ヴァールミーキのラーマーヤナ · サルガ 4.12
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
4.12.1
एतच्च वचनं श्रुत्वा सुग्रीवस्य सुभाषितम्।
प्रत्ययार्थं महातेजा रामो जग्राह कार्मुकम् ॥ ४.१२.१ ॥
スグリーヴァのこの善言を聞いて、大いなる威光のラーマは信を得させるために弓を取った。
4.12.2
स गृहीत्वा धनुर्घोरं शरमेकं च मानदः।
सालमुद्दिश्य चिक्षेप पूरयन् स रवैर्दिशः ॥ ४.१२.२ ॥
恐ろしい弓と一本の矢を取り、名誉を与える者はサーラの木を狙って放ち、その響きで四方を満たした。
4.12.3
स विसृष्टो बलवता बाणः स्वर्णपरिष्कृतः।
भित्त्वा सालान् गिरिप्रस्थं सप्तं भूमिं विवेश ह ॥ ४.१२.३ ॥
力ある者が放った金で飾られたその矢は、サーラの木と山の稜線を貫き、第七の大地へと入った。
4.12.4
सायकस्तु मुहूर्तेन सालान् भित्त्वा महाजवः।
निष्पत्य च पुनस्तूणं तमेव प्रविवेश ह ॥ ४.१२.४ ॥
その疾風の矢は一瞬にしてサーラの木を貫き、飛び出してから再び自らの矢筒へと戻った。
4.12.5
तान् दृष्ट्वा सप्त निर्भिन्नान् सालान् वानरपुङ्गवः।
रामस्य शरवेगेन विस्मयं परमं गतः ॥ ४.१२.५ ॥
ラーマの矢の勢いに貫かれた七本のサーラの木を見て、猿の中の傑出者スグリーヴァは大いに驚嘆した。
4.12.6
स मूर्ध्ना न्यपतद् भूमौ प्रलम्बीकृतभूषणः।
सुग्रीवः परमप्रीतो राघवाय कृताञ्जलिः ॥ ४.१२.६ ॥
大いに喜んだスグリーヴァは、飾りを垂らし、合掌してラーガヴァの前に頭を地につけて倒れ伏した。
4.12.7
इदं चोवाच धर्मज्ञं कर्मणा तेन हर्षितः।
रामं सर्वास्त्रविदुषां श्रेष्ठं शूरमवस्थितम् ॥ ४.१२.७ ॥
その行いに喜んで、彼はダルマを知り、あらゆる武器の達人の中で最も優れ、勇猛に堂々と立つラーマに、このように言った。
4.12.8
सेन्द्रानपि सुरान् सर्वांस्त्वं बाणैः पुरुषर्षभ।
समर्थः समरे हन्तुं किं पुनर्वालिनं प्रभो ॥ ४.१२.८ ॥
人中の雄牛よ、主君よ！あなたは矢によって、インドラを含むすべての神々を戦場で討つことができる。ましてヴァーリンを殺すことなど言うまでもない。
4.12.9
येन सप्त महासाला गिरिर्भूमिश्च दारिताः।
बाणेनैकेन काकुत्स्थ स्थाता ते को रणाग्रतः ॥ ४.१२.९ ॥
ただ一本の矢で七本の大きなサーラ樹と山と大地を裂いたお方、カークツトゥスタよ！戦場の最前線で、あなたの前に立てる者が誰かいるでしょうか。
4.12.10
अद्य मे विगतः शोकः प्रीतिरद्य परा मम।
सुहृदं त्वां समासाद्य महेन्द्रवरुणोपमम् ॥ ४.१२.१० ॥
今日、私の悲しみは去り、今日、私に無上の喜びが生じた。マヘーンドラとヴァルナに等しいあなたという友を得たからだ。
4.12.11
तमद्यैव प्रियार्थं मे वैरिणं भ्रातृरूपिणम्।
वालिनं जहि काकुत्स्थ मया बद्धोऽयमञ्जलिः ॥ ४.१२.११ ॥
カークツトゥスタよ、今日このとき、私の愛する幸せのために、兄の姿をした私の敵ヴァーリンを討ってください。私はこうして合掌しています。
4.12.12
ततो रामः परिष्वज्य सुग्रीवं प्रियदर्शनम्।
प्रत्युवाच महाप्राज्ञो लक्ष्मणानुगतं वचः ॥ ४.१२.१२ ॥
すると大いなる知恵を持つラーマは、見目麗しいスグリーヴァを抱擁し、随行するラクシュマナに向かってこの言葉を述べた。
4.12.13
अस्माद्गच्छाम किष्किन्धां क्षिप्रं गच्छ त्वमग्रतः।
गत्वा चाह्वय सुग्रीव वालिनं भ्रातृगन्धिनम् ॥ ४.१२.१३ ॥
ここからキシュキンダーへ行こう。お前は先に急いで行き、スグリーヴァを呼べ。そして兄の匂いを帯びたヴァーリンも呼べ。
4.12.14
सर्वे ते त्वरितं गत्वा किष्किन्धां वालिनः पुरीम्।
वृक्षैरात्मानमावृत्य ह्यतिष्ठन् गहने वने ॥ ४.१२.१४ ॥
彼らは皆すぐにヴァーリンの都キシュキンダーへ行き、木々に身を隠して深い森の中に立った。
4.12.15
सुग्रीवोऽप्यनदद् घोरं वालिनो ह्वानकारणात्।
गाढं परिहितो वेगान्नादैर्भिन्दन्निवाम्बरम् ॥ ४.१२.१५ ॥
スグリーヴァもヴァーリンを呼ぶため、恐ろしい咆哮をあげた。しっかりと身構え、勢いよく吼えて、まるで空を引き裂くかのようであった。
4.12.16
तं श्रुत्वा निनदं भ्रातुः क्रुद्धो वाली महाबलः।
निष्पपात सुसंरब्धो भास्करोऽस्ततटादिव ॥ ४.१२.१६ ॥
弟の咆哮を聞いて、大力のヴァーリンは怒りに燃え、沈む山の岸から昇る太陽のように、激しい怒りをもって躍り出た。
4.12.17
ततः सुतुमुलं युद्धं वालिसुग्रीवयोरभूत्।
गगने ग्रहयोर्घोरं बुधाङ्गारकयोरिव ॥ ४.१२.१७ ॥
そこでヴァーリンとスグリーヴァの間に、激しい戦いが起こった。空で水星と火星が恐ろしく衝突するかのように。
4.12.18
तलैरशनिकल्पैश्च वज्रकल्पैश्च मुष्टिभिः।
जघ्नतुः समरेऽन्योन्यं भ्रातरौ क्रोधमूर्च्छितौ ॥ ४.१२.१८ ॥
稲妻のような掌と、金剛杵のような拳で、二人の兄弟は戦場で互いを打ち合った。怒りに我を失いながら。
4.12.19
ततो रामो धनुष्पाणिस्तावुभौ समुदैक्षत।
अन्योन्यसदृशौ वीरावुभौ देवाविवाश्विनौ ॥ ४.१२.१९ ॥
そこで弓を手にしたラーマは、互いによく似た二人の英雄を注意深く見つめた。まるで双子神アシュヴィンのようであった。
4.12.20
यन्नावगच्छत् सुग्रीवं वालिनं वापि राघवः।
ततो न कृतवान् बुद्धिं मोक्तुमन्तकरं शरम् ॥ ४.१२.२० ॥
ラーガヴァはスグリーヴァとヴァーリを見分けられなかったので、死をもたらす矢を放つ決心をしなかった。
4.12.21
एतस्मिन्नन्तरे भग्नः सुग्रीवस्तेन वालिना।
अपश्यन् राघवं नाथमृष्यमूकं प्रदुद्रुवे ॥ ४.१२.२१ ॥
その間に、ヴァーリに敗れたスグリーヴァは、主君ラーガヴァの姿が見えず、リシュヤムーカへと逃げた。
4.12.22
क्लान्तो रुधिरसिक्ताङ्गः प्रहारैर्जर्जरीकृतः।
वालिनाभिद्रुतः क्रोधात् प्रविवेश महावनम् ॥ ४.१२.२२ ॥
疲れ果て、血にまみれ、打撃でぼろぼろになったスグリーヴァは、ヴァーリに怒りをもって追われ、大きな森に入った。
4.12.23
तं प्रविष्टं वनं दृष्ट्वा वाली शापभयात् ततः।
मुक्तो ह्यसि त्वमित्युक्त्वा स निवृत्तो महाबलः ॥ ४.१२.२३ ॥
彼が森に入るのを見て、ヴァーリは呪いへの恐れから「お前は確かに解放された」と言い、その大力の者は引き返した。
4.12.24
राघवोऽपि सह भ्रात्रा सह चैव हनूमता।
तदेव वनमागच्छत् सुग्रीवो यत्र वानरः ॥ ४.१२.२४ ॥
ラーガヴァも弟とハヌマーンとともに、猿スグリーヴァのいるその森へとやって来た。
4.12.25
तं समीक्ष्यागतं रामं सुग्रीवः सहलक्ष्मणम्।
ह्रीमान् दीनमुवाचेदं वसुधामवलोकयन् ॥ ४.१२.२५ ॥
ラクシュマナと共に来るラーマを見て、恥じ入ったスグリーヴァは、うなだれて大地を見つめながらこう言った。
4.12.26
आह्वयस्वेति मामुक्त्वा दर्शयित्वा च विक्रमम्।
वैरिणा घातयित्वा च किमिदानीं त्वया कृतम् ॥ ४.१२.२६ ॥
「彼に挑め」と私に言い、武勇を示し、敵に私を打たせておきながら、今いったい何をしたのか？
4.12.27
तामेव वेलां वक्तव्यं त्वया राघव तत्त्वतः।
वालिनं न निहन्मीति ततो नाहमितो व्रजे ॥ ४.१२.२७ ॥
ラーガヴァよ、あのときこそ、「私はヴァーリンを殺さない」と真実を言うべきだった。そうであれば、私はここから去りはしなかったのに。
4.12.28
तस्य चैवं ब्रुवाणस्य सुग्रीवस्य महात्मनः।
करुणं दीनया वाचा राघवः पुनरब्रवीत् ॥ ४.१२.२८ ॥
大いなる魂のスグリーヴァがこのように語ると、ラーガヴァは哀れみを込めた沈んだ声で再び言った。
4.12.29
सुग्रीव श्रूयतां तात क्रोधश्च व्यपनीयताम्।
कारणं येन बाणोऽयं स मया न विसर्जितः ॥ ४.१२.२९ ॥
聞いてくれ、スグリーヴァよ、友よ。怒りを捨てよ。私がこの矢を放たなかった理由を聞くがいい。
4.12.30
अलंकारेण वेषेण प्रमाणेन गतेन च।
त्वं च सुग्रीव वाली च सदृशौ स्थः परस्परम् ॥ ४.१२.३० ॥
スグリーヴァよ、装身具、装束、体格、歩みにおいて、お前とヴァーリは互いによく似ている。
4.12.31
स्वरेण वर्चसा चैव प्रेक्षितेन च वानर।
विक्रमेण च वाक्यैश्च व्यक्तिं वां नोपलक्षये ॥ ४.१२.३१ ॥
猿よ、声や輝き、眼差し、武勇、言葉によってさえ、お前たち二人の違いを見分けられない。
4.12.32
ततोऽहं रूपसादृश्यान्मोहितो वानरोत्तम।
नोत्सृजामि महावेगं शरं शत्रुनिबर्हणम् ॥ ४.१२.३२ ॥
それゆえ、姿の似ていることに惑わされて、猿の中の最上の者よ、私は敵を滅ぼす速い矢を放たなかった。
4.12.33
जीवितान्तकरं घोरं सादृश्यात् तु विशङ्कितः।
मूलघातो न नौ स्याद्धि द्वयोरिति कृतो मया ॥ ४.१२.३३ ॥
命を断つ恐ろしい矢。似ていることに疑いを抱き、私は二人ともが根絶されるかもしれないと考えた。
4.12.34
त्वयि वीर विपन्ने हि अज्ञानाल्लाघवान्मया।
मौढ्यं च मम बाल्यं च ख्यापितं स्यात् कपीश्वर ॥ ४.१२.३४ ॥
勇士よ、もしお前が倒れていたなら、無知と軽率さゆえに私の愚かさと幼稚さが世に知れ渡っていただろう、猿の王よ。
4.12.35
दत्ताभयवधो नाम पातकं महदद्भुतम्।
अहं च लक्ष्मणश्चैव सीता च वरवर्णिनी ॥ ४.१२.३५ ॥
安全を約束した者を殺すことは大きく恐ろしい罪である。私もラクシュマナも、美しい肌の女シーターもそれに関わることになる。
4.12.36
त्वदधीना वयं सर्वे वनेऽस्मिन् शरणं भवान्।
तस्माद् युध्यस्व भूयस्त्वं मा माशङ्कीश्च वानर ॥ ४.१२.३६ ॥
この森で私たちは皆お前に頼っている。お前こそ我らの避難所だ。だから猿よ、もう一度戦え、疑ってはならない。
4.12.37
एतन्मुहूर्ते तु मया पश्य वालिनमाहवे।
निरस्तमिषुणैकेन चेष्टमानं महीतले ॥ ४.१२.३७ ॥
今まさに、戦いで私の一本の矢に倒され、地面でもがくヴァーリンを見よ。
4.12.38
अभिज्ञानं कुरुष्व त्वमात्मनो वानरेश्वर।
येन त्वामभिजानीयां द्वन्द्वयुद्धमुपागतम् ॥ ४.१२.३८ ॥
猿の王よ、一騎打ちに来た汝を私が見分けられるよう、何か目印を身につけよ。
4.12.39
गजपुष्पीमिमां फुल्लामुत्पाट्य शुभलक्षणाम्।
कुरु लक्ष्मण कण्ठेऽस्य सुग्रीवस्य महात्मनः ॥ ४.१२.३९ ॥
ラクシュマナよ、この咲き誇る吉兆のガジャプシュピーを摘み、偉大なるスグリーヴァの首にかけよ。
4.12.40
ततो गिरितटे जातामुत्पाट्य कुसुमायुताम्।
लक्ष्मणो गजपुष्पीं तां तस्य कण्ठे व्यसर्जयत् ॥ ४.१२.४० ॥
するとラクシュマナは、山の斜面に生え花に満ちたそのガジャプシュピーを摘み、彼の首にかけた。
4.12.41
स तया शुशुभे श्रीमाँल्लतया कण्ठसक्तया।
मालयेव बलाकानां ससंध्य इव तोयदः ॥ ४.१२.४१ ॥
その輝かしい方は、首に絡みつく蔓のような花環によって輝いた。鷺の列を伴う夕暮れの雨雲のように。
4.12.42
विभ्राजमानो वपुषा रामवाक्यसमाहितः।
जगाम सह रामेण किष्किन्धां पुनराप सः ॥ ४.१२.४२ ॥
身体は輝き、心はラーマの言葉に定めて、ラーマと共に行き、再びキシュキンダーに至った。