蚁垤《罗摩衍那》 · 篇 4.37
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
4.37.1
एवमुक्तस्तु सुग्रीवो लक्ष्मणेन महात्मना।
हनूमन्तं स्थितं पार्श्वे वचनं चेदमब्रवीत् ॥ ४.३७.१ ॥
高尚的罗什曼那如此说罢，须羯哩婆便对站在身旁的哈奴曼说了这番话。
4.37.2
महेन्द्रहिमवद्विन्ध्यकैलासशिखरेषु च।
मन्दरे पाण्डुशिखरे पञ्चशैलेषु ये स्थिताः ॥ ४.३७.२ ॥
凡居住在摩诃因陀罗山、雪山、温底耶山、凯拉萨峰顶，曼陀罗山、般度峰及五座山上的（猴众）——
4.37.3
तरुणादित्यवर्णेषु भ्राजमानेषु नित्यशः।
पर्वतेषु समुद्रान्ते पश्चिमस्यां तु ये दिशि ॥ ४.३७.३ ॥
凡在西方、海边，那些常如初升太阳色彩般闪耀的山岳上的（猴众）——
4.37.4
आदित्यभवने चैव गिरौ संध्याभ्रसंनिभे।
पद्माचलवनं भीमाः संश्रिता हरिपुंगवाः ॥ ४.३७.४ ॥
以及在太阳宫中、在如晚霞云般的山上、在莲花山林中栖身的凶猛猴中之雄——
4.37.5
अञ्जनाम्बुदसंकाशाः कुञ्जरेन्द्रमहौजसः।
अञ्जने पर्वते चैव ये वसन्ति प्लवंगमाः ॥ ४.३७.५ ॥
肤色如黛、如乌云，力量如象王的，以及栖居在安闍那山上的跳跃之猴——
4.37.6
महाशैलगुहावासा वानराः कनकप्रभाः।
मेरुपार्श्वगताश्चैव ये च धूम्रगिरिं श्रिताः ॥ ४.३७.६ ॥
栖居于大山洞穴中、金光闪耀的猴众，居于须弥山侧的，以及栖身于烟山的——
4.37.7
तरुणादित्यवर्णाश्च पर्वते ये महारुणे।
पिबन्तो मधु मैरेयं भीमवेगाः प्लवंगमाः ॥ ४.३७.७ ॥
那些速度可怖、色如初升朝阳的跳跃猿猴，在大赤山上饮用蜂蜜与迈勒耶酒。
4.37.8
वनेषु च सुरम्येषु सुगन्धिषु महत्सु च।
तापसाश्रमरम्येषु वनान्तेषु समन्ततः ॥ ४.३७.८ ॥
在美丽芬芳的大森林中，以及因苦行者的隐居处而宜人的林缘，四面八方。
4.37.9
तांस्तांस्त्वमानय क्षिप्रं पृथिव्यां सर्ववानरान्।
सामदानादिभिः कल्पैर्वानरैर्वेगवत्तरैः ॥ ४.३७.९ ॥
你要迅速把大地上那些猿猴全部带来，用怀柔、赠礼等方法，派遣比他们更快的猿猴去。
4.37.10
प्रेषिताः प्रथमं ये च मयाऽऽज्ञाता महाजवाः।
त्वरणार्थं तु भूयस्त्वं सम्प्रेषय हरीश्वरान् ॥ ४.३७.१० ॥
先前派出、我已下令的那些大速度猿猴；但为了加快，你要再派那些猿猴之主去。
4.37.11
ये प्रसक्ताश्च कामेषु दीर्घसूत्राश्च वानराः।
इहानयस्व तान् शीघ्रं सर्वानेव कपीश्वरान् ॥ ४.३७.११ ॥
把那些沉溺于享乐、拖延迟缓的猿猴之主，全部迅速带到这里来。
4.37.12
अहोभिर्दशभिर्ये च नागच्छन्ति ममाज्ञया।
हन्तव्यास्ते दुरात्मानो राजशासनदूषकाः ॥ ४.३७.१२ ॥
凡十日之内不遵我命而来者，这些恶徒、违犯王命之人，应当被杀。
4.37.13
शतान्यथ सहस्राणि कोट्यश्च मम शासनात्।
प्रयान्तु कपिसिंहानां निदेशे मम ये स्थिताः ॥ ४.३७.१३ ॥
奉我之命，愿那些听候我号令的猴中之狮，成百上千乃至千万，即刻出发。
4.37.14
मेघपर्वतसंकाशाश्छादयन्त इवाम्बरम्।
घोररूपाः कपिश्रेष्ठा यान्तु मच्छासनादितः ॥ ४.३७.१४ ॥
如云山一般，仿佛遮蔽天空，愿形貌可怖的猴中之最，依我之命，即刻从此出发。
4.37.15
ते गतिज्ञा गतिं गत्वा पृथिव्यां सर्ववानराः।
आनयन्तु हरीन् सर्वांस्त्वरिताः शासनान्मम ॥ ४.३७.१५ ॥
那些熟知道路的猴子们，走遍大地之后，依我之命迅速把所有猴子都带来。
4.37.16
तस्य वानरराजस्य श्रुत्वा वायुसुतो वचः।
दिक्षु सर्वासु विक्रान्तान् प्रेषयामास वानरान् ॥ ४.३७.१६ ॥
风神之子闻听猴王之言，便向四面八方派出勇猛的猴子们。
4.37.17
ते पदं विष्णुविक्रान्तं पतत्त्रिज्योतिरध्वगाः।
प्रयाताः प्रहिता राज्ञा हरयस्तु क्षणेन वै ॥ ४.३७.१७ ॥
受国王所遣，那些猴子转瞬之间出发，沿着鸟与星辰的路径，如毗湿奴的步伐般前行。
4.37.18
ते समुद्रेषु गिरिषु वनेषु च सरस्सु च।
वानरा वानरान् सर्वान् रामहेतोरचोदयन् ॥ ४.३७.१८ ॥
他们穿越海洋、山岭、森林与湖泊，为了罗摩而催促所有的猴子。
4.37.19
मृत्युकालोपमस्याज्ञां राजराजस्य वानराः।
सुग्रीवस्याययुः श्रुत्वा सुग्रीवभयशङ्किताः ॥ ४.३७.१९ ॥
猴子们听闻如死亡时刻般的诸王之王须羯里婆的命令，因畏惧须羯里婆而战栗着前来。
4.37.20
ततस्तेऽञ्जनसंकाशा गिरेस्तस्मान्महाबलाः।
तिस्रः कोट्यः प्लवंगानां निर्ययुर्यत्र राघवः ॥ ४.३७.२० ॥
于是，那些如黑眼膏般黝黑的大力猴群，三千万之众，从那座山上出发，前往罗怙后裔所在之处。
4.37.21
अस्तं गच्छति यत्रार्कस्तस्मिन् गिरिवरे रताः।
संतप्तहेमवर्णाभास्तस्मात् कोट्यो दश च्युताः ॥ ४.३७.२१ ॥
那些在落日所在的那座最高山上嬉戏、色如熔金的一千万群猴，从那里出发了。
4.37.22
कैलासशिखरेभ्यश्च सिंहकेसरवर्चसाम्।
ततः कोटिसहस्राणि वानराणां समागमन् ॥ ४.३७.२२ ॥
从凯拉萨山峰而来，以及具有狮鬃光彩的猴群；于是数千亿猴群聚集而来。
4.37.23
फलमूलेन जीवन्तो हिमवन्तमुपाश्रिताः।
तेषां कोटिसहस्राणां सहस्रं समवर्तत ॥ ४.३७.२३ ॥
那些以果实与根茎为生、依托喜马拉雅而居的数千亿猴群之中，又有一千只猴子前来聚集。
4.37.24
अङ्गारकसमानानां भीमानां भीमकर्मणाम्।
विन्ध्याद् वानरकोटीनां सहस्राण्यपतन् द्रुतम् ॥ ४.३७.२४ ॥
那些如炭火般炽红、行事凶猛可怖的猴群，数千亿之众，迅速从温底耶山上奔下。
4.37.25
क्षीरोदवेलानिलयास्तमालवनवासिनः।
नारिकेलाशनाश्चैव तेषां संख्या न विद्यते ॥ ४.३७.२५ ॥
居于乳海之滨、栖息于多罗林、以椰子为食的那些猴众，其数量无从得知。
4.37.26
वनेभ्यो गह्वरेभ्यश्च सरिद्भ्यश्च महाबलाः।
आगच्छद् वानरी सेना पिबन्तीव दिवाकरम् ॥ ४.३७.२६ ॥
猴子大军从森林、洞穴和河流中涌来，仿佛要将太阳饮尽。
4.37.27
ये तु त्वरयितुं याता वानराः सर्ववानरान्।
ते वीरा हिमवच्छैले ददृशुस्तं महाद्रुमम् ॥ ४.३७.२७ ॥
那些前去催促众猴的勇猛猴子，在喜马拉雅山上看见了那棵大树。
4.37.28
तस्मिन् गिरिवरे पुण्ये यज्ञो माहेश्वरः पुरा।
सर्वदेवमनस्तोषो बभूव सुमनोरमः ॥ ४.३७.२८ ॥
很久以前，在那座神圣而殊胜的山上，曾举行过一场大自在天的祭祀，使诸天的心意皆感欣悦，极为美妙。
4.37.29
अन्ननिस्यन्दजातानि मूलानि च फलानि च।
अमृतस्वादुकल्पानि ददृशुस्तत्र वानराः ॥ ४.३७.२९ ॥
猴子们在那里看见了由食物之流所生的根和果，其味如甘露。
4.37.30
तदन्नसम्भवं दिव्यं फलमूलं मनोहरम्।
यः कश्चित् सकृदश्नाति मासं भवति तर्पितः ॥ ४.३७.३० ॥
凡有人只要吃过一次那由食物所生的神妙美好的果与根，便能饱足整整一个月。
4.37.31
तानि मूलानि दिव्यानि फलानि च फलाशनाः।
औषधानि च दिव्यानि जगृहुर्हरिपुंगवाः ॥ ४.३७.३१ ॥
以果为食的众猴中的上者，取走了那些神圣的根与果，以及神药。
4.37.32
तस्माच्च यज्ञायतनात् पुष्पाणि सुरभीणि च।
आनिन्युर्वानरा गत्वा सुग्रीवप्रियकारणात् ॥ ४.३७.३२ ॥
众猴又从那祭坛之处前往，取来芬芳的花朵，以使须羯哩婆欢喜。
4.37.33
ते तु सर्वे हरिवराः पृथिव्यां सर्ववानरान्।
संचोदयित्वा त्वरितं यूथानां जग्मुरग्रतः ॥ ४.३७.३३ ॥
那些优秀的猴子们迅速催促大地上的所有猴子，走在各队之前。
4.37.34
ते तु तेन मुहूर्तेन कपयः शीघ्रचारिणः।
किष्किन्धां त्वरया प्राप्ताः सुग्रीवो यत्र वानरः ॥ ४.३७.३४ ॥
那些行动迅捷的猴子在那一刻便急速抵达了基什金陀，那里有猴王须羯哩婆。
4.37.35
ते गृहीत्वौषधीः सर्वाः फलमूलं च वानराः।
तं प्रतिग्राहयामासुर्वचनं चेदमब्रुवन् ॥ ४.३७.३५ ॥
众猴取来所有的草药、果实和根茎，请他收下，并说了这些话。
4.37.36
सर्वे परिसृताः शैलाः सरितश्च वनानि च।
पृथिव्यां वानराः सर्वे शासनादुपयान्ति ते ॥ ४.३७.३६ ॥
所有的山岳、河流与森林都已搜寻；大地上的所有猴子都遵从您的命令前来。
4.37.37
एवं श्रुत्वा ततो हृष्टः सुग्रीवः प्लवगाधिपः।
प्रतिजग्राह च प्रीतस्तेषां सर्वमुपायनम् ॥ ४.३७.३७ ॥
猴王须羯喜闻此言，欣然接受了他们所献的全部礼物。