॥
直到我们找到你妻子的掳掠者；如果三十天神之主不以和解交还你的妻子，科萨拉之王啊，那么之后，在适当的时候，你将采取行动。
3.65.16
शीलेन साम्ना विनयेन सीतां
नयेन न प्राप्स्यसि चेन्नरेन्द्र।
ततः समुत्सादय हेमपुङ्खै-
र्महेन्द्रवज्रप्रतिमैः शरौघैः ॥ ३.६५.१६ ॥
若你不能以善行、和解、谦逊或策略得到悉多，人主啊，那么就用金羽的箭群，如因陀罗的金刚杵般，将他们彻底消灭。