ヴァールミーキのラーマーヤナ · サルガ 4.3
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
4.3.1
वचो विज्ञाय हनुमान् सुग्रीवस्य महात्मनः।
पर्वतादृष्यमूकात् तु पुप्लुवे यत्र राघवौ ॥ ४.३.१ ॥
偉大なるスグリーヴァの言葉を理解したハヌマーンは、リシュヤムーカ山から二人のラグと子孫のいる所へ跳んだ。
4.3.2
कपिरूपं परित्यज्य हनुमान् मारुतात्मजः।
भिक्षुरूपं ततो भेजे शठबुद्धितया कपिः ॥ ४.३.२ ॥
猿の姿を捨てた風神の子ハヌマーンは、そこで狡猾な意図から托鉢僧の姿をとった。
4.3.3
ततश्च हनुमान् वाचा श्लक्ष्णया सुमनोज्ञया।
विनीतवदुपागम्य राघवौ प्रणिपत्य च ॥ ४.३.३ ॥
そこでハヌマーンは柔らかく心地よい言葉で、謙虚に二人のラーガヴァに近づき、礼をした。
4.3.4
आबभाषे च तौ वीरौ यथावत् प्रशशंस च।
सम्पूज्य विधिवद् वीरौ हनुमान् वानरोत्तमः ॥ ४.३.४ ॥
猿の中の最上の者ハヌマーンは、二人の英雄に相応しく語りかけ、称賛し、規定どおりに敬意を捧げた。
4.3.5
उवाच कामतो वाक्यं मृदु सत्यपराक्रमौ।
राजर्षिदेवप्रतिमौ तापसौ संशितव्रतौ ॥ ४.३.५ ॥
ハヌマーンは、真の勇気を持ち、王仙や神々に等しく、誓いを固く守る二人の苦行者に、思いのままに柔らかな言葉を語った。
4.3.6
देशं कथमिमं प्राप्तौ भवन्तौ वरवर्णिनौ।
त्रासयन्तौ मृगगणानन्यांश्च वनचारिणः ॥ ४.३.६ ॥
容姿の美しいお二方よ、鹿の群れや他の森の生き物たちを脅かしながら、どうしてこの地にいらしたのですか。
4.3.7
पम्पातीररुहान् वृक्षान् वीक्षमाणौ समन्ततः।
इमां नदीं शुभजलां शोभयन्तौ तरस्विनौ ॥ ४.३.७ ॥
パンパー河岸に生い茂る木々を四方に眺め、この清らかな水の川を彩る、俊敏で力ある二人。
4.3.8
धैर्यवन्तौ सुवर्णाभौ कौ युवां चीरवाससौ।
निःश्वसन्तौ वरभुजौ पीडयन्ताविमाः प्रजाः ॥ ४.३.८ ॥
気丈で金色に輝き、樹皮の衣をまとい、嘆息し、力ある腕を持つ二人よ、この生き物たちを苦しめるあなた方は誰か。
4.3.9
सिंहविप्रेक्षितौ वीरौ महाबलपराक्रमौ।
शक्रचापनिभे चापे गृहीत्वा शत्रुनाशनौ ॥ ४.३.९ ॥
獅子のような眼差しの勇士、大いなる力と武勇を備え、インドラの弓のごとき弓を取る敵の殲滅者、二人よ。
4.3.10
श्रीमन्तौ रूपसम्पन्नौ वृषभश्रेष्ठविक्रमौ।
हस्तिहस्तोपमभुजौ द्युतिमन्तौ नरर्षभौ ॥ ४.३.१० ॥
栄光に満ち、美しさを備え、最上の牡牛のような勇気を持ち、象の鼻のような腕を持つ、輝く人中の雄牛二人よ。
4.3.11
प्रभया पर्वतेन्द्रोऽसौ युवयोरवभासितः।
राज्यार्हावमरप्रख्यौ कथं देशमिहागतौ ॥ ४.३.११ ॥
あなた方二人の輝きによって、この山の王は照らし出されている。王位にふさわしく、不死の神々のような二人は、どうしてこの地に来たのか。
4.3.12
पद्मपत्रेक्षणौ वीरौ जटामण्डलधारिणौ।
अन्योन्यसदृशौ वीरौ देवलोकादिहागतौ ॥ ४.३.१२ ॥
蓮の花びらのような眼を持ち、もつれた髪の束を戴き、互いに似通った二人の勇士よ、あなた方は天界からここへ来たのか。
4.3.13
यदृच्छयेव सम्प्राप्तौ चन्द्रसूर्यौ वसुंधराम्।
विशालवक्षसौ वीरौ मानुषौ देवरूपिणौ ॥ ४.३.१३ ॥
たまたま地上に降りた月と太陽のように、広い胸を持つこの二人の英雄は人間でありながら神の姿をしている。
4.3.14
सिंहस्कन्धौ महोत्साहौ समदाविव गोवृषौ।
आयताश्च सुवृत्ताश्च बाहवः परिघोपमाः ॥ ४.३.१४ ॥
獅子のような肩を持ち、大いに意気盛んで、発情した雄牛のようだ。長く、丸く整った腕は鉄の棍棒のようである。
4.3.15
सर्वभूषणभूषार्हाः किमर्थं न विभूषिताः।
उभौ योग्यावहं मन्ये रक्षितुं पृथिवीमिमाम् ॥ ४.३.१५ ॥
あらゆる装身具に値する二人なのに、なぜ飾っていないのか。私は、この二人こそこの大地を守るにふさわしいと思う。
4.3.16
ससागरवनां कृत्स्नां विन्ध्यमेरुविभूषिताम्।
इमे च धनुषी चित्रे श्लक्ष्णे चित्रानुलेपने ॥ ४.३.१६ ॥
海と森に満ちた大地全体は、ヴィンディヤとメールの山々に飾られている。そしてこの二張の見事で滑らかな、彩色の塗られた弓。
4.3.17
प्रकाशेते यथेन्द्रस्य वज्रे हेमविभूषिते।
सम्पूर्णाश्च शितैर्बाणैस्तूणाश्च शुभदर्शनाः ॥ ४.३.१७ ॥
インドラの金で飾られた雷霆のように輝いている。鋭い矢で満ちた箭筒は、見るからに吉兆である。
4.3.18
जीवितान्तकरैर्घोरैर्ज्वलद्भिरिव पन्नगैः।
महाप्रमाणौ विपुलौ तप्तहाटकभूषणौ ॥ ४.३.१८ ॥
命を断つ恐ろしい、燃え盛る蛇のようだ。その二人は偉大な体躯で、熱して打たれた金の装飾で飾られている。
4.3.19
खड्गावेतौ विराजेते निर्मुक्तभुजगाविव।
एवं मां परिभाषन्तं कस्माद् वै नाभिभाषतः ॥ ४.३.१९ ॥
この二振りの剣は、抜け殻を脱いだ蛇のように輝いている。私がこのように話しかけているのに、なぜ答えてくださらないのか。
4.3.20
सुग्रीवो नाम धर्मात्मा कश्चिद् वानरपुङ्गवः।
वीरो विनिकृतो भ्रात्रा जगद्भ्रमति दुःखितः ॥ ४.३.२० ॥
スグリーヴァという名の、義に篤い猿の中の勇士がいる。兄に辱められた英雄は、悲しみながら世界をさまよっている。
4.3.21
प्राप्तोऽहं प्रेषितस्तेन सुग्रीवेण महात्मना।
राज्ञा वानरमुख्यानां हनुमान् नाम वानरः ॥ ४.३.२१ ॥
偉大な心の持ち主スグリーヴァに遣わされて私はここに来た。猿の王の使者であり、私の名はハヌマーンという猿である。
4.3.22
युवाभ्यां स हि धर्मात्मा सुग्रीवः सख्यमिच्छति।
तस्य मां सचिवं वित्तं वानरं पवनात्मजम् ॥ ४.३.२२ ॥
その義に篤いスグリーヴァは、お二人との友好を望んでいます。彼の大臣であり、風の神の子である猿の私を知ってください。
4.3.23
भिक्षुरूपप्रतिच्छन्नं सुग्रीवप्रियकारणात्।
ऋष्यमूकादिह प्राप्तं कामगं कामचारिणम् ॥ ४.३.२३ ॥
スグリーヴァの喜ぶことをするため、托鉢僧の姿に身をやつしてリシュヤムーカからここに来た。私は思うままに行き、思うままに歩くことができる。
4.3.24
एवमुक्त्वा तु हनुमांस्तौ वीरौ रामलक्ष्मणौ।
वाक्यज्ञो वाक्यकुशलः पुनर्नोवाच किंचन ॥ ४.३.२४ ॥
このように述べると、言葉を知り話術に長けたハヌマーンは、あの二人の英雄ラーマとラクシュマナに、もう何も語らなかった。
4.3.25
एतच्छ्रुत्वा वचस्तस्य रामो लक्ष्मणमब्रवीत्।
प्रहृष्टवदनः श्रीमान् भ्रातरं पार्श्वतः स्थितम् ॥ ४.३.२५ ॥
その言葉を聞いて、喜びに満ちた顔のシュリーマーン・ラーマは、傍らに立つ弟ラクシュマナに言った。
4.3.26
सचिवोऽयं कपीन्द्रस्य सुग्रीवस्य महात्मनः।
तमेव कांक्षमाणस्य ममान्तिकमिहागतः ॥ ४.३.२६ ॥
この方は偉大なる猿王スグリーヴァの大臣です。ほかならぬ私を求めて、ここまで来られたのです。
4.3.27
तमभ्यभाष सौमित्रे सुग्रीवसचिवं कपिम्।
वाक्यज्ञं मधुरैर्वाक्यैः स्नेहयुक्तमरिंदमम् ॥ ४.३.२७ ॥
スミトラーの御子よ、スグリーヴァの大臣であり、言葉に巧みで敵を制する彼の猿に、甘美で愛情に満ちた言葉で話しかけなさい。
4.3.28
नानृग्वेदविनीतस्य नायजुर्वेदधारिणः।
नासामवेदविदुषः शक्यमेवं विभाषितुम् ॥ ४.३.२८ ॥
リグ・ヴェーダで訓練を受けず、ヤジュル・ヴェーダを保持せず、サーマ・ヴェーダに通じていない者には、このように話すことはできない。
4.3.29
नूनं व्याकरणं कृत्स्नमनेन बहुधा श्रुतम्।
बहु व्याहरतानेन न किंचिदपशब्दितम् ॥ ४.३.२९ ॥
彼はきっと文法全体を様々な面から学んだのだ。これほど多く話しても、一つの誤った言葉も発しなかったのだから。
4.3.30
न मुखे नेत्रयोश्चापि ललाटे च भ्रुवोस्तथा।
अन्येष्वपि च सर्वेषु दोषः संविदितः क्वचित् ॥ ४.३.३० ॥
その顔にも、目にも、額や眉にも、そして他のすべての部位にも、どこにも欠点は認められない。
4.3.31
अविस्तरमसंदिग्धमविलम्बितमव्यथम्।
उरःस्थं कण्ठगं वाक्यं वर्तते मध्यमस्वरम् ॥ ४.३.३१ ॥
冗長でも曖昧でもなく、急がず、つかえることもなく、胸に宿り喉から発せられる、中音の言葉。
4.3.32
संस्कारक्रमसम्पन्नामद्भुतामविलम्बिताम्।
उच्चारयति कल्याणीं वाचं हृदयहर्षिणीम् ॥ ४.३.३२ ॥
整然と洗練され、驚くべく、急がず、吉祥で心を喜ばせる言葉を、彼は発する。
4.3.33
अनया चित्रया वाचा त्रिस्थानव्यञ्जनस्थया।
कस्य नाराध्यते चित्तमुद्यतासेररेरपि ॥ ४.३.३३ ॥
胸・喉・頭の三つの声域で表されるこの色彩豊かな言葉に、誰の心が和まないだろうか。剣を振りかざした敵ですら。
4.3.34
एवंविधो यस्य दूतो न भवेत् पार्थिवस्य तु।
सिद्ध्यन्ति हि कथं तस्य कार्याणां गतयोऽनघ ॥ ४.३.३४ ॥
このような使者を持たない王の事業は、無垢なる者よ、どうして成就するだろうか。
4.3.35
एवंगुणगणैर्युक्ता यस्य स्युः कार्यसाधकाः।
तस्य सिद्ध्यन्ति सर्वेऽर्था दूतवाक्यप्रचोदिताः ॥ ४.३.३५ ॥
このような数々の資質を備えた、事業を成し遂げる使者を持つ者は、使者の言葉に導かれて、その目的はすべて成就する。
4.3.36
एवमुक्तस्तु सौमित्रिः सुग्रीवसचिवं कपिम्।
अभ्यभाषत वाक्यज्ञो वाक्यज्ञं पवनात्मजम् ॥ ४.३.३६ ॥
このように語りかけられて、言葉に通じたラクシュマナは、スグリーヴァの大臣である猿、風神の子であり同じく言葉に巧みな者に語りかけた。
4.3.37
विदिता नौ गुणा विद्वन् सुग्रीवस्य महात्मनः।
तमेव चावां मार्गावः सुग्रीवं प्लवगेश्वरम् ॥ ४.३.३७ ॥
賢者よ、私たちは偉大な魂スグリーヴァの徳を知っています。私たち二人は、まさにその猿の王スグリーヴァを探すのです。
4.3.38
यथा ब्रवीषि हनुमन् सुग्रीववचनादिह।
तत् तथा हि करिष्यावो वचनात् तव सत्तम ॥ ४.३.३८ ॥
ハヌマーンよ、スグリーヴァの言葉によってあなたがここで言う通り、善人の中の最も優れた方よ、あなたの言葉に従い、私たちはそのとおりにいたします。
4.3.39
तत् तस्य वाक्यं निपुणं निशम्य
प्रहृष्टरूपः पवनात्मजः कपिः।
मनः समाधाय जयोपपत्तौ
सख्यं तदा कर्तुमियेष ताभ्याम् ॥ ४.३.३९ ॥
彼らの巧みな言葉を聞いて、風神の子である猿の顔は喜びに輝いた。勝利を得ることに心を定め、そのとき彼は二人と友情を結びたいと望んだ。